The(G)Forum

NERV hat geschrieben:

Acid hat geschrieben:

Chäller hat geschrieben:Also wänn er sone Laktoseintoleranz hätti, wäred sini Problem einiges grösser als nur chli blähige.

Nid unbedingt, wenn eim s Emzym tatsächlich fehlt, isches scho übel. En Laktoseintoleranz chan aber au i schwachä Formä entstoh, und chan au wieder go. Oft cha sich en Form devo entwicklä, wemer echli zvil milchprodukt inähaut (bzw. eifach echli meh als mer persöndlich vertreit, das isch bi jedem echli andersch, und cha sich ebä unterschiedlich entwicklä).

Folg vonerä afangändä unverträglichkeit chan durchus sie was de Nerv beschriebt. Evtl. tierischi Eiwiss allg. wens au bi Fleisch so derb isch.

Ich weiss hald nid wiä das bi dir usgseht, wiä viel Milchprodukt du inähausch etc. aber eifach mol das Züg so viel wiä möglich wegloh. Wenns denn bessered, chasch denn wahrschindlich wieder echli meh zuder neh.


Vor allem würdi aber mol echli Ornig inäbringä... ich mein zerscht sind Pückeli am Arsch wäg de Schoggi gsie, jetzt seisch dassi bi Schweinefleisch überchunsch, aber evtl doch Zucker chönt si... was macht das für en Sinn? Wenn kei Schweinefleisch me issisch und si nüm überchunsch, isches wahrschindlich s schweinefleisch gsi. Wennsi trotzdem überchunsch isches wahrschindlich nid s Schweinefleisch. Sicher isches denn aber au öpis anders. Isch jo nid so dass Zucker nur mit Schweinefleisch und Schweinefleisch nur mit Zucker issisch, und drum nid weisch weläs vo beidnä ehnder in Frog chunt, oder.

Also wäg de Bibeli am Fudi: Die han ich tatsächlich chum bis gar nüm übercho sitt ich kei Zucker UND kei Schweinefleisch meh isse. Sobald ich öppis vo beidem isse, überchum ich sie widr. Bin ich allergisch gäge Zucker, Schweinefleisch und alli Milchprodukt? Was söll ich denn no ässe? Chörnlizügs wie Ris, Hirse, Mais und Gmües chan ich zwar ässe, ohni öppis ds'übercho aber ich findes chotzgruusig. Bibeli am Fudi wäre mir ja no glich, wüll sie eh (fasch) nimmert gseht aber sie tüent abe bim hocke richtig weh..

Tja, denn isches vilicht würklich Zucker und Schweinefleisch...
Und wiä gseit, es mues nid si dass du gäg Milchprodukt allergisch bisch, sondern evtl. eifach zviel devo konsumiersch. Wenn emol es zitli zruggschrubed hesch, chasch vilicht wieder es bitz meh zuder neh, ohni das unagnehmi Folgä hesch. Irgendwenn isch ebä bi jedem de Punkt erreicht dasses zviel isch zums aständig zverarbeitä.

Wenn du bis uf Fleisch und Milch aber praktisch nüt issisch, chöntet all dini Problem mit de Nahrig au eifach drah ligä dassdi viel zwenig usgwgä ernährsch. Ich würd also mol probiere echli meh verschiedeni Sachä inäzhauä.

Gmües z.B. gits zimlich viel verschiedeni. Evtl. chamer diä scho alli zämä grusig findä, aber wahrschindlicher isch doch dasmer sich eifach nid gwönt isch Gmües zässä. Mer chansi übrigens au verschiedä zubereitä, oder es git Lüt diä händ das Züg womer Roh chan ässä Roh viel lieber (bi mir ischs z.B. bim meischtä so... en Kochtä Fänchel lockt mi also au nid hinderem Ofä fürä, frisch und roh ischer super (han allerdings do im Forum festgstellt das vili nid so gern Fenchel hend, wasi au cha nohvollziä), s glichä z.B. mit Tomatä (ussert inärä Tomatäsosä natürlich, diä isch au super) Rüebli, Cholrabi usw.) Oder im Momänt isch no Chürbis Zit, hauschder mol en Chürbis supä inä... unglaublich guet. Oder natürlich Gmüesssupä allg.

Oder denn gäbtis no Hülsefrücht, Bohnä, Linsä etc. (je nach demm wiäs vertreisch, bi dä Bohnä chamer jo au chli blähigä übercho... aber wenn diä wisä nimsch isches vilicht chli weniger derb).

