The(G)Forum

Verfasst: **09 Nov 2010 08:30**

mischsalat agriicheret mit rüebli, saubohne, mozzarella, avocado, chilischote, chnobli, bratne steipilz, oliveöl, balsamico, früsche rosmarin.

tofugschnätzlets und vorkochte chürbiswürfel churz brate und dänn blue drägen zitronesauce drüber zu bio vollriis.
Bild

da gahsch ache.

Verfasst: **09 Nov 2010 15:24**

Ich ha es sehr feins vegetarischs Chilli gmacht - viel zwieble, ghackets quorn, kidneybeans, zucchetti, bitz peperoni und tomate/pellati.
sour-cream und frischi chilli als topping.

Verfasst: **09 Nov 2010 20:16**

En Gulasch

Super Gricht und super Wort

Verfasst: **09 Nov 2010 20:46**

Ich han nur echli Brathärdöpfel mit Swible und Chnobli gmacht. Dezue Salsa Brava Sauce, womi chli enttüscht hät.

Zum Dessert e Kaki. Best Frucht ever!

Verfasst: **10 Nov 2010 08:52**

kaki hesch gässe? hihihihih

Verfasst: **11 Nov 2010 13:32**

Sälber gmachti spaghettli pepleroncino

Hani grad mal wieder zwei grossi täller müesse abespachtle. gaht gar nöd andersch, so fein isch

Verfasst: **11 Nov 2010 13:33**

scho wieder maroni.

Verfasst: **11 Nov 2010 14:46**

Thanatos hat geschrieben:
Overdose hat geschrieben:scho wieder maroni.
gits bi üs o mind. 2 mal pro Wuche

Machemer au na rächt hüüfig.

Verfasst: **11 Nov 2010 21:50**

Machemer eigentlech für Rezäpt jewils neui Topics? Oder alles da ine?

Hüt Obe gmacht: Yakiniku don. Brätleti Rindsfilet-Streife uf Riis.

Total eifach und sehr schmackhaft, eifach de japanisch Riis brucht halt Zit, me cha ja aber ou süsch was zum Fleisch mache. Was bruchsch:

Füre Riis:
Japanische Riis, würd säge so 100g pro Person (unkocht), das git denn zimlech vil. Muesch rächt lang wäsche, wider absible, wider wäsche etc. bis s Wasser klar blauft, chan es zitli duure. Denn 30 Minute lo ligge, i dere Zit gohter bitz uf. Zum choche nachher minimal meh Wasser als Riis inen Pfanne und zum choche bringe. Sobald er chochet d Hitz abedräie, dicht verschliessend zuedecke (Deckel nie lüpfe bim Choche) und 15 minute lo chöcherle. Nachher wäg vom Herd und 10 minute lo ruehe. Dechel wäg, par mol mitere chelle umdräie dass Luft zueche chunnt, fertig. (Bonusinfo: Er chläbt, dasch guet so!). Die wo en Riischocher hend, NICE!

Fürd Marinade folgendes mische:
Drüü Viertel (3/4) Sojasauce
Ein Viertel (1/4) Riisessig
1 grossi Chnoblouchzehe dripresse
2 Ässlöffel grasplete Öpfel (ohni Schinti)
1 TL Zucker
Bitz Pfeffer

S Fleisch (idealerwiis dünni Streife Rindsfilet) drinne 15 Minute ilegge (nid salze) und denn nur churz abrate. Besser weniger als zvil. Am Schluss no paar Sojasprosse drischmeisse und par Sekunde düremischle, denn s ganze ufs inere Schale ufe Riis schmeisse und em Guete!

Zuebereitig vom Riis hani vor Harumi, s Rezäpt für d Marinade hetmer en Kolleg gäh (chönnt usem Morimoto-Chochbuech sii).

Verfasst: **12 Nov 2010 10:11**

Sephi hat geschrieben:Machemer eigentlech für Rezäpt jewils neui Topics? Oder alles da ine?

da isch s rezäpt tiopic
http://www.thegforum.ch/viewtopic.php?f=45&t=539

Verfasst: **12 Nov 2010 13:10**

evo hat geschrieben:
Sephi hat geschrieben:Machemer eigentlech für Rezäpt jewils neui Topics? Oder alles da ine?

da isch s rezäpt tiopic
http://www.thegforum.ch/viewtopic.php?f=45&t=539

Lulz wahr, merci!

Verfasst: **18 Nov 2010 11:54**

Geschter han ich Bio Brunris mit Bio Rüebli us em Coop gmacht. Mega.

Verfasst: **18 Nov 2010 12:31**

NERV hat geschrieben:Geschter han ich Bio Brunris mit Bio Rüebli us em Coop gmacht. Mega.

ris? ha daenkt issisch noed.

Verfasst: **18 Nov 2010 12:36**

Mastler(P) hat geschrieben:
NERV hat geschrieben:Geschter han ich Bio Brunris mit Bio Rüebli us em Coop gmacht. Mega.
ris? ha daenkt issisch noed.

isch en elände chabisverzehler.

Verfasst: **18 Nov 2010 12:38**

(Also eigentlich han ich gar nöd g'chochet sondern bim Mami dihei gässe)

Verfasst: **18 Nov 2010 12:44**

CHABIS!

Verfasst: **23 Nov 2010 08:40**

zwar nid geschtert..jedoch am Samschtig gmacht:

Rindsfilet uff Morchle... napiert mit Rotwyysauce...drzue Herdöpfugratin und Erbsli/Rüebli und Kefen.

s Filet 2std. vor em Brötle uss em Küehlschrank gno...mit Öl, zerhacktem Thymian und zerdrucktem 3farbe Pfäffer iipinslet...schön iizieh loh. Denn heiss in ere Gussiisepfanne aabrötlet...drzue Rosmarinstrüücher und Knoblauchzehe driigschosse. Mit fleur de Sel gsalzet..uff dsitte to. d Pfanne greinigt, abküehle loh, Rosmain,Knoblauch weg... und denn 300g Butter gschmolze...s Filet drii gleggt und 40min uff extrem fiiner flamme zieh loh. Drbii immer wieder s Filet mit dr gschmolzene Butter arosiert. Ab und zue mit em öl/pfeffer/thymian gmisch bittzeli iipinsle.
Näbedra butter gschmolze..4 fiin ghackti schalotte aadünschtet....2 Zwiigli Thymian und e Lorbeerblatt drii to...denn mit 2dl Rotwii (Pinot noir) abglöschet, 2dl. Kalbsfond drzue und das ganze bis uff 1dl reduziere. Dursch Sieb drmit...und d glace nachher mit 250g Butter uffmontiert

s Fleisch mit dere Sauce bitzeli nappiere...e voila...fertisch.

Näbedra natürlich Morchle mit ziebele und butter aadünschte...bitzeli Mehl drii...Mit wisswii ablösche...0.5dl demiglace dra...3.dl Vollrahm...bitzeli peterli, ganz weni thymian/Rosmarin dra, salz pfeffer...e basta.