de HELM!!!!

[Drachenherz]

eheh, han uf ricardo mal aagfraget, ob de pc bi dem vive aagebot mit debii isch...

[TypeJ]

en richtig geile gam pc(han gad mal eine zemegstellt) isch älei locker 2 mill

[Drachenherz]

Ich weiss, ich weiss...

[The Sheep]

Spiele grad Project Cars VR mit emene Force Feedback Stürrad + Pedale. woahhh So geil!
Weni nid generell schlächt wär im spiele vo realistische Rennspiel, würds mi villicht au langfrischtig fessle. Leider hani bisher kei Chance unter die erschte 10 zcho bime Renne

[Goran]

eheh, han uf ricardo mal aagfraget, ob de pc bi dem vive aagebot mit debii isch...

De isch guet

[Xinobrax2]

https://imgur.com/umYTJP1" onclick="window.open(this.href);return false;

:typej:

[Acid]

Wiä so en Salvia Video... de wo wiä en Zombie inälauft hed aber glaub kein a.
Aber huere guet wiä si voll in Eggä seklet aber sich dur das nid us de Illusion rissä zloh schiint

[Xinobrax2]

Ich glaube si het aschlüssend de Zemehang zwüschet Gitternetz und Wand erkennt...learning by doing...

[PlanetHarrieR]

Gegner sind tatsächlich deutlich angsteinflößender als auf dem Fernseher, selbst so billige Zombies wie in Brookhaven Project.

[Drachenherz]

Aahahaha, han das video/gif grad auf uf reddit gseh, so köstlich!

On a sidenote...

Han mer die Wuche e Gigabyte GTX 970 Windforce 3X oc für 256.-- (neu, mit 2 Jahr Garantie) ergattere chöne...

Jetzt muen i nur no es paar Joysticks, es bitz alte Grümpel (PS2, Xbox 360, PS3, Dreamcast etc.) chöne loswerde, und dänn sötti gnueg zäme ha für es vive.

Gopf, bin huere giggerig uf s'vive.

[Goran]

[Xinobrax2]

Ich han en Controller gschrotted und warte jetzt scho sit über enere Wuche uf de damn Torx Schrubezieher demiti das Ding chan repariere

[Drachenherz]

Chlini Frag: isch öppis bekannt, ob/wänn Rift und Vive i de Schwiiz in Einzelhandel chömed? Und ich mein jetzt nöd so vereinzelt wie im Brack oder Digitec, sondern wiiit verbreitet bis hin zu Microspot, Melectronic, Media Markt, Interdiscount und Manor etc.

[The Sheep]

Han i de letschte Tage es bitz neui Software usprobiert.

Lucky's Tale (9/10)
Das isch die gröscht Überraschig gseh für mi. Wenn mir es 3rd Person VR Spiel begegnet, rümpfi zerscht instinktiv d'Nase. Jedesmal. Wennis denn usprobier bini jedesmal überrascht wie guet das trotz Sandchaschte Perspektive funktioniert.
Lucky's Tale isch e Mischig us Mario und Crash Bandicoot. Absolut nüt neus vom Spiel här. Aber es isch perfekt gmacht, macht enorm freud zum spiele und das mit em Gfühl zha mittedrin zsi funktioniert wunderbar.

EVE Valkyrie (6/10)
Das Game hätti ja eigentlich gratis zum Helm, wenner denn ändlich mol cho würd. Aber i ha no nie guet warte chönne, drum hanis mir jetzt halt kauft. Und i bin zimlich enttüscht vom Spiel.
Es isch fascht zu 100% es Multiplayer Game. Das wo si als Singleplayer Kampagne verchaufe isch e Witz: es paar Stages, ebefalls zimlich begränzti Maps. eifach mit Bots statt Spieler. Kei spezielli Story. Wirkt alles zimlich schluderig. Aber en Shop ibaut womer bis zu 100 Stutz chan usgä - imene Vollpris Game e Frächheit findi.
Visuell isches schön gmacht, und es funktioniert au rächt guet im VR. Aber es git chuum Abwächslig. Mer het schnäll sGfühl es gseht alles glich us, und d'Motivation sich im Ranking ufezarbeite um Züüg zchaufe zum usrüschte het mi bisher absolut nid packt. Zuedäm hets en zimlich willkürliche Umgang mit Spielcontroller. Han min Thrustmaster T16000m nur über en Trick usem Reddit chönne apasse.

