The(G)Forum

hüt de 11.5 kubik motor vom heli revidiert. isch scho grad echli agnämer i de handhabi als die munzige 3.5er vo de auto

...und wiedermal e pschtellig bim chines gmacht... wännmer nid so grossi sache pschtellt hätmer sogar agnähmi versandchoschte vo nur 6$

super, ich bin jetzt platinum member bim chines. was bringts?

putzfrau hat geschrieben:super, ich bin jetzt platinum member bim chines. was bringts?

gitt glaubs special offers numme für platin members

mann so modellbau isches fass ohni bode. Finanziell und vorallem zitlich. Itz hani d Servo Kabel konfektioniert und neu glötet und so. Recht Zitintensiv das Ganze. Für das de Flüger scho recht fertig isch gsi, no nie gfloge isch, hetter scho recht viel Zyt in Aspruch gno...

ich han am boue und baschtle grad so froid wie am bruche. vo dem her ischs egal...

sit i de chines känne haltet sich de finanziell ufwand rächt in gränze

putzfrau hat geschrieben:ich han am boue und baschtle grad so froid wie am bruche. vo dem her ischs egal...

sit i de chines känne haltet sich de finanziell ufwand rächt in gränze

ich kenns ebe gar nid ohni. aber stimmt scho. Für die 6 sehr guete chinese Servos mit 3.1 KG Stellchraft hätti vermuetlich nid numme rund 100 Stutz zahlt. So als Bischpil.

Scho numme de akkuchauf würd ja fasch zure Budget Diskussion mit de Frau füehre.

ich ha zu stiftiziite nume de modällbouhändler zur verfüegig gha. mit rächte apothekerpriise. irgendwänn isch s'internet dezue cho, wos aber meischtens au en schwiizer oder tütsche händler gsi isch. oder occasion vom ricardler oder ebay. es isch aber immer e tüüri sach gsi und es hät nur all paar mönet öpis gä.

jetzt mit em könig oder andere chinese oder au ab und zue em hobbyturm isch das ganz öpis anders.

Flüge - ig sött hüt abe gah. D Frau hett wieder verlehrt de Akku uf ds lade. Sitt si Röoiber Gschichte vo andere Lüt ghört hett und mi verbrönnt Flüger hett gseh hetts si au wieder Schiss öppis falsch z mache....

isch dini frau din akku chnächt? oder tuetsi sälber flügerle?

wäri no nie uf d'idee cho das z'delegiere...

putzfrau hat geschrieben:isch dini frau din akku chnächt? oder tuetsi sälber flügerle?

wäri no nie uf d'idee cho das z'delegiere...

"akku chnecht"? Also Chnecht eher nid. si hett se au scho uf glade bevor i bi heicho (2 Stück). Isch ja nid en wahnsinns büetz wenn alles bereit ligt.

aber ebe. si machts vermuetlich nuem momentan. au wenni se würd frage...

zeig das dinere frau nid. susch dörfsch du au nümm akku lade

mini frau hät wosi das gsee hät nur gfunde, ich söll chli ufpasse mit mine akkus...

putzfrau hat geschrieben:zeig das dinere frau nid. susch dörfsch du au nümm akku lade

mini frau hät wosi das gsee hät nur gfunde, ich söll chli ufpasse mit mine akkus...

scho nid ganz ds unterschätze die ganzi Sach.

mit dere energie wod i dene akkus drin häsch wirds halt sehr schnäll rächt warm. das underschätzt vermuetli no mänge. im normalfall ischs ja eifach es chüels chlötzli und total eifach i de handhabi.

es isch bi de grössere akkus mit 8s oder mee scho rächt iidrücklich wies funkt und tätscht wännd nurscho de akku aschtecksch und d'kondensatore vo de regler glade werded.

hesch du e dedizierti LiPo ufbewhrigsbox? Oder wie lagerisch Du LiPos?

ich hamer im bouzänter e blächbox kauft und mit gipsfaserplatte uskleidet. ich mach eifach nid beidi verschlüss zue, dass de druck wäg chönnt wänns tätscht. falmme hani so aber kei (hoffi). ich luege no ume für günschtigi funkrauchmälder, dassi eine chönnt i d'garasch tue und de ander i d'wohnig ufe. dänn ghöri wänns i de garasch broiselet.

koschtet hätmi die box mit de gipsplatte öppe 10.-

wasd au chönntsch mache isch im armeeliqshop e mun-chischte poschte

putzfrau hat geschrieben:ich hamer im bouzänter e blächbox kauft und mit gipsfaserplatte uskleidet. ich mach eifach nid beidi verschlüss zue, dass de druck wäg chönnt wänns tätscht. falmme hani so aber kei (hoffi). ich luege no ume für günschtigi funkrauchmälder, dassi eine chönnt i d'garasch tue und de ander i d'wohnig ufe. dänn ghöri wänns i de garasch broiselet.

koschtet hätmi die box mit de gipsplatte öppe 10.-

wasd au chönntsch mache isch im armeeliqshop e mun-chischte poschte

E Munchischte poschte, schliffts???!!? Numme chranki Armeechöpf mache so öppis.

(hani scho eini.... gueti Ideee... Eifach chli gips oder so dritue, also öppis wo nid leitet...)

so gipsplatte choschted nüt im boumärt. und chasch guet zueschniide mit em tepichmässer.

emP hat geschrieben:Eifach chli gips oder so dritue

..ah ja und d Mun viellecht no usenäh

chasch au drin la. chasch dänn im blick vom alex r. aus w. (name der redaktion bekannt) läse

Modellbauer fliegt samt geklauter Munition in die Luft!

Haben wir eine Armee der Wahnsinnigen? wollte er sein Flugzeuge bewaffnen? Lesen Sie weiter auf Seite 4.

BLICK zeigt das Video von andern Spinnern:


Quelle

putzfrau hat geschrieben:

glaubsch nid, dass Blick so funktioniert...?

isch mee ufs filmli bezoge gsi als uf de blick. dini schlagziile isch aber veraltet. i de hüttige ziit schtaat öpis vonere mögliche terrorzelle

putzfrau hat geschrieben:isch mee ufs filmli bezoge gsi als uf de blick. dini schlagziile isch aber veraltet. i de hüttige ziit schtaat öpis vonere mögliche terrorzelle

ich glaub ebe dass ds Filmli realtiv harmlos isch im verglich zu de süschtige Sache wo so Rednecks amne langwilige Wucheendi verastalte.

Das mit de Terrorzelle isch natürlich korrekt.