rebornkid hat geschrieben: ↑14 Jun 2022 09:18
Super Princess Peach / DS
Wäre eigentlich no witzig mit de ganze Specialfähigkeite wot über de Touch chasch ischalte. Wie mers vo Mario-Games kennt stüürets sich super. Leider isches aber viel zeifach. Damit zum Schlussboss chasch, muesch alli Toads finde, au das, absolut kein Challenge. Bossfights sind defür sehr amüsant.
Denke isch en guete Plattformer, wo au chlini Kids guet klar chömed.
Hüt no de Final Boss und denn ade merci.
Ich finds würklich guet gmacht. Vor allem Grafisch hetts mr sehr gfalle. Die hüttige Kids? Die zocke doch nur Brawl Stars, Fortnite oder T3 Mobile.
Isch trüüürigscht!
m.o.terra kaesi hat geschrieben: ↑17 Jun 2022 08:38
Boulder Dash - C64
Geschter mittem Fade zäme 2h lang C64 zockt (emu).
Am meischte häd Boulder Dash gflashed. Viel Erinnerige a früener, aber es verthäbt abgseh devo au hött no vollkomme: eine vo dä beschte "scroll puzzler" mit perfekter Mischig zwösche Taktik und Impuls (Ziitdrock). Chlini Details sind cool, wie zB dass im 2Pl Mode de Score vom Gägner immer chorz ihbländet wird. Ich finds es 10/10 game!
Probiere hött no dNES Version uus devo. Di hani im Original boxed.
Ha no dNES Version usprobiert hött. Grafisch wiit überlägge, aber flashed mi trotzdem ned eso. De C64 Sound und die symplifiziert Grafik sind ideal. Osserdem isch de Bildusschnitt bi de NES Version chliner ond es zeigt Max.-Diamante ned ah.
8/10
m.o.terra kaesi hat geschrieben: ↑17 Jun 2022 15:52
Ha no dNES Version usprobiert hött. Grafisch wiit überlägge, aber flashed mi trotzdem ned eso. De C64 Sound und die symplifiziert Grafik sind ideal. Osserdem isch de Bildusschnitt bi de NES Version chliner ond es zeigt Max.-Diamante ned ah.
8/10
Metal Max 2 Reloaded DS:
RPG mit panzerfahrzüg. chasch is fahrzüg stiege zum dich schneller ufde charte, wo zerst muesch ufdecke, bewege. zudem hesch de besser agriff und verteidigung. han mich irgendwie nonid so richtig demit agfründet unds vorerst wieder ufd site gleit.
Final Fantasy Tactics GBA:
eigentlich ja es super spiel, aber de scheiss mit em richter wo dir vorgit dass gwüssi attackene nid dörfsch bruche isch huere kacke. när häsch schwert kämpfer und dörfsch ka schwert isetze? findi blöd.
Billy Hatcher and the Giant Egg GCN:
nachem turtorial gmerkt, dass es nüt für mich isch.
Shadow the Hedgehog GCN:
wie sonic, eifach mit guns. ha nume di erste zwei levels gmacht.
Gameboy Wars Turbo GB:
ursprung vode advance wars. hesch scho recht viel optione, mit flüger und schiff.
Cooli Strategie Sache hesch da gspielt. Bsunders GB Wars Turbo isch ganz cool. Nintendo hät gschider aui aute "Wars" Spiel in Englisch uf die Advance Wars Collection packt statt d GBA Versione. Da hätsch Spielspass über Jahre mit GB, Famicom, etc-Wars.
Bi mir isch immer no Octopath Traveller am loufe. 45 Std. in Game, hüt Abe machi no ds letschte 2. Kapitel. Es isch eifach mega toll und d Stories si nur ufe erst Blick simpel. Weme biz witergeit und mit aune redt und mau die 2. Kapitel macht, gö d Stories zum Teil recht i d Töifi und mit recht ernste Theme wie Mönschehandel, Prostitution, Rache, Tod und Krankheit. Aber alles simpel, eifach und intressant erzählt, so dass es nie nervig wird wie i gwüssne angere überhypte Rollespiel. Intressant dass i viune Reviews d Musig nid so guet wägchunnt aber i verstah nid wieso. D Musige si aui göttlech, ja Meisterwärch. Sehr hüfig gspüre ig grandiosi Morricone-Vibes use. Aber die Reviewer häte äuä lieber Techno Tracks gha.
