The(G)Forum

Jones hat geschrieben:das isch es videospieliform...
für so züg hets ja es OT! :typej:
süsch chame o wieder es outoforum, es animuform und es prostituierteforum uftue...

Nei chame nid, us folgende eifache Gründ:

1. Im Outoforum hets (rein Ahand vo de Posts z'urteile) nur völlig hohli Trottle gha und jede Mönsch miteme Funke Astand hetsech nach 2 Sekunde dört inne in Grund u Bode frömdgschämt (Und das wott hie inne öppis heisse ). Cha aber si, dass hie s BMW vs. Honda-Topen mis Erinnerigsvermöge bitz dominiert.

2. Im Animeforum isch am Schluss nur no der Nerv aktiv gsi.

3. Prostituierteforum heimer nie eis gha, chani also keni Ussage derzue träffe. Chönnt Erfolg ha.

4. S Argumänt dass das es Videospielforum isch zieht scho lang nümme, wiu sich fasch niemer meh aktiv zu däm Thema informiert oder es würklechs Diskussionsbedürfnis het. Wobii erschteres mit zwöiterem zämehängt. Usserdäm tuet s Chochforum de Spiel-Unterfore ja ke Abbruch.

Im früechere Chochforum hets immer wider praktischi Topens gäh zu Chuchigrät, Whisky, summerleche Gricht, Rezäpt, Grill, etc. etc. Spannender aus s Offtopic isches allemal gsi. Du weisch und ich wüssed!

Bla bla... Choche isch ime gameforum OT und es OT gits. Machet die topics im oT u höret uf grännä!

Es outo subforum isch natürlech genau so unnötig wie eis für nutte oder choche... Für das chame es tooic ufmache...

Jones hat geschrieben:Bla bla... Choche isch ime gameforum OT und es OT gits. Machet die topics im oT u höret uf grännä!

Es outo subforum isch natürlech genau so unnötig wie eis für nutte oder choche... Für das chame es tooic ufmache...

Fakt: D Reduktion vo de Subfore ufs Off-Topic het zur Folg gha dass sithär zu jedem einzelne vo dene Theme weniger postet worde isch. Aso mit dire Forderig eifach es Topic ufztue hesch grundsätzlech rächt, isch aber eifach unrealistisch, d.h. es wird nid gmacht. Es separats Unterforum zumene Thema förderet Biiträg zu däm Thema, sofärn ou bitz Interässe vorhande isch - und das schint hie ja der Fall zsi.

Chochforum Kickstarte:

Ab jetz bechunnt jede Bäcker (höhö - Chochforum und so) wo en Ja-Stimm spändet und hie inne postet en gratis Ässenstip, basierend uf sim pärsönleche Ässprofil. D.h. er chan hie oder per PM sini gschmackleche Vorliebe und Lieblingsgricht kundtue und bechunnt denn en speziell für ihn recherchierte Restaurant- Zuetate- oder Rezäpttipp.

Schad chan ich nöd zwei Mal abstimme.. würd grad nomal uf 'Nei' klicke

Sephi hat geschrieben:Fakt: D Reduktion vo de Subfore ufs Off-Topic het zur Folg gha dass sithär zu jedem einzelne vo dene Theme weniger postet worde isch. Aso mit dire Forderig eifach es Topic ufztue hesch grundsätzlech rächt, isch aber eifach unrealistisch, d.h. es wird nid gmacht. Es separats Unterforum zumene Thema förderet Biiträg zu däm Thema, sofärn ou bitz Interässe vorhande isch - und das schint hie ja der Fall zsi.

Und vor allem dass d Übersicht starch verbesseret isch, und so immer wieder uf scho existierendi Topics zrug griffä wird. Nid nur, aber grad imene Forum mit quasi nid existierender Suechfunktion hilft das der Übersichtlichkeit ungemein.


Ich begriff eifach d Geischteshaltig gar nid... jetzt nid nur uf do bezogä. Werum isches so schlimm wenn anderi über öpis wänd diskutiere, wo eim villicht sälber nid so extrem interessiert? Wer zwingt eim gnau überhaupt teilzneh a somene Subforum? Wo isch diä unglaublich gfahr debi? Ich mein, ok, wenns jetzt zwei wäred, wo denn fascht so zu alleiunterhalter vomene ganzä Subforum werded, und suscht interessierts kei Sau, aber wenn 30 Lüt gern würed drüber redä (oder zumindescht nüt dägägä händ), was isch so schlimm dra, wenns jetzt halt anderi nid so interessiert?


