The(G)Forum

13 Assassins -> 8/10 Zum Teil, und vor allem i gwüssä Momänt en ganz guete Film. Klar, mer chönt drüber Striitä öb d Schlacht so lang und repetiv müest sii, öbs tatsächlich, sägemer mol, nid so grandios animierti, CGI Ochsä brucht, obwohls e sehr churzi und unnötigi Szenä isch, und öb all diä Szenä am Afang so müend si wies sind. Aber es wär ebä au chli komisch für en Film vom Miike wenn er sich würd a Konventionä haltä, kei Stilfremdi Szenä würd ibauä, und nid do oder det e Prisä Trash würd streuä, dassmer sich frögt, öbers tatsächlich so gmacht hed wilsem um das gangä isch wo zeigt wird, oder villicht doch eher will kei einzigä Grund defür spricht, wenn s Ziel en möglichscht guete Film wär.

Kriegerin -> 4/10 z sägä es sig en durä und durä schlächtä Film wär es bitz unfair, für das händ si sich vil z vil Müä geh. Und Handwerklich ischer nid übel. Aber leider isch all diä Müä füt nüt gsi. Inhaltlich isch de Film eigentlich gar nüt wert. Nüt für das s ich glohnt hed en Film zmachä, oder nur scho z luege.
Abgseh vom Inhalt, isch aber au erzählerisch de Anfang chum luegbar. Nach 20 min. hani fascht abgschaltet (bzw. ich han en Pausä igleit, nochher glich nomol witer gluegt). Nochher wirds im Verlauf chli bessser, und de Schluss isch scho fascht guet, scho fascht zu guet. Er chönt eim fascht mitere verhältnismässig vil z höchä Meinig zum Film zrugloh. Allerdings wird das, mer will fascht sägä zum Glück, dur en absolut dämlichä und unpassende Voice-Over-Satz unmittelbar am Schluss zueverlässig verhindered. Sälte gseh wiä es Ändi so versaut wird... aber bezeichnend für de Film.

Rambo First Blood (8/10)

Tourist (7/10)
Evil Dead (10/10) wiel ds original
Evil Dead II (10/10) wiel eifach u hueren suprig isch

Gone Baby Gone 10/10

Tatsujin hat geschrieben:Tourist (7/10)
Evil Dead (10/10) wiel ds original
Evil Dead II (10/10) wiel eifach u hueren suprig isch

freusch die scho uf s'remake?

Find de Evil Dead bis uf paar Szenä also no rächt lahm, vor allem wemers mitem 2 oder em Army of Darkness verglicht (au, oder villicht ebä au grad, wenn das natürlich eigentlich alles völlig verschiedeni Film sind).

Du muesch eifach au in betracht zieh, mit welche eifache mittle, budget und problems de erscht gmacht isch worde. es absoluts meischterwerk und en neue generegründer.

Budgets:

evil dead: $375,000
evil dead II: $3,600,000
AoD: $13,000,000

tschernobyl diaries

die erscht viertelstund macht HÄSSIG, dummi amis i ihrem dumme klischeewältbild plus 2 alibi nödamis, dänn wirds rächt guet (und sie schliiche a de exakt gliiche ort ume wie die im stalker spieli) und die letschte 10 minute sind doof. kei idee für en guete schluss gha.

machine gun preacher
8/10

recht emotionale lueg gsi

Feast

schlächtischt film jemals. ein liechtblick (bsunders will ichs im voruus nöd gwüsst han): de henry rollins als überdork mit guete linie. wahrschiinli will er die sälber gschriebe hett. und im spötere verlauf das no im wiisse hämp mit rosa tränerhose. film susch katastrof. dumm. gruusig nur um de gruusig wille. absolut dilettantischidotische abfall für d'höhöhö fraktion.

Tatsujin hat geschrieben:Du muesch eifach au in betracht zieh, mit welche eifache mittle, budget und problems de erscht gmacht isch worde. es absoluts meischterwerk und en neue generegründer.

Budgets:

evil dead: $375,000
evil dead II: $3,600,000
AoD: $13,000,000

Ja das isch natürlich scho au en Punkt. En andere isch aber vor allem de Witz. De Erscht isch halt relativ Witzlos (gfürchig aber ebä au nid würklich...).

ja, de erscht isch ja au nöd en beabsichtigti "horror-komödie" gsi, wies nacher eher bim 2te und vor allem bim 3te den isch usecho.

