Nintendo NX - heisst jetzt "SWITCH"

[Gurgelhals]

Weiss me eigentlich, öb das Ding en Touchscreen hätt? Us em Video isch es sowiit ich gsehne nöd ersichtlich. Ich tippe mal nei, was nöd tragisch aber irgendwie dänn doch au chli blöd wär

[mr.raw]

ahjo... wie spielt me denne splatoon

[Shadow]

logisch. sind all vorsichtig will nintendo druff schtot. schlussendlich ischsmer eh egal, ei bis zwöi toptitel pro jahr länged förig, und die bringt nintendo sälber

Ehner meh als das, will sich de Nintendo-Output nüme uf zwei Plattforme wird verteile. Wie gseit: De Hauptgrund werum das scho guet chunt

glaubi au. sie werded zuesätzlich ihri franchises uf android und ios etc. au no pushe und alles zäme printed denn massiv money!

[evo]

Weiss me eigentlich, öb das Ding en Touchscreen hätt? Us em Video isch es sowiit ich gsehne nöd ersichtlich. Ich tippe mal nei, was nöd tragisch aber irgendwie dänn doch au chli blöd wär

wemme so dr 3ds ahluegt isch in keim einzige game mehr touch e wirklich wäsentlichs feature, was fast no schad isch, ufem alte DS hets doch no s eint oder ander spiel geh wo sich s ummetouche sehr guet agfühlt het und au gameplaytechnisch relewant gsi isch.

uf dr ander site könne si sich dä märt jo fast nit entgoh lo. also die wirklich simple ames wome momentan uf tablet oder handy gamed mit touch only.

[mr.raw]

also die wirklich simple ames wome momentan uf tablet oder handy gamed mit touch only...

sproblem bi dene games. Replay value = 0%!
(klar, angry Birds isch e ussnahm - und sorry...hämmer gseh.) Ja guet, Rayman Jungle Run no.

[Gurgelhals]

wemme so dr 3ds ahluegt isch in keim einzige game mehr touch e wirklich wäsentlichs feature, was fast no schad isch, ufem alte DS hets doch no s eint oder ander spiel geh wo sich s ummetouche sehr guet agfühlt het und au gameplaytechnisch relewant gsi isch.

uf dr ander site könne si sich dä märt jo fast nit entgoh lo. also die wirklich simple ames wome momentan uf tablet oder handy gamed mit touch only.

Es gaht mer da au weniger um d'Spielstüürig an sich und meh eifach um de Touchscreen als möglichs Bedienelement falls das Ding z.B. au en Browser hätt, usw. An und für sich isch das ja für eso es Grät hützutags absolute Standard. Anderersiits mues es im Dock/Heimbetrieb im Grund gno exakt so funktioniere wie underwägs, also chan ich mer guet vorstelle, dass sie grad drum uf en Touchscreen verzichted. Was aber ebe irgendwie au nöd ideal wär...

[Xinobrax2]

Das sind angeblich d Specs: http://pastebin.com/UD1Vx9rf" onclick="window.open(this.href);return false;


Wenns stimmt demfall 720p mit multi-touch.

[evo]

grad fürs zelda wo jo no uf touch features vom wiiu usglegt isch. kamme sicher workarounds mache, aber würd hals scho schön uf dr hand ligge das ding au touchfähig zmache.

[evo]

ah nei, grad nomol s video gluegt. diheime het me dr screen jo in dr "station"

[Avenger]

Ob der Grip wohl au no e Funktion het (Touchpad)? Oder nimmt er eifach nur die beide Pad-Hälftene uf?

[Reinforced]

[Marco_in_motion]

mit däne Minigamepads erinnerets mi a das :



Edith :

Glaube au dass es chli e Fehlerquälle chan sii, das wieder mal irgendwas abbricht oder verlore gaht... und ehrlichgseit traui dem Teil nöd allzu vill a Leisitg zue.
Mich machts nöd würklich ah.

[Ritter der Mark]

Wird sicher no cool, freu mi amal druf. Chan wahrsch. chum widerstah

[sirarthur]

finid super, chan ja alles. vor allem wieder mal e chlini schöni konsole, wo warschinli au nöd wie en staubsuuger tönt. grafik langet mir, meh bruch ich gar nöd, wichtiger isch mir s'artwork, design, als puri Grafikpower...für Nintendo sicher guet ei Plattform, den 3DS würd eh mal uslaufe, so händs beides und es gitt me Nintendo Titel...für e Rescht chan mer ja immer no PS4 oder XOne hole, dött gitts ja öpe di gliche games von allne Hersteller...

[BrainBug]

was wollter da auf "de specs" warten? guckt euch den formfaktor an => das ding darf keine 50W sauge. die specs können nur gaggi sein.

