Arcade Chaschte (Mame) sälber baue

[zeromeier]

Emulation, less is more...

Was wetsch demit säge?

[zeromeier]

Mega Drive: Shadow Dancer ned vergässe! Perfekts "Arcade Game"!


....und natürli SNES Contra III und MD Hard Corps! Chamer guet für Sticks configuriere.


Ich weiss, was das für en scheiss arbet isch. Ich han erst chrüzlich alles vo MAME uf RetroArch umgstellt. Glaub 2 Wuche jede Abig dra gsi bis alles glaufe isch und guet usgseh hett Aber bi sowas isch de Weg au bitzeli sZiel. Es macht mir Spass das Zeugs ufsetze...

Hesch jetzt au bigbox oder 'nur' retroarch?

[sirarthur]

D'Verlockig isch gross, so viel Games wie möglich z'installiere, bi mir führts e chli dezu, dass ich zum eine amel viil Ziit fürs installiere ufwände und wills dänn soviel Games sind, villi Games nur so chli ahspiele. Isch aber klar e persönlichi Iistelligssach. Cool wär, wenn mer sich selber chönnt us sine Games, 3 Favorite pro Monät oder so zämestelle lah und dänn chasch nur die game, mit em Ziel besser zwerde etc.

[Jones]

netflix syndrom... zu viu agebot...

[zeromeier]

Ich han jetzt ca 350 und spiel am schluss glich die immer gliche 10 titel vermuetlich.

Früener au alles wele immer, aber kpl. Schwachsinn. uf konsole findis nö fönny zum irgendwelche Schrott probiere/aluege, wüki spiele tud me ja aber mix devo, klar.

[Master(G)]

isch so, in sache arcade hani mini +/- 100 spiel woni immer gern und viel spiele, hauptsächlich neo geo stuff, cave-shooter, cps 1-3 spiel und paar naomi und atomiswave sache und so 3-4 snes und md games. das würd eigentlich länge. und die sind au uf minere favorite-lischte gspeicheret.

aber es isch scho cool s'komplette set z.b. vo snes ufem emu zha. chasch, wenns langwiilig isch, eifach mal duregah und bitz sache spiele, wo no nie gseh oder ghört hesch. gitt au paar homebrew translations vo japan-only games und protos wo nie erschiene sind. interessant. grad bi snes, gba, nintendo ds und mega drive hani komplett-sets druff. wenni aber es spiel gspielt ha unds scheisse isch, wirds au grad glöscht. so hani aber scho mängs game entdeckt, woni mir denn original kauft ha, wills so geil isch, wie z.b. grad jetzt Batman - The Brave and the Bold für NDS. Hätti nie entdeckt ohni emu. has de grad für 15 stutz uf ricardo kauft für mini NDS sammlig

PS: Bin erst chürzlich uf die Mega Bezel Shader gstosse, wie geil sind denn die bitteschön!? sBild isch jeensiits, wie ufeme Röhre TV oder CRT und das ufeme OLED, fantastisch wie das usgseht. Sogar de Rand vom TV mit de "Spiegelig" vom Spiel im Plastikghüüs händs integriert. Gstört!