Wie bisch Krankeversicheret?

[Xinobrax2]

Es hät nüt mit Angst ztue. Es gaht drum das d Chöste im Spital eifach zhöch sind zum die selber träge, aber hey voll okay. Wenn dich mal eis vo dine Huusbsetzert Gspöhnli anal vergewaltigt und dir denn de Buch uufschlitzt chasch es vo mir uus au gern selber zahle.

Ja eh, Hippies neiged dezue sich gegesitig ufzschlitze. Was hesch denn du für Wahnvorstellige?

D Spitalchöste chenti i de meiste Fäll sicher selber zale, soferns debi nid grad um irgend en Spezialfall mit lebenslängliche Folgebehandlige gächt. Nur wili oni Geld lebe heisst das nid dasi kei Geld han. Es stetigs Ikomme oni Usgabe schafft e gueti Basis.
Ghört wohl id Kategorie Privatversicherig

[geosnow]

Wenn dich mal eis vo dine Huusbsetzert Gspöhnli anal vergewaltigt und dir denn de Buch uufschlitzt chasch es vo mir uus au gern selber zahle.

was zum tüfel hesch du für vorurteil.... bisch scho so krass konditioniert? läck bobby

lol, die huusbsetzer schaffed eigentlich alli uf ihri art und sind eigentlich so wiä du und ich, aber sie findet es en schiisdreck, wiä mit em land umgange wird.

aber ahgno sus en freak macht das. was denn?

[Skeletor]

was passiert ächt, wenn ers nöd zahle cha? Wer treits am Schluss?

logisch alli, das ghört äbe au zunere moderne demokratie wie mer si alli läbed und liebed

weisch was ghört au däzue? Das jede sin biitrag leischtet.

[Herr Rossi]

was passiert ächt, wenn ers nöd zahle cha? Wer treits am Schluss?

logisch alli, das ghört äbe au zunere moderne demokratie wie mer si alli läbed und liebed

weisch was ghört au däzue? Das jede sin biitrag leischtet.

ehm nei, es bedüted lediglich dass s volk mitbeschtimmt. das syschtem wo mir hüt hend hend mir zum gröschte teil mitgformt und sind offesichtlich zfride demit.
de mani matter hed mal es guets lied gmacht, dene wos guet geit heissts.

typische bünzlibrunz; ich mues 40 schtund schaffe und de ander isch e fuule sack mühmüh.... wenn di benachteiligt fühlsch läb doch sälber so! ich behaupte es macht di nid glücklicher

[Xinobrax2]

was passiert ächt, wenn ers nöd zahle cha? Wer treits am Schluss?

logisch alli, das ghört äbe au zunere moderne demokratie wie mer si alli läbed und liebed

weisch was ghört au däzue? Das jede sin biitrag leischtet.

S git Lüt die beziend jede Monet Geld vom Staat oni iren Arsch z bewege...uf de andere Siite gits Lüt wo jede Tag gönd go schaffe und alles zaled wo vo ine verlangt wird. Denn gits halt au na Lüt wie mich wo nüt gäbed, aber au nüt verlanged. Das muemer zwar nid guet finde, aber wennt di unbedingt über irgendöpert wotsch ufrege, denn suechder doch eine wo am Tag din Jahreslohn über Zinse kassiert. Klischee sind super, oder?

[Jones]

Denn gits halt au na Lüt wie mich wo nüt gäbed, aber au nüt verlanged.

Warum verlange wenn mers sich eifach cha näh? I kenn di persönlech nid aber das isch scho bitz dr grundgedanke. Strom, wasser, heizöl etc? Kes problem, das cha dä zur verfüegig stelle, wo o sini liegeschaft gratis zur verfüegig stelle muess sit sie bsetzt isch... lulz

[Skeletor]

typische bünzlibrunz; ich mues 40 schtund schaffe und de ander isch e fuule sack mühmüh.... wenn di benachteiligt fühlsch läb doch sälber so! ich behaupte es macht di nid glücklicher

jetzt häsch chli zviel usgholt.
ich fühl mich überhaupt nöd benachteiligt. ich probier am xino nur bi zbringe, dass er nöd eifach nix chostet. speziell nöd, wenn er mal en notfall hät.

ich han au niä gseit, dass er en fuule sack isch. weiss ja gar nöd was er macht. aber kei KK zahle und sägä mä chostet ja niä was, stimmt ebä nöd eifach unbedingt.

