Fleischkonsum

[Vyse]

Wie dir ja inzwüsche wüssed, issi ig kei Fleisch, mini Fründin scho.

Ig zu miner Fründin a der BEA: "Gsesch das härzige Kälbli? Genau das Kälbli wirsch in 2 Wuche esse. Tue di bi ihm entschuldige." Sie hetts nid so luschtig gfunde

Sischs ja au e schockierend Tatsach, wämme Fleisch mal nöd zumene gwöhnliche Nahrigsmittel abstrahiert, sondern alles drum umme, sich düütlich vor Auge haltet: shärzige Chläbli, stägliche Massaker i dä Schlachthöf und Zerstümmlig vo dä Körperglieder.

[Astroboy]

Werum?
Jede wo Fleisch isst, sött sech vo mir uus gseh am Prozess bewusst si, wo är dür si Konsum verursacht.
Inkl. Tierhaltig und Schlachtig (Nachtrag: Und Zuebereitigs- und Lieferprozess). Sowohl technisch als ou visuell. Wär da nid cha derhinger stah, dä söus grad la si - aues angere isch "z'Chaub gmacht" (:D).

(I zitiere hie chly d'Vegetarierin im Huus, aber isch grundsätzlech ou mini Iistellig,
aber wär ufem Land ufwachst, dä hett mit so Sache vielfach eh keis Problem...)

[Mastler(P)]

au na sehr informativ: http://www.all-creatures.org/health/list.html

PRODUCTS FROM BRAINS
* anti-aging cream

uuh, hirn am gsicht.

[Acid]

naja, en vegetarier wäge de tiärli kei fleisch ist, wird ja au kei fisch ässe.

Chöntmer tatsächlich meinä... isch aber schins ebä doch nid so. Han mol ä Vegetarierin Kennäglernt, denn hetsi plötzlich es Thun Sandwich gässä. uf mini Frog warum sie kei Fleisch aber Fisch ist, isch d Antwort cho: "Das tönt jetzt vilicht blöd, aber Fisch tüendmer eifach weniger Leid" :typej:

ig hasse hardcovers. total unhandlich. egal. heisst dä typ würklich "Safran"? LOL

Es schön bundnigs Buech isch doch super. Une en Buechiband chan au es halbs Kunstwerk si (bi dä neuä ischs natürlich oft nid so öpis speziells, aber bi dä richtigä Verläg ischs glich no sorgfälltig und Stabil gmacht -> hebed eifach länger). Zudem isch en schöni Dünndruck usgab nid so Dick, und z.B. es Manesse Buech isch i de Regel chliner und handlicher als jedes Taschäbuech (au wenns en Dostojewskij mit weiss ich wiä vilnä Sitä isch isch).



Was min Fleischkonsum betrifft: Sehr seltä. Und wenn denn meischtens weni noimed uf Bsuech bin, oder weni uswärts iss. Dahei no vil sältener, usser es bitz regelmässiger mol chli Bündnerfleisch. Jetzt hani allerdings grad i dä letschtä Zwei Wuchä agfangä es bitz regelmässiger Bohnä, Linsä und so ässä, und do hani jetzt au einisch Späckwürfeli dri ghauä und einisch (grad hüt) Hackfleisch.

Wenni chauf, machis scho ewig so, dassis nur bim Metzg oder im Bio Ladä chauf (ich chauf allerdings au alles Gmües nur im Bio Ladä und eigentlich au s meischti anderä (Frücht amigs au im Coop, Öpfel z.B.)) Einersits isches es bitz besser fürs Karma, und andersits isches sobaldmer sich dra gwöhnt hed au wahnsinnig schwierig freiwillig öpis anders zässä.

[Sylvara]

@Vyse
jein. das chunnt volkomme ufe standpunkt aa. wenn alli garkei fleisch meh würdet esse, würds de tier o besser gha. es isch es zu gäbigs schein-argument, dass vegetarier dr falsch wäg iischlönd und gschider würde ds 'richtige/guete fleisch' esse - vorallem will 95% vo allne fleich-esser das genauso nid machet. ds problem bestaht grundsätzlich immer, solang mir flleisch konsumieret - und du ignoriersch zudem tatsach, dass einigi vegetarier schlichtweg kei fleisch esset, wills nid wänd dass es anderi kreatur für es bitzeli kulinarischi lust mues sterbe. isch zum bispil für mich persönlich o ei grosse punkt. und logisch chan ich da allei nüt bewege, das isch aber nolang kei grund für mich trotzdem fleisch ds esse oder anders fleisch ds esse.

und ganz grundsätzlich: es sött garnid am konsument müesse ligge, dass er sich über 2946262020 wäg informiere mues, bevor er fleisch chauft. d'industrie het e bring-schuld zu dere information und es wird ganz bewusst vieles vom konsument fernghalte. es isch nahezu unmöglich für dich alles nachezvollzieh und überprüefe scho garnid. für das bruuchst unabhängigi prüefstelle und transparenz.
dass mer agesichts vo dem problem denn eifach lieber garkei fleisch meh isst, isch für mich immerno die besser vo zwei möglichkeite. aber wenn mer fleisch esse wott, denn ischs sicher scho e sehr grosse aafang weniger und bewusster (sowiit möglich) iidschaufe.

