Was spielsch grad retrigs?

[Doraemon]

Auso natürlech spiel nid nur ig, im Moment isches vorauem d Frou wo der 64er täglech brucht für ihres Dr. Mario 64 (beschti Version übrigens!) Und ig u mi Brüetsch si (immer no) süchtig vom The New Tetris, dert heimer iz de zäme über 2 Mio. Lines cleared

Der Mischiefler dünkt mi zwar sehr innovativ und o schön gmacht. Aber irgendwo zmiz drin hets mi gnärvt u när hanis nieme gschpiut.

[mr.raw]

Do no en guete Text zur N64 Version vo RE2
https://www.eurogamer.net/articles/digi ... f-all-time" onclick="window.open(this.href);return false;

[Doraemon]

@Raw: Wüki e guete Text. Mir gfaut das eifach am beschte wäg der Stüürig und haut eifach wüus ufem 64er isch. Wäg de verschiedene Versione und Revisione hani aber ke Ahnig.

[sidusson]

factor 5 haut.. rip

[wesperados]

Ich han sitt langem jetz mal min Snes Mini agschlosse und mis Ziel ide nächste 2 Woche isch Earthbound durezspiele. Bin grad in Onett fertig und han de Frank und Frankytank II im dritte Alauf besiegt (ohni Rucksack voll Burgers wärs wohl no länger gange ). Bisher gfallts mir sehr guet, sowohl vom stil, wie au de storyline und em humor.

[Mastler(P)]

oof. häsch frey? susch wirds glaub knapp.
isch bi mir scho.. ca 18 jahr her oder so, aber ich has als sehr langs, einzigartigs und fantastischs spiel in erinnerig.
kei ahnig meh wie lang ich gha han, aber ich wür mal schätze öppe glich lang wie es final fatasy us dere ziit.

uf jedefall muess mers spille. ich sött mal s 3 ine haue.

[wesperados]

oof. häsch frey? susch wirds glaub knapp.
isch bi mir scho.. ca 18 jahr her oder so, aber ich has als sehr langs, einzigartigs und fantastischs spiel in erinnerig.
kei ahnig meh wie lang ich gha han, aber ich wür mal schätze öppe glich lang wie es final fatasy us dere ziit.

uf jedefall muess mers spille. ich sött mal s 3 ine haue.

Ferie nei, Zyt ja . Mir hend sehr flexibli Arbetszite im Gschäft; wenn mitte im Projekt bisch muesch viel schaffe, wenn weniger los isch darfsch au mal dihei blibe, aber muesch erreichbar si. Zur Zyt muess ich ide Wuche 1-2x id Region Zug, Zürich oder Basel fahre oder Skype und Projekt acquiriere, Report schribe, nachher chani wieder tue und mache was ich will. Viel Zyt zum game, Kollege treffe, Sport triibe, koche, lese. Fair findi.

Ich be jetz im Spiel in Happy Happy Village mit de Kultiste . Super isches. Sehr schön gstaltets Spiel.

[Doraemon]

Earthbound woti gli o mache. Freue mi scho iz sehr druf.

[wesperados]

ich sött mal s 3 ine haue.

Hed schomol öbber d Fan Translation usprobiert? Isch guet umgsetzt? Es uf japanisch z probiere wär für mich doch z kryptisch...

[Mastler(P)]

ja, für mich dängg au. übersetzig sött aber ok si. ich luegs denn mal ah..

[Reinforced]

Do no en guete Text zur N64 Version vo RE2
https://www.eurogamer.net/articles/digi ... f-all-time" onclick="window.open(this.href);return false;

schad chame das ding nid ufemne Scaler wie z.B. OSSC spile. jedes mau wenn es menu chunnt oder Item Box isch out of sync da uflösig wächslet

[evo]

oof. häsch frey? susch wirds glaub knapp.
isch bi mir scho.. ca 18 jahr her oder so, aber ich has als sehr langs, einzigartigs und fantastischs spiel in erinnerig.
kei ahnig meh wie lang ich gha han, aber ich wür mal schätze öppe glich lang wie es final fatasy us dere ziit.

uf jedefall muess mers spille. ich sött mal s 3 ine haue.

so 25-30 stund gohts scho, muesch stellewis aber rächt bisse, hölleviel random encounter und kuum taktischi möglichkeite in de kämpf.
aber i find es lohnt sich.

[joe_higashi]

ziet gfunde fuers resi2 ufm 64er het echt bock gmacht, bin leider noed bis zum zug cho..hans weniger schwer in erinnerig gha..am afang hesch d zombies na locker choene uswiche zum muni spare, mit d ziet kei schuss me gha, rambo style mitm messer muesse. spieli sicher witer, top game

[wesperados]

so 25-30 stund gohts scho, muesch stellewis aber rächt bisse, hölleviel random encounter und kuum taktischi möglichkeite in de kämpf.
aber i find es lohnt sich.

