The(G)Forum

Gurgelhals hat geschrieben:

O_O hat geschrieben:s game gaht glaub doch chli länger als 8h und es het e tonne sidequests. es faht chli lahm und verwirrend ah aber nacher wirds sehr sehr viil besser.

S krasse a dem Bild findi übrigens, dass me ihm direkt chönnt Mickey Mouse-Ohre ufsetze und es würd absolut Sinn mache!

also ich finds vo afang a absolut fantastisch.
es isch viel meh spectot drin als ich befürchtet han, es isch im grund gnah es mario sunshine/galaxy mit enorm düschterem design und spector gameplay.
ich han gar ned gwüsst, dass mer so viel entscheidige treffe chan, es isch zwar total schwarz wiss, aber es macht total spass sonen fiese evil mickey z'si. mer het würklich andurend d'wahl: erschaffe oder zerstöre und es isch würklich cool umgsetzt.
muess es na dure spiele, denke aber nach de erschte 6 stund isches tatsächlich en legitime awärter ufs goty.

ha leider nüm wiitergspilt. wo bisch fängs? bin i de future siddey.

ich bin eigentlich e guete mickey aber han usversehe de gnom lah s telefon verprügle.

GEIL! ICH MICH FREUE!

O_O hat geschrieben:ich bin eigentlich e guete mickey aber han usversehe de gnom lah s telefon verprügle.

das hani ebe ned mache lah, obwohl ich bös bin, will ich die verdammte gnome hasse und mis telefon ziemlich cool finde wills de blöd gnom igsperrt het

bin au ide future city

wennmer s'telefon verprügle laht, chunntmer denn trotzdem na die folgequest vom telefon über? oder gits denn eini vom gnom? wenn ja was für eini?

glaub es lohnt sich uf jede fall das spil mindeschtens 2 mal durespiele. dur das autosave het mer kei möglichkeit anderi entscheidige uszprobiere

Ne de gnom het mer keis quest gä de dummi nuttesohn.
Ha nochli wiiter gspilt. De tomorrow city boss isch super.



gnarglor de aff isch hüt cho jetzt hani meh luischt uf dä.

Folgende Artikel werden heute an Sie versendet:

1 NW 3407307 DISNEY MICKY EPIC WII

Mucho Sugoi!

i de clips isch de mickey soooo herzig.

O_O hat geschrieben:han usversehe de gnom lah s telefon verprügle

Im Grund gno isch die Ussag für sich ellei bereits de ändgültigi Bewiis, dass das Spiel super isch

schriebed meh! HYPE!!!

morn hanis ou

zwirrlibatz hat geschrieben:schriebed meh! HYPE!!!

HYPE!

Gurgelhals hat geschrieben:Im Grund gno isch die Ussag für sich ellei bereits de ändgültigi Bewiis, dass das Spiel super isch

s'weltedesign wird na krass viel besser als am afang, witerchin chamer zahlrichi entscheidige treffe und d'welt neu erschaffe oder vernichte, ich würklich sehr geil gmacht. grafischs design isch au top und gseht absolut super us. möglicherwis de bescht wii game.

ne das wär denn eis vo de galaxys.
krass isch das sogar uf siitene wo eigentlich eher schlaui lüüt poste, s trotzdem eher es negativs feedback überchunt.

So, inzwüsche chunnt de Warren Spector übere. Brucht halt es Ziitli bis me schnallet, um was es i dem Spiel eigentlich gaht. Isch ziemlich sicher eis, wo me dänn zwei, drümal durespiele mues, zum die ganze Nuance z'erfasse (und zum die verschiedene Entscheidige uszprobiere). Wie ja eigentlich bi jedem Spector-Spieli.

Wältedesign isch würklich super. Die ganz Idee mit em Wasteland isch super implementiert und ergitt mit jedem zuesätzliche Levelabschnitt meh und meh Sinn. Diesbezüglich gspürt me da scho en Deus Ex/Thief/System Shock-Vibe. I däre Beziehig isch de Spector halt eifach sauguet.

Und es isch eigentlich extrem düster. Und zwar ebe düster nöd im plump-verchrampfte Sinn vo eme American McGee's Alice, sondern im Sinn vo alte Disney-Film us de Ziit, wo die sog. "Familefilm" wahrschinlich alli no vo resozialisierte bzw. verkappte Psychopathe, Schizophrene und Perverse gmacht worde sind. Düster & abgfahre im Sinn vo "sehrwahrschinlich a eme nöd ganz gsunde Geist entsprunge". Es hätt stimmigsmässig viel meh mit de erschte Concept Arts z'tue, als me anhand vo de Screenshots würd meine. Mickeyjunk Mountain isch rächt schief. Und d'2D-Zwüschelevel sind super. Am vortex wird's gfalle.