Werum?
Jede wo Fleisch isst, sött sech vo mir uus gseh am Prozess bewusst si, wo är dür si Konsum verursacht.
Inkl. Tierhaltig und Schlachtig (Nachtrag: Und Zuebereitigs- und Lieferprozess). Sowohl technisch als ou visuell. Wär da nid cha derhinger stah, dä söus grad la si - aues angere isch "z'Chaub gmacht" (:D).

mja guet, sötte, hätte, könnte - realität gseht völlig anders uus.
die meiste lüüt wei sich überhaupt nid mit dere thematik befasse, ebe genau will's wüsset, dass wenn sie sich informiere würde, sie sofort müesste ufhöre fleisch ds ässe oder sich sehr viel meh gedanke und ufwänd ds bereite. und einigi wüsset nidmal meh, dass es chicken nugget nid amne baum wachst.
da het dr emp ebe scho recht mitem 'ignorance is bliss'.

[emP]

ig ha im wk immer wieder Glägeheit gah chönne z luege wie guet dass es de Tier uf schwizer Buurehöf so geit. Bi de Höf "unter" Bio- Zertifizierig (IP und "normal") isches zu 50% Wahrschinlechkeit ziemlich übel.

[Vyse]

@Vyse
jein. das chunnt volkomme ufe standpunkt aa. wenn alli garkei fleisch meh würdet esse, würds de tier o besser gha. es isch es schein-argument, dass vegetarier dr falsch wäg iischlönd und gschider würde ds 'richtige/guete fleisch' esse - vorallem will 95% vo allne fleich-esser das genauso nid machet. ds problem bestaht grundsätzlich immer, solang mir flleisch konsumieret - und du ignoriersch zudem tatsach, dass einigi vegetarier schlichtweg kei fleisch esset, wills nid wänd dass es anderi kreatur für es bitzeli kulinarischi lust mues sterbe. isch zum bispil für mich persönlich o ei grosse punkt. und logisch chan ich da allei nüt bewege, das isch aber nolang kei grund für mich trotzdem fleisch ds esse oder anders fleisch ds esse.

Gmässigte Konsum vo qualitativ guetem Fleisch uus meh oder weniger natürliche Haltig, ghört nöd zu miine würklich persönliche Überzüügige,
aber ich glaube trotzdem, dass sPropagiere vomne Mass eher e Ahnöcherig ah besseri Verhältniss ii dä Tierhaltig chönnt bewürke, wohingäge bi dä Forderig zum
Fleischverzicht, die meischte aggressiv reagiere würed mit dä Behauptig, es säg en Übergriff uuf ihri "Freiheit" und würed sich grad zum Trotz en Börger go chaufe.

Aber ich gib dier bi beidne Pünkt absolut rächt: dass en Fleischverzicht em Läbe vo dä Tierli zguet chämt und dass sMissverhältniss zwüsched
eme kulinarische Gnuss für dä Mänsch und em devo abhängige Vergehe amne Tier (Ischränkig vo siim natürliche Verhalte, Bewürkig vo Liid und Tod) unglaublich gross isch.
(Eigentlich absurd)

Miini persönliche Überzüügige sind nachwievor eher extrem gfärbt und mich wideret ganz bsunders die rein Verwertigslogik im Umgang mit Tier (aber au Mänsche) ah.
Aber ebbe, Mänsche möged kei extremi Überzüügige oder Ahsichte (bsunders dänn nöd, wänn me ihne de Bode under dä Füess
chönnt wegzieht und zwunge zunere Neuorientiereig wäred) und ich ha sowieso scho gnueg soziali Problem, also nimm ich im öffentliche Ruum meischtens en Mittelwäg ii.

Und es gächt allne besser, Mänsch und Tier, würme sich überhaupt in Rücksicht zum natürliche Ressourcegliichgwicht und em Wille vo dä Läbewese verhalte,
aber das wür no vill anderi Tugende bedinge, als nur de Verzicht uuf Fleisch.

[Vyse]

naja, en vegetarier wäge de tiärli kei fleisch ist, wird ja au kei fisch ässe.