[Mastler(P)]

Das muemer zwar nid guet finde, aber wennt di unbedingt über irgendöpert wotsch ufrege, denn suechder doch eine wo am Tag din Jahreslohn über Zinse kassiert. Klischee sind super, oder?

[Xinobrax2]

Denn gits halt au na Lüt wie mich wo nüt gäbed, aber au nüt verlanged.

Warum verlange wenn mers sich eifach cha näh? I kenn di persönlech nid aber das isch scho bitz dr grundgedanke. Strom, wasser, heizöl etc? Kes problem, das cha dä zur verfüegig stelle, wo o sini liegeschaft gratis zur verfüegig stelle muess sit sie bsetzt isch... lulz

I leere Hüser hesch idR weder Strom na Wasser. Min Strom hani i de meiste Fäll vo mim Solarpanel. Vor 2 Jahr hani aber imene Huus gwont womer de Strom vo de Nachbare übercho hend. Det hemer en Zeller dra gmacht und monatlich zallt. Wasser isch au unterschidlich. I de Schwiz gits zum Glück i jedem Kaff es paar Brunne. Insofern grif ich uf d Infrastruktur vom Staat zue, touché. Aber die Brunne laufed au wemer det kei Wasser holt...Wasser isch jetzt weissgott keis knapps Guet i de Schwiz. Vorme halbe Jahr hani mal no im Wald gwont, det hemer s Wasser usem Fluss gholt und denn gfilteret. Gheizt wird mit Petrolöfeli. D Ligeschafte woni bzw. mir uswähled sind alles Hüser, wo bereits sit mindestens 10 Jahr leer stönd. Wär sich da gschädigt fühlt het doch bereits en Schade...

[damian]

mensche sind dä meinig, dass mer alles söll mache zum dä tod vo andere mensche z'verhindere

ja ok so eifach isches de scho nid
aber ja, xino chum verzell dini gschicht mit de chrankekasse

ok, verusgsetzt es sind kei usländer

[damian]

Mini Eltere zaled definitiv nix und bi mim Heimatsort hani mi abgmolde oni mi noimeds andersch azmelde. Das git bi Verhaftige amigs churzi Gspröch aber kei Problem. Si wend denn amigs eifach wüsse wie si mich chönd erreiche. Mitere eMail Adresse sinds bis jetzt immer zfride gsi. Usserdem hani no e gültigi ID, also nix illegal

das dunkt mich höchst seltsam. mines wüssens isches es offizialdelikt, wänn du din heimatschii abholsch und nöd ame neuie ort deponiersch... eigentlich müest da d'polizei cho dich go sueche.

und i de schwiiz hämmer sogar s'geld derzue so scheiss zmache. Aber viellicht hät d'bürokratie verseit wo d'kompetenze für dini suechi a di richtig instanz hetti sölle wiiterleite... Chunsch i dem fall au kei stüürerklärigsufforderig über? Oder militärpflichtersetz-rechnig?

[Herr Rossi]

typische bünzlibrunz; ich mues 40 schtund schaffe und de ander isch e fuule sack mühmüh.... wenn di benachteiligt fühlsch läb doch sälber so! ich behaupte es macht di nid glücklicher

jetzt häsch chli zviel usgholt.
ich fühl mich überhaupt nöd benachteiligt. ich probier am xino nur bi zbringe, dass er nöd eifach nix chostet. speziell nöd, wenn er mal en notfall hät.

ich han au niä gseit, dass er en fuule sack isch. weiss ja gar nöd was er macht. aber kei KK zahle und sägä mä chostet ja niä was, stimmt ebä nöd eifach unbedingt.

