The(G)Forum

Ja Zaptec wird i bhalte. Isch eh nur en chlini Position bi mir.
Si sueched jetzt au n Countrymanager Dütschland. Wär super, wenns in 'Schland chönnted effektiv Fuess fasse.
Binere Korrektur wird i öppe nochmal bizzli nachechaufe. Die sind mir sehr sympatisch.

Hesch dis Hanf Züg no? Das gaht au wieder guet ab. I dem Bereich hani nüt und iteressiert mi nur ,wenn e Bude wär, wo so ufgstellt wär, dass sie schalgartig chan exportiere. z.b. wenn irgend en andere Staat legalisiert und si gad inechönnted.

Buccaneer hat geschrieben:Ja Zaptec wird i bhalte. Isch eh nur en chlini Position bi mir.
Si sueched jetzt au n Countrymanager Dütschland. Wär super, wenns in 'Schland chönnted effektiv Fuess fasse.
Binere Korrektur wird i öppe nochmal bizzli nachechaufe. Die sind mir sehr sympatisch.

was häsch füren ek gha?demfall sicherlich au scho über 100%?

cannabis bini in canopy growth drin gsi mal, aber han sie abgstosse mit verlust. nöd so gschiiid aber isch jetzt au na fast 3 jahr gange bises widr zündet haet.
wär jetzt au fett im plus natürli haeti nöd abgstosse

übrigens zaptec jetzt au im "aktionär" empfohle worde häsch am maydorn devo verzellt? ziel: 7 Euro

2.44 € isch min istand gsi. 97 %

Buccaneer hat geschrieben:2.44 € isch min istand gsi. 97 %

wird sicherlich na bis 7 laufe, stimme seget ziel endi 2022: über 15 Euro. uusert chunt was grössers dezwüschet.

sind ja scho fast bi 5 euro. da hani guet recherchiert.

chasch glaubs nöd vill falsch mache da. gueti finanzielli ussichte, guets produkt, ufbau am tue, norwege fuehrend in europa in EV.

Haha de Aktionär heds jetzt au? Ha mi scho gfraged, wenn die demit chömmed.
Find de Aktionär nid schlächt, zum sich chli oberflächlich chli informiere.

De Maydorn isch mit Varta nid so schlächt gläge. Bini ez bi 13% und die hend erst gad zwei wichtigi Hürde vo 120 und de vo 125 € gmacht. Gueti Vorzeiche.

zaptec isch so chli s "blinking charge" us Norwege. hoff mal er wird nöd grad so volatil wie die.

Buccaneer hat geschrieben:Haha de Aktionär heds jetzt au? Ha mi scho gfraged, wenn die demit chömmed.
Find de Aktionär nid schlächt, zum sich chli oberflächlich chli informiere.

De Maydorn isch mit Varta nid so schlächt gläge. Bini ez bi 13% und die hend erst gad zwei wichtigi Hürde vo 120 und de vo 125 € gmacht. Gueti Vorzeiche.

varta lauft im sog vom hype jetzt mit. eifach immer na vill höchi shorterquote zum istiege. die muend nur eimal en quartalsbricht verhaue. schwuppps.
aber ebe shortsqueeze ischs andere...

han sie lang ufem radar gha. aber widr weggleit.

musk/tesla isch mit delegation in indonesie bald

da en tip für lithiumplay (was macht echt musk/tesla in indonesie?)

AKTA (Aneka Tambang)ID1000106602
sauvolatil, aber chönt was werde ines paar jahr.

cd project isch jetzt mini absolut schlechtischt performer im depot. haets au scho lang nömm geh und jetzt au na shortseller ufgstocket

Kei Bock uf Nasi Goreng. Standard Lithium bini din für Lithium.

thaeye hat geschrieben:cd project isch jetzt mini absolut schlechtischt performer im depot. haets au scho lang nömm geh und jetzt au na shortseller ufgstocket

Ha 9 Einzelaktie und 3 devo bini im Minus:

- CD Projekt (-32%): öppe klar wieso. Aber bin optimistisch
- Teladoc (-13%): Min erste Chauf und isch mit 194 € zum Kaufzytpunk überbewärtet gsi. Aber für n erste Chauf hett mers chönne schlächter träffe. Au hie bini aber optimistisch.
- AliBaba (-25%): Tja... da chunnt jetzt halt einiges zäme. Da chani selber nix für

