Was spielsch grad retrigs?

[Panther]

dä laserschuss isch dä best, gits aber erst ab stage 5 oder so. mit dem killsch alli böss ines paar sekunde....

jo aber ebbe stage 5... glaub im boomerang kasch en als standart ha

[sadoanarcho]

ich spiele Splatterhouse 3 ufem Mega Drive (jp), ich find das Spiel gid sehr viel her, präsentations- und gameplaytechnisch.

[geosnow]

isches da mit de charte?

[rebornkid]

Bin grad a Salamander uf de PC-Engine dra.

[damian]

ich spiele Splatterhouse 3 ufem Mega Drive (jp), ich find das Spiel gid sehr viel her, präsentations- und gameplaytechnisch.

ich bin nöd rächt druscho bi dem spiel. mer chan sich verirre und so...

[geosnow]

Snowbros

läck, das Spiel wird no happig im 3. Level.

[Reinforced]

Snowbros

de geobros

[sadoanarcho]

bez. Splätterhouse 3

Genau, das mit de Charte und em frei wählbare Wäg durs Huus. Ich chan mer aber nöd vorstelle, dass mer sich gross chan verlaufe, 's gid kei Sackgassene und mit de Charte isch d’Orientierig eifach.

's Game häd en Horror-Huus-Plot midere fiese Body-Horror-Atmosphäre, Familiemitglieder werded vode Monster gjagt und mit Würm infiziert, de ersti Boss stört mer wärt eme Liechemal. Allerdings lad sich d’Rolleverteilig nöd so klar i „sich wehrends Opfer“ und „Aggressor“ ufteile, will de Nick fühlt sich selber wienes Monster a und isch genauso brutal underwägs wie sini Gägner. 's Gameplay isch zwar nöd wit weg vomene Standard-Belt-Fighter, dur die verschiedne Throw-Finisher, em Spin-Kick und de Möglichkeit, sich churzzitig in brachiale Monster-Rick z’verwandle spielt sich 's Game aber actionglade, flüssig und aspruchsvoll.

de Spin-Kick isch en churze unbesiegbarkeits-Move wo d’Gegner umknockt und wo zwar immer awändbar isch, aber chum Schade macht. Er isch aber perfekt zum reflexartig Bedrohige z’kontere, z.B. Slidekicks vode Gegner. Als Monster-Rick isch mer so öppis wiene Höllegwallt und wüelt sich dur d’Gägner wo sich afühled wie nassi Säck, oder chnätted si zu Mues. Es lohnt sich, de Monster-Modus regelmässig z’zünde, so gad mer am ökonomischte mit de Monster-Energie um und 's Spiel spielt sich flüssiger.

8/10


d’US-Version isch dur en andere, viel stärchere Spinkick gameplay-technisch übrigens viel ärmer.

[damian]

ich versuechs denn namal. hans nur uf dä sd charte. isch nöd grad s'günstigste spiel au

allgemein machts spiel en qualitativ hochwertige iidruck

[evo]

isch zwar erst grad am fritig useko aber retroforum isch mehr fun und mehr liebe:

fire emblem fates agspielt. macht schomol e rächt guete ihdruck, bsunders storrymässig mit dene 3 versione wo t story us ere andere sicht belüüchte. wenn komplett drusko wetsch muesch alli 3 duremache. verglichbar mit zelda oracle serie. si unterscheide sich au spielerisch, so isch s birthright eher wie FE awakening mit worldmap und bounty quests wod quasi unändlich exp und gold erfarme kasch wärend d conquest version eher so wie die alte FE's isch, aso mehr hardcore wo die verfüegbari exp bewusst uf dini verfüegbare männli verteilsch. im game sälber hänssis au chli fründlicher gmacht für neuling, so kammer nit nur dr permadeath uschalte wie scho im awakening, sondern no zuesätzliche phönix mode wähle, dort erhole si sich sogar innerhalb vonere mission wider wenn t HP uf 0 sinkt. würdi aber nit empfähle, macht chli s gamedesign kaputt findi. ischhalt fürd generation "zruglehne und gnüsse", wo frustriert wird sobalds eimol e mission nit uf ahib schaffe. waffe verliere au kei haltbarkeit mehr...

[turntablism]

Namco collection böx360

Pac man - classic scho lang lang nümm gspillt und nümm chöne ufhöre.
Ms pac man - findi no bitzeli besser, addict
Pac mania - was wotsch no meh..
Dragon spirit - verdammt schwirig ! hans eifacher in erinnerig gha, glaubs pcengine dazumal.

De rescht vo de collection chunnt spöter zum spiel..

[geosnow]

Pce isch au en port und kei emulation. Drum isch natürlich au viel geiler.

[Andy]

Last Blade2 för ps4.

[geosnow]

Häts läg?

[damian]

alles hät lag. je me transistore alles duremues desto me lag häts.

[turntablism]

läg du mier

[geosnow]

Jaja, aber bim DC häts viel läg gah im verglich zum neogeo.

[damian]

alles neue hät viel lag im vergliich zum neogeo. isch normal. neogeo isch viel simpler vo dä architektur. isch wie ä flüüge hät au viel schnelleri reaktionsziit als en mänsch.

[geosnow]

klar, mues aber nöd sii. wenn s lb2 kein emulator sondern en port isch, chöntis was werde.

[damian]

klar, mues aber nöd sii. wenn s lb2 kein emulator sondern en port isch, chöntis was werde.

nei, das hät nüt mit dem ztue. neui computer händ per se immer me lag als alti. lueg doch mal was vom chnopf vo dim stick und em pixel uf em bildschirm alles für elektronik derzwüschegschalte isch. das git eifach lag, reine hardware fakt. oftmals merkt mers eifach nur bi prügler oder shmups wo mer sehr viel gspielt hät. normalerwis fallt die 10tel sekunde nöd uf. s'chlihirn passt d'motorik automatisch aa. nur profis vome spiel chönd dä lag wahrnäh.

[geosnow]

Diä 10tel sekunde isch doch mir egal. Aber bim sf3 3rd strike uf em DC isch uffallend, wiä viel läg das häsch. S timing stimmt niä. Bim SF V uf de ps4 isch es aber ok.

[damian]

ich glaubs me dass du 2d streetfighter halt ohni lag glernt häsch, drum fallt der jetzt uf dass s'timing nöd stimmt. sf4 hingege häsch vo aafang aa mit lag glernt.

[geosnow]

bim saturn isch s sfz3 huere guet spielbar. ich finds sogar besser als d arcade version, will bi dere nöd alli modi ohni tastecombi abruefbar sind. jetzt hani grad s sf2 hyper fighting als cps1 im cab und das isch extrem guet spielbar.

[damian]

saturn hät au weniger lag, will ebä älter und drum simpleri architektur. cps 1 hät no weniger lag vermuetli.

[geosnow]

de isch aber au nöd grad die unkompliziertischt konsole.