The(G)Forum

Ich han lieber en Mietwohnig, wo ich jederzyt use chan / nüt muess investiere als en Hus, wo nöd mal mit ghört und no höch mit Hypotheke belaschtet ist. Fasch so dumm wie mit emene Auto protze, wo eim nid ghört, isch meine, es Hus sig geil wo öppe zu 80% de Bank ghört. laul

Scheisse, han mir grad sälber widersproche. Leasing ftw!

was schwaflisch du vo protze? Du chasch der au en 15'000.- Möngel-Dacia oder Smart lease.

Merksch nid, tuen gärn chli domm schnorre.

NERV hat geschrieben:Merksch nid, tuen gärn chli domm schnorre.

hypothekenn 4 dummies! dr nerv het's grad erklärt! :typej:
ganz so eifach isches ja nid gäu... sprichwort stüre und so!

Miete, öpis vom tümmschte wo's git. Grund:

Sägemer, hesch en Wohnig, und zahlsch 1350 Fr. mieti pro Monet. Wohi gaht das Geld? Irgendwohi, ines schwarzes Loch use!

Hingege wenn en Wohnig chaufsch, gaht das Geld a dini eigeti Hypothek, quasi a dich sälber. Je meh das izahlsch desto meh ghört der. Drum macht kaufe i mine Auge vill meh Sinn als Miete.

Problematik bim Chaufe isch de Eigemietwert, aber de Bundesrat isch momentan glaub grad drah de Eigenmietwert abzschaffe.

Miete isch denn interessant wennd uf de gegesite stahsch, sprich wenn Vermieter bisch. Am beschte machsch folgendes:

1. Nimmsch bi de Bank en Hypothek uf, und bausch demit en Block mit paar Wohnige
2. Lüt wo wohnige suechet gits meh als gnueg. Bisch also uf de sichere site.
3. Mit em Mietzins vo de Mieter zahlsch d Hypothek zrugg
4. Zuesätzlich gits no en chlini Rendite.
5. WICHTIG: Uf kein Fall sich selber mit de Mieter umeschlah. Das git nur Problem. Unbedingt s ganze Mieterwese uslagere ane drittfirma, die machet alles (Verträg, Mieter ussueche, Reinigung etc).

Jetzt bruuchsch "nur" no gnueg Eigekapital um en Wohnigsblock anezstelle.

s'problem am wohnigschauf isch, dass din nachbar über under und nebed dir sini wohnig au kauft hät.

SinGinSmith hat geschrieben:
Problematik bim Chaufe isch de Eigemietwert, aber de Bundesrat isch momentan glaub grad drah de Eigenmietwert abzschaffe.

ah ja? das wird abgschafft? i ha öpis gläse vore neue stüür, wo druf abzielt, dass d'wohnflächi, wo du bruchsch, bestürt wird!
ob das de uf mieti und eigetum genau glich abzielt isch mir unklar! ha's nume am rand mitbecho!
das würd aber heisse, dass dr bund sini bürger mit dere stür i müglechscht chlini wohnige zwinge wott! nid ganz unlogisch, wenn jedes jahr 100'000 lüt i das land iwandere!


Sent from my Transformer TF101 using Tapatalk

Leasing wär geil wenn mes bi de Stüre chönt ageh. Cha me aber nid, also machts für Privatpersone nume wenig Sinn.

Und süsch chunts halt uf die eigeti Istellig drufah. Wohnig miete isch geil, de chasch eifach kündige wenn wotsch zügle. Anderersits hesch halt bim Hus der Vorteil dass i der eigete Hütte niemert über/unter/nebe dir hesch wo dir uf e Sack cha goh. Defür muesch halt denn selber zum Hus luege unds instandhalte. Schön, wenn öpper dran Freud het. Für mich wär das nüt.

Jones hat geschrieben: ah ja? das wird abgschafft?

das chan na ewigs gah. wird scho lang drüber diskutiert.

ich wär froh, dänn müessti dä liegeschaftsunterhalt amigs nümä aluege bi mine pflichtige

gaht scho, masch dich selbschtständig, oder lahsch dirs über gschäft lease. macht jede handwerker bzw. jedes KMU.