okay, isch würkli recht verallgemeineret gsii. solang de xino jedoch nid zum dokter god gsehn ich kei chöschte wo dür d allgemeinheit deckt münd wärde. und falls er sich bim holzhacke is bei inehackt, denn wirds so oder so sehr unagnähm für ihn, denn wird sis gäld pfändet woner ja het. und wenn das ufbrucht isch denn zahled mir alli. ich vermuete jedoch, dass impfwahn, medikamentesucht und anders neuziitlichs verschwänderischs verhalte es vilfachs vo dem choschtet, wo lüüt wie de xino im worst case verursachet. mir persönlich sind drum 10 xinos lieber als zb mini exfrau (isch no es eher harmloses bischpil). und wenn ich dra dänke was ich ide letschte 20 johr a chrankekasseprämie zahlt ha..... hättets mer bim ne igriff woni sälber zahlt ha nid pfuschet hätti bis jetz kei rote rappe a chöschte verursacht.
isch aber okay für mich, ich zahle gärn chli ad allgemeinheit, mir gots ja wäg dem nid schlechter

[Jones]

I sprich nid direkt uf dini verhältnis a xino. Kenn di ja nid bzw ghört das nid ines forum...
Aber es git gnue ander bispiel...
Mit z.t. massiv gschädigte und denn werde si vom staat no verknurrt dr strom izschalte... Und wenn denn d'renovierigschöschte paar 10 tusig höcher si ufgrund vo de sachbeschädigunge, isch halt pech gsi... lol

[Skeletor]

okay, isch würkli recht verallgemeineret gsii. solang de xino jedoch nid zum dokter god gsehn ich kei chöschte wo dür d allgemeinheit deckt münd wärde. und falls er sich bim holzhacke is bei inehackt, denn wirds so oder so sehr unagnähm für ihn, denn wird sis gäld pfändet woner ja het. und wenn das ufbrucht isch denn zahled mir alli. ich vermuete jedoch, dass impfwahn, medikamentesucht und anders neuziitlichs verschwänderischs verhalte es vilfachs vo dem choschtet, wo lüüt wie de xino im worst case verursachet. mir persönlich sind drum 10 xinos lieber als zb mini exfrau (isch no es eher harmloses bischpil). und wenn ich dra dänke was ich ide letschte 20 johr a chrankekasseprämie zahlt ha..... hättets mer bim ne igriff woni sälber zahlt ha nid pfuschet hätti bis jetz kei rote rappe a chöschte verursacht.
isch aber okay für mich, ich zahle gärn chli ad allgemeinheit, mir gots ja wäg dem nid schlechter

ich han doch gar kein verglich mit anderne lüt gmacht. ich han eifach nur gseit, es sig nöd so, wiä er sichs iredt. gar nix anderes

[Herr Rossi]

Ich kenn ihn nid persönlich, drum chani au nid säge obs so isch

[geosnow]

Mit z.t. massiv gschädigte und denn werde si vom staat no verknurrt dr strom izschalte... Und wenn denn d'renovierigschöschte paar 10 tusig höcher si ufgrund vo de sachbeschädigunge, isch halt pech gsi... lol

mer laht aber au keis huus zum spekuliere unbewohnt staht. da hani eifach 0 mitleid. mitwäge chönds is casino, aber nur wills geld händ, chönds nöd eifach d immobilie priise künschtlich ufehebe.

[Jones]

mer laht aber au keis huus zum spekuliere unbewohnt staht. da hani eifach 0 mitleid. mitwäge chönds is casino, aber nur wills geld händ, chönds nöd eifach d immobilie priise künschtlich ufehebe.

Aha... Früsch renoviert, bereit zum neubezug und denn gits e party unger "gleichgesinnte" und denn muesch nomau 50'000 i d'hand näh zums wieder i stand setzte...
Isch höchstens paar wuche leer gstande... SO sache findi zum chotze a dere husbsetzerszene. Es alts fabrikareal, wo i 3 jahr abgrisse wird isch mir no schnuppe wenn sie füre strom etc säuber ufchöme und d'nachbare trotzdem it nacht no chöi schlafe.. Aber so rücksichtsvoll si die lüt halt oft de nid...

Wie gseit, git zig bispiu....
Nid jedes leer stehende hus ghört ame riche sack wo spekuliert... Mängisch louft z.b. no es erbverfahre u d'chind wüsse grad no nid wie witer nachem tod vo de eltere.. Etc etc...

