The(G)Forum

Ja UVG chost würkli nix, wer en gäche Sport macht sött sich am gschiidste berate lah bi däre Gsellschaft woner UVG versicheret isch. muesmer scho individuell ahluege, evtl. en chliine Zueschlag bläche, däfür aber im Schadefall au hilf übercho. Besser isches.

Marco_in_motion hat geschrieben:evtl. en chliine Zueschlag bläche, däfür aber im Schadefall au hilf übercho. Besser isches.

ah was, chli gmüetlich lebe, denn passiert au nüt

:ha:

blackraini hat geschrieben:

Marco_in_motion hat geschrieben:evtl. en chliine Zueschlag bläche, däfür aber im Schadefall au hilf übercho. Besser isches.

ah was, chli gmüetlich lebe, denn passiert au nüt

de stumpe vergesse und ischlafe.

Prinzipiell kei Undersetzer bi Zimmerpflanzene montiere, zwecks stylischem Fraktaldesign ufem parkett.

LAULEN!
Lönd doch de Evo in Rueh
Ich verstah en völlig, ich schlaf imfall au nöd besser wili ä Haftpflicht han (guet ich schlaf sowieso immer guet) ich wott mich eifach so wenig wie möglich mit all dem Quatsch usenand setze und denn chönne in Tag lebe! Aber eui Biispiil, meine Fresse, dass chönd er Herr und Frau Kunz im Verchaufsgspröch verzelle aber nöd am Evo. Das mitem Omi hett ä Warschinlichkeit vomene 6er im Lotto aber ja, wenn sowas passiere würd chönnti effektiv nüm guet schlafe, öb mit oder ohni scheiss Haftpflichtversicherig aber nacheme Wiili vilicht chli besser.
Ich bin grad vor zwei Wuche eher froh gsi das öpper andersch ä Haftpflicht gha hett. Ich bin noimeds go filme und en Horst hett mini Kamera aagluegt und churz id Händ gnoh und prompt macht de Gloon mir s'uusglehnte Objektiv kabutt! Hett er kei Haftpflicht gha hett ichs nöd sofort chönne ersetze und niemeh chönne Filmequipment vo dere Person uuslehne wili selber au nöd grad so viel Geld flüssig gha han und de Gloon sowieso nöd. Hett er kei Haftpflicht gha hett ich nüme gschiss gha, hett am Geld müese naasekkle, wär hässig worde und hett ihn denn vermuetlich boxt so das mini Haftpflicht ihm denn mit chürzige sini Nase-OP zahlt hetted. So ischs bequemer gsi.

Marco_in_motion hat geschrieben: Warum häsch ufghört Supersonic? bisch im Vertrieb gsi oder?

Ich han uufghört wil ich s'KV im allgemeine sit em erste Schnuppertag nöd gern gha han und ich endlich uus dem Affezirkus use han müese. D'Versicherigsbranche isch wenns ums dur Reife hüpfe gaht warschinli grad nochli schlimmer als anderi Orte aber anere Tätigkeit wo mich nöd im gringste interessiert hett de grösti Teil vo minere Ziit z'widme und das ewige Bürogetue isch denn nach fascht 6 Jahr eifach z'viel worde. Au wenns guet Chohle geh hett.
Ich han übrigens d'Lehr im Nichtlebe für Privatchunde gmacht, bin denn eis Jahr is Broker Center als Betreuer Frontoffice für Nichtlebe Gschäftschunde und han denn als Underwriter UVG und KTG für Firme und Keyaccounts no zwei Jahr gschafft gha.

Was machsch denn du und wo?

Ich bin im Ussedienst, ha mer damals s'Chnü versiechet i dä RS, dänn isches mit Handwerkere nümme guet gange und so bini quer ihgstige, d'VBV händs mer gschänkt und jetzt dökterle jetzt am Fachuuswies ume. Isch no en rächte Brocke :-/

thaeye hat geschrieben:was es muess?

gäll, mit was chunt dä wieder fürre?

Marco_in_motion hat geschrieben:Schaffe siit 8J. druff, fräg eifach, de Nerv doch au?

Der Nerv schloht sich mit böse Mieter ume, het mit Versicherige weniger ds tüe.

Ich frog eher will me für so einiges bim Kauf no grad e Versicherig chasch abschliesse, für es paar Fränkli bim Verbigoh. Bim Flugticket e Reiseannulationskosteversicherig (Billigflüger si do tierisch penetrant), bim Konzertticket chasch öppis zuesätzlichs abschliesse wenn ds Konzert abgseit wird, dini Brille chasch lo versichere und sogar bi mim GA hätt ig für 15.- no grad e zuesätzlichi Versicherig chönne abschliesse (ÖV-Schutzbrief).