Und au diä unglaublich wichtig trännig vo Themene... mümümü do gots um das Thema, wehe öper reded über öpis anders. Wiä wenn nüt mit irgendöpisem anderem au no chönti ztuä ha, wiä wenns überhaupt kei Zämähäng gäbti. Das isch ebä diä Spezialisierig, wo i üsser Gsellschaft sälbscht im wüssäschaftlichä Bereich zur verblödig füert. Spezialisierig isch super, aber wenn niemert meh as ganzä dänkt, nützts eim en Füächtä.

Debie wüssemer jo spötischtens sit de PS3, dass Chochä absolut zum Gamä chan ghörä.


Wiä mached ihr das eigentlich so im richtigä Läbä, wenner eu mit Kollegä träffed? Macheder amigs en Traktandä lischtä, über was sich unterhaltä wird. Gänd dem ganzä en Namä, und wenn er scho Öpfel druf händ, und einä no Birä also Vorschlag bringt, tüender grad abriglä und finded Birä isch schön und guet, dass chöng aber gfälligscht es wenn anderscht, amene andere Ort und in anderer Rundi besprochä werdä, schliesslich gängs jo um Öpfel.
Wahrschindlich jo nid, und det händer je nach grössi vo de Rundi nid emol d Möglichkeit wo do jo bestohd... nämlich eifach das was eu nid interessiert nid z beachtä, und a andernä Themä teilzneh.



aber eifach mol so gfrögt, werum eigentlich kei Unterforum zum Off Topic? also es Choch Forum im Off Topic innä? Wenn das zuäsätzlichä Forum i de Übericht so grauslich stört, chönt mer jo das machä...
Und Film und Musik chöntmer au grad so machä, denn hets i de Übersicht nur no d Game Forä, und eis Off Topic.

s einzige subforum wo wirklich fehlt, is es tech.

Das Theater weg dem Forum.... Ha zwar ja gschtumme aber das Gezeter isch rächt übertribe jetz. Es chönt au oni Subforum vil Topics zum Thema ässe, choche etc entschto, mached eifach und guet isch.

Herr Rossi hat geschrieben: das Gezeter isch rächt übertribe jetz.

Was füres"Gezeter"?
Dr Sephi macht das grad zimli relaxt, dünkts mich, unc die Kickstarter Idee... I loled!

Ich frag mich nur, warum ich als early backer ken Bonus bechum?! Sauerei das!

Marco_in_motion hat geschrieben:Mastler chunnsch a min Birthday-Burger-Grill-Arcade-mashup?

ja eh. wo isch? häsch topic?

Ceterum censeo: dr Sephi het damals mitghulfe, d Sauerei nachem Forumsmerge ufdsruume und ds Musigforum is Filmforum ds integriere, ich seg: +20 Ja - stimme uf dr Poll um die immensi Leischig und zur Schau stellig vo soviel Manneschraft ds würdige.

Jones hat geschrieben:Bla bla... Choche isch ime gameforum OT und es OT gits. Machet die topics im oT u höret uf grännä!

Es outo subforum isch natürlech genau so unnötig wie eis für nutte oder choche... Für das chame es tooic ufmache...

du bisch scho zimlich e fräche, he

Es stagniert. Nei Säger söue eifach ja säge, de isch dr Mist gfahre!

Es Gezeter? Hallo?

BrainBug hat geschrieben:s einzige subforum wo wirklich fehlt, is es tech.

Dieses!!!

Uriel hat geschrieben:Ceterum censeo: dr Sephi het damals mitghulfe, d Sauerei nachem Forumsmerge ufdsruume und ds Musigforum is Filmforum ds integriere, ich seg: +20 Ja - stimme uf dr Poll um die immensi Leischig und zur Schau stellig vo soviel Manneschraft ds würdige.

I danke dir für dini Ungerstützig! Bonus für d Early-Backers: Die bechöme, sofärn die Kampagne hie erfolgrich isch, es Mitbestimmigsrächt drüber, welem gschlossne Subforum mini nöchschti politischi Kampagne söll gälte.

Sephi hat geschrieben:Early-Backers: Die bechöme, sofärn die Kampagne hie erfolgrich isch, es Mitbestimmigsrächt drüber, welem gschlossne Subforum mini nöchschti politischi Kampagne söll gälte.

STIMMED JA FÜRS CHOCHFORUM!STIMMED JA FÜRS CHOCHFORUM!STIMMED JA FÜRS...

emP hat geschrieben:

BrainBug hat geschrieben:s einzige subforum wo wirklich fehlt, is es tech.

Dieses!!!

Das chönt denn am Sephi sini neu Kampaniä sii... will ch find a dass das fehlt.


Und 31 Stimmä... tröpflet also glich no diä eint oder ander inä.... wo isch de Xino wemeren brucht? Er chönt doch sicher locker no diä reschtichä Stimmä generiere.

51

Es isch realität!

Geilä scheiss, gester hets innerhalb vo 30 minütä 19 neui User gegä.