[Acid]

So Sachä sind doch zum Chotzä, öb Husbsetzer Szenä oder nid. Das hed eifach mit mangelndem Respekt ztuä. Jetzt isches doch aber so, dassmer do jetzt alles chan ufzellä wo eim stört a derä Wält.

Wemmer am Xino will glaubä schänkä isches jo so, dass das was du do verzellsch nüt mit dem ztuä hed was er macht und wiä er läbt. Und ich weiss hesch gseit es gängi nid unbedingt um in persöndlich... aber denn ergids no weniger Sinn, will es isch jo ebä grad um in persönlich gangä... er isch jo für das Verantwortlich was er macht, und das vertritter au. Nid das was evtl. irgendöper andersch macht wo du us irgendwelchnä Gründ evtl. irgendwiä en Zämähang gsesch.

Ich han keini. Bin halt chli Risikofreudig...

indirekt häsch sowieso eini. also chasch au defür zahle.

Ich han eini au weni na nie irgendwas zalt han? Echt jetzt? Wiso? Isch ja nid fair gegenüber dene wo zaled...ich wot ja gar keini :/
D Frag isch ernst gmeint...ich han mi nie würklich demit befasst...

E OP wär wider was anders...en Unfall chan ja immer passiere. Obi s Geld denn defür würd usgeh weissi nid...chunt halt uf d Situation druff a.

De Punkt isch ebä echli, dass Ärzt dur so Situationä, wennsi ghüft vorchömed ines Dillema chömed. Sie sind Ärzt zum de Lüt hälfä, und si z verarztä. Andersits isches aber natürlich au ihrä Job. Und i de Schwiz simmer im Moment nonig i de Situation, dass d Ärzt fäng als allererschts lueged öb öper sini KK Rächnigä zahlt hed, wenn ein i d Praxis oder is Spital chund und hilf brucht. Do wird zerscht mol nach möglichkeit gholfä. Wills aber demit au ihres Gäld verdiened, und das nid nur eifach zum Hobby mached, und au ihri Mitteli und Instrumänt nid immer ganz Billig sind, händs mitlerwilä immer hüfiger en riesä Stress nochher mit de Chrankäkassä undem Patient, dass irgendwiä zu ihrem Cholä chömed. Diä tüend jo suscht scho oft gnueg schwierig, wenns denn no um Lüt god wo kei Rächnigä zahled, isch das denn nomol ganz es anders Problem. Dezuä bruucheds denn no all diä Zit und Nervä wos i bessers chöntet investiere. Und denn was macheds. Sölleds jetzt Lüt wo Problem händ nüm hälfä? Das isch quasi fascht nid dänkbar. Eifach alles Gratis machä und sälber zahlä isch aber uf Duur au kei realistischi Variantä...

Drum isch ebä das mit derä obligatorischä KK es Modell wo söt defür sorgä, dass so Frogä gar nid erscht entstönd. Für Ärzt isch gsorgt, also chönd diä sich unbesorgt um jedä sorgä wo sorgä hed... oder so. Isch chli wiä früener bim Pfarrer. I D Chilä chunsch gratis, und de Pfarrer verzellt öpis, öb öpis is Chörbli leisch oder nid. Ich bin aber natürlich au defür dassmer d finanzierig andersch reglet wiä das hüt de Fall isch.


Jetzt uf dini Bispiel bezogä isch das denn aber ebä so, dass du au ohni Chrankäkassä behandelt werdä würsch. Und du hesch gar nid immer d Wahl das z verweigere. Wenn noimed abägheisch und ohnmächtig im Züg umälisch z.B., wirsch zerscht mol behandlet, ohni dasmerdi chönti Frögä öb das willsch und wer d Rächnig zahlt.

Aber natürlich, mer chan au der Meinig sii dass das nid so sii söll, und dassmerdi halt söll liggä loh, wemer s Gfühl händ es gschechder rächt. Oder mer chan, wiä ich z.B., der Meinig sii dasses i dem Moemnt absolut scheissegal isch, unds üs allnä gnueg guet god, zum ein Zämäläsä und probiere was zmachä, unabhängig devo öb de was biitreit hed oder nid. Das Gfühl dass du so Züg aber eigentlich sowieso locker chöntsch usem eigene Sack zahlä, unds eigentlich nur drum god öb du das willsch oder nid, halti allerdings für e Illusion, ussert du bisch de Dagobert.
Bimene eifachä Beibruch oder so öpisem ok. Aber so Züg wird extrem schnell extrem Tüür.