Bruchts das Zügs? Het das sini Berechtigung oder isch das dür eini vo de übliche Versicherige (z.B. Hapftpflicht) scho abdeckt und isch me am Schluss dopplet versicheret ohni jede Sinn und Zweck?

also dä kolleg wo im ID schafft seit er muss dä lüht versicherige und anderi zuesatz dienscht ufschwätze (telefon, pc) und dass das eigentlich nur am ID und ihm meh stutz bringt.
und wenn denn es problem häsch, sigeds ebe au nöd grad die flissigschte.. wenn.

ID Versicherige!, OLOLOLOLOL!
Wennd kei Ahnig häsch denn gisch Geld uus. Schwiizer sind die überversichertste Lüüt uuf de Welt. Irgendwo mueses eifach Grenze ha...

privathaftplicht mit fremdfahrzüg lenker versicherig, rega, huusrat in masse, paraplegiker findi also super.

Supersonic hat geschrieben:Schwiizer sind die überversichertste Lüüt uuf de Welt.

versicherige sind halt scho wichtig, blabla. di meischte versicherer =

Supersonic hat geschrieben:Schwiizer sind die überversichertste Lüüt uuf de Welt.

Gäge Skimming am Bancomat chan me sich jetzt au versichere lah: http://www.tagesanzeiger.ch/wirtschaft/ ... y/26401548" onclick="window.open(this.href);return false;

OLOLOLOLOLOL :typej:

lul

Avenger hat geschrieben:

Marco_in_motion hat geschrieben:Schaffe siit 8J. druff, fräg eifach, de Nerv doch au?

Der Nerv schloht sich mit böse Mieter ume, het mit Versicherige weniger ds tüe.

Ich frog eher will me für so einiges bim Kauf no grad e Versicherig chasch abschliesse, für es paar Fränkli bim Verbigoh. Bim Flugticket e Reiseannulationskosteversicherig (Billigflüger si do tierisch penetrant), bim Konzertticket chasch öppis zuesätzlichs abschliesse wenn ds Konzert abgseit wird, dini Brille chasch lo versichere und sogar bi mim GA hätt ig für 15.- no grad e zuesätzlichi Versicherig chönne abschliesse (ÖV-Schutzbrief).

Bruchts das Zügs? Het das sini Berechtigung oder isch das dür eini vo de übliche Versicherige (z.B. Hapftpflicht) scho abdeckt und isch me am Schluss dopplet versicheret ohni jede Sinn und Zweck?

Berechtiget? Naja, en Reiseannullations vers. chasch au i dä Huusrat ihschlüüsse, bim TCS chunnsches sicher au über. Wänn Dir sowas ahbotte wird, wär's eifach no guet wänn Du weisch was Du scho häsch.

Sägemer emal Du häsch scho ä normali Huusratversicherig, det drin häsch Füür, Diebstahl, Wasser und Glas versicheret (Menu1) und gester häsch der im Mobilezone es neus Natel kauft. Dä fründlich Verkäufer hätt dich no uf ä Versicherig für dis neue Natel ufmerksam gmacht. Det drin häsch en Schutz gäge "kabuttgah" und klaut werde. Chosted Dich zuesätzlich sägemer 150.- Stautz und Vertragslängi isch es Jahr ab Unterschriftsdatum. Chündbar 3 Mönet vor Vertragsablauf will sust verlängeret sich dä Cheib stillschwiegend um es Jahr und dä Mobilezone därf nomal Gäld vo Dir verlange. grundsätzlich intressiersch Dich däfür will s'Natel isch ja neu aber grad jetzt eifach nomal 150.- aneblättere kackt di ebe au ah und Du häsch ja au no ä Huusrat ...i däre huusrat häsch Diebstahl versicheret. jetzt gitts dete aber ebe au Unterschiede, nämmlich Ihbruchdiebstahl (Ahwändig vo Gwalt) und eifache Diebstahl (Kei Ahwändig vo Gwalt) und eifache Diebstahl usswärts (Wänn Usser Huus bisch) uuuund Beraubig.

