The(G)Forum

thaeye hat geschrieben:DAS DA INE GAHT MIR NÖD IN CHOPF

häxxr im blindflug. zersch ischs drum gange, dass sich d'lüüt gfälligscht nöd mit so saublöde kreisi sache sölled meine und wichtig mache und exponiere wenn sie nöd emal ghörigs känne wie e richtigi tomatesosse ohni pseudowichtigtuerische schischi drin. aber mittlerwiile ischs nur no sini üblich t(r)ollwuet. zrugglehne und gnüsse.

ah ja:

Schoggi mit Salz

zwirrlibatz hat geschrieben:

thaeye hat geschrieben:DAS DA INE GAHT MIR NÖD IN CHOPF

häxxr im blindflug. zersch ischs drum gange, dass sich d'lüüt gfälligscht nöd mit so saublöde kreisi sache sölled meine und wichtig mache und exponiere wenn sie nöd emal ghörigs känne wie e richtigi tomatesosse ohni pseudowichtigtuerische schischi drin. aber mittlerwiile ischs nur no sini üblich t(r)ollwuet. zrugglehne und gnüsse.

wo isch trollwuet? han sogar s'meischte da on topic inegschriebe. oder was isch nöd guet?

ja häxxerli, ich lah dich i dire schlaufe.

zwirrlibatz hat geschrieben:ja häxxerli, ich lah dich i dire schlaufe.

bisch am frühe Nachmittag scho am güügele?

emP hat geschrieben:BTW: Pro-Tipp für Z'morge: Knäckebrot mit Banane, Anke und chli Salz.

Notiert, wird probiert. Tönt zwar schräg, aber schliesslich söu ou Wurst-Käsesalat mit Pommes Frites guet si.

h4xX0r hat geschrieben: güügele

en super wort. het mis krossmami immer brucht gha.

Avocado und Pouletfleisch

en üblichbeliebige salzpfäfferölessigsalat mit grüenem, rotem, gurke, zwiebele, avocado, radiesli, rüebli, mozzarella etcusw mische mit frücht wie öpfu, kiwi, bire etcusw.

und au wenn ohni fröcht: e salzpfäfferölessig salatsosse erwiitere mit yogos und honig.

Apropos frücht zum Verfiinere vo Salzigem: Dünni Schiibe vomene süesse Öpfu imene süscht salzige Sandwich

Mascarpone + Parma / San Daniele / süsch en lufttröchnete Schinke + Rucola. Ok, + evtl. bitz Balsamico.

h4xX0r hat geschrieben:ich han amigs au s'gfühl bevor mer balsamico mit vanille creme und schoggi glace isst, sött mer mal zerscht "lerne" wie e richtigi tomatesauce chan schmöcke.

Di Impuls verstohni scho, aber sis nid tendenziell ehner die Lüt wo sech sowieso scho starch für Ässe interessiere und sech dermit befasse wo denn so ehner "ungwohnti" Kombinatione usprobiere? Und darfsch ou nid vergässe, dass e gueti Tomatesauce an sich scho e Kombination us viu verschidnige Gschmäcker isch, wo halt eifach so etabliert isch dassmese meischtens nümm aus Kombination vo de einzelne Zuetate sondern aus Einheit wohrnimmt/erwähnt.

Das bezieht sech jetz nid uf di - du hesch ja dini Meinig sälber scho kommentiert. Aber i finges immer schad wenn öpper gärn guets Ässe het, denn aber stier immer nur bi de gliiche 3 Type vo Chuchi blibt wo er/sie sich gwöhnt isch. Git doch nüt spannenders aus nöii Kombinatione z entdecke, wo evtl. so guet funktioniere dass si en nöie Standard (wie d Tomatesauce) chönnte wärde. Was mir aus "normal" oder "experimentell" bezeichne isch ja ebe wie der Tatsel erwähnt het meischtens rein kulturell und dür Gwohnheit bedingt.

dem ganze "gschmacksexplosione"-gelaber bim mische vo zeugs, wo mer bis jetzt us guetem grund nöd gmischt hät, chan ich nüt abgwünne.

Gwohnheit fingi nid grad e guete Grund! Ähnlech würde wou die Lüt argumentiere wos sougruusig finge rohs fleisch z schabe und mit viune andere Zuetate zäme zunere Masse z vertanggle und das denn als Tartar z serviere. Me isst ja im Alltag au "us guetem Grund" kes rohs Fleisch.

Ich finde interessant und fein ebe en unterschied. Für de lulz mql balsamico ufs vanilleglace tue isch ja no luschtig. Oder isch es so fein, dass imene reschti din coup daenrmark mit salz und balsamico bstelle wüdsch?

h4xX0r hat geschrieben:Ich finde interessant und fein ebe en unterschied. Für de lulz mql balsamico ufs vanilleglace tue isch ja no luschtig. Oder isch es so fein, dass imene reschti din coup daenrmark mit salz und balsamico bstelle wüdsch?

I ha ou nie bhouptet dass interessant und fein s gliiche isch. Git weiss der gugger gnue gruusigi Gschmackskombinatione. Aber wennme glück het cha en Kombination durchuus interessant UND fein sii (duuuuuuh). Balsamico mit Vanilleglace stellimer nöd bsungers fein vor, has jetz aber ou no nie probiert. Aber ja, d Kombination vo Vanilleglace, Oliveöl und evtl. bitz Fleur de Sel het mich und vili anderi Lüt wos probiert hei extrem positiv überrascht und i würd das sofort als Dessert imene Restaurant bstelle (vome Coupe Dänemark het niemer gredt). Isch ja au nöd so dass ich das erfunde hät - vili vo dene "komische" Kombinatione (inkl. Schoggi + Balsamico, Vanilleglace + Oliveöl) si ir Fueterszene durchuus bekannt und beliebt. Nur will ich nonie dervo ghört/probiert ha unds i üsem Kulturkreis nöd so verbreitet isch nimich aber nöd automatisch ah dasses scheisse mues sii oder bin misstrauisch nur wills nid der Norm entspricht. Die stiigendi Beliebtheit vo so Sache wie Chili + Schoggi und Salz + Schoggi zeigt ja dass, glückecherwiis, s potential vorhande isch der etabliert Gschmack z erwiitere. D Norm entstoht meischtens dur Konvention und Gwohnheit - und es het no sälte gschadet die gwohnte Strukture mal bitz usezfordere.

Ahja zwei Klassiker:

En guete Balsamico + riifi Ärdbeeri
Parmaschinke + Honigmelone