Seite 3 von 4
Re: Hobbit in 48 fps
Verfasst: 11 Mai 2011 13:49
von Sylvara
wenn irgend e super jazzspieler eswo mitere band e gig het, würdsch es denn nid o wege ihm ga luege, wenn ihn guet findsch?
ich verstah nid ganz, was das mit desinteresse an film sött z'tüe ha. eigentlich ischs es interesse a einzelne künstler, so wie i jedem andere bereich o. es rettet e film natürlich je nachdem nid - gliichzytig lebt e film aber vo de schauspieler, wie o vo script oder director. es bruucht alles.
und dr will smith isch halt es tumms bispil; es git gnueg schauspieler oder directors, wo's durchuus sinn macht sich dür d'filmography ds luege. und das machet vorallem film-liebhaber.
Re: Hobbit in 48 fps
Verfasst: 11 Mai 2011 14:18
von zwirrlibatz
frögsch das jetz mich? türli isch mir i de musig wichtig wer da spielt. bi de film weniger aber au.
vo desinträsse händ die andere da gredt. dass filmstars kei publikumsmagnete meh siged und d'masse nöd gaht en film wägemene Leeeeoooo oder em Pattison go luege. wie chunnt me uf so e bhauptig? en Inception würdeds nie so massewiis go luege mit irgendemne heini i de hauptrolle. und drzue wird eh wie immer nur vom hollywoodorientierte filmkonsumverhalte gredt und kühn e wältumspannende fakt drus zwirblet.
churz: komplett gaga.
Re: Hobbit in 48 fps
Verfasst: 11 Mai 2011 14:21
von O_O
fair. gasch mal uf hollywood das de lüüt döt go säge.
Re: Hobbit in 48 fps
Verfasst: 11 Mai 2011 14:25
von zwirrlibatz
was sägeds mir dänn? dass en schrottfilm nüme eifach zieht nur will dä james dean #9765 mitspielt?
Re: Hobbit in 48 fps
Verfasst: 11 Mai 2011 14:27
von O_O
Re: Hobbit in 48 fps
Verfasst: 11 Mai 2011 14:31
von O_O
Movie stars are in decline because, for better or worse, movies simply no longer need them. It’s a telling reflection that at the height of Avatar’s success, its “stars” Sam Worthington and Zoe Saldana could have walked the length of Oxford Street without being stopped or recognised.
Re: Hobbit in 48 fps
Verfasst: 11 Mai 2011 14:48
von Sylvara
zwirrlibatz hat geschrieben:frögsch das jetz mich? türli isch mir i de musig wichtig wer da spielt. bi de film weniger aber au.
isch primär in bezug uf das gsi -
zwirrlibatz hat geschrieben:
was ich gschriebe han stimmt. die "unintressierte" lüüt intressere sich für d'schauspieler und nöd für d'film.
und logisch gö viel lüüt fark film wegem XY ga luege; genauso wie lüüt gueti film weg XY gö ga luege. und sehr viel lüüt gö eifach 'blockbuster' ga luege und wüsset nidmal wer mitspielt. dr personekult isch früener viel es grössers thema gsi, als hüt, drum isch "d'hollywood garde" inzwüsche o so e abklatsch.
Re: Hobbit in 48 fps
Verfasst: 11 Mai 2011 16:05
von zwirrlibatz
Da verwächsled paar Lüüt öppis (au die woner usem Internetz zitieret). Die Stars wo
ihr meined ziehnd nüme. Isch Generationewächsel, nüt anders. En Harrison Ford isch hä? Brad Pitt wer? No paar Jahr und dänn händ sich Sam Worthington und Zoe Saldana etc etabliert. Isch scho immer so gsi. De O_O etc und sin Link töned wie die wo afangs 70er Jahr em Cary Grant nahtruuret händ. Kidman? Roberts? Hallo?
Und wieder redet ihr usschliesslich scheuklappig vom Hollywoodchino.
