Was spielsch grad retrigs?

[m.o.terra kaesi]

Grad passend: Has das a dere stell scho paar mol gseid: de mega drive esch vell meh en "returner" konsole als super NES. Es häd eifach meh erwachsni ond replay value games ufem MD.
Jump n runs ond RpGs häd mer eher dore ond guet esch.

[damian]

bim md sind d'spiel im schnitt chürzer mit me abwechslig. es j'n'r ufem megadrive isch idr 30 - 60 minute spielziit, chasch immer wieder mal inehebe. ufem snes sinds öfters so 2h bis 5h j'n'r.

[kingcaid]

und dänn no ohni speichere

är hätt Ziit gfrässe

[Reinforced]

plok düregspillt? würklech guet isch es leider nid abgseh vom hervorragende Soundtrack

[Doraemon]

Nach dene ganze RPG hani jetz wieder mau gluscht ga uf chürzeri Spiel. Super Aleste mau wieder düregmacht, zum erste mau ir jap. Version, und natürlech bim erste Versuech. D jap. Version het angeri Soundeffekte, paar anderi Musigstück und e andere Abspann. Das Game chani immer und immer wieder spile.
Nemesis 1 & 2 uf GB hani o düregschpiut, machi paar mau pro Jahr wüus eifach e Gnuss isch.
Varth (Arcade) Das Game isch irgendwie geng a mir verbigange. Jetz neu entdeckt und es isch für mi e richtige Kracher. Gueti Action, nid ds kompliziert, eifach guet! Da blibi bitz dran.
Progear no Arashi (Arcade) Schiss-Spiel Nei isch eifach nüt für mi, ig hasse setig Scoring System, mit wenige Usnahme. Gäbet doch eifach paar Scorepünkt weme e Gägner abschiesst und guet isch...
Shienryu (Arcade) - DAS isch e shooter wies mues si. Normaus Scoresystem, nid ds viu Bullets, gueti Extrawaffe. Chani immer wieder inehebe.
Double Dragon 2 (Arcade) - So guet isches (und leider so churz) dass igs grad 2x nachenang ha müesse dürespile.
Metamorphic Force (Arcade) - Eifach es Meisterwärch. Genau setigi Spiel si Schuld gsi dass me aus Gof isch Arcade süchtig worde. Das isch der Peak vo de Sidescroll Prügler, zäme mit paarne angere.

[Mr. Heli]

Dure mit:





Fazit:
Leider eis vode schlechtere lizenz spieli. d story isch sehr linear und meh chan sich nid gross verlaufe, was aber sehr agnehm isch. s kampfsystem klassisch turn based mit spezialattacke, heilung, usw. grandios isch d umsetzig mit heiss/chalt wasser, wo d charaktere ihri gstalt änderet. das bruchts teils au zum wiiter cho, z.B. ines dorf wo nume fraue ie chönd. mir persönlich het vorallem de witz gfählt, wo d serie so prägt het.

Jez agfange:





Sehr guet gfallt mir, dass meh us verschiedene charaktere chan uswähle, wo meh au wechsle chan. jede chan wieder was anders. zudem chan meh wie im suikoden wiiteri charakter rekrutiere. es git au hilfscharakter, wo bsunderi fähigkeite händ. z.B. en vogel, mit dem chan meh d charte abflüge und lauft somit nid eifach im seich ume. bis jez gfallts mir sehr guet, au vom charakter design. es bizli viel encounters zum teil.

[Doraemon]

Intressanti Spiel zocksch du da Herr Heli. Ds Ranma gseht genau nach mim Gschmack us, das muesi mau azocke wenni de wieder gluscht uf RPG ha.

[Mastler(P)]

ja voll. kenn nur s fight game. gseh jetz aber, dass es no vill meh geh hät: https://en.wikipedia.org/wiki/List_of_R ... ard_Battle

[m.o.terra kaesi]

paar Impressione vo minere disjährige GAME SESSION am lätschte Wocheänd (händs äntli chönne doreziä, mit Selbstteschts etc.)

Games im "Pflichtteil": Fifa 2000 (Multiplayer-Team), Medieval Mayhem (Multiplayer-Solo), Bomberman (MP-T), Micromachines V3 (MP-S), Rockband (MP-T), Winter Heat (MP-S), Luigi Ghost Mansion - Nintendo Land (MP-S/T), Snake vs Snake (MP-S)...

s'Öberraschigs-Highlight esch klar ROCKBAND gsi. Hämer zom erschte mol öberhaupt gschpillt, das Musigzeugs.
On de Publikumsliebling esch sit velle Johre MEDIEVAL ond SS BOMBERMAN.

