The(G)Forum

shutter island 7/10

naja.

7/10 isch naja? simer denn jez do am gliiche punkt aglangt wie bide videospiel reviews?

ähm okay, zwenig gschriebe villicht däzue. er isch mir ebä gross empfohle worde vo wägä es sig dä mega felm.

und drum enttüschend gsi für mich. verständlich gnuäg für dich?

sehr verständlich, danke fürd usfüehrig.



und die 15 punkt hole si schono uf, muesch nit meine!

irgendwenn müends aber mal afange ufhole. bis jetzt holets gar nix uf. nöd mal es goal!

t hoffnig stirb zletscht

es chan schnell gah. lerverkusen, hoffenheim und Co händs scho vorgmacht. än schlächtä start ih d'rückrundi und dä chönnts uf eimal anderscht usgseh.

und mit verletzte hämmer bis jetzt au glück gha. es sind erscht 14 spiel gsi.

immerhin sin mol chli anderi teams in dr spitze, findi eiggentli no frisch. dortmund, mainz, frankfurt und freiburg >>>>>>>> schalke, werder, leverkuse und HSV

The Boondock Saints (BluRay)

Immer no Epic. Leider merkt me halt guet das die 2 Hauptdarsteller nid vil Ahnig hed vom Schauspilerer... Defür isch de Dafoe um so genialer!

9/10

The Boondock Saints 2

Holy...was zur Höll isch das gsi? Würklech billigi 1:1 Kopie vom 1. Teil ohni würklech was neus ds bringe. Sehr vil wirre Shit und sehr schlechti Ersätz vom Dafoe und vom Rocco...naja immerhin isch d Action geil gsi und 1-2 Szene sind ganz ok gsi... Isch Teil 3 scho offizell bestätigt?

6/10

APE

Film -> 2/10
Auweia gseht de Aff scheisse us -> 8/10



Koproduktion vo USA/Korea. E unglaublich dumme Affefilm wo uf der Welle vom 1976er- King Kong Remake het wölle mitritte. Het leider nid klappet. Trotz dass er vor em Laurentis-Aff isch isch im Kino gstartet. Der Aff und die ganz Tricktechnik isch no viel peinlicher aus jede Godzilla-Film. Auweia und übelst! Dass e koreanische Offizier i der dütsche Synchro e bayrische Akzent het würkt au nid würklich glaubwürdig. Kurz zur Handlig: E Riiseaff wird uf eme Transportschiff zu sinere zuekünftige Heimat, em Disneyland transportiert. Leider würkt ds Schlafmittel nüme, der Aff cha sich befreie und macht alles kaputt wo sich ihm i Weg stellt.


5 Minute nach Filmstart: Ha mi us eme Transportschiff befreit. Und bevor ig ds nächste Dorf i Schutt und Asche lege han ig Puff mit eme Hai. Stirb!


Aha, 3 Minute später bin ig scho an Land zum ds erste Dorf demontiere.


Hilfe, der Aff macht ds Häuser kaputt! Nanu, wieso isch plötzlich Tag? Wen interessierts!


Aber jetz isch Tag. E schöni Chue gseht me do. Wo isch der Aff?


Da isch er scho! Im Frühtau zu Berge wie ziehn fallera... Nanu, isch das immer no die glich Chue?


Hilfe der Aff chunt! Nichts wie weg!


Oha, falschi Richtig. Naja immerhin für sini Füess het ds Budget glanget.


Ich wird scho wieder gstört uf minere Wanderschaft. Us em Weg!


Hilfe, der Aff het üs troffe!


Kaputt isch der Heli. Eat this bitch!


"Colonel Davis? Captain Kim hier! Der Aff ist schon in Se-uhl und Ihre Einheiten spieln im Norden Koatn'"


Se-uhl demontiere. Frisch!


Teile vo dem Film si in 3D produziert worde. Gseht me a dere Szene...


...und a dere.


So, fertig mit dem Scheiss! Ig bi e Panzer und mache Peng! Troffe han ig der Aff.


Ich bi der Aff und bi troffe. Scho sprützt Bluet.


"Warum? Oh Tom, warum? Warum?" - "Weisst du, er war einfach zu gross für unsere kleine Welt."


Was zum Schluss nid fehle darf isch der Trailer vo dem Debakel:

Quelle

The Deer Hunter (9/10)
no besser als en in erinnerig kha han

machete 2/10
planet 51 3/10
planet terror 7/10
salt 7/10

ritschi hat geschrieben:machete 2/10
salt 7/10

:typej: :typej:

Also itz hämer doch no öppis gfunde wo de Failenger guet cha. wieder es starchs review

ich musste l0len.

dä neu Harry Potter. isch no unterhaltend und aso gar nüt für chind. hopplaschorsch.

de typ vom züritipp (de bodmer glaubs wieder) isch en trottel. ich han bis hüt zwar no kei ziile potter gläse aber de film isch sicher nöd nume es 2stündigs im-wald-umeränne (ok de satz macht für mich jetz au grad ke sinn aber wayne). gaht no rächt ab, d'LOTR parallele sind dütlicher denn je und d'helena hett im letschte teil hoffentli meh screentime. ihre churzuftritt da isch 1a. für fraue mit dachschade isch sie immerno die bescht bsetzig.


btw wrum hett dä eigetli kes topic da ine?