Re: Hobbit in 48 fps
Verfasst: 11 Mai 2011 16:09
von zwirrlibatz
Sylvara hat geschrieben:isch primär in bezug uf das gsi -
zwirrlibatz hat geschrieben:
was ich gschriebe han stimmt. die "unintressierte" lüüt intressere sich für d'schauspieler und nöd für d'film.
Tue au s'Gala abonniere. S'gitt Horde vo neue Stars wo mir/ihr (no)ni känned. Ich schlüss nöd vo mir ufs ganze Filmpublikum.
Re: Hobbit in 48 fps
Verfasst: 11 Mai 2011 16:10
von Sylvara
zwirrlibatz hat geschrieben:Und wieder redet ihr usschliesslich scheuklappig vom Hollywoodchino.
lol du selber hesch doch vo "Leeeeoooo oder em Pattison" gredet.
Re: Hobbit in 48 fps
Verfasst: 11 Mai 2011 16:13
von zwirrlibatz
Sylvara hat geschrieben:zwirrlibatz hat geschrieben:Und wieder redet ihr usschliesslich scheuklappig vom Hollywoodchino.
lol du selber hesch doch vo "Leeeeoooo oder em Pattison" gredet.
he ja logisch nimm ich die als gägebiischpiel wenn die andere nume innerhalb vo hollywood rede.
Re: Hobbit in 48 fps
Verfasst: 11 Mai 2011 16:20
von O_O
de pattison cha grad chli ufem erfolg riite woner mit twilight het. de wird, chum sind die film abdräit, gad schnell wieder in bode versinke.
de dicaprio het au ersch gad 3 film nachenand gha wo nur mässigi erfolg sind gsi. er schaft aber au meh oder weniger exklusiv mit de hollywood crème de la crème.
Re: Hobbit in 48 fps
Verfasst: 11 Mai 2011 22:30
von Supersonic
De Pattison macht jetzt Water for Elephants, de wird vermuetli gross wils Buech bekannt isch
Laulen, de Zwirrli isch voll am umezwirrle
Eigentlich egal was du seisch wenns eso isch. Logo gits immerno es paar uusnahme, aber es isch momentan en Umbruch am stattfinde.
Säg mir mal en Publikumsmagnet vo Tron Legacy (de Jeff Bridges kennt ja luut dinere Uussag niemerd meh). Oder erchlär mir warum Social Network ohni irgendwelchi grossi Näme aacho isch. Oder District 9 oder Hangover. Oder warum nebem Russel Crowe die nume uus Serie bekannti Elizabeth Banks im "The next three days" mit macht. Klar gahts um Hollywood, die hend ihri Finger sowieso ih jedere Produktion drin. Öb de Jamel Debbouze oder de Takeshi Kaneshiro immero Publikumsmagnete sind oder nöd chamer sich ja drüber striite, aber das isch eifach international en viel chliinere Markt. Und Bollywood interessiert kein Mensch. Und in China isch de Jackie Chan en Popstar, die zählt mer also nöd mit
Re: Hobbit in 48 fps
Verfasst: 11 Mai 2011 23:47
von Sephi
Sch eh bitz en füürigi Diskussion will d Wahrheit erschtens vo de agluegte Zielgruppe abhängt wo zweitens eh sehr schwirig abgzgränze si und drittens wohl zwüsche de beide Extrempole (Starpower het gar ke Ifluss/Starpower isch total wichtig) ligt. Und denn nomal vo Film zu Film ungerschidlech. Aber so wies de Abdalla und s Pony gseit hei, de Trend schiint klar zsi, zmingscht im Verglich mit vor 30 Johr.
