The(G)Forum

spiel ich jetz das bis am füfte juli oder han ich dänn zelda überdose?

was isch am füüfte?

ersch dänn chunnt mis amazon.uk royal pain in the post oot.

bi ebe au am überlege obis no söll beende. ha scho 5 instrument. aber ich wott nid scho e zelda ermüedig ha.

spilsch au bi jedem neue instrument erneut t balade vom windfisch vorem ei?
nach tempel 5 gohts ab, denn kunt me fascht überall ane uf dr map. nummer 6 isch chli psycho, und nix für emotional schwachi. tränli simer us de auge kullert als kline bueb.
7 und 8 sind denn MEGA, und knifflig. nit wenig oft hani em dax and nintendo hotline aglütte

De Turm (zweitletsche Dungeon glaub) isch rächt Hardkoor, da han ich au rächt gkrampfet. Aber hätt ja glaubs en super Zwüscheboss, wo me öppe 34958739485 mal mues bekämpfe und bi jedem Träffe wird er echli hässiger

dr endboss vo dem tempel seht chli us wie en schueschnabler wo angry isch. sott aber e adler darstelle. finds übrigens genial dass es 2 bosse git womme us dr "super mario perspektive" bekämpft"

aber isch wirklich knifflig. aber au logisch. im letshcte kamme sich um einiges übler verlaufe.
bonus hint: bim "event" wo dr 8. tempel öffnet kunt me in gnuss vo genialer musik wo nur dort vorkunnt. pause drugge und chli laufe loh

evo hat geschrieben:spilsch au bi jedem neue instrument erneut t balade vom windfisch vorem ei?

sött me das dämfall...


ich han sowasvo müeh mit 2D maps. womunidure?

er spilt eifach jemols t balade mit dene instrument woner het. isch no cool dr fortschrit z'höre wenn jewils e neus drzue kunt

zwirrlibatz hat geschrieben: womunidure?

wo genau bisch? ich kenn jedes fucking gebüsch uf dr insle cocolint mit vorname

meh so allgemein. 2 screens links 1 screen ufe und tschüss ha ke ahnig meh wo was gsi isch.

genau für das gits ja dr select knopf? s git e ganzes buech über die kartefunktion in dr bibliothek

dä select chnopf han ich dänn mal gfunde. aber bim über d'charte scrolle gitts doch meischtens es fragezeiche im erklärviereggli und öb dänn da und det unterwägs gliich en unverschiebbare fels im wäg staht weisch denn ebe au noni. jedefalls vergiss ich das immer alles grad sofort. ich känn jede busch mit stammbaum im OoT und TP Hyrule, aber bi dene 3D wälte hetts glaubs eh weniger hindernis und vertrackti wäg...

zwirrlibatz hat geschrieben:ersch dänn chunnt mis amazon.uk royal pain in the post oot.

Es chunnt sicher nid ersch denn. Wie gseit, delivery estimates id Schwiz si uf amazon no oft falsch.

Sephi hat geschrieben:

zwirrlibatz hat geschrieben:ersch dänn chunnt mis amazon.uk royal pain in the post oot.

Es chunnt sicher nid ersch denn. Wie gseit, delivery estimates id Schwiz si uf amazon no oft falsch.

Hüt sinds do.

Ich hans mir jetzt au no gkauft :typej: Natürlich uf Dütsch. D'Claude Moyse-Übersetzig isch a gwüsse Stelle sowas vo hinüber, es isch super

Link untersucht das Regal..! ...
Das ist ja ein tolles Regal..!

"Wunderkran! 1 Spiel 10 Rubine"
x Zock
x Gähn

Er isch übrigens super:

ich spiel dä OoT jetz uf dütsch und de isch drgäge sowas vo öd will ernschthaft elfe fantasy wältuntergang helde krempel. ok uf änglisch türli au aber es fallt drum grad chli sehr uf.

bescht isch immerno:

Ja
Lechz

version da kein lechz.

D'Color-Version hätt scho es paar Fragwürdigi Änderige. Wieso heisst de Hund nüme Struppi sondern Komet? Dum!

de hund HUND

O_O hat geschrieben:de hund HUND

Was? Natürlich sind Chain Chomps HÖnd, was dänn susch? Drum sinds ja grad so super!

jaja ich weiss scho dases hünd sind. ich lach drüber. en ball are chötti. rächt guet.

O_O hat geschrieben:jaja ich weiss scho dases hünd sind. ich lach drüber. en ball are chötti. rächt guet.

Ja ebe, super. Und er kläfft (im Zelda allerdings nonig). No besser.

Mindestens so guet wie's Spil isch dozmol au d'Werbig gsi.


Quelle