The(G)Forum

das isch dini wallet nei kei aktie

oder aber wenn eifach nur exposure wottsch ha, den halt s trackerzertifikat.

Nei, wenn denn scho de Realdeal!

Aso chan i mit dem Ledger und de dezueghörende App Bitcoin chäuferle und verchäuferle... ich bruche sust absolut nix?
Chan ich denn eifach vo mim Bankkonto uf min Ledger-App Account überwiese und wieder zrugg?

Ich glaub ich muss mal es Turtorial für Dummies luege!

Buccaneer hat geschrieben:Nei, wenn denn scho de Realdeal!

Aso chan i mit dem Ledger und de dezueghörende App Bitcoin chäuferle und verchäuferle... ich bruche sust absolut nix?
Chan ich denn eifach vo mim Bankkonto uf min Ledger-App Account überwiese und wieder zrugg?

genau, du chasch via kreditcharte/paypal weiss ich nödwas chaufe und verchaufe, wies halt so lauft

Aso eigentli sehr eifach...
Das irritiert mich... Well zum Wertpapier handle hani müsse es Depot irichte und pipapo...

Aber mit dem Ledger tönts für mich so wie:
Chasch mit Kreditkarte Coins chaufe und keine weiss... usser ich.
Also wenn i da vor X Jahr bizzli Coin kauft han, bini jetzt Multimillionär, aber uf mim Bankkonto ligged nur paar Fränkli und de Staat meint immer no, ich sig en arme Schlucker...

Buccaneer hat geschrieben:Aso eigentli sehr eifach...
Das irritiert mich... Well zum Wertpapier handle hani müsse es Depot irichte und pipapo...

Aber mit dem Ledger tönts für mich so wie:
Chasch mit Kreditkarte Coins chaufe und keine weiss... usser ich.
Also wenn i da vor X Jahr bizzli Coin kauft han, bini jetzt Multimillionär, aber uf mim Bankkonto ligged nur paar Fränkli und de Staat meint immer no, ich sig en arme Schlucker...

cryptohandel isch halt na nöd verstaatlichet nei lueg doch mal es video, isch au handel. git x börsene für das etc. es eigenigs universum. git ja scho millione coin arte (gwüssi für eher verträg denkt, gwüssi für handel , scamcoins etc. etc)

dini kreditcharte isch übrigens sicherlich überwacht und gilt ja scho fast als id

Ja klar isch d Kreditkarte überwacht. Aber prinzipiell verschwindet s Vermöge für de Staat denn.
D Bank weiss was i mit em Gäld kauft han, aber de Staat eigentli nid, well de weiss ja nur din Kontostand Endi Jahr und was für Wertpapier du hesch.
D Bank weiss u nur: Zum Zytpunkt XY zu Betrag XY Bitcoin kauft... öb ich das spare zum rich wärde, oder usgibe für Konsumscheiss weiss aber niemmert...

Ja muss mich mal chli informiere. Aber es eilt nid. Danke für d Infos uf jede Fall.

Buccaneer hat geschrieben:Aso eigentli sehr eifach...
Das irritiert mich... Well zum Wertpapier handle hani müsse es Depot irichte und pipapo...

Aber mit dem Ledger tönts für mich so wie:
Chasch mit Kreditkarte Coins chaufe und keine weiss... usser ich.
Also wenn i da vor X Jahr bizzli Coin kauft han, bini jetzt Multimillionär, aber uf mim Bankkonto ligged nur paar Fränkli und de Staat meint immer no, ich sig en arme Schlucker...

Anarchie!
Aber ja, du chönntsch theoretisch diin private Key dier merke und brüüchtsch nöd mal es elektronischs Crypto-Portemonaie, wo chönnt beschlagnahmt werde. Chasch über jedi Gränze reise und häsch diin Crypto-Zaschter immer im Chopf so dsäge.
Isch doch geil, bsunders, wänn tatsächlich irgendwänn Crypto als Alternativwährig akzeptiert wür werde, entstaht es neus, vom Staat und dä Banke unabhängigs Zahligsnetzwerk. Fuck the System

Nimmt mi grad Wunder, was dä Xinobrax triibt, hät sich mittlerwiile sicher en Insle kauft oder so (irgend en Huusbsetzi uus em Koch-Areal häg anschiinend tonnewiis Crypto gha und häg sich irgendwo in Süde abgsetzt).

jetzt bitcoin bi 22'200.

Vyse hat geschrieben:

Buccaneer hat geschrieben:
Nimmt mi grad Wunder, was dä Xinobrax triibt, hät sich mittlerwiile sicher en Insle kauft oder so (irgend en Huusbsetzi uus em Koch-Areal häg anschiinend tonnewiis Crypto gha und häg sich irgendwo in Süde abgsetzt).

Geil! Muessi mau gah luege ob er no dert isch? lol
Plötzlech nüt meh mit sozial u vom Staat lebe? Hihi

Gesendet von meinem Pixel 4a mit Tapatalk

thaeye hat geschrieben:jetzt bitcoin bi 22'200.

I ha hüt morge o grad wieder chli 'abgschöpft'...