Also 25 Stund hani scho gspielt und be gfühlt no nirgends . Paar Enemies sind recht tricky; d Slimy Little Piles bringt s ganze Team zum , und denn isch d Trefferquote so tief dass mer ke Gegeschlag meh mache cha. D Territorial Oaks explodierend am Endi und möched mal easy Damage em ganze Team. Und jede Starmen woni bisher begegned bin isch d puri Höll gsi. Es isch immer zerst es usefinde was die best Strategie isch betreffend de Items wo bi dir ha muesch. Wenn s richtige debi hesch und d Schwachstelle kennsch, ischs relativ eifach. S Wiederbelebe vo dine Teammembers brucht relativ viel Zyt findi, ich ha da no ke gueti Strategie usegfunde wie mer das effizienter gstalte chan. Ah und s Velo: chasch ned bruche wenn ned elei underwegs bisch, völlig unbruchbar und hans trotzdem lang bi mir gha .

Super isches, findes sehr packend und usefordnernd.

[wesperados]

Gester fertig worde mit Earthbound. Han schlussendlich guet 40 Stunde gspielt und mir heds sehr guet gfalle. Usefordernd und sehr schön gstaltet, sehr empfehlenswert. Ich wird es sicher wieder mal durespiele.

Ich han mal mini alt PSone unsem Estrich gholt; die Wuche will ich de Zuestand vo de Konsole teste und mal wieder Syphon Filter und/oder Dino Crisis zocke

[joe_higashi]

wieder im street fighter 2 alpha modus. d 30th anniversary street fighter edition fuer d ps4 zoge. macht laune.

[Mr. Heli]

Marvelous: Mōhitotsu no Takarajima ufem Super Famicom

Es optisch wunderschöns RPG wo sehr viel abwechslig büütet. Meh spielt 3 Schuelkinder wo gönd go campe. Denn passieret paar Sache und meh mues mit de Knirpse loszieh. Me chan jede einzeln spiele oder alli 3 als gruppe, was au notwendig isch. es isch überfüllt mit rätsel wo meh löse mues, mängisch allei oder als team. die sind teils au recht komplex und sehr abwechsligsriich. di verschiedene welte büütet immer was neus und au viel humor. leider bin ich jetzt denn scho dure demit. es isch relativ churz, im netz staht was vo 13h. chas jedem sehr empfehle.

es gäbt au en englische patch...

[evo]

Marvelous: Mōhitotsu no Takarajima ufem Super Famicom

Es optisch wunderschöns RPG wo sehr viel abwechslig büütet. Meh spielt 3 Schuelkinder wo gönd go campe. Denn passieret paar Sache und meh mues mit de Knirpse loszieh. Me chan jede einzeln spiele oder alli 3 als gruppe, was au notwendig isch. es isch überfüllt mit rätsel wo meh löse mues, mängisch allei oder als team. die sind teils au recht komplex und sehr abwechsligsriich. di verschiedene welte büütet immer was neus und au viel humor. leider bin ich jetzt denn scho dure demit. es isch relativ churz, im netz staht was vo 13h. chas jedem sehr empfehle.

es gäbt au en englische patch...

Geilon. Es git eh no sooooo viel jap only (oder halt fan subs) jrpgs woni noni gamed ha. Erscht mussi starocen

[Mr. Heli]

Geilon. Es git eh no sooooo viel jap only (oder halt fan subs) jrpgs woni noni gamed ha. Erscht mussi starocen

star ocean het mir sehr guet gfalle. han first departure und de zweit teil uf psp gspielt. de erst teil isch dütlich besser, bim zweite het mich de schluss (wo ich nöd gschafft han) gstresst. jez isch ja first departure R uf switch/ps4 duse. d reviews sind guet, chasch d charakter optik zwüschen psp und switch/ps4 wechsle und audio chasch au wähle vo weläre version oder englisch.

[evo]

Ich würd t original sfc version mit patchter sproch bevorzuge

[Doraemon]

Ultima IV ufem master System - was für nes geils Game! Bi zwar no nid so wit aber cha scho iz säge es isch öpis vom beschte RPG'nigs woni je ha gspiut.

[Mr. Heli]

das wucheend binere lange zugfahrt:

bust a move 4 ps vita
shienryu ps vita
alundra ps vita (mal agfange)
luminous arc ps vita (leider nöd so guet wie d DS titel, han bald mal abgstellt)

diddy kong racing DS. dummi umsetzig vode touchscreen funktione. anstatt münze sammle muess meh jez mit em stylus balön verchlöpfe. de endboss isch au zum schlechtere gändert worde.

[Mastler(P)]

geil, alundra.

[wesperados]

Syphon Filter 1&2 uf de PSone zocket. Han zerst d Controller Ports vo minere PSone repariere müesse (Memory Card isch nümm erkannt worde und Controller hed gfunzet) und be supper happy dass sie jetz wieder funktioniert. Damals woni Syphon Filter s erst mal gspielt gha han ichs grafisch super gfunde . Naja... D Spiel sind aber super; relativ schnell zum durezocke, sind ned sehr komplex und sind sehr unterhaltsam mit gueter Story. Fun to play! Mal luege, viellecht chaufi s SF3 au no.

[Marco_in_motion]

Versiffte Filter 1+2 hani au geil gfunde, genau so wiä d'Grafik lol, ich glaub jede hät.