[Mastler(P)]

gseht sehr nice us.

[turntablism]

Cool
Frag: Das wiise t shirt rechts, game challenge 1996. Was isch das ? Ich glaub ich han dervo mal en sticker gha.

[m.o.terra kaesi]

Cool
Frag: Das wiise t shirt rechts, game challenge 1996. Was isch das ? Ich glaub ich han dervo mal en sticker gha.

dasch äbe euses Logo. Esch en Awandlig vom alte TWIN GALAXIES Logo.
(Bild 1 gsesch s'ganz Logo)

velecht händ mer zwoi mol öpis dealed ond ech ha der en Chläber is Päckli to...oder au sehr möglich esch, dass ims Stadt Zörri oder Luzern eine ofme WC gseh häsch

[Fade]

… sonen typische Chläber womer of Toilette ahtrefft

[m.o.terra kaesi]

...apropos Sticker: wämer bim einte fötteli guet änelueget, gseht mer, wem min graue chline Monitor do im Forum mol ghört häd

[Mr. Heli]

Bakumatsu Korinden Oni SFC

[Doraemon]

Varth, Parodius, Twin Eagle 2, vs. Super Mario Bros, Shienryu, Atari Tetris, aues uf Arcade, immer chlei probiere der Score ds verbessere. Ussert bim Tetris isch aber leider nid viu gange. VS Super Mario isch soooo genial zum uf Score spile. Easy to learn, difficult to master würdi säge.

[Andy]

Capcom Arcade Stadium!

[turntablism]

Nöd würkli retro.
Toni hawk downhill jam und r-type final. S letschtere findi en schissdräck.

[Mr. Heli]

bi no am Bakumatsu Korinden Oni SFC dra. läck isch en rechte chrampf. ca. all 5 sekunde en kampf. bi aber scho z wiit zum ufgeh.

es chunt e sequenz wo meh miteme schiff vo japan nach amerika muess. dete chömed d gegner ufs schiff (normale kampf), unter wasser (unterwasser kamp ohni magie und immer wieder uftauche zum luft hole) und schiff (kanone schüsse). x aläuf brucht und zerst mega lang s schiff ufeglevlet, denn knapp nach amerika gschafft. zudem het meh eigentlich nie en ahnig, wo meh ane muess und mit wem meh rede muess, zum d story wiiter triebe. spicke chli inere komplettlösig, susch hätt ich ka chance und s liegt def. nid ade sprachbarriere.

[joe_higashi]

battle gear 2 - ps2
snow bros - megadrive
elevator action returns - saturn
batman - pc engine

[Mr. Heli]

Medarot Kabuto Version GB agspielt. quasi pokemon mit roboter. aber ebe nume quasi, s kampfystem überzügt mich nöd. kämpf gönd extrem lang und scho vo afang a bini di ganz ziit am sterbe. de art style wär 1:1 wie pokemon und gseht entsprechend guet us.

ha den ka lust meh gha und s Wario Land wieder mal füre gnoh. so es super spiel.

[Doraemon]

Gueti Roboterkämpf ufem Game Boy fingsch im Battle Crusher. Zwar bitz angers, derfür ungerhautsamer aus Medarot.

Ig spile grad Tōgi Ō: King Colossus ufem Mega Drive. So chlei wie Zelda, nume besser.

[Mr. Heli]

Ig spile grad Tōgi Ō: King Colossus ufem Mega Drive. So chlei wie Zelda, nume besser.

da gäbts ja au no das: Crusader of Centy

bsitze es sit jahre ohne zgmerkt ha

[Mr. Heli]

jez hani de Tetsuya Yomigaeru Densetsu GBA au no gholt, nomal danke füre tipp Doraemon. finds bis jez au super. extremi spielerische tüüfi. d story zwüscheddure gat amigs chli lang, vorallem ischs mahjong slang, viel verstah tue ich nöd

das mit em bschiesse isch echt guet gmacht. entweder stei ustuusche, bim gegner id "charte" luege, bim partner id "charte" luege und ihm die stei zuespiele, wo er brucht, usw. meh chan de spielstei au unterschiedlich hart ablege. da hani nonid usegfunde, ob de gegner amigs so zeiche git. es bliebt spannend.

[Mr. Heli]

aja, das spiel ich au no im moment:



nostalgie