The(G)Forum

Also ich möchte gerne alles vollständig haben und sowas verdirbt mit den Appetit denn ich habe ja nur 3 saves haben können und jetzt kann ich nicht zurück um es noch nachzuholen. Wieso kann man nicht mehr als 3 saves haben? Jemand ne Ahnung wie man mehr haben kann?

Für diese Art von Games braucht man 50 saves, danach kann man sofort nachladen sobald was hochgeht... ansonsten wird man NIE Vollständigkeit erreichen können, ausser man nimmt ein Guide der sagt was man machen soll bevor etwas hochgeht. Ist eigentlich eher lame.

Ich habe 2 saves vorher gehabt, beide Male konnte ich es nicht machen da die betroffene Person immer eine Ausrede hatte es nicht zu tun, mir wird sozusagen diktiert was ich machen soll damit es nicht funzt. Und sowas nennt man "freie Welt"? Ich muss alles genau zum richtigen Zeitpunkt tun ansonsten ists vorbei.

Werd wieder alles neu anfangen und diesmal die Saves viel stärker verteilen. Normalerweise hatt man endlos viele Saves und solche Probleme sind non existent aber beim Wii ist immer alles begrenzt, darum ists ja ein Wii.

ich verträgs vorallem nöd wäg de musig. z'ufdringlich und deplatziert. und das i 10sekunde loops bi 5h umegrinde, das gaht nöd.

wieso grindisch? git ja für alle scheiss xp. verstahn ich nöd ganz.

ok hätt nöd sölle grinde schriebe. ich mein drmit dass me stuuuuunde a eim ort mit metzle und erkunde und queste usw verbringt. das au will ich im minutetakt stirb. rinse and repeat. and repeat. und drum macht mich die ufdringlich musig scho längschtens wahnsinnig.

stiiirb doch nöd! muess abr au sege das kampfsystem scho sehr hektisch isch und zum teil schnell muesch entscheide.

dä erschti boss det im colony 9, nach ca 3h kloppe han ich endli de erscht chain attack zstandbracht!

hahah chain attack han ich au es ziitli gha bis ichs dine gha han. han glaubs au ca. 10x probiert. de siech haet eifach nöd welle umflüge. lol.

Bin bisher efäng 1x gstorbe, aber au nume will sich unvorgsehens en Named Mob in Kampf igschalte hätt. S'Kampfsystem isch komplex, aber me chunnts doch relativ schnäll in Griff über. De Chain Attack-Meter füllt sich anschienend schnäller, wänn me bi dene "im rächte Moment 'B' trucke"-Ereignis es guets Timing hätt und wänn me die positionsabhängige Spezialattacke (vo de Siite, vo hine) us de richtige Position usfüehrt. Ich han momentan jedefalls überhaupt kei Problem mit em Schwierigkeitsgrad, aber ich mach au alli Sidequests

ich stirb andurend loul.

Mini Wii isch kab0tt, schüsch würdi das ou spile.
Ha sogar d'Version mitm rote Controller kouft, fail. Scho lang nüm es Game kouft, i hoffe das chunnt guet. Töne duets nid schlächt.

Das isch genau das Spiel wo ich jetzt grad bruuche! YESSSS!!!

Supersonic hat geschrieben:Das isch genau das Spiel wo ich jetzt grad bruuche! YESSSS!!!

check red forum!

OLOOOLOOLLOL, hans z'spaat gseh

Ich bin nonig wiit im Spieli (han endlich mal de Bionis Leg meh oder weniger hinder mir glah) und drum eigentlich kein Spoiler und nume Spekulation, aber ich gange jedi Wett i, dass de bösi Obermechon, wo d'Fiora umbracht hätt, aberschosicher de Idiot isch, wo ganz am Afang während de Schlacht im Intro de Dunban im Stich laht. Me gseht ihn ja nöd würklich stärbe und beidi kämpfed mit so tumme Chralledinger. Und dass die Mechons irgendwie umbauti Mänsche sind, isch eh klar, es gilt ja schliesslich gwüssi Anime-Klischees z'erfülle

Ich tuen das jetzt eifach mal so da ineposte, dass ich mir dänn uf d'Schultere chlopfe chan, wänn's dänn stimmt

PS: Super Spieli. Immer no.

ich ahn wenig überraschenderwiis s gliche dänkt und gurk übrigens au no ufem bei ume und mache div. sidequests.

Ich zocks jetzt au in 1080p mit dem Delfin via PC/TV mit X360 Pad. (Natürlich han ich au no en Original Wii Exemplar bi Alcom gchauft). :monkeydance:

Wieso hend ihr Müeh mit de Chain Attacks? Isch doch ziemlich simpel!?
Han jetzt ebe grad de Bossfight gmacht...

Mir gfallts super, s'einzige womi nervt, dass mer die ganz Ziit is Menü mues zum neui Uusrüstige go driitue oder AP z'verwende...
Also mer mues nöd, aber ich machs, lol!

Ah ja: Und es gseht uus wie wiederkäuts Hundefuetter aber das vergib ich amene guete Spiel amigs no schnell...

Würkli es sehr, sehr guets Spili. Wird mir bim spile immer ganz warm ums Härz und ich chan gar nüme demit ufhöre. S'isch letscht mal glaubs bi Skies of Arcadia de Fall gsi. Würd ohni Bedenkte sofort mindestens 90% Spielspass geh!

Supersonic hat geschrieben:Ah ja: Und es gseht uus wie wiederkäuts Hundefuetter aber das vergib ich amene guete Spiel amigs no schnell...

kauf e röhre tv

churz chlini pause gmacht aber bi am wiiter spile und es wird nid schlechter.

Han nume gschnäll welle säge: Bald 80 Stund i das Spieli gsteckt und bin immer nonig dure Es gitt eso viel z'gseh und z'mache i dem Spieli, es isch nöd normal. Bescht Spieli vo däre Konsolegeneration

gears het mi chli abglänkt ich hock immerno bi 25h umenand.

Ich spiel grad nüt anders, s'Deus Ex mues au no warte. Grossartig a dem Spieli isch vor allem, dass d'Entwickler nöd s'Gfühl gha händ, sie müessed s'Spielerläbnis um jede Priis verdichte. All die MMORPG-mässige Sidequests sind zwar nüechtern gseh mehrheitlich total billigi Spielziit-Verlängerig, aber es ghört eifach irgendwie zu so eme Spieli. Ebeso s'Grinding, d'Masse a Equipment, s'Gem Crafting, d'Beziehigsnetz i de Party und under de NPCs, usw. Au wänn bi dene Sache nöd viel abgaht, "erläbt" me dur die doch irgendwie d'Spielwelt erst so richtig intensiv. Ich han überhaupt keis Problem demit, i einere Sitzig au mal nume Sidequests oder anderi Näbesache z'erledige.

De Witcher isch da damals en ähnliche Fall gsi, drum hätt mich dänn de Nachfolger au nüme würklich überzüügt (han en nöd emal fertig gspielt, lulz). Dä händ's nämlich s'Gameplay genau so uf s'angeblich Wesentliche verdichtet, was i de Theorie zwiifellos vernünftig tönt, i de Praxis aber eifach s'Spielerläbnis als Ganzes empfindlich schmäleret.

Ah ja, de Soundtrack isch z.T. au grossartig. Z.B das da - irgendwo zwüschet Metroid Prime, Deus Ex und Blade Runner. Huere Guet!


Quelle


De vortex hätt en Fähler gmacht, dass er das scho wieder verchauft hätt. Es isch s'beschte JRPG sitt em Skies of Arcadia (au scho wieder über 10 Jahr här :scheisseichwirdalt:)