Gesendet von meinem Pixel 4a mit Tapatalk

und ich bin immer na nöd im ethereum drin, gsehn fast meh potential als bitcoin.

de bitcoin explodiert weg fintech. square selber haet cash in bitcoins umgwandlet z.b.

charttechnisch isch de weg frei für bitcoin jetzt. mal luege obs jetzt mal chli hebet.

wieso d futures i de usa scho widr im gruen sind, weiss wohl au niemerts.
chunt echt wohl s stimulus paket. den gits hüt namal guets gruen

morn aber schwierige tag, optioneverfall ->hexesabbat. viel bewegig morn wahrschinlich.

thaeye hat geschrieben:und ich bin immer na nöd im ethereum drin, gsehn fast meh potential als bitcoin.

Ich chann mich no drah erinnere, dass dä Xino is Forum dä Link zum Ethereum-ICO posted und dürber gschwärmt hät. 10 Stotz pro Stuck.
Es paar ETHs han ich aber ebbe... nüüt, wo mier es finanziell unabhängigs Läbe wird verschaffe.

ja de xino isch early adaptor gsi, dem wirds sicher guet ga

wart mal na chli, ethereum haet de gross astieg na vor sich. bald bisch frei

ich gsehns als alageklass, jede monet paar fränkli bc chaufe und laufe la. zum chli d investitione z diversifiziere. isch eigentlich mis gold im depot.

solang d "utility" vo chainblock währige na nöd im mainstream achoh isch, schwierig. aber ebe die erste grosse fintechs machet jetzt die erste grosse schritt.

zu alibaba:

Alibaba hat Firmenkunden offenbar Software-Dienste angeboten, mit denen Gesichter von Uiguren und anderen ethnischen Minderheiten in Bildern und Videos erkannt werden können, wie IPVM und die New York Times berichten. Nach Anfragen durch Journalisten hat Alibaba die Angebote eilig von seinen Webseiten gelöscht und will dazu nicht Stellung nehmen. Nur eine Woche zuvor war Huawei in der Presse, weil das Unternehmen Software anbietet, die automatisch die Polizei alarmiert, wenn das Gesicht eines Uiguren von Überwachungskameras erkannt wird.Quelle: Guidants News https://news.guidants.com" onclick="window.open(this.href);return false;

Schöne neue Welt! Wo blibt mis Soma!

muen mal recherchiere wer so gsichtserkennigssoftware macht, europa wird vollpflasteret

De musch bi de Ängländer luege. Hed glaubs niene so viel Kameras wie in London und chasch mer nid säge, dass da kei Software am laufe isch...

Logisch chunnt das überall. Und mir wärded sicher au sones Punkte-System becho. Nid hüt, nid morn... aber irgendwenn...

Biz Off-Topic, wells vo dere Firma kei Aktie gid.
Quizz:

A was oder wen dänkt mer bi dem Slogan?

Futuristic R&D to create a better tomorrow.
Tackle the grand scientific and engineering challenges of the 21st century.


So tolli Slogangs findet mer bi de Sandia National Laboratoris. Die baued Atombombe.
https://www.sandia.gov/missions/nuclear ... index.html" onclick="window.open(this.href);return false;
Interessant vor allem, da ja Atombombe eigentli ab nöggst Jahr illegal sind.

Ich freue mi wahsinnig uf das "better tomorrow" nach em Gebruch vo ihrne Produkt.

thaeye hat geschrieben:wieso d futures i de usa scho widr im gruen sind, weiss wohl au niemerts.
chunt echt wohl s stimulus paket. den gits hüt namal guets gruen

morn aber schwierige tag, optioneverfall ->hexesabbat. viel bewegig morn wahrschinlich.

Soland d Bewegig nach ufe gaht, isch ja guet
Wenn tünd amigs die grosse Fonds Aktie nachechaufe, um d Minuspositione us Leerverchäuf z schlüsse? Gids da au es Häxedatum?

s window dressing findet jetzt grad statt, immer endi jahr, wenn die grosse muend ihrne aleger zeige das sie bi jedem shit mitgmacht haend

sicherlich au en grund für de astieg momentan. und den stimulus talk.

thaeye hat geschrieben:ja de xino isch early adaptor gsi, dem wirds sicher guet ga

Mier sind all early adopters gsi, meh oder weniger, miin Fähler isch gsi, dassi sGfühl gha han, ich chönnt mich uufetrade. Hätti siit em Initialchauf nüüt gmacht, wäri jetzt besser drah gsi.
Wobii, Chain Link hani rächt innegehaube bi knapp 6 Euro.

bitcoin isch buy and hold, zumindest für mich, cointrade kenn ich mich aber au überhaupt nöd uus.

Bitte möched Corona-Tests und überreded alli i euem Umfäld äbefalls eine z mache. Aber bitte explizit nach em Test vo Senova und ams verlange!

https://www.augsburger-allgemeine.de/no ... 71251c2a91" onclick="window.open(this.href);return false;

häsch varta kauft? zvill maydorn videos am luege

beobacht momentan na lafargeholcim, bruch stabileri im depot und für das isch de ch markt ebe scho guet, und zement bruchsch doch immer wie esse.