Heute erhalten - Retro Edition

[camelot]

Für dr Lüfter (Kasch grad im Kit mit Halterig und Lüfter kaufe):

https://de.aliexpress.com/item/40010953 ... pt=glo2deu

[ubik]

Für dr Lüfter (Kasch grad im Kit mit Halterig und Lüfter kaufe):

Halterig gseht guet us, aber Lüfter schiint huere tüür sii. Bim Digitec gits de für 20.- und de Ali will 32.39 ohni Halterig

BTW, das häd de Pöschtler ez grad verbii bracht

[Rtron]

Bim Lüfter muesch luege, dass de neu au passt.
Ha mir au mal es Set bstellt, isch bi mim Model aber dänn nöd gange. Weiss aber nöd/nüme gnau, uf was mer luege muess.

[ubik]

Bim Lüfter muesch luege, dass de neu au passt.
Ha mir au mal es Set bstellt, isch bi mim Model aber dänn nöd gange. Weiss aber nöd/nüme gnau, uf was mer luege muess.

Das hani au mal ghört, chaschs nümm richtig zuemache nachher. Da muesi mi mal schlau mache. Merci

[Rtron]

[camelot]

Gemäss dim Bild seht das guet us. Dr Lüfter isch nur am Ghüs befeschtigt und nid an dr Metallplatte über em Mainboard.

In däm Kit isch e Teil für dr Deckel derbi damit dä au wieder zue ghot.

[turntablism]

à Dream

[ubik]

Gemäss dim Bild seht das guet us. Dr Lüfter isch nur am Ghüs befeschtigt und nid an dr Metallplatte über em Mainboard.

In däm Kit isch e Teil für dr Deckel derbi damit dä au wieder zue ghot.

Ah super, denn probier ich das doch mal. Hols mer aber glaub bi Amazon, det choschtet de Lüfter + sones Kit fasch glich viel wie bim Ali. Au knapp 32.-

à Dream

gseht super us. besser als ufem bild.

[m.o.terra kaesi]

esch jetzt da voll easy gsi de Umbau?

[turntablism]

bim Noctua Fan mod, hani glaub müse s blech abschliife. bi aber nümm sicher...

[ubik]

esch jetzt da voll easy gsi de Umbau?

aso das was ich bis ez gmacht ha isch mega easy gsi. isch alles bis ez ohni löte. ufschruube, us- und istecke (gdemu und dream psu). das mit de batterie/akku für d'clock battery und LED vorne brucht chli löte, aber das sött eigentlich au sehr eifachs löte sii. bi sälber nöd de profi löter, aber ha halt scho xbox trace corrosion gfixed mit so kabelzeugs und das isch huere nerveufriibend gsi.

[Rtron]

Ich würd grad en Batteriehalter inelöte. Dä muesch künftig nüm löte, wänn d Batterie wieder leer isch.

[camelot]

Ich nimm immer dä do:
https://www.ebay.ch/itm/203558001693

[ubik]

Sorry, ja das meini, mit Akku meini eifach en ML2032 und nöd CR2032.

i dem set isch blaui LED, sicherige und de akku träger

[turntablism]

Ich ha bim Conrad mal so scheiss ML2032 gholt und bin voll enttosche gsi, voll de müll innert chürzischte ziit chasch die chüble. paar sind usgloffe di andere häsch nümm chöne uflade.wahrschindli hend's mer di hinterfotzigsti ladehüeter gschickt

[turntablism]

Ha gester en ziemlich vergilbte 1084S-D1 gholt.
Hüt hani denn grad bitzli Atari, Snes und Dreamcast müse spile.

[m.o.terra kaesi]

Hött im Brocki für en 50er gfonde.
Retrostyle Bang & Olufsen TV....fasch no schöner als d'MX Serie vo B&O

geile Moni, TURNTABLISM.

Mir häds devör geschter bim erschte rechtige Gebruch min B&O 80er-Johr Moni verblose.... es häd 2-3 Knäll gä ond dä häds ahvo rüüche osem Ghüüs.... sind das häch vertöchneti oder uusgloffni Elkos gsi, oder schlimmer? Cha mer so öppis grondsätzlich repariere?!

[Rtron]

Oh nei, so schad...
Ich hoffe du chaschen flicke.

[turntablism]

Grundsätzlich chasch alles repariere.
Nice ! wenns chlöpft und tätscht !
Ich würd en mal usstecke vom Strom und ufschruube. Luege ob was verdächtigs gsehsch, platzti bauteil, dunkli stelle etc. Schmöcke wo's nach verblosenem stinkt.
Igränze, evtl. Netzteil ?

[sirarthur]

TV ufschruube muäsch dänn aber scho vorsichtig sii, hätt a gwüsse Teil sehr hochi Spannig!

[Marco_in_motion]

Hött im Brocki für en 50er gfonde.
Retrostyle Bang & Olufsen TV....fasch no schöner als d'MX Serie vo B&O

geile Moni, TURNTABLISM.

Mir häds devör geschter bim erschte rechtige Gebruch min B&O 80er-Johr Moni verblose.... es häd 2-3 Knäll gä ond dä häds ahvo rüüche osem Ghüüs.... sind das häch vertöchneti oder uusgloffni Elkos gsi, oder schlimmer? Cha mer so öppis grondsätzlich repariere?!

...ich hett sust no es paar, Beovision1, MX 6000, AV5 sicher 2x

[m.o.terra kaesi]

...ich hett sust no es paar, Beovision1, MX 6000, AV5 sicher 2x

de MX6000 wär wohl s'nägscht wenni dä do nömm zom laufe bringe.

[Marco_in_motion]

ja du easy, chasch di mälde, lueege abeer mini pn nur all paar wuche ah, wänn überhaupt lol

[m.o.terra kaesi]

Hött im Brocki für en 50er gfonde.
Retrostyle Bang & Olufsen TV (Johrgang 1985 / Beovision 7802) ...fasch no schöner als d'MX Serie vo B&O

Ach scheisse Leute... ich ha grad zwoi Absage becho in Luzern vo de lätschte mögliche Reparaturstelle (unter anderem Tüftelwerk).
Wenn der hött en Röhre kaputt goht, dä gsehts scheisse uus mit repariere. Ha chli schiss om mini andere Monis woni no han (Sony PVM etc.)

Herzlichen Dank für Deine Anfrage.
Leider ist es so, dass ich Dir bei Deinem Anliegen nicht weiterhelfen kann. Reparaturen an Röhrenfernseher führe ich nicht mehr durch weil meist sehr aufwendig und kostspielig wenn das Resultat gut und nachhaltig sein soll.
Ich bedaure es sehr, Dir keinen anderen Bescheid geben zu können und hoffe, bei einem künftigen Reparaturanliegen dienlich sein zu dürfen.

[Rtron]

Häsch da mal gfröget:
https://www.tele-radio-service.ch/seite4.html