Bundesratswahle

[emP]

de Berset isch ersch 39. *spannend*

[zwirrlibatz]

D'SVP hett türli es Arächt uf en zweite Sitz, vom Wählerateil her aber nur uf Chöschte vo de BDP. Dass d'SP sie würde bimne Agriff uf d'FDP unterstütze, isch au nur gsi will die a de Widmer-Schlumpf feschthalte. Ich hätt aber gschtuunt, wenn das klappt hätti. Will d'CVP wird de SVP sit de Blocher/Metzler Gschicht chuum jemals wieder en Gfalle tue. Und drufabe händs im 2007 ja ihri 2 Sitz gha und dänn vo sich us uf eine drvo verzichtet, das aber mittlerwiile vergässe bi ihrem Gschwätz vom Konkordanzbruch dür alli andere. Näb emne BDP Sitz no zwei SVP Sitz im Bundesrat, dadrah hett ja wohl nie öpper glaubt wo bi Troscht. Also händs damals scho strategisch gfailt. Sie händs nöd erscht hüt verbockt. Sie sind hüt als Konsequänz vo ihrem Verhalte i de letschte Jahre vo vornherein chancelos gsi. Sie chönnd jetz nur no die ganz Füehrigsriege uf de Mond schüsse und uf Lüüt wie en This Jenny (de isch rächt super für eine us ihrne Reihe) setze.

Möglicherwiis aber isch es au Kalkül gsi. Wie amigs bi ihrne unumsetzbare Initiative händs mit ihrne konsensfähige aber weg de Positione vo de anderne Parteie trotzdäm chancelose Kandidate bewusst e "mir gäge classe politique" Opferrolle gfahre. Drmit sie sich bi ihrem Wahlvolk bestätigt füehle. Will, wie's immer isch bi Schnorris und Polterer, verstecke au sie sich gärn vor de Verantwortig. Einzelni Exponänte müessted susch Profil und Charakter zeige, statt gschlosse i de schimpfende Masse chöne mitzblöke. Und so spekuliereds druf, bi de nöchschte Parlamäntswahle wieder Sympathiestimme uf die altbewährt Art guetzmache, was ihne als "Opposition" meh brächti als en per default zu Kompromisspolitik zwungne 2te Bundesrat.

[thaeye]

und es wird au so passiere, und es isch eifach nöd guet für s land, en polterndi svp i de opposition wird bim volk nah meh stimme mache. den haender den s gschenk. drum unbedingt dene en 2. sitz bi de nächste wahle geh ansonste wirds scho chli kurlig.

[zwirrlibatz]

aber uf chöschte vo wem sölleds dä brcho? ich gseh eigetli aber au nöd, werum und wohii d'SVP ihri "politik" sötted ändere wenns de zweit sitz brchämted. wäreds dänn konsensbereiter will weniger töibelig? um das gahts dene doch gar nöd.

[geosnow]

fame bitches sinds.

[Waldschrat]

aber uf chöschte vo wem sölleds dä brcho?

vo irgendwem, scheissegal. fucking bundesrat isch dermasse wayne.

würdend gschider mal dia kack parlament unter kontrolle kriaga.

[geosnow]

ich wär gern bundesrat. 400k lohn, kei usgabe. chli stüre zahle und denn e iisi rente vo 220k.

[zwirrlibatz]

würdend gschider mal dia kack parlament unter kontrolle kriaga.

das wähle mir.

[thaeye]

aber uf chöschte vo wem sölleds dä brcho? ich gseh eigetli aber au nöd, werum und wohii d'SVP ihri "politik" sötted ändere wenns de zweit sitz brchämted. wäreds dänn konsensbereiter will weniger töibelig? um das gahts dene doch gar nöd.

konsensbereit? öppe s glich schimpfwort wie konkordanz. und dasmal haet d svp ja würkli sehr für ihri verhältnis gmässigti lüüüt ufgstellt, en rime isch sehr beliebt im parlament au de schlingel zuppiger isches eigetnlich gsi. die geltet ja gnau als konsenspolitiker au wenns i de svp sind.

problem isch halt scho das jetzt d svp s glich lied widr 4 jahr singt und d schwiiz kein schritt in richtig zuekunft chan mache. mit de grösste partei ide schwiiz muesch halt au zämäschaffe ansonste gits problem, natürli isch d svp da au nöd makelfrei und isch jetzt z.t au selber schuld wies abglofe isch und büüütet wenig hand füren zämäarbet, trotzdem muesst das doch funktioniere aber sind alles die gliche zwängelichöpf (vo levrat bis zu leueberger-blocher). und s parteiegezanke wird über allem gstellt.

sie muend id regierig ibunde werde und das imene vernünftige rahme und nöd so wie jetzt. wenn das nöd passiert wird die partei wiiterhin es störfüür blibe und alli trülllet sich im chreis. zwei frontalpositione treffet sich meistens i de mitti vo dem her muesses 2 sp und 2 svp vertreter im bundesrat ha und zwar vertreter wo vo de partei vorgschlage werdet.

d svp muess de gamer nöd gfalle aber mer sött sich bewusst werde das sich doch es paar lüüt nöd vo dem bundesrat vertrete fühlet. und ja die wohnet halt nöd i de coole städt und bejublet alles was mit multikulti ztue haet. aber au die lüüt gits und sölls au geh. immerhin isch das en qualität vo de schwiiz. churz am rand, d muoatathaler haend a de letschte gmeindsversammlig de budgetposte "Anzug für alle Gemeinderäte" 6000 CHF abglehnt.!!!! lol. so laufts und es isch guet so.

aber ebe ich nimm aa d fdp verlüüürt nah meh an bode und muess de 2. sitz den eh bald abgeh.....