Und wenn das alles würklich gar nüt isch, chaschder z.B. immerno viel Frücht zuefüere, Bananä isch z.B. genial... und natürlich suscht alles möglichä wo gern hesch. Git jo au nid grad wenig, au wenn jetzt im Moment scho vor allem Öpfel und Manderindli Orangä und so guet sind. Im Früelig chömed denn wieder anderi und im Summer nomol anderi, super Sach. Bananä immer, logisch.

Und wenn Johrelang immer nur relativ diä glichä paar Sachä gfueteret hesch muesch di halt evtl. wieder a anders gwöhnä, bevors richtig chasch gnüssä, isch normal.

Ich han 27 Jahr bim Mami gwohnt, sitt 1/2 Jahr wohn ich allei. Frühner han ich mich sehr abwächsligsrich ernährt (dank em Mami) jetzt müme so. Jetzt gits, was schnäll geit aber trotzdem gsund isch (nume Bio). Ev. ligts würkli dran, dass min Darm bzw. Mage ds Ham Ham vom Mami vermisst.

Was Fakt isch: Im Gägesatz zu früehner isse ich jede Morgä es Bio Müesli us em Coop (ohni Zucker) mit viel Milch (Bio), en Orangesaft (Bio), Bio-Straht, Echinaforce und denn no es Nature-Yoghurt (Bio). Am Abe isse ich au no gern es Nature-Joghurt (Bio), Chäs (Bio), en Märit-Wurscht (Bio Rind), es Rüebli (Bio), 1-2 Eier (Bio), Salat (Bio) und en Packig Knäckebrot (söll ja guet für d'Verdauuig si). Am Mittag isse ich meischtens 3-4 Volkornbrötli, en Bio Salat mit Hüttechäs und en Banane (Max Hevelar). Trinke tuen ich NUR Wasser & Milch (Bio) & Orangesaft (Bio). Süsch nüt. Süesses isch absolut tabu.

Machsch du Sport?

Chäller hat geschrieben:Machsch du Sport?

Ja, 3-4x i de Wuche 500-600 Seiligumpe und no 100-150.00 Rumpfbeuge. Und figge (momentan grad nid, Frau hett ihri Täg und Pille vergässe. Ev. in 1 Monet widr lol. Kondom sind scheisse.)

Das isch s tollä a rohem Gmües oder Frücht... god uhuere schnäll, eifach dri bissä
Und vorkochti Bohnä z.B. muesch nur erwärmä... hausch no irgendöpis dezuä und guet isch.

Tja, denn lits evtl. scho a dem... Bio isch jo scho guet, aber ebä nid automatisch usgwogä und Gsund.
Und dass nacheme halbä Johr d Symptom stärcher werded schintmer au nid so unlogisch.

Probiersches emol echli villsitiger. Wirsch gseh dass sicher seint oder ander gfindsch wo absolut super findsch.

Ich han damals au verdammt unusgwogä gässä woni dehei Uszogä bin (au weni i de Familiä no hüfig und gern und au guet koched han), guet, bin au fascht 10 Johr jünger gsi als du... Do muesmer ebä en Wäg findä wo für eim stimmt, will wemer ellei wohnt chunts nüm uf diä anderä druf a.

Chönt glaubs echt dran lige, dass ich d'vil Milch zu mir nime. Aber was söll ich süsch am Morge ässe ussert Müesli? Brot isch nöd so mis Ding und Zyt/Luscht zum choche han ich nid.

hoffentlech miteme bio-hanfseili seiligumpe!

Jones hat geschrieben:hoffentlech miteme bio-hanfseili seiligumpe!

finsch na guet, hanf?

milch isch eigentlech sowieso nüt für erwachsni mönsche!

evo hat geschrieben:

Jones hat geschrieben:hoffentlech miteme bio-hanfseili seiligumpe!

finsch na guet, hanf?

ja scho!

Jones hat geschrieben:hoffentlech miteme bio-hanfseili seiligumpe!

Jones hat geschrieben:milch isch eigentlech sowieso nüt für erwachsni mönsche!

shit...Milch. Git chum was bessers als frischi Milch zum zmorge

Chäller hat geschrieben:
shit...Milch. Git chum was bessers als frischi Milch zum zmorge

hesch nid unrächt! trotzdäm isches umstritte, wie gsund das isch!

