The(G)Forum

thaeye hat geschrieben: sicher en scheiss job, aber finds super machet ihr das. respekt dörf meh au mal zolle.

ja als chatze- / tierfründ sicher nid immer eifach. bi o scho mit kolleginne ungerwägs gsi, wo gar nid hei chönne sones arms ding zäme läse... einisch isch e chatz ime garte gläge. offebar vome fuchs gfrässe. chopf / schultere no da gsi, hinde nur no wirbelsüüle...

kleine frage. mi händ etz es chatzetürli. das isch so personlisiert, dass es uf dä chip vom möngeli reagiert und ufmacht.
nur leider isch dä möngeli en möngeli und hät echli schiss vom klickgrüsch. jetzt hämmer mal d'batterie usegnoh, demit er sich es bitz agwöhne chan.
blöd isch jetzt, dass da en anderi katz inechunt, wovor dä möngeli au schiss hät. und die tuet dänn no gern markiere, will nöd kastriert.

mini idee: türli so ihstelle, dass die nuno inechunt, und dänn mal gründlich wäsche. sött sich dänn fernhalte.

wa meinsch?

smöngeli muess sich as klickgrüüsch gwöhne, darum eifach so lah wies isch. de gaht er halt am afang bitz weniger use/ine, ganz normal.
ich han au sone tür und 3 chatze und am afang händ alli bitz 'angst' gha. nach paar täg isch das aber weg...

chatzetüre sind eifach sautüür, de scheiss i und usbau chostet es vermöge. min kater isch leider inkontinent worde siit sim autounfall, jetzt gib ich ihm es paar homöopathischi mittel. ich glaub er spürt de darm nöm so guet, er kackt den amigs eis und haut den sofort use ab während dem er nah halbe am kacke isch.

ich ha de ibau selber gmacht...



aber ja, stüürli sälber isch no tüür gsi...

Cool

würkli huere cool

Master(G) hat geschrieben:ich ha de ibau selber gmacht...



aber ja, stüürli sälber isch no tüür gsi...

Airlock. Na gail.

problem isch, dass s'möngeli 5 stund chan non-stopp möngele, wänn er nöd usechan.
und warte, bis er schnallt, wotti nöd. jetzt gaht scho säbschtändig use. wänn er das ohni vorher 10min möngele macht, dänn tüemmer d'batterie wieder ine.

ja mal e suuberi Portion Wasser über de Grind, dänn sött di ander nümme cho.
Häsch din Kater wahrhaftig Möngeli tauft?

ursprünglich hetts mörgeli sölle sii... aber sis verhalte hät mich uf möngeli bracht. min frau nännt ihn rocky.

btw: jetzt hät er endli gschnallt usez'gah und inez'cho.bald cömmer dä batterie wieder inemache, dänn chunt nuno er ine.

eusä tiger

scho zum dritte mal, chunnt e chatz zu eus is büro. jetzt hemmer ihre was zum trinke und zum schnabuliere gäh.
ich vermuete dass e wildi chatz isch. sie het immer dreckigi pfoote und hockt de ganz tag um euses areal ume.

gseht uus wie oise de Miush

geschtr am fiirabig hemmer si usegrüehrt und hüt isch sie wider da und pennt de ganz tag i de couvert-schachtle lol.

Arbeitlos? Uf dr Flucht? Frag se mal...

Chatze, bescht wos je hetts gitts.

next wuche bringmer si mal zu arzt zum luege ob sie en chip het. wenn nöd, wird sie eusi bürochatz. isch besser als di zwei beinig wo immer reklamiert

abyss hat geschrieben:Chatze, bescht wos je hetts gitts.

leb sit über em jahr mit zwei zämme.. naja. eher nöd, actually.
usser türli im internetz oder wenns eper anderem ghöred und die gsehsch sie chum. aso ähnlich wie mit chind.

dä möngel hät jetzt dä wasserhahne für sich entdeckt. wehe du gasch is bad - dänn springt er immer grad ufs becki und wott suufe.

sehr guet, oise trinkt nur so, fast chli muehsam, fründin haet en voll verhätschlet.

chunt ihm nur flüüsends chalts wasser direkt is muul, sust nix.

Fründinne si ganz schlimm im chatze verhätschle/verzieh... Bevor mini fründin im 2012 während mine ferie zu de chatze gluegt het, hei sie beidi ohni z'motze ir stube pennt... Sither isch schlafzimmer offe oder es wird gmauzt und chratzt bis sie offe isch...

zwar kei chatz aber es unglaublichs tolls video isch dem typ glunge: de schluss, ich bin vom stuehli gheit wiener im schnee sich chugelet mit de blinklampe rofl. er wirds sehr glatt gha ha. RIP.

http://www.srf.ch/play/tv/schweiz-aktue ... 208d48650f" onclick="window.open(this.href);return false;

thaeye hat geschrieben:zwar kei chatz aber es unglaublichs tolls video isch dem typ glunge: de schluss, ich bin vom stuehli gheit wiener im schnee sich chugelet mit de blinklampe rofl. er wirds sehr glatt gha ha. RIP.

http://www.srf.ch/play/tv/schweiz-aktue ... 208d48650f" onclick="window.open(this.href);return false;

sehr geil. kolleg macht grad e praktikum bi netz natur und jez hän sem e vertrag bis vorläfig ändi jahr geh. isch sicher rächt geile job so tierdokus dreie.

Troumjob würdi säge. Tier beobachte/filme isch öpis wo spannends würdi meine. Und abwächsligsrich.

tja, ha kei fründin, wo sie chönt verhätschle
das macht mini frau.