Chöntmer tatsächlich meinä... isch aber schins ebä doch nid so. Han mol ä Vegetarierin Kennäglernt, denn hetsi plötzlich es Thun Sandwich gässä. uf mini Frog warum sie kei Fleisch aber Fisch ist, isch d Antwort cho: "Das tönt jetzt vilicht blöd, aber Fisch tüendmer eifach weniger Leid" :typej:

Aber irgendwie doch interessant, wie vill Mänsche genau eso antwortet.
Offebar gits irgendwo e Werthierarchie ii dä Mänschechöpf, wo dä Umgäbig und de Läbewese Empathiepünkt verteilt. Isch doch spannend.

[Vyse]

ig ha im wk immer wieder Glägeheit gah chönne z luege wie guet dass es de Tier uf schwizer Buurehöf so geit. Bi de Höf "unter" Bio- Zertifizierig (IP und "normal") isches zu 50% Wahrschinlechkeit ziemlich übel.

Das glaubi leider sofort.

[Acid]

naja, en vegetarier wäge de tiärli kei fleisch ist, wird ja au kei fisch ässe.

Chöntmer tatsächlich meinä... isch aber schins ebä doch nid so. Han mol ä Vegetarierin Kennäglernt, denn hetsi plötzlich es Thun Sandwich gässä. uf mini Frog warum sie kei Fleisch aber Fisch ist, isch d Antwort cho: "Das tönt jetzt vilicht blöd, aber Fisch tüendmer eifach weniger Leid" :typej:

Aber irgendwie doch interessant, wie vill Mänsche genau eso antwortet.
Offebar gits irgendwo e Werthierarchie ii dä Mänschechöpf, wo dä Umgäbig und de Läbewese Empathiepünkt verteilt. Isch doch spannend.

Natürlich isch das scho so. D Fisch sind üs i de Regel nid grad diä nöchschtä, und sie gönd mehrheitlich au nid grad veruckt uf üs i (grüsch, blickkontakt etc. etc.)
Wenns z.B. um Delphin god, gsehts scho wieder ganz andersch us.
Git jo das typischä Bispiel, mitem Thunfisch: Dass de bald usgrottet isch wemeren witer i so rauhä Mängä verdruckt, interessiert diä wenigschtä, solanger so gfangä wordä isch dass debi kei Delphin umchömed.

[Sylvara]

z'herte isch ja, dass nebem gflügel d'fisch am schlimmste dran sii, resp. dr weltwiit fischfang eis vo de ganz herte theme. und obs eim 'leid tüend' oder nid, wenn ich denn lise dass zB. bim fang vo crevette/shrimps 98% vo jedem fangnetz reine "by-catch" isch, also 98% dervo sind kei shrimp (derfür seepferd und anderi arte) und werde eifach tot wieder ins meer gschmisse, denn wird mir schlecht. und ich isse nidmal seafood (also o vorher nid).
das wirft denn ebe ganz e anders liecht ufe nomnom shrimp-cocktail ....und die chömet garantiert nid us schwiizer zucht.


@Vyse

so isches

[Chäller]

Aber grad d'Fisch händ de brutalsti Tod vo allne Viecher womir ässet.
Schlussendlich erstickets kläglich, die grosse Fisch, zB d'Thunfisch bechömed dänn no en Hacke in Hals gschlage über, um sie besser chönne usezzieh.

[Mastler(P)]

shrimp-cocktail

[Acid]

Aber grad d'Fisch händ de brutalsti Tod vo allne Viecher womir ässet.
Schlussendlich erstickets kläglich, die grosse Fisch, zB d'Thunfisch bechömed dänn no en Hacke in Hals gschlage über, um sie besser chönne usezzieh.

Es git jo Lüt diä sind devo überzügt das fisch nüt spüred (oder es isch nä eifach Scheissegal, das chan natürlich au si). Wiä andersch chamer sich erchlärä dassi z.B. de Haifisch eifach bi lebendigem Lib sämmtlichi Flossä abschnieded und sie denn als manövrierunfängigs Frak wieder is Meer sinkä lönd zum sie amene langsamä Tod züberloh.


Und zum thema allgemein, ich will jo nüt gäg Japaner im allgemeinä Sägä, aber i dem Berich sinds glaub scho vo de schlimmschtä.
Und de Rescht wo de richä Wält isch so schlau und macht us Sushi no en Modä, was em Problem vo de Überfischig au nid grad zguet chund.