Crystal Rift (8/10)
Hani bisher als Gratisdemo gha. Das isch en 1st person Grid Dungeon Crawler. So wie Dungeon Master oder Eye of the Beholder. Wemer die Games früener wie ich verschlunge het, isch das es absoluts muss. d'Vollversion für 10.- isch dütlich kompläxer als s'Demo. Es het jetzt au alli mögliche Monschter. Es git zwar offebar nur 1 Waffetyp womer mit der Zit chan upgrade. Sunscht chamer glaubs nüt an sim Char verändere. Und es gseht au visuell eher Indie us. Aber es isch trotzdäm sehr immersiv und guet zum spiele. Und es het en Leveleditor ibaut.

Jaunt (8/10)
Es VR Magazin womer chan gratis 360 Grad 3D Film streame. Usem Berich Reise, Sport und Musik
Het es paar idrücklichi und technisch guet gmachti Reportage drunter.

Showdown (9/10)
Es gratis Unreal 4 Techdemo womer mitte ime Fight zwische futuristische Cops und men Mech isch. In Zitlupe rennt mer nach füre und alles fliegt eim um d'Ohre. Megageil gmacht. Git en guete Idruck in weli Richtig d'Spielentwicklig sött go in de nächschte Jahre.

[PlanetHarrieR]

Geheimtipp für Vive übrigens das Knobelspiel Carpe Lucem: Seize the Light

Funktioniert perfekt im Roomscale und macht richtig Spaß, in nem Raum rumzuhantieren und zu knobeln

Ich hätte tierisch gerne eine Art Captain Toad in Roomscale-VR, das Konzept würde perfekt dazu passen.


Quelle

[The Sheep]

Gseht frisch us.

Shit, ich wott ändlich die Motion controllers. Das isch de gröscht Fähler wo Oculus gmacht het. Dass sie die nid rächtzitig fertiggstellt händ. Games wie Adrift oder The Climb chasch eifach rauche mit Joypad. Mir tüen die Firmene leid wo die Games rächtzitig fertiggstellt händ zum Release vom Helm, und jetzt wahrschinlich nur en Bruchteil devo verchaufe chönne wills die Controller wos defür entwicklet worde sind nonig git.

[Xinobrax2]

Da ich momentan eh nur 1 Controller zu Verfüegig han, hani chli ZenMaster gspillt. Ich bin jetzt ufem Leader Board

Frücht schnäzle

[Drachenherz]

So, min i5 6600k, 16gb ddr4 ram uf emene z170 gaming pro mainboard sowie OC gtx 970 sind parat! Wer leiht mir sini Vive uus?

HABEN WOLLEN TU!!!!!!!

[OlDirty]

Tönt alles sehr geil.Wot endli mini Oculus vom Brack,aber do isch absoluti Funkstille.Huere Siech!!!

[The Sheep]

was stoht bi dir im Bestellstatus ?

[Xinobrax2]

Ich han 2 Vives und chan die damn Games nid teste

[PlanetHarrieR]

nervich

[Herr Rossi]

Tönt alles sehr geil.Wot endli mini Oculus vom Brack,aber do isch absoluti Funkstille.Huere Siech!!!

Lagerbestand in Willisau: -189
Voraussichtlicher Liefertermin: 31.12.16 100 Stk.

[zeromeier]

Lagerbestand in Willisau: -189
Voraussichtlicher Liefertermin: 31.12.16 100 Stk.

[The Sheep]

Dezämber ?? ach du Scheisse

Bi mir stoht eifach Bestellstatus: Lieferant
Wahrschinlich bedütet das sgliche.

Wenni kei DK2 hätt würdi glaubs en CV1 oder en Vive uf Ebay chaufe, und de woni bi Microspot bstellt han, wenner chunnt uf Ricardo verschärble.
http://www.ebay.com/itm/Oculus-Rift-CV1 ... SwKfVXKJbF" onclick="window.open(this.href);return false;