Re: Hobbit in 48 fps
Verfasst: 12 Mai 2011 12:32
von zwirrlibatz
Supersonic hat geschrieben:Logo gits immerno es paar uusnahme,
wo du mit em tron und em social network aber au argumentiersch drmit. die diskussion isch chabis will jede was nach gfüehl bhauptet. geschter sinds no "fakte" gsi, jetz nur no "trends". drzue bringt jede zweidrü filmbiischpiel, als argumentation für oder gäge oder als die übliche usnahme.
de buzz vom social network isch sälbschterchlärend. plus intressiere sich lüüt, wo en elei wägem thema nöd würded go luege, wäg em fincher drfür. de tron zehrt vom 3D und vo de olivia für de junge und em bridges für die alte nerds. bim bridges han ich im übrige nöd eifach gseit de kenni niemert meh, sondern dass er alti garde isch wo vo neue (wo no prophetisch de argumentation z'lieb als bald wieder passé erchlärt werde) abglöst wird und dass ihr das wohl nöd xehnd und drum es schwindends inträsse a persone wänd feschtstelle. genau läse und mitdänke bitte statt umezwirrle. und bolly- und nollywood und china etc intressiered türli niemert. praktisch. na wie au immer. bhaupte isch halt lässig.
Re: Hobbit in 48 fps
Verfasst: 12 Mai 2011 23:04
von Sephi
zwirrlibatz hat geschrieben:Supersonic hat geschrieben:Logo gits immerno es paar uusnahme,
wo du mit em tron und em social network aber au argumentiersch drmit. die diskussion isch chabis will jede was nach gfüehl bhauptet. geschter sinds no "fakte" gsi, jetz nur no "trends". drzue bringt jede zweidrü filmbiischpiel, als argumentation für oder gäge oder als die übliche usnahme.
de buzz vom social network isch sälbschterchlärend. plus intressiere sich lüüt, wo en elei wägem thema nöd würded go luege, wäg em fincher drfür. de tron zehrt vom 3D und vo de olivia für de junge und em bridges für die alte nerds. bim bridges han ich im übrige nöd eifach gseit de kenni niemert meh, sondern dass er alti garde isch wo vo neue (wo no prophetisch de argumentation z'lieb als bald wieder passé erchlärt werde) abglöst wird und dass ihr das wohl nöd xehnd und drum es schwindends inträsse a persone wänd feschtstelle. genau läse und mitdänke bitte statt umezwirrle. und bolly- und nollywood und china etc intressiered türli niemert. praktisch. na wie au immer. bhaupte isch halt lässig.
Weisch was au lässig isch? Sich informiere!
http://www.nytimes.com/2006/08/28/busin ... gewanted=2
Und Trends schliesse Fakte nid uus. Wie gseit, wird wohl im Ändeffekt en Mittelwäg und projektabhängig sii wele Star wenn, wie und inwiefern überhaupt funktioniert (siehe au de Artikel da obe). Aber das wo de CJay het wölle druf ufmerksam mache isch en allgemein rückläufige Trend i de Wichtigkeit vo Stars füre Erfolg vo Filme. Intuitiv söttme meine dass dem nid so isch (hanich ja au), aber schinbar wird das vo vilne Site bestätiget.
Und nomol: Du redsch vomene Filmfan-Publikum. D Mehrheit vo de Social-Network-Lueger hend ke Ahnig wär de Fincher isch.
Re: Hobbit in 48 fps
Verfasst: 13 Mai 2011 07:22
von zwirrlibatz
Sephi hat geschrieben:Und nomol: Du redsch vomene Filmfan-Publikum. D Mehrheit vo de Social-Network-Lueger hend ke Ahnig wär de Fincher isch.
red ich nöd. lies nomal.
und ja, en
trend gitts. kein fakt. trends gitts immer sit ewigs wemme scho vo sich informiere red. vor paar jahr händ lüüt ernschthaft drvo gredt, schauspieler werded wäg de galoppierende animationstechnik überflüssig. im neue hollywood chino afangs 70er jahr hett niemert meh was vo stars wie sinatra, doris day, dean martin wele wüsse. s'sind dänn eifach anderi cho. wo eine e CD kauft hett, isch me überzügt gsi vom tod vom vinyl, rock killt blues, hiphop killt rock, techno killt hiphop. bi jedem trend schreiet d'marktforscher vo wandel, umbruch und ablösig (und de "informiert" plapperets nah), drbii gitts immer nur erwiiterige und variation, verschmelzige und ergänzige und früehner oder spöter sowieso d'retrowälle. drum isch was ihr da gsehnd nur ein chliine kräusel uf em ewige ozean.
