The(G)Forum

Han Antwort übercho:

Normali Nutzig heissi, bis 10 GB monatlich, wemer so biel brucht hed, chämimer es SMS über öbmer meh brüchi (also ich nimm a mer chan sich denn wieder gschwindigkeit chaufä, wiä bim Datäabo... für irgendwiä en Abo Pris pro Gig oder so öpis bruchbars).

Wenn 10 GB verbie sind, werdi d Gschwindigkeit ungefähr uf Infinity XS reduziert... also 0.2Mbit/s

:typej:


Also muesi glaub mol usprobiere wiä s Sunrise Netz würklich so isch, det wonis bruch... bliibt sich no züberleggä öb das würklichä Flatrate wo de Burzel postet hed, oder öb es normals mit meh Speed defür Begränzig (wobiemer det jo au meh Speed chan chaufä, und evtl. ischs jo denn wiä bim Rossi dasses gar nid so schnäll drosslet wird).

Villicht mol alütä wiä das isch bim Flatrate mitem Speed.

Lut Swisscom isch d Definition vo "unbegrenzt" also 10GB?

.

.

.

Ja, d Definition vo "so viel mer will" isch au 10GB, will dassmer so viel chan wiämer will händs eim jetzt bi jedem Fuessballspiel öpä 2mol gschworä.


Guet, mer chan sägä es isch eigentlich unbegrenzt, und so viel mer will, sie stelleds eim jo nach 10GB nid ab... nur fascht.

Acid"sie stelleds eim jo nach 10GB nid ab... nur fascht.

klar sie händ ja rächt, isch unlimitiert. sie sägät zu dä gschwindigkeit ja nüt.

kartoffel. diä ganz branche isch so

Skeletor hat geschrieben:klar sie händ ja rächt, isch unlimitiert. sie sägät zu dä gschwindigkeit ja nüt.

kartoffel. diä ganz branche isch so

Das stimt nid ganz... Swisscom hed bis zu denä Infinity Abos no sältä so missliidend gwerbt. Zumindescht nid dassmi dra erinnere würd.

Und zerscht händs de Typ i de Werbig gha, wo s ganzä Läbä ohni Unterbruch telefoniert, dasser en grauä Bart überchund, bevorer denn würklich abhänkt. Und wenn denn ein de ganz Tag telefoniert sägedsem er sölli ufhörä mit so Züg.
Denn chunds a d Öffentlichkeit, und sie reagiered zwar druf indems s chlidrucktä echli prominänter und nid ganz so chli platziered, aber mit de Werbekampagnä gönds grad nomol 180 Grad i diä anderi Richtig, und verchaufed eim grad nomol für viel dümmer.

So öpis würdi vo CC erwartä, nid vo de Swisscom. Dass diä au Abzocker sind isch klar, bis jetzt aber ehnder indems eifach diä fehlende guete Alternativä Schamlos usgnützt händ, nid indems eim nach Strich und Fadä versarsched.
Und diä andere macheds ebä nid so, diä schriibed klar und dütlich dass nach 5GB oder 10GB oder was au immer fertig isch mit Highspeed...(vom Priis gar nid z redä, aber sälbscht de spillt do mit... wenn bi Sunrise ganz klar stohd es sig für 10GB, und bi Swisscom stohd unlimitiert, kei Begränzig, sie säged mer chöng so viel wiämer will, hed weniger Speed und choschtet doppelt so viel, denn godmer nid automatisch au devo us, dass das ebä au nur 10GB sind...sälbscht wemer devo usgängt dasses ebä doch begränzt isch).





Das gseit, so gits glaub bi Sunrise z.B. Tagesbeschränkigä. Sälbscht wemer nid alles ufbruucht hed. Mues denä au mol alütä.

Herr Rossi hat geschrieben:

Avenger hat geschrieben:Übers Natel gigabyteweise umesurfe. Schöni neui Welt.

Defür bruchi kei inetzaschluss meh dehei. Feriegeld =)

Wär ich e Telefoncompany wo Festnetz im Agebot het, ig würd genau das probiere ds verhindere.

Also... Sunrise24.ch hed au e Drosselig. Aber nid pro Monet, sondern pro Tag. Wemer 300MB i eim Tag erreicht hed, wirdmer uf 128 kbit/s drosslet. Also hedmer eigentlich imene 30 Tag Monet 9GB voll Speed.

Bi de andere Abos hani telefonisch nogfrögt, diä hed gseit, dasses kei Drosselig gid, au wemer s Guethabä vo z.B. 5 GB a eim Tag würd duräloh. Bin jetzt aber nid ganz sicher öbi derä vertrauä söll, bzw. öb diä das überhaupt weiss... zerscht hedsi d Frog gar nid erscht begriffä. Aber ebä, au wenns 1 GB wär, wärs nid so wenig.

jetzt scho 2 mol de Sunrise s Kontaktformular gschickt... 2 mol kei Antwort übercho. Nid grad eh gueti Werbig für de Chundädienscht.

die sind au scheisse

han das 20 stutz abo vo de sunrise und finds sehr guet. nach 500mb isch drosslet aber im mobile gebruch ischs immer na voll ok, für das woni iets bruche. uf jede fall viel besser als die 250mb limite woni vorher gha han, und det hesch nach 250 druf zahlt

aber da inne gahts ja inzwüsche ehner drum sinternet komplett uf mobile umzstelle, au dihei, findi na clever. aber die 10GB limite bide swisscom isch scho en rechte witz, vor allem nach dere werbig

TypeJ hat geschrieben: sust gäbts na CC, haha
http://www.upc-cablecom.ch/de/mobile/abonnemente/" onclick="window.open(this.href);return false;

gueti priese aber ke ahnig wie s'netz isch

orange!

ich het gern es 15.- im monat internet abo woni vo mir us e drittel vo mim aktuelle speed ha. mach mol testsieger

evo hat geschrieben:ich het gern es 15.- im monat internet abo woni vo mir us e drittel vo mim aktuelle speed ha. mach mol testsieger

Sit paar Täg isch bi Sunrise d Tageslimite für LTE ufghobe und d Monetslimite vo 5 GB uf 10 GB erhöht. Zumindescht für min Abotyp. Macht s Teethering no sinnvoller =)

isch das jetzt "s'ich wott diheime alles via smartphone abelade, will ich dänn feschtnetz und kabel/fibre abo spare chan, aber dä lönds mi nöd"-gehipstere?

Ich weiss nid was du effektiv wotsch wüsse, oder wetsch gar nid? Es Feschtnetz und es Kabel Abo bruchi scho lang nümm. Filme suug ich im Gschäft abe und online schpil ich sozäge nie.

Wenn das für di längt isch super. Für mich wärs zwenig, do gib ich lieber no 500 Frengg extra us pro Jahr.

feeshlee hat geschrieben:isch das jetzt "s'ich wott diheime alles via smartphone abelade, will ich dänn feschtnetz und kabel/fibre abo spare chan, aber dä lönds mi nöd"-gehipstere?

hmmm, überlegig wärt. wobi ich denn müesst e wireless karte ihbaue in mi PC, das widerum hani nit so luscht.

Halbwegs passend: TorGuard het grad e BlackFriday Promotion. 50% uf VPNs! Choschted also nur no 30$ füres Jahr. Findi zimlich fair

https://torguard.net/aff.php?aff=384" onclick="window.open(this.href);return false;

Eifach bim Uschecke rechts unde de PromoCode "BlackFriday" igeh.

Hanmer mol so en torguard abo gholt.

Hans no niened zum laufä brocht

Ich gib d adresse i, und den namä und pw. Verbinded und macht denn "verbindung trennen".