ja es kopiert vieles vo andere spiel. aber das isch ja gnau de cleveri punkt: es nimmt sich äbe nur die beschte idee us all dene andere spiel und füegts zume geniale, einzigartige mix zäme und kombiniert das ganze mit ere krass-geile technik, super gameplay und ere mystiöse, spannende story. mer chan de controller fascht nüme wäglegge.
sone schöni und lebändigi open-world hesch no nie gseh, usser äbe im witcher. squest-design händs au härt vom witcher übernoh, mit spuresuechi etc. es isch erzählerisch ähnlich starch, wenn au ned ganz so guet wie witcher 3, aber sehr nöch! selbscht sidequests lieferet interessants und bringet gschicht wiiter.
spielgfühl mit de kämpf, em sammle, viecher zäme, uf ihne riite, em crafte, jage und upgrade etc. erinneret härt an far cry primal.
gameplay hett aber au viel vome tomb raider/uncharted (rätsle, erkunde, umechlättere, sneake und stealth-kills). es gitt höhlene mit high-tech artefakt und rästel ähnlich wie tombs halt..
gägner verhaltet sich wie ime metal gear solid... sie suechet nach dir, händ laufroute womer sich azeige lah chan, mer chan falle stelle und und... super.
grafik isch jensiits (4k, HDR, PS4pro, OLED TV

) und lauft absolut stabil mit 30fps.
es gitt näbel, räge, schnee, tag und nacht oder e kombination vo allem.
lagerfüür zum speichere und fast-travel.
dörfer und städt mit viele lüüt für side-quests und zum handel vo ressource.
zuefalls-quest irgendwo uf de map... trifsch irgendwo eine, wo was will. gaht immer was. hett au was vom witcher.
atmosphäre und stimmig isch einzigartig mit dene techno-dinos. chiffer dunne, mehrmals und immer wieder.
klar gitts au paar fetch-quests, gitts i jedem RPG. mer chan sogar selber fetch-quests erstelle, zum gwüssi materialie zsammle, womer fürs craftig wo waffe oder outfits brucht, etc.
es gitt element für waffe, verschiedeni outfits mit eigne vor- und nachteil. interessanti waffe womer so no nie gseh hett ime spiel. grad kämpft sind einzigartig, mer muess gägner analysiere, schwachpunkt entdecke, freilegge und mit entsprechende element agriffe. sehr taktisch mängisch, vor allem bi de grosse viecher.
ob gspräch ifluss uf dstory weiss ich nonig. nimmi aber ned ah. aber sie nänd ifluss uf die jewiilig situation. mänsche reagieret andersch uf dich je nachdem ob an herz-, hirn- oder fuscht-antwort gisch. mass effect style.
du muesch dir eigentlich nur ei frag stelle: find ich far cry primal, tomb raider, witcher 3 und/oder uncharted geil? wenn ja, denn chaufe und freud ha, wenn nei, spüele.
ich bin absolute fan, gnau mis. chönt stundelang i dem schöne land verbinge und uf entdeckigstour gah.
de kontrascht vo sci-fi und steiziit isch geil. grafisch quasi 2 spiel i eim. es gitt ort, da fühlsch die wie in mass effect und denn plötzlich bisch wieder ide steiziit. uhuere geil.