Nid schläuer sind aber au diä Lachs Farmä etc. allg. Zuchtfisch. Mer will s Gfühl vermittlä dasmer öpis gäg d Überfischig macht, indem mer Fisch züchtet, und nid diä Wildä fangt. Dass all diä unmängä Fisch womer usem Meer holt zum d Zuchfisch füetere nocher im Natürliche Kreislauf genau so fehled, schint für diä echli wit hergholt zsie (mol abgseh devo das plötzlich chrankheitä uftauched wo au uf diä Wildä Fisch chöntet übereschwappä)

Aber schlussendlich isches bim Fisch wiä bim Fleisch. Ab und zuä mol es Fischli liet sicher drin. Es isch eifach so das Industrie und Natur sich abemene gwüssä Grad nüm Vertreit (eigentlich isch das jo au bi allem anderä so... vo dem her bim Fleisch und Fisch eigentlich nid speziell). Wemer nid d Wält uffrässä will, muemer ebä au defür ufcho.

[feeshlee]

Sischs ja au e schockierend Tatsach, wämme Fleisch mal nöd zumene gwöhnliche Nahrigsmittel abstrahiert, sondern alles drum umme, sich düütlich vor Auge haltet: shärzige Chläbli, stägliche Massaker i dä Schlachthöf und Zerstümmlig vo dä Körperglieder.

stimmt eigetli. e huere sauerei. mer sött sälber uf d'weid und das tier uf si eiget art umlah (hilfsmittel, z.b. speer oder machete natürlich willkomme), heineh und usweide.
ich bin sicher, mer würd no viel gnüsslicher is fleisch biisse. aahrrrfff. und viel natürlicher wärs au. so wie d'leue ide serengeti

jetzt bechumi grad hunger.

[feeshlee]

als chind hanis glieb, wänn d'nonna mittem frisch ghütete chüngel heicho isch und sich ad arbet gmacht hät.

[Mastler(P)]

ich will jo nüt gäg Japaner im allgemeinä Sägä, aber i dem Berich sinds glaub scho vo de schlimmschtä.

jetzt bechumi grad hunger.

ich au.

[Schummelschumi]

southpark, sehr geil

was i dere delphinbucht abgaht intressiärt au numä wills so es bluätigs spektakel isch. und wills herzigi delphin sind wo dra glaube müänd natürlich.
de schade wo di industriell fischerei i de ozean arichtet isch unendlich grösser.

[Acid]

was i dere delphinbucht abgaht intressiärt au numä wills so es bluätigs spektakel isch. und wills herzigi delphin sind wo dra glaube müänd natürlich.
de schade wo di industriell fischerei i de ozean arichtet isch unendlich grösser.

Also de erschti Satz stimmt sicher. De zweit nid unbedingt. Isch doch beides absolut vernichtend fürs Glichgwicht i de Ozean.

Und fairerwis muesi, zumindescht was diä Delphinschlachterei betrifft, min Vorwurf a d Japaner es bitz relativiere... det händ natürlich au üssi Tierliebendä Aquariä etc. wo ihri schönä Delphin i irnä Parks wänd ihri Händ im Spiel.

[emP]

Aber grad d'Fisch händ de brutalsti Tod vo allne Viecher womir ässet.
Schlussendlich erstickets kläglich, die grosse Fisch, zB d'Thunfisch bechömed dänn no en Hacke in Hals gschlage über, um sie besser chönne usezzieh.

Häsch schomal gseh was en Wal mit ere Robbe macht? Oder en Leu mit ere Antilope?

[Mastler(P)]

also simmer nurinsofern schlimmer das mer grad massemord mached. got it!

[Schummelschumi]

Aber grad d'Fisch händ de brutalsti Tod vo allne Viecher womir ässet.
Schlussendlich erstickets kläglich, die grosse Fisch, zB d'Thunfisch bechömed dänn no en Hacke in Hals gschlage über, um sie besser chönne usezzieh.

Häsch schomal gseh was en Wal mit ere Robbe macht? Oder en Leu mit ere Antilope?

OMFG!

[mousch]

Super z'nacht billanz gha die Wuche was Fleisch betrifft^^

geschtr es 250g Rumpfsteak vo Bell...vorgeschtr es Pfärde Entrecôte, hüt entweder Rehpfäffer oder nomol Rumpfsteak...^^ Am Mäntig zum ds 9i kanadische Wildlachs...au super gsi...

Isch zwar tüür de Luxus aber me muess sech ebe au was gönne..^^

Mittag frissei eigetlech immer nur Poulet oder Trutte..ligt nid so schwer uf...

[Mastler(P)]

Isch zwar tüür de Luxus aber me muess sech ebe au was gönne..^^

definitiv.

[NERV]

Ich isse öppe 1x-2x i de Wuche Fleisch us em Coop. Bio natürlich.