ESPGALUDA (Arcade, PS2, MAME)

[elnino]

Ha glich scho mal aagfange chli mit em Pad z üebe, bi aber leider no recht schlecht (Stage 4, Score knapp under 10 Mio). Hoffe es gad denn chli besser mit em Stick, wo hüt sett cho

[elnino]

Hie mal en erste Score, lid aber no sehr vil meh drin. Lane no vil zvil Bullets abhaue und bim letschte Pattern vom zweite Boss verlüri hüfig no dumm es Lebe.

elnino - Ageha - 11'572'290 - Stage 4 - PS2

[damian]

bim letschte Pattern vom zweite Boss verlüri hüfig no dumm es Lebe.

ich au, han mer drum aagwöhnt det eifach ä bombe znä

[OlDirty]

I mach s'letscht Pattern immer im Kakusei Mode, den gohts zu 90%. So wie do im Video ab 6:21
https://www.youtube.com/watch?v=HOErJIYqa2U" onclick="window.open(this.href);return false;

[elnino]

bim letschte Pattern vom zweite Boss verlüri hüfig no dumm es Lebe.

ich au, han mer drum aagwöhnt det eifach ä bombe znä

Ich probier leider immer vil z lang uszwiche, bisi am Schluss mit 75683 Bombe im Stock abserble. Das Problem hani praktisch bi allne Cave Shmups, drum stinki no meh ab als nötig

[OlDirty]

Wieder mol en neue highscore.

OlDirty - Ageha - 19'294'470 - Stage 5 - PCB (PGM Conversion)

[OlDirty]

Um Haaresbreite am 1CC vorbigschrammt . Aber de letscht Boss isch echt en Fi**er. Er het bi de 3te "Reinkarnation" nur no 1/4 Lebe gha, aber bi eh nur no am Panicbombe gsi

Neue Score jetzt jedefalls no ge.
OlDirty - Ageha - 20'182'010 - Stage 5 - PCB (PGM Conversion)

[Panther]

s'Wiehnachtchindli hets guet gmeit und e PCB dropt, hani grad biz gspleit übers Weekend,
aber do isch glaub no viel z'hole!
@Boss, du darfsch nit Bombe, das füllt em d Energie wider uf in Fall...

Panther 23296600, defalut, Ageha

[geosnow]

das isch nöd nett vom boss.

[Panther]

das isch nöd nett vom boss.

er weiss "how to boss" mues aber sage das s letsche pattern biz überschwer kunnt....

[Panther]

Panther 30246030 , defalut, Ageha 1cc, PCB

[OlDirty]

ööhhmm aber susch gohts no guet oder? 30mio und 1CC. WTF Du bisch kein Japser oder ? Nei Congrats , voll dick mues i säge.eieiei
Hesch nur mit em PCB güebt oder au über MAME mit save states?

[Panther]

das isch im Fall no ke wirklich guete Score wenn di mit em Spiel biz uskennsch....
und nüt Mame, has uf Wiehnacht becho und gspielt, guet has vorher uf dr PS2 biz a zockt, aber nit ernschthaft uf Score.
aber es fantastischs Spiel und de SOUND! Mi merkt dütlich dass es wirklich nur sell Spass mache das Game, kei Hardcore,
kei ultrakomplizierts an 100+ Faktore abhängends Scoresystem, eifach Party. Und 1CC isch jetzt wirklich au für
Shooter newbies in paar runs machbar.

[turntablism]

Ich wird wohl immer en newbie bliibe
Du bisch glaub de schwiizer shmup meischter persönlich

[OlDirty]

Au für shooter noobies machbar en 1CC? haha das i nöd lach . I bi sicher scho es halbs Johr am übe für en 1CC, geschweige den no gschied score. Het ich en 1CC wär de Score bi 23Mio. Also no wiet weg vo de 30Mio. Najaaa.. I hoff de 1CC pack i mol no und den endlich es anders Game au wenn's würkli super isch s'ESPgaluda.

[Panther]

newbie isch vellicht biz harsch, d'Wohrheit isch, üebigs Sach. Wenn natürli 1x ir Wuche 20min spielsch oder jede Tag 20min
sehts andersch us. Aber vo dene Cave PCB wo ich ha (DOJ, Chäferli) isch es mit abstand s'einfachschte.
Ich lueg au kei Superplays, das Stresst di nur "genau so" guet ds'spiele. Espgaluda muesch sehr offensiv spiele!
Und lueg mol internationali Scores a, do isch no viel dinne... do sin mir hert wishiwashi drgege!!

Weiss öber ob d'Läbe wo überig hesch au Score gebe am Schluss?, Loope duets jo nit

@turntable , drfür kei Fründe und social life

[OlDirty]

Also wenn du mit em Chäferligame s'Mushihimesama meinsch find ich das definitiv eifacher als ESPGaluda. Ha döt scho 3 1CC gschafft und weniger lang müese übe als bi dem Game. Level 5 isch halt eifach en rechte F****. Vor allem de Endboss wo unötigerwies 3 mol uferstoht . Do chasch am letschte Pattern scho 4 Lives loose.

Jo klar sind üsi Scores do en Witz gegenüber de Beste, aber die lueg i gar nöd a zum Vergliech.
Glaube nöd das Lives viel Pünkt gebed am Schluss. Zumindest vo Videos z'beurteile her.

[Panther]

Jo Mushi,1cc isch nit s'Problem. ich schaff das tapping nit richtig zum wirklich score mache
@Galuda, eigentlich hesch immer gnueg Energie zum 2-3 schweri stelle im Stage oder Boss
ds Bombe, oft länge 1-2 Sekunde uf Bombe zum es schwers Pattern z überläbe.
Und süsch immer alles so frieh wie mögli wegschiesse, usser bisch im Kakusei Mode natürli.

[evo]

ha hüt nach langer zit au wider par credits vertruggt (PS2). in die viert stage schaffis no aber ab denn sehni kei land mehr.

[OlDirty]

I de 5te Stage wirds den erst lustig und de Endboss. MUAHAAA

[evo]

jo i weiss, ha mi scho par mol dure continued bis zum schluss. müessts viel regelmässiger spiele dasi mit 1cc witer kum als afang stage 4.

[Panther]

I de 5te Stage wirds den erst lustig und de Endboss. MUAHAAA

Alles scho wegschiesse bevors gross ka afo ballere, denn iisi...wie gseit offensiv spiele
Kurz vor em Boss in Kakusei, und bim Boss s rund schiessende Teil nit kaputt mache,
süsch wird si hässig

[OlDirty]

"s rund schiessende Teil nit kaputt mache" ?? Wa meinsch demit?

[Panther]

sie schmeisst nach em erschte Pattern es Teil i d'Mitti wo rotierend schiesst, muesch jo mit goh,
aber wenn s'das Teil lüpft bevor si in die letschi Phase übergoht, fangts a schwer werde. ähnlich wie im DOJ dr erscht Boss.

[Panther]

Panther 34048260, defalut, Ageha 1cc, PCB, gelischte Game sit DOJ