Avenger hat geschrieben:APE

lueg mal die 2 film und mach review bitte:

http://www.youtube.com/watch?v=ZwA2ZBsUpt8
http://www.youtube.com/watch?v=pGM0BsU8Zi8 (dt "monster aus der galaxis", und hett s'beschte filmändi vom universum)

*notiert*

nomal en klassiker: http://www.youtube.com/watch?v=1C1Y439R ... re=related

schock, bescht! wuerdi am liebschte grad so uf duetsch luege.
doef sich so nes alts glied eifach ah jungi meitli ahschlocke? eh gueti frag wo mich jetz nuem loslaht.

Uf youtube gits es Video mit em Titel "Worst Fight Scene of all Time" mit 8 Millione Hits. Sogar e Facebook-Gruppe gits.


http://www.youtube.com/watch?v=eC2jV8sCv1c

...und wer het der ganz zugehörig Film gseh? Ich natürlich!


Undefeatable

Film -> 1/10
Worst Fight Scene of all Time -> 10/10



Und um was geits? D Kristi Jones (Cynthia Rothrock) rächt der Tod vo ihrer Schwöster. Sie isch umbrocht worde vom ene Martial Arts-Psycho. Und scho isch d Handlig erklärt. Es reiht sich ei Kampfszene a die nächsti bis der Psycho tot isch. Erwähnenswert einzig und alleini weg de viele übel inszenierte Kämpf. Die finali Szene hets zu recht uf youtube gschafft. Total amateurhaft realisiert.


So bhaltisch eine am Bode dass er nüme ufsteit. Gits au in Bewegig: http://www.youtube.com/watch?v=8xqp5M2CDSo


Ig bi der Psycho. 50% vo minere Gage macht mi bös Blick us.


Scho si mer bim Endkampf. Handligsablauf: Mit de Arme dumm umefuchtle und wie Hampelmänner i der Gegend umehüpfe. Text: "Aaaaah! Huaaaa! Aaaaaa! Ha! Huuaaaa! Uääääääh! Ha! Hua! Aaaah! Raaaaaaaaaa! Hua!" Cha me schwer mit Worte beschriibe, drum do no einisch ds Video: http://www.youtube.com/watch?v=uxkr4wS7 ... re=related

Und natürlich der Trailer:

Quelle

In diesem Sinne cha me de Post mit em folgende Dialog abschliesse: "We'll keep an eye out for you Stingray!" "Yeah, see ya!"

Wall Street 2 7/10 gueti schouspiler.. chli komplizierti handlig für nid fachchundigi

Avenger hat geschrieben:...und wer het der ganz zugehörig Film gseh? Ich natürlich!

und ich! dä psycho isch dä geilscht!
min lieblinszene isch im parkhuus.

huere guete felm!

the invention of lying 8/10 härzig
a bullet for the general 7/10

Us der Kategorie "ersch jetz ds erst mol gseh":


Master of the Universe

Film -> 4/10
Musig vom Bill Conti -> 8/10



Ganz guet gmacht. Hätt ig de im 1987 gseh, ig hätt ihm hüt e höcheri Wertig geh. Figure und ds Drumherum si ganz OK (us Budgetgründ spielts meistens uf der Erde), leider würkts teilwiis wie Star Wars für Armi. Am He-Man sini Rolle hätt me besser chönne bsetze. Und was no schlimmer isch: Bim Skeletor sinere Maske hei sie ds viel gspart, gseht me leider sehr dütlich. Guet glunge isch d Musig vom Bill Conti, die rettet sehr viel vom Film. Wenn me sich der Rest vom Film alueget isch es erstunlich wie viel sie id Musig investiert hei.


Isch wahrschinlich bim Star Wars übrigbliebe


Ig bi der Strickland und ha euch im Griff. Wär ig no Schueldirektor wie im 1985, ig hätt euch e Verweis geh defür dass ihr so umelaufet


Foe isch nüt neus, das hets scho vor 23 Johr geh


...und wenn igs mir hüt überlege: He-Man. Was für e unglaublich dumme Name. Was wär de wiiblich Gegepart? She-Woman?

SHE-RA heisst sie, frög mi nöd warum

she raw

http://www.youtube.com/watch?v=z7y9DFWPqSs#t=0m50s