Wänn Du nur eifache Diebstahl i dinere Huusrat versicheret häsch, bisch nöd würklich überversicheret wänn diä 150.- Versicherig auno nimmsch, wänn Du aber eifache Diebstahl usswärts scho häsch, dänn scho. Jetzt werbt dä Verkäufer aber wägem "kabuttgah" will das isch ä blutti kasko versicherig wo au Leistige bringt wänn Dir s'Natel an Bode gheit. Churz um Du möchtisch das Kabuttgah versicheret ha, mousch blöderwies aber diä Diebstahl Deckig au näh will's zämme eis Produkt isch. So schnäll bisch dopplet versicheret und zahlsch sogar no däfür... D'Schwiizer Versicherige werbet mittere höche Flexibilität wo aber garnöd gäh isch us Konsumentesicht, us de Sicht vom Versicherer isch anderst ume aber ebe nümme wirtschaftlich. Schlussendlich isch s'Gschäft mit dä versicherige immer echli es gschäft mit dä Angst, mousch halt eifach s'Risiko chli sälber abwäge.

ja isch de best skimming versicherig, geili sieche. überversicheret bis an bach abe, aber stopfet dene arschlöcher nur nah meh geld in rache.

Skimming Versicherig? lol? isch das nöd s'gliiche wiä Kreditkartenmissbrauch? (Isch sonen chliine Zuesatz womer chan ihschlüsse i dä Huusrat, ämal bi Eus)

zuesatz für alles

zuesatz für verschissnigs wc papier. nur 5 stutz im jahr, wieso nöd? chasch nüht verlühre.

Ich ha mol e Patienterechtsschutzversicherig gha. Während ere Chrampfadere OP hets e Infektion gä, bi denn fascht e Monet im Schpital gläge, miteme 20 cm tüfe Loch im Oberschenkel, schiins knapp andere Amputation verbi. Ha de nach em Ufenthalt no 2 Monet lang jede Tag is Schpital go Wunde schpüele etc.
Ha denn über d Patienterechtsschutzversicherig welle mine Selbschtbehalt und d Franchise zruggfordere, nid mol Schadeersatz. Nach über zwöi Johr umeschtürme, Ordner voll mit Schribe vo de Awält und Schpitalversicherig, hani ufghört schtürme. Kei Chance hani gha. De ganz Seich isch über mini Versicherig verrächnet worde.

Die involvierte Awält sind eifach usnahmslos Arschlöcher. Ahandd vo de Korreschpondänz hesch richtig gmerkt wie si sich underenand abgschproche hend. Huere Saupack.

Versicherig my ass :yuno:

gsehsch, wenns mal würklich bruchsch schiebets ihre schwanz grad no tüfer ie.

Merci Marco für d Erklärige. Muess einisch go blättere i de Unterlagen was bi mire Versicherig genau drin isch.

Marco_in_motion hat geschrieben:i däre huusrat häsch Diebstahl versicheret. jetzt gitts dete aber ebe au Unterschiede, nämmlich Ihbruchdiebstahl (Ahwändig vo Gwalt) und eifache Diebstahl (Kei Ahwändig vo Gwalt) und eifache Diebstahl usswärts (Wänn Usser Huus bisch) uuuund Beraubig.

z.B. das do. Mou luege was genau mit Awändig vo Gwalt gmeint isch.

Avenger hat geschrieben:Merci Marco für d Erklärige. Muess einisch go blättere i de Unterlagen was bi mire Versicherig genau drin isch.

Marco_in_motion hat geschrieben:i däre huusrat häsch Diebstahl versicheret. jetzt gitts dete aber ebe au Unterschiede, nämmlich Ihbruchdiebstahl (Ahwändig vo Gwalt) und eifache Diebstahl (Kei Ahwändig vo Gwalt) und eifache Diebstahl usswärts (Wänn Usser Huus bisch) uuuund Beraubig.

z.B. das do. Mou luege was genau mit Awändig vo Gwalt gmeint isch.

Ahwändig vo Gwalt, dämit isch gmeint das wänn en Ihbrächer Gwalt ahgwändet hät zum z.bsp. ine Wohnig ihz'bräche, Türschloss uufbräche, Schiibe ihschlah etc... wänner aber dä Schlüssel gfunde hät, evtl. under eme Stei oder so dänn ischer ja ohni Gwalt i d'Wohnig cho und das wär dänn ebe dä "Einfacher Diebstahl".

Am beste lüütisch dinere Versicherig ah und frägsches grad. i 2-3 Minute häsch d'Antwort, lases Dir dänn aber au nomal min. per E-mail schicke (Lieber per Post) Will es chönnti sii das Du alti Bedingige Dihei häsch und d'Versicherigs Gsellschaft di neuste Bedingige konsultiert zum Dir antworte. Diä wächslet all paar jahr und werded es bitzeli ahpasst, zu Gunste od. Unguste vom Chund. I Dinere Police staht a welli Bedingige sie knüpft isch. Das sägi Dir eifach zum allfälligi Missverständnis uusgränze, gits leider no vill.