[O_O]

ich bin total defür das d svp en zweite sitz überchunt nur ischd eveline abwähle nid s richtige mittel defür gsi. warte bis sich de burkhalter verabschiedet und si chönd inedue wär si wennd.

[zwirrlibatz]

aber uf chöschte vo wem sölleds dä brcho? ich gseh eigetli aber au nöd, werum und wohii d'SVP ihri "politik" sötted ändere wenns de zweit sitz brchämted. wäreds dänn konsensbereiter will weniger töibelig? um das gahts dene doch gar nöd.

konsensbereit? öppe s glich schimpfwort wie konkordanz. und dasmal haet d svp ja würkli sehr für ihri verhältnis gmässigti lüüüt ufgstellt, en rime isch sehr beliebt im parlament au de schlingel zuppiger isches eigetnlich gsi. die geltet ja gnau als konsenspolitiker au wenns i de svp sind.

Das han ich ja au gseit. Sie händ (nach emne huusgmachte Puff) 2 Konsenskandidate vorgschlage. So sehr Konsens, dass die ihne vor paar Jahr sälber nämli nöd aber drfür plötzli dasmal doch gnähm gsi sind. Drufabe mini, wenn au gwagti, Vermuetig, dass es eh Kalkül gsi isch im Sinn vo "sogar wemmer wählbari bringed, wänds eus nöd!". Aber ebe Pfrag, was würd sich bi ihrem Ufträte jetz ändere wenns 2 Bundesröt hätted? Händs ja schomal gha und es isch alles gliich gsi.

problem isch halt scho das jetzt d svp s glich lied widr 4 jahr singt und d schwiiz kein schritt in richtig zuekunft chan mache. mit de grösste partei ide schwiiz muesch halt au zämäschaffe ansonste gits problem, natürli isch d svp da au nöd makelfrei und isch jetzt z.t au selber schuld wies abglofe isch und büüütet wenig hand füren zämäarbet, trotzdem muesst das doch funktioniere aber sind alles die gliche zwängelichöpf (vo levrat bis zu leueberger-blocher). und s parteiegezanke wird über allem gstellt.

Das mit de Zwängelchöpf stimmt so nöd würkli. Ja alli händ ihres Programm, aber wenn sich Parteie gschlosse (linggi und bürgerlichi!) über de eiget Tällerrand gäg e anderi stelled, dänn bedüütet das i dere Situation was ganz anderes. Öppis wo mich rächt erfreut. Es liit nach de CH-Politik vo de letschte Jahre a de SVP, e Bereitschaft zum Zämeschaffe zeige. Sie sind sit Jahre nur am sabotiere.

sie muend id regierig ibunde werde und das imene vernünftige rahme und nöd so wie jetzt. wenn das nöd passiert wird die partei wiiterhin es störfüür blibe und alli trülllet sich im chreis. zwei frontalpositione treffet sich meistens i de mitti vo dem her muesses 2 sp und 2 svp vertreter im bundesrat ha und zwar vertreter wo vo de partei vorgschlage werdet.

Das gaht wie scho gseit nur ohni en BDP Sitz. Da isch Pfrag öb me e fähigi Bundesrätin us Polit- und Parteiekalkül abwähle söll. Was isch denn jetz guet für s'Land? Und nomal, wieder vergässe gaht, dass d'SVP ihri 2 Sitz gha und wäg ihne d'BDP jetz eine hett. Sie händs us beleidigtem Stolz sälber vergiiget damals. De FDP und de SP ghöred halt 2 Sitz bzw jedefalls eine meh als de BDP, wemme da mit de Konkordanz cho will. Und uf dere pocht d'SVP ja am lüütischte.

d svp muess de gamer nöd gfalle aber mer sött sich bewusst werde das sich doch es paar lüüt nöd vo dem bundesrat vertrete fühlet. und ja die wohnet halt nöd i de coole städt und bejublet alles was mit multikulti ztue haet. aber au die lüüt gits und sölls au geh. immerhin isch das en qualität vo de schwiiz. churz am rand, d muoatathaler haend a de letschte gmeindsversammlig de budgetposte "Anzug für alle Gemeinderäte" 6000 CHF abglehnt.!!!! lol. so laufts und es isch guet so.

