Raser und Poli DAS Premiumsegment-Auto Topen

[Herr Rossi]

Ja die IchblibeufdelinggeSpur-Mentalität isch egoistisch und dumm, mangelnde Respekt und zvil Ego...
Ich mues zum Glück nur no brueflich mit em Auto ufd Strass, die paar Stunde am Tag länged mer vollkomme und ich wirde fürs nid stresse no zahlt. Mit em Töff chasch wenigschtens no überall füre.

[OlDirty]

I gang IMMER grad rechts wenn's irgendwie goht. Au wenn i 140 fahr und's nur isch zum eine churz füre loh wo vll 150 wöt fahre. Aber git halt au eifach z'viel "Privatpoliziste" wo denn grad extra links bliebed, dunkts mi mengmol.
I ha eher Stress i de ÖV, da isch der Horror für mi. Aber döt findsch mi au nur im absolute Notfall. Zudem isch zum Glück bi üs jo no nöd so verreckt wie im Rum Züri mit em Verkehr.

[Herr Rossi]

Ide Stadt Luzern isch es d Höll

[Acid]

Mer mues aber doch fairerwiis scho au sägä, je nach dem wiä voll d Autobahn isch, und ebä au wiä gueti Beschleunigung de Charä hed wo drin hocksch (je weniger guet desto grösser müend d Luckä si dass nid eifach am nögschtä schnällere relativ lahm vor d Schnurrä fahrsch, will s Tempo nonig hesch), bisch teilwies au de g'Arscht wenn zwüsched zwei langsamere Autos uf diä rächt Spuur gosch zum ein füräloh, wills hinter dem denn teilwies grad de Nögscht chund, und denn wieder de Nögscht und so witer, unds unändlich god bis wider chasch überholä.

Wenn eifach ein schnäller Chund unds nid so Dicht isch gsehni au kei Grund zumem de Wäg z'versperrä. Allerdings gsehni denn au nid so i, wieso ich söt Stundälang mit 90-100 fahrä nur will anderni wänd 150 fahrä ohni mol chli müese zentschleunigä, hed denn nid so vil mit privatpolizischt ztuä i sonere Situation.

[Herr Rossi]

Mit Stress heds ztue. Und ganz ehrlich, stundelang mues niemert 90-100 fahre. Isch chli Sach vom Ego

[zwirrlibatz]

Wrum will me so schnäll wie möglich vo a nach b fahre, wemme gärn autofahrt?

[turntablism]

Wrum will me so schnäll wie möglich vo a nach b fahre, wemme gärn autofahrt?

genau. schnäll bringt gar nix usserd dass meh moscht bruchsch und meh verschleiss hesch. und schlussendlich (i de schwiz) bringts vilicht es paar minutä wod früehner am ziel bisch.
bin au mal en 911er gfahre und han zwar mega de plausch gha am afang aber schlussendlich hani müse säge dass ich de charre nöd würklich bruuch und han en wider verkauft. isch no geil mit e huufe PS beschlüünige aber irgendswenn hanis gseh.
gange lieber mal go go-karte und han grad so viell spass, wenn ned no meh.
aber ich gönns jedem wo en fette charre kutschiert

[Acid]

Mit Stress heds ztue. Und ganz ehrlich, stundelang mues niemert 90-100 fahre. Isch chli Sach vom Ego

Villicht aber au mit nid welä gstresst sii. Doch müsstmer. Nid meh oder weniger wiä alles andere au.

Wrum will me so schnäll wie möglich vo a nach b fahre, wemme gärn autofahrt?

Gid zwei Möglichkeitä: Mer hed nid unändlich Zit oder villicht fahrtmer plötzlich nüm so gern, ufere volle Autobahn und hintereme 5m höchä Laschtwagä wo den hie und her schwankt.

Ich los au gern Musig, aber wenimi mit öperem Unterhaltä will chasch das Züg abstellä, ganz egal wiä guet dasses isch. Alles chli e Frog vo de Situation.

[zwirrlibatz]

Alles chli e Frog vo de Situation.

ah so. nume die pressante fahre 160 ufwärts.

[Acid]

Nei, aber diä fahred nid gern vo a nach b, sondern diä fahred vor allem gern so schnäll wiä möglich.

[TypeJ]

[OlDirty]

Es git halt Autofahrer (so wi ich) wo Spass dra hend am Autofahre.Nei nöd im Stau stoh und nei nöd langsam umenand gurke. Schnell fahre isch e schös Gfühl und wenn i de Kurve no d GKräft chömed isch no besser. Es goht nöd grundsätzlich ums schneller döt si sondern um wie döt ane chunsch. Entweder müehselig langsam oder ebe mit Spass.Aber imene lahme Charre het i sicher au kei Fun.
I fahr au nöd Downhillbike will ichs gern langsam und gmüetlich ha sondern will es geils Gfühl isch über alles abe brettere.

[zwirrlibatz]

Nei, aber diä fahred nid gern vo a nach b, sondern diä fahred vor allem gern so schnäll wiä möglich.

alles klar. drum göhnd autiränne au meischtens im chreis ume.

[OlDirty]

Genau.Bisch du eigentli scho mol imene schnelle Auto mitgfahre mit eim wo chli Gas geh het?
Do im Thread chum i mir grad chli vor wie en Metzger wo emene Veganer wöt s500gr Rindsfilet esse schmackhaft mache. *hoffnigslos* lol

Autorenne gönd im Kreis wills nöd so langi Rennstrecke git zum nöd müese im Kreis fahre,eifach so falls nöd selber druf cho bisch

[Herr Rossi]

Autorenne sind für dich und ganz vil anderi super und spassig, für mich und anderi dämlich und langwilig. Da gots aber grad um öpis anders, nämlich um Respekt und Rücksicht uf öffentliche Strasse.
Ich fahre au gern schnell und risikoriich mit em Töff, würd mich aber als Arschloch bezeichne wenn ich dere Passion nid würd uf de Rennstrecki fröhne. Uf em Wäg ufd Arbet etc. dörfts gern no paar egoistischi Trottle weniger ha, isch eigentlich nid so schwer zum verschtoh.

[zwirrlibatz]

Genau.Bisch du eigentli scho mol imene schnelle Auto mitgfahre mit eim wo chli Gas geh het?

Wieso mitgfahre?

Do im Thread chum i mir grad chli vor wie en Metzger wo emene Veganer wöt s500gr Rindsfilet esse schmackhaft mache. *hoffnigslos* lol

Easy, wer zruggbliebe isch muess halt chli schnäller fahre.

Autorenne gönd im K"reis wills nöd so langi Rennstrecke git zum nöd müese im Kreis fahre,eifach so falls nöd selber druf cho bisch

Ah ich han dänkt die wüsse eifach nume nöd wodure susch.

[OlDirty]

nennt mer di eigentli au Forumstroll Firlibutz?!?

[turntablism]

Firlibutz lol scho lang nüm ghört
+1

[Jones]

Gibs uf oldirty... Di veganer-verglich hets ufe punkt bracht... Also ke müeh meh mache...

[zwirrlibatz]

nennt mer di eigentli au Forumstroll Firlibutz?!?

Das und Veganische Velonazi

[Herr Rossi]

Gibs uf zwirrli... Di Zruggblibne-Kommentar hets ufe Punkt bracht...

Also ke Fleisch me ässe

[TypeJ]

veganer und öv nutzer sind dumm

[turntablism]

mmhhh rindsfilet

[TypeJ]

morn iss ich eis und ich freu mich logischerwies

[zwirrlibatz]

veganer und öv nutzer sind dumm