Die andere sächs laufed mittelprächtig bis sehr prächtig.
Mit de 3 ETFs woni han bini au sehr zfriede bis jetzt!

demfall dis jahr au nöd so übel gsi

han 28 einzeltitel, devo 6 im minus

ab märz häsch eigentlich nix meh chöne falsch mache

Nö bin zfriede! Sicher nud es vorzeige depot. Aber hei, ich han erst mitti oktober agfange und bin immer no bluetige afänger.

es knallt härt ine hüt. alles dunkelgruen. mal luege obs hebt. +4,5 % total im depot hüt

Hesch e link vo der Aktionär und Zaptec? Finds nid. Würi gärn läse. Oder isch ime Pfideo?

Zaptec isch würkli gstört.
Was meinsch, wirds zunere Korrektur cho? und wenn?

Hoffentli nid wie bim Xpeng. Bi dem bini mal churz uf 179% gsi.

Buccaneer hat geschrieben:Hesch e link vo der Aktionär und Zaptec? Finds nid. Würi gärn läse. Oder isch ime Pfideo?

Zaptec isch würkli gstört.
Was meinsch, wirds zunere Korrektur cho? und wenn?

es chunt na en härti ev/green energy korrektur, tesla wird sie uslöse. ich denk endi januar/bis mitti februar.
das chans ja nöd siii so härti astieg.

china isch eifach en heisse, xpeng und so. ich han langsam doch chli respekt zvill in china z investiere.

aber eventuell gats au so wiiiiter

China bini au chli vorsichtiger worde.
Aber momentan fokussiered die ja uf Kartell. Das heisst wenn bi Xpeng und Nio keine de Regierig an Chare fahrt, sind die no save...

Wasi chan empfehle isch ETF uf Emerging Markets. De gaht sit eme Wili rächt guet und ich glaube, dass das reise Frihandelsabkomme wos in Asie hinegmacht hend defür verantwortlich isch.

wott für indie en spezielle etf. da bini na dra. aber mersi. emerging markets etf machsch sicher nix falsch long.

na 5 % und ich bin bi 150% bi zaptec und ich muesst eigentlich gemäss mim ziel verchaufe

thaeye hat geschrieben:bitcoin 37k

38.5k

Krazy. Mit Vater het vor x Jahre mal welle chaufe. Heds den aber al si, well er z fuul gsi isch... er wär Multimillionär...
Jetzt hed er welle afa aber schisst ne scho wieder a. Han ihm jetzt de Stick wo du empfohle hesch bstellt und tue mal mit ihm es paar Bitcoins chaufe zum chli dri cho.
Was wär sust no aktraktiv?
Ethereum?

ja hol ethereum. aber experte bini nöd. glaub aber haet na me potential als bitcoin momentan. aber es isch langsam alles so höch. coins eifach ligelah und nöd trade. das hani glernt

thaeye hat geschrieben:

thaeye hat geschrieben:bitcoin 37k

38.5k

41k den abr widr uf 39k zrugg.

schöne sprung au vo teladoc (bisher +10%)

thaeye hat geschrieben:

thaeye hat geschrieben:bitcoin 37k

38.5k

Mal ahgfange Tröpfliwiis zverchaufe, ha Sell-Orders verteilt bis uuf 57K uufe.
Wänn dä Bitcoin stürzt (und das wird er früehner oder spöter) gits e fucking Bluetbad.

Buccaneer hat geschrieben:Krazy. Mit Vater het vor x Jahre mal welle chaufe. Heds den aber al si, well er z fuul gsi isch... er wär Multimillionär...
Jetzt hed er welle afa aber schisst ne scho wieder a. Han ihm jetzt de Stick wo du empfohle hesch bstellt und tue mal mit ihm es paar Bitcoins chaufe zum chli dri cho.
Was wär sust no aktraktiv?
Ethereum?

Isch vielne so gange. Miini Uusred isch gsi, für was bitcoin? Muen weder Droge no anders Gschmeus im Deepweb chaufe.
Ethereum isch uuf jede Fall attraktiv aber isch grad au rächt am abgah. Altcoins sind nonig duuregstartet, döt gits no viel Potential.