Re: Hobbit in 48 fps
Verfasst: 14 Mai 2011 01:13
von Supersonic
Lulz, totali Scheuchlappe, sorry!
Das en Film meh Zuschauer hett wegeme Star isch ganz eifach vo de Zahle her nahvollziehbar.
Ich gang jetzt nöd go recherchiere und WB oder Columbia es Email wäge Zahle go schriebe, aber es isch eifach so, dass d'Schauspieler nüme
so grossi Publikumsmagnete sind wie au scho. Das de Tom Hanks gar kei Würkig meh hett uufs Publikum seit ja niemerd, aber es isch ganz
bestimmt nüme s'gliiche wie ide letschte 10-20 Jahr.
Und Logo isch das nume en Kräusel uf em Ozean, aber de Ozean bestaht nunmal uus viele vo dene und mir Diskutiered jetzt grad über de und nöd über de Rest.
Re: Hobbit in 48 fps
Verfasst: 14 Mai 2011 10:19
von h4xX0r
ihr lehrneds eifach nöd
Re: Hobbit in 48 fps
Verfasst: 14 Mai 2011 11:47
von Supersonic
h4xX0r hat geschrieben:ihr lehrneds eifach nöd
Du häsch sooo recht
Re: Hobbit in 48 fps
Verfasst: 14 Mai 2011 12:05
von zwirrlibatz
Supersonic hat geschrieben:Lulz, totali Scheuchlappe, sorry!
Das en Film meh Zuschauer hett wegeme Star isch ganz eifach vo de Zahle her nahvollziehbar.
Ich gang jetzt nöd go recherchiere und WB oder Columbia es Email wäge Zahle go schriebe, aber es isch eifach so, dass d'Schauspieler nüme
so grossi Publikumsmagnete sind wie au scho. Das de Tom Hanks gar kei Würkig meh hett uufs Publikum seit ja niemerd, aber es isch ganz
bestimmt nüme s'gliiche wie ide letschte 10-20 Jahr.
Und Logo isch das nume en Kräusel uf em Ozean, aber de Ozean bestaht nunmal uus viele vo dene und mir Diskutiered jetzt grad über de und nöd über de Rest.
haaalllooooo? Ich bestritte nöd, dass d'Schauspieler nüme so grossi Publikumsmagnete sind wie au scho sondern säg, dass die Stars vo de letschte 20 Jahr nüme ziehnd aber dass es wieder neui Magnete gäh wird. Wie sit hundert Jahr. Valentino, Keaton, Wayne, Redford, Hanks, Pitt, Depp, Pattinson. Ihr aber füehred churzsichtig nur die momentan verblassende Stars als Indiz für en grundsätzliche Trend ah. Vo wäge Scheuchlappe LOL. Das isch dä Chabis und drum Kräusel auf Ozean.
btw zeig mir die nahvollziehbare Zahle und ich interpretier dir die uf 5 sich widersprächendi Arte.
Re: Hobbit in 48 fps
Verfasst: 14 Mai 2011 19:01
von O_O
du duesch so als wärs d kurve sinusförmig debi ischs eher e gägeabezeigende pfiil.
Re: Hobbit in 48 fps
Verfasst: 14 Mai 2011 20:45
von emP
h4xX0r hat geschrieben:ihr lehrneds eifach nöd
Re: Hobbit in 48 fps
Verfasst: 15 Mai 2011 11:55
von zwirrlibatz
O_O hat geschrieben:du weisch us jarzehntelangem studium dass d kurve sinusförmig isch.
korrigiert, so isch richtig.
Re: Hobbit in 48 fps
Verfasst: 15 Mai 2011 14:10
von Sephi
Und werum Artikle oder Meinige us der Industrie zitiere wennme sech so felsefescht uf die eigeni Sinnesschärfi und Erfahrig cha verloh.