[Xinobrax2]

No es letzts Wort zu de Hüsli. Die wo mir ussueched, sind wie gseit Hüser, wo scho sit me als 10 Jahr leer stönd. Meistens isch d Sitaution di folgendi. S Huus stat anere super Lag. Will aber einzelni Bestandteil denkmalgschützt sind, dörfedses nid abrisse. Bi de Villa Schulthess z.B. isches de Kachelofe gsi Renoviere wends au nöd...oft sinds halt eh scho alti Hüser womer fasch allers neu müesst mache. Sonig Lüt wend aber grundsätzlich nöd investiere sondern lediglich kassiere. Mit anderne Wort si warted eifach, bis die Hüser vo selber zemegheied, was na "relativ" schnell mal passiert wemer sich nid drum kümmeret und denn verchaufeds s Grundstück. Die Lüt besitzed idR mehreri Hüser bzw. Villene i de ganze Schwiz. Selber wohneds oft nid mal i de Schwiz sondern reised irgendwo i de Welt umenand. Sowas chunt leider öfter vor als mer meint...klar gits au Psetzer wo andersch vorgönd, sowas chämt für mich aber nid in frag...

So, gnueg Off-Gelaber...zrugg zu de Chrankeversicherige...

@Acid: Du hesch natürlich recht. Wenn ich mit KK genauso behandlet wirde wie oni isches nid fair. Ich han bisher eifach für mich denkt, dass ich bereit bin es Risiko izgah. Ich han mi aber wie gseit au nie würklich demit befasst. Spital, Arzt und so Zügs isch für mich eh na nie es Thema gsi...eher irgendwas abstrakts für Lüt wos halt bruched. Ich set mini Position aber uf jede Fall nomal überdenke und in Zuekunft ev. au was zale.

[Mastler(P)]

xino - besetzer mit herz.

nieder mit den kachelöfen! nieder mit der obligatorischen krankenversicherung! nieder mit der staatlichen unterdrückung!

[Herr Rossi]

mer chan, wiä ich z.B., der Meinig sii dasses i dem Moemnt absolut scheissegal isch, unds üs allnä gnueg guet god, zum ein Zämäläsä und probiere was zmachä, unabhängig devo öb de was biitreit hed oder nid.

das isches doch genau; was bringt eim riichtum und wohlschtand weme ne nid cha teile?
s solidaritätsprinzip funktioniert scho im chliine, ha aber s gfüühl dass das längers je meh verlore god und d lüüt immer egoistischer wärded.

mag sii dass ich da vilicht echli zu sensibel bi...
ha aber s gfühl dass d kritiker vom xino sim läbensschtil nur nidisch sind, obwohls ne sälber bländend god bzw si sicher nid glücklicher wäred wenns au so würded läbe.
solang er niemertem weh macht demit findi die diskussion müssig.

[Herr Rossi]

Spital, Arzt und so Zügs isch für mich eh na nie es Thema gsi...

es gid lüüt die zahled sogar billag gebühre

[geosnow]

Wie gseit, git zig bispiu....
Nid jedes leer stehende hus ghört ame riche sack wo spekuliert... Mängisch louft z.b. no es erbverfahre u d'chind wüsse grad no nid wie witer nachem tod vo de eltere.. Etc etc...

das isch mir scho klar, aber was isch das scho. d wohlgrott oder s binz areal sind gueti biispiel, wo mich interesiered und wo au en kulturelle ustusch stattgfunde hät. aber idr sinds scho d spekulante, wo de gröscht schade arichtet.

[zwirrlibatz]

wohlgrott

[damian]

Mit anderne Wort si warted eifach, bis die Hüser vo selber zemegheied, was na "relativ" schnell mal passiert wemer sich nid drum kümmeret und denn verchaufeds s Grundstück.

Dank dä bsetzter gahts dänn no schneller... Win-Win Situation seit mer däm