Näbebi spili no chlei ufem PC Command & Conquer Teil 1 - und Teil 2 steit oscho parat für nachher.
Pokemon Grün GBA
eifach us nostalgie und grüen hani nonie gspielt. optisch scho viel hübscher als s original. susch hani no kei grossi unterschied festgstellt.
am weekend no de n64 erwiiterigspass fürde switch gholt. ha s n64 pad mal welä teste. läck isch das pad schlecht ide händ, de n64 isch scho für chinderhänd gmacht gsi
paper mario agfange und grad bis id hälfti gspielt. när no di erst mission vo starfox gmacht. s spieleangebot findi für de pries recht lausig. hoffe sie bringet da no paar sache.
DeftOne hat geschrieben: ↑11 Jul 2022 15:05
Be Zelda MM chönnt mer drüber striite, aber da ja de meiste s Original zschwierig gsi isch, ischs so wohl besser mitm 3DS.
hä ischs ufem 3DS eifacher? was händs denn gänderet?
Mr. Heli hat geschrieben: ↑14 Jul 2022 05:54
hä ischs ufem 3DS eifacher? was händs denn gänderet?
Es het halt paar Apassige i de Ziitmechanik ge und d Mission mitm Kaffei isch mines Wüssens nach au erliechtert worde. I ha zwar beidi duregspielt aber s eine isch logischerwiis scho chli länger her.
Au speichere a de Eule-Statue hets ja glaub so im Original nöd ge. Also schlechter ischs ja weg dem a sich nöd, aber sind halt paar Sache vereifachert worde.
langi zugreis hinter mir. zerst 30min Tales of Innocence DS gspielt und verleidet. när Luminous Arc DS gspielt. nid zum erste mal, aber finds eis vode beste TRPG.
Mr. Heli hat geschrieben: ↑25 Jul 2022 13:10
langi zugreis hinter mir. zerst 30min Tales of Innocence DS gspielt und verleidet. när Luminous Arc DS gspielt. nid zum erste mal, aber finds eis vode beste TRPG.
Mach Valkyrie Profile, bescht.
geosnow hat geschrieben:du bisch eifach en guete mensch.
Mastler(P) hat geschrieben:du bisch eifach en guete mensch.
Teknoparrot isch mega, ok muäsch teilweis rächt geduld ha mit konfiguriere, aber defür chasch praktisch alli Arcade Games us de letsche 15 Jahr game...
han ein alauf gmacht. bi denn nid recht druscho mit overkill und när scho nach wenige missione z schlecht ufgstellt gsi. muess denn irgendwenn nomal vo afang a probiere.
Spiele grad Castlevania: Symphony of the Night zum erschte mal, ha ebe nie e playsi gha.
Zocks uf de PS4 Rondo/Symphony Collie.
Guets spiel, aber das hani ja eh scho gwüsst.
S'einzig schade findi dases kei Soundoptione giht, oder ich bi z'blööd zum's finde.
Wür gern d'Musig chli lüüter mache gegeüber em SFX, finds mega doof.
wär no en interessante POLL: wälli Konsole häd garantiert jäde gha i dä 90er (oder äbe ned)?
Ech glaube, wer i däre Ziit gamed häd, häd praktisch alles en PS1 mol gha.
Ech z.B. ha niä es N64 gha...obwohl i im Eder Luzern gholfe han, vo Los Angeles öppe 10 Stück id Schwiiz schicke (woner dä no en tummi Frässi dezue gha häd welli ned meh ha chönne schicke).
Os irgend eme Grond hani deför chorz en gschissne Atari Jaguar gha
ha widermal mini home acades igstellt und uf em neogeo "andro dunos" gspillt. ha gmeint nach em erschte run credit feed sig fertig. leider hani denn kei gedult meh gha uf en zweite run. muesch das zwei mal dure spile für es richtigs ending ?
denn no paar credits "tenkomori shooting". isch no cools shmup spiel, so ala verschideni minigames. das isch glaub's arcade only
Nach Live a live bruchi me RPG Fuetter und ha Dragon Quest XI (ohni Jinping) agfange. Im 3D Modus aber henne nervig mit der Kamera und em umeseckle. Umgstellt uf 2D Modus und siehe da es solids Game isch fürecho. Ämu für am Afang. Bi gspannt obs mi fesslet.