Jones hat geschrieben:

Chäller hat geschrieben:
shit...Milch. Git chum was bessers als frischi Milch zum zmorge

hesch nid unrächt! trotzdäm isches umstritte, wie gsund das isch!

Chan scho si. Ich trink scho sit Chindheit jede Tag sicher 5dl Milch und mir gahts wunderbar

Jones hat geschrieben:

Chäller hat geschrieben:
shit...Milch. Git chum was bessers als frischi Milch zum zmorge

hesch nid unrächt! trotzdäm isches umstritte, wie gsund das isch!

Wieso isch Milch ungsund für Erwachsnigi? Han grad letschhin Puls uf SF gseh und dert hets gheisse, grad Vollmilch sig im Winter sehr wichtig, wülls dört Stoff dine hett, wo üsi Hut im Summer normalerwis über d'Sunne konsumiert.

Der NERV isch extrem bio

Edit: Vor allem d Europäer möge Milch verträge dank Gen-Mutation. Weiss jede wo Quarks&Co luegt.

Jones hat geschrieben:
ja scho!

isch t quote sehr hoch bi polizischte wo privat sache mache wosi wärend dr arbet anderne verbiete? so rein us interässe. wobi verzellt me sich so sache unterenand uberhaupt? eher niit, oder?

i bi o ke ernährigsprofi aber es het gloub gwüssi eiwiss (oder anderi stoff) drin, wo dr körper nid eso guet cha verarbeite! bi de chind isch das äbe andersch...
muesch haut mau google! oder dr mousch frage!
wär mau e idee, paar wuche druf z'verzichte und nume no wasser z'trinke!

evo hat geschrieben:
isch t quote sehr hoch bi polizischte wo privat sache mache wosi wärend dr arbet anderne verbiete? so rein us interässe. wobi verzellt me sich so sache unterenand uberhaupt? eher niit, oder?

wär bisch du überhoupt?
i verbiete niemerem irgendwas! nume zum das grad klar stelle!

Minere Meinig noche konsumiersch du zviel Milch(produkt) in Verbindig mit zviel Ballaststoff (Müesli etc.).

Versuech mol das ganze e chli z'reduziere und lueg öbs besser wird.

Avenger hat geschrieben:Der NERV isch extrem bio

Edit: Vor allem d Europäer möge Milch verträge dank Gen-Mutation. Weiss jede wo Quarks&Co luegt.

Mini Vorfahre chöme us Dütschland! Ok, isch au in Europa aber ev. wäge dem!

Jones hat geschrieben:

evo hat geschrieben:
isch t quote sehr hoch bi polizischte wo privat sache mache wosi wärend dr arbet anderne verbiete? so rein us interässe. wobi verzellt me sich so sache unterenand uberhaupt? eher niit, oder?

wär bisch du überhoupt?
i verbiete niemerem irgendwas! nume zum das grad klar stelle!

ja aber du ziesch s verbott dure. oder au nit... weis doch nit in bellere abteilig du ztue hesch

mastercello hat geschrieben:Minere Meinig noche konsumiersch du zviel Milch(produkt) in Verbindig mit zviel Ballaststoff (Müesli etc.).

Versuech mol das ganze e chli z'reduziere und lueg öbs besser wird.

Ich bin ebe so verdammt unkreativ - weiss z. b. nid, was ich anders als Knäckebrot bzw. Darvida chönti knabbere, wo nöd ungsund isch oder Zucker dine hett.

Lueg, Milch:

quarks.de hat geschrieben:Die meisten Europäer können als Erwachsene problemlos Milch verdauen, in Nordeuropa sind es sogar 90 bis 100 Prozent, in Mitteleuropa immerhin 60 bis 80 Prozent. Aber schon in Süd- und Osteuropa sieht das anders aus: Hier können nur noch zwischen 15 und 50 Prozent der Erwachsenen Milchzucker verdauen. In den meisten anderen menschlichen Populationen geht die Laktoseverträglichkeit sogar gegen Null! Laktoseintoleranz ist also weltweit betrachtet nicht die Ausnahme, sondern die Regel. Ungefähr ab dem fünften Lebensjahr produzieren die meisten Menschen keine Laktase mehr – und das bedeutet, dass sie laktoseintolerant werden, also keine Milch, Joghurt oder Sahne mehr vertragen.

Wurstsalat! D'Antwort uf alles!