[Marco_in_motion]

was wollter da auf "de specs" warten? guckt euch den formfaktor an => das ding darf keine 50W sauge. die specs können nur gaggi sein.

Wort

[Xinobrax2]

Ob der Grip wohl au no e Funktion het (Touchpad)? Oder nimmt er eifach nur die beide Pad-Hälftene uf?

Ich tipp mal uf en zuesäzliche Akku oder so. Falls nid wärs e Platzverschwendig.

vor allem wieder mal e chlini schöni konsole, wo warschinli au nöd wie en staubsuuger tönt.

Froi di nid z früeh, d Öffnig für de Lüfter isch na relativ gross...

was wollter da auf "de specs" warten? guckt euch den formfaktor an => das ding darf keine 50W sauge. die specs können nur gaggi sein.

Technisch wärs durchus machbar, dass d GPU nur en Teil vo irer Kapazität verwendet wenn si nid am Netz hanget. S wär zumindest ziemlich bescheuert wenn si di voll Energie würd zieh für en 720p Screen wo selber au na gnueg Strom brucht....aber anderersits...s isch halt Nintendo...mal luege...

[Gurgelhals]

Churz öppis anders: Das isch wohl s'einzige, wo mir das Jahr offiziell gseh wärded, odr? Jedi zuesätzlichi Info würd ja vom Wiehnachtsgschäft ablänke, wo Nintendo natürlich no möglichst viel 3DS absetze möcht. Meh Details zum Grät, em Priis, de Launchtitel, usw. sind drum wohl nöd vor em Januar z'erwarte

[Xinobrax2]

Ich erhoff mir bis im März regelmässig neui Trailer und ev. au na Treehouse Filmli....aber wahrschinlich hesch recht

[Gurgelhals]

No öppis Wichtigst, wo i de Prässemitteilig vo Nvidia echli undergange isch:

The Nintendo Switch’s gaming experience is also supported by fully custom software, including a revamped physics engine, new libraries, advanced game tools and libraries. NVIDIA additionally created new gaming APIs to fully harness this performance. The newest API, NVN, was built specifically to bring lightweight, fast gaming to the masses.

Das Ding hätt demfall aständigi Entwicklertools - im Gägesatz zu de bisherige Nintendo-Konsole, wo me diesbezüglich ziemlich schlimms Züüg ghört hätt (= in-house Eigegegebaschtel direkt us Kyoto mit miserabler Dokumentation und mängsmal sogar nume uf Omgjapanisch, sprich: für 3rd Parties demensprächend en Horror). Bi Nvidia sind's diesbezüglich ... ähm ... echli kompetenter ufgstellt. Chan also sicher nöd schade, wänn d'Entwickligstools direkt vo dene chömed.

[Xinobrax2]

Ich bi grad na im Unreal Slack mit eim vo Epic am schribe. Er seit in etwa s Gliche. Bi de Wii U segis d Höll gsi. Was si am Afang übercho hegid segi nid mal ufeme beta Level gsi und nach über me Jahr hegi sich nid all zu viel dra veränderet drum hegi sich de Support schlicht und eifach nüme glohnt. Switch hingege segi keis Problem. Leider wiler nüt über d Specs verrate

[geosnow]

nintendo mini wänds verchaufe. uf dem händs sicher 10usd reingwünn. 20 millione wänds sicher verchaufe. macht 200 millione gwünne.

[mr.raw]

Ich finde übrigens gut, dass heute keine Kinder oder Familien sondern junge Erwachsene gezeigt wurden. Ebenso toll: Der ganze NFC (amiibo Kram) und herumgetatsche auf dem Display suchte man vergebens.

Dass man die Controller noch für 2player sessions gebrauchen kann, finde ich auch toll gemacht. Kurz ne Mario Kart session? Evt mit einem fremden in nem Zug/UBahn etc? Genial!!! Mit nem 2. Screen nen 4Player session!?!? Wie geil ist dass denn?!
Muss ja noch gesagt werden!

(hochdeutsch, da mit Smartphone geschrieben)

[Xinobrax2]

Ich denke de mobile 2 Player Aspekt wird sini eigni Ziegruppe finde. Psunders bi de Kids. Ich stell mir grad vor wie de erschti demit id Schuel chunt und mit sim Kolleg spilt. E Wuche spöter hends scho 4 wo sich denn widerum chönd connecte was denn 8 Player Sessions ermöglicht...und denn hebts ab. Mario Kart, Splatoon...i 2 Bereich isch Nintendo de Konkurrenz scho immer überlege gsi. Local Multiplayer & Mobile. Jetzt hends beides i eim Grät.

[PlanetHarrieR]

wahr