D'Stüürig und vor allem d'Kamera isch scho nöd ganz optimal, aber ebe: Das isch nume es Problem, solang me meint, s'Epic Mickey seg es 3D Jump'n'Run wie s'Mario Galaxy. Sobald me da mal umgschalte hätt, wärded die Problem zur Näbesach.

viel beschwered sich weg de kamera, ich bin zum glück geg das scho immer immun gsi.
stürig isch ned ganz so perfekt wie bi de marios, aber die sind au d'referenz, logisch. aber mickey isch au 60% rätsel/adventure, 20%action, 20% jumpnrun

und de michey mountain isch würklich eis vode erschte highlights, es ligged sogar alti NES games ume und so seich, würklich en super idee und total geil umgsetzt, aber es chunnt na viel viel besser, warren spector = the man

was mir a dem spiel übrigens überhaupt ned passt sind die ganze belohnige für quests. teilwis gits die energiechuglene wo sind wie sterne im mario, die sind ok, logisch.
aber was sölled die blöde pins? die gits für sehr viel quests oder au ide welt versteckt zum finde? sind die würklich so sinnlos wie ich befürchte? sowas regt mich total uf.
und fürd tickets chamer sich au fasch nur blödsinn chaufe. werum sött ich 50 tickets für en ladig farb usgseh wenn ich vorem lade schnell en mülltonne umhaue chan und grad 2 ladige bechume? das ganze reward system isch ned bsunders durchdacht und keinesfalls en motivator für sidequests.

dasch aber eigentlich s'einzig wonich dra z'bemängle han.
guet, was au schad isch, dass ich die klassische mickey filme zu de 2D levels ned kenne, die wäred sicher namal viel geiler. ich wünscht die wäred alli ufem spiel druffe. sind leider nur 2 wohl us platzproblem. naja, ide ps3 version hets denn vellicht alli druffe
die 2 wo debi sind, sind übrigens total super, de oswald hani gar ned kennt vorher und de zweiti film isch genau sowas wie de gurgler obe beschribt wo garantiert vomene psychopath stammt und au meh oder weniger d'grundlag für das spiel isch. sind beid extrem sehenswert. ich liebe sowieso de humor und de animations stil vo dene alte filme. viel me müessti kenne.

Was stimmt denn nicht mit der Kamera?

Moff hat geschrieben:was mir a dem spiel übrigens überhaupt ned passt sind die ganze belohnige für quests. teilwis gits die energiechuglene wo sind wie sterne im mario, die sind ok, logisch.
aber was sölled die blöde pins? die gits für sehr viel quests oder au ide welt versteckt zum finde? sind die würklich so sinnlos wie ich befürchte? sowas regt mich total uf.
und fürd tickets chamer sich au fasch nur blödsinn chaufe. werum sött ich 50 tickets für en ladig farb usgseh wenn ich vorem lade schnell en mülltonne umhaue chan und grad 2 ladige bechume? das ganze reward system isch ned bsunders durchdacht und keinesfalls en motivator für sidequests.

Zu de Pins:

Epic Mickey's collectibles, which come in the form of film reels and pins, will unlock "substantial things," including access to levels, according to a game representative during a demo of the game earlier today.
While the exact content isn't confirmed, the items will be used to unlock more content, possibly more levels.
"The collectible pins and film reels will be used later in the game for access to levels," said the representative. Later during the demo, he said that "later on in the game you will get, well I can't say what you'll get, but you'll get things for those pins."

News isch vo Mitte September 2010, wird also chum so si, dass das Feature wieder gstriche worde isch. Hoffe jedefalls au, dass es für d'Pins meh als nume Concept Art gitt (wobi das wahrschinlich scho de Fall wird si, will Concept Art chömed ja als separati Collectible).

Tickets brucht me dänn glaubs, zum nachträglich Sache z'chaufe, wo me i de Levels verpasst hätt. Also z.B. Teili vom Roboter-Goofy. Und die sind dänn angeblich schweinetüür – so als "Straf" defür, dass me nöd gnueg guet ufpasst hätt i de Levels. Da wäred mer wieder bim Deus Ex: En Upgrade-Kanister choschted es paar Tuusig Credits, aber wänn me d'Levels gründlich durchforstet, findet me gnueg vo dene gratis.

guet, was au schad isch, dass ich die klassische mickey filme zu de 2D levels ned kenne, die wäred sicher namal viel geiler. ich wünscht die wäred alli ufem spiel druffe. sind leider nur 2 wohl us platzproblem.

Chan me ja alles uf Youtube nahluege. De Plutopia isch übrigens au eidüütig vo ziemlich chranke Lüüt gmacht worde: http://www.youtube.com/watch?v=SHZqmYRh8f0

tönt alles superfantastisch! ich bin so überhypet wie wahrschiinli sit em twilight princess nie meh.

de wii röibertauglich mache klappt en art nöd, wahrschiinli kabutti sd charte. egal, nur no e wuche.