Ebä ja, de erscht isch eigentlich ernscht gmeint gsi. Aber ernscht chameren ebä nid neh, das isches wonen für mich denn ebä doch rächt Lahm macht. Allerdings han ich das Problem mit so ziemlich allnä vo denä Dämonä Film, vo dem her isches wohl eifach nid so mis Ding.

Fracture 7/10
Guete Thriller, gueti Bsetzig, nid überragend aber guet

Acid hat geschrieben:Ebä ja, de erscht isch eigentlich ernscht gmeint gsi. Aber ernscht chameren ebä nid neh, das isches wonen für mich denn ebä doch rächt Lahm macht. Allerdings han ich das Problem mit so ziemlich allnä vo denä Dämonä Film, vo dem her isches wohl eifach nid so mis Ding.

hesch en du den au mal gseh gah woner na meh oder weniger aktuell gsi isch? oder erscht viel später? isch halt scho en herte film gsi i de 80er, und nöd für nüüt uf em CH index glandet, was ja eigentlich na rel. schwär gsi isch den zu mal..lol.

Nei, han alli drü erscht vor es paar Johr gseh gha, also alles andere als aktuell... und denn erscht no als erschts de zweit, und erscht nochher mol de erscht. Vo dem her natürlich au nid Optimal, will de zweit de erscht au abgseh vom Witz eigentlich in allnä Belangä übertrifft.

Aber ebä, mir fahred so Dämonä Film mit Effekt, eigentlich prinzipiell au eifach nid als "gführchig" i. So wiä Zombie Film für mich eigentlich au niä Horror Film imene "gführchigä" Sinn sind, und mit ganz andere qualitätä trumpfä müend (mol abgseh villicht vo moderne schnällä Zombies, wos Schreck Momänt geh chan). Splatter und so hedmi eigentlich au sältä würklich unagnehm berüehrt.

Defür machimer bi Spuk-Geischter Züg eigentlich prinzipiell fascht i d Hosä, ganz egal wiä miserabel er isch (am schlimmschtä sind no fascht diä billig Dokus...). Drum luegis eigentlich gar nüm erscht...

wow mit 12i isch mer de evil dead uhuere iigfahre. han glaubs wuche lang albträum gha. glaubs de einzig film wo mer no meh iigfahre isch, isch creepshow, det hani effektiv schlafstörige und angschtattacke gha.

ich han de au mit ca. 12i serscht mal gseh. uf somene VHS tape, wo scho x-mal kopiert isch worde und dadurch de film fascht nur na in schwarz wiis mit div. bildstörige etc. gloffe isch..lol. aber grad durch de "näbe"-effekt isch das ganze irgendwie na viel meh iigfahre. und ebe wiel er ja au verbote isch gsi damals. verbote sii = kewl.

:tanz der täufel:

Weiss no womer bi Kollege vo de Eltere im Bümpliz zBsuech gsi sind. Mues ca 86/87/88 gsi sii. Die hend au 2 Buebe gha, chli älter wie de Grisu und ich.
Die hend e VHS Recorder gha und ich ha das natürlich mega gfunde. D Eltere hend im Ässzimmer gjasset und mir 4 Buebe hend die Körperfresser kommen gluegt i de Schtube. Wäg dere Szene im Garte wo er im Liegischtuel ischlaft (wo ja eigentlich eher harmlos isch) hani monatelang nur no mit em Gsicht zu de Wand uf de Site chönne schlofe
De hemmer suscht no e "böse" Film gluegt, mit eme böse Näbel wo dür d Telifonleitig düre isch und denn all umbrocht het. Der grüne Tod oder so hed de gheisse. De hani aber nid so schlimm gfunde.

btw; hüt luegi glaubs de Sutherland grad wider mol

Herr Rossi hat geschrieben: De hemmer suscht no e "böse" Film gluegt, mit eme böse Näbel wo dür d Telifonleitig düre isch und denn all umbrocht het. Der grüne Tod oder so hed de gheisse. De hani aber nid so schlimm gfunde.

meinsch du nöd eher de nebel des grauens (the fog) vom carpenter?

Quelle
gruslig isch dä film

eine vo de beschte i sinere art.

eifach di perfekti grusselatmosphäre.

da chunt mer richtig s`muffesause über :awww:

@tasujin

äbe nid
würd gern wüsse wie dä gheisse het, der grüne tod glaubs äbe nid

müllers büro (1985)
hahhhahha 9/10