Ich mach Musig mit Muotathaler! Und die wähled nöd SVP. Und fu de Herkünft her hämer nonie so en ländliche Bundesrat gha wie jetz.
Zum sich vertrete füehle: mir gahts nöd nur um d'SVP. Nöd nur die verträte nöd mini Sicht. Aber au sie ghöred für mich i d'Regierig, wenn sie sich regierigsfähig benähmed. Und bi dem Wählerateil au mit 2 Sitz. Uf d'Chöschte vo de BDP, wo... und da schlüsst sich de Chreis scho wieder. 1 SVP & 1 BDP sind inhaltlich faktisch eh 2 SVP Sitz, so näbebii. Nur chunnt dem Gedanke de Parteiestolz in Wäg.

aber ebe ich nimm aa d fdp verlüüürt nah meh an bode und muess de 2. sitz den eh bald abgeh.....

Möglich. Und dänn gäbs 2 SVP + 1 BDP = 3 sehr rächtsbürgerlichi Sitz. BDP wird gemeinhin fälschlicherwiis als viel z'links wahrgnoh nur will sie sich vo de SVP abgspalte händ. D'SP hett am Afang ja halbe gmeint s'Evi ghört zu ihne.

[Sylvara]

bim blocher het me o gseit, er mues unbedingt i bundesrat, "will denn chaner nid eso tumm tue". genau, mega ufgange dä plan. und wege sinere forcierte abwahl, gits ja jetz überhaupt das theater.
huii SVP opposition, ich ha mega angst. säget's o scho sit 4 jahr.

vo dem abgseh ischs sowieso lächerlich wayne inzwüsche.

[thaeye]

lueg mir gsehnds den i de nächste "ussepolitische" oder "iwanderigsinitiative",du muesch kei angst ha vo de svp opposition, angst ischen schlechte ratgeber, s problem isch eher s blockiere oder de stillstand wo nöd unbedingt vo vorteil isch i de nächste ziit wo so villi sache astönd. 4 jahr blockiere wird nöd unebdingt lustig. en fast 30% partei chan da sehr vill schlechts bewürke wenn sie nöd ibunde isch aber ebe, wer weiss was nah alles passiere wird, d svp isch extremst agschlage und die ganze linge/mitti/gruene jubilieret jetzt natürli. isch au klar.

30%ghöret mit 2 in bundesrat isch halt eifach so. das die meiste da ihne meh links-gruen wählet isch ja au klar und damit d svp als tüüfel alueget. gueti diskussione werdemer au da ine nöd chöne fuehre, für das simmer alli z verblendet wied politiker. links-rechts schema. es isch es dilemme und da werdemer eus nah chli drin trülle.

[Waldschrat]

gueti diskussione werdemer au da ine nöd chöne fuehre, für das simmer alli z verblendet wied politiker. links-rechts schema.

i bin in gar keinem schema. merci für d'uufmerksamkeit.

[thaeye]

looool, ja klar, du gsesch s ganze!

alli umbringe, survival of the fittest.



UGAUGA

[Waldschrat]

alli umbringe

und ässa!

[Astroboy]

gueti diskussione werdemer au da ine nöd chöne fuehre, für das simmer alli z verblendet wied politiker. links-rechts schema.

i bin in gar keinem schema. merci für d'uufmerksamkeit.

Ig ou nid. Aber cha vor luter differenziere zum Teil gar ke Position iinäh. Müehsam, mängisch. RÄCHTS, LINKS, TROLOLOL.
Fänds no guet, wemer d'Bundesratswahle chly meh nachere Miss/Misterwahl chönnt gstalte. I meine, es isch öppe ähnlech relevant und dr gliich Zirkus, nur muesch när nid so e Stollentroll/Ork-Verschnitt aaluege wie dr Maurer. Super wärs.

[Avenger]

Ich gseh scho d Schlagziile wo d SVP i de nächste 3 Monet fabriziert: Kläff! Kläff! Mir göh id Opposition. Kläff! Kläff!

[thaeye]

aha ähnlich relevant, ja klar.

[Astroboy]

aha ähnlich relevant, ja klar.

[thaeye]

so ich zieh mich da mal zrugg, den chönder eui gliche meinige chli ustuuusche lol. den gits konsens will ja alli s gliche denket. konkordanz lol. de gruusig ueli muurer, de hitler blocher , en alte maa wo eh jetzt vill macht wird verlüre lol.

viel spass.

[Overdose]

es isch ja au ned um d frag gange svp 2 sitz oder ned. sondern welli. nebebie hends ned 30%, das isch alti glorie, sondern 26,6% gah.
rein kalkulatorisch mösts eigetlich glaubs ungefähr so usgseh im BR, svp 2, sp 2, cvp 1, fdp 1, und grüeni 1, das sind die stärchste parteie ca. gmässe a 7 sitz wo zur verfüegig stönd.

politik ist blutwurst.

[Gurgelhals]

rolf, de Burkhalter wächslet is EDA - de Kulturwächsel chönnt nöd grösser si Öb me i de nörchschte 4 Jahr jemals öppis vo ihm ghöre wird?

[Overdose]

ah de gits no?

[Gurgelhals]

:bürk'altääär: