The(G)Forum

d uboot/heli mission huere guet, zwüsched em franklin und em michael wächsle ballere/flüge. läck und d dialög, würkli goty.

frage zum mount chiliad oder wie dä heisst. hed die zeichnig bi de bergstation irgend e tüfere sinn? die im gang ade wand mit em ei und em ufo

bisch jetzt doch nöd uf de rigi gxi?

Sie diskutiere do inne doch tatsächlich über Restaurant!

Avenger hat geschrieben:Sie diskutiere do inne doch tatsächlich über Restaurant!

Nei, natürlich nüd.
Da inne wird grad über was anders «diskutiert».
dr Geosnow meint, me mües «kritisch» sii, wenn d Lüüt es Game guet findet, was natürlich weg vielerlei völlig Idiotisch isch.

Selbstverständlich isch GTA V es guets Game worde, genau we Battlefield 3 und die andere AAA Games meischtens guet sind. Mir persönlich passt keis AAA Game vo de letschte Jahr. Aber weg dem isch e Skepsis gegenüber de Qualität vom Game völlig deplaziert. Eifacher: nur wil es game guet isch, heisst das nüd, dass es jedem passt. Das isch ja sit 100 Jahr jedem klar.

Es git Games, wo überhypet werded, und Games, wo guet sind, jede da inne chan das unterscheide. Wenn me denn no betont, dass me «immer söll kritisch» sii, wenn d Masse was guet findet, repetiert me damit nur dasjenige Denke, wo me gemeinhin ade Hipster vorwirft.

Zudem find ich dr Geo immer wieder witzig. Sini Posts sind voll vo Non Sequitur. Ide meischte Topics bricht er immer mal wieder ii und ich zumindescht frag mich amigs, öb er überhaupt eine vo de Posts liest, bevor er so quer dur alles dureschüüst. Isch sicher nüd nur mir ufgfalle.

Nomal: Wenn eine bim ne Game we GTA V tatsächlich so tuet, als öb er grad us siner Waldhöli cho wer, und id Mengi fragt, öbs denn würklich guet seg?
Chum ez: da mues doch jede es biz schmunzle, nüd?

Impliziert das, wo ich säge, dass me em Gschmack vo de Lüüt chan blind vertraue? Nei. Es isch nur ebeso geischtlos, das wo d Lüüt guet findet a priori mit Skepsis ds begägne. Und genau da setzt mis Restaurant Biispiel aa: Egal öb in New York oder in Laos: det, wo ds Restaurant voll isch, vo Locals, chasch sicher gaa, dass ds Esse fein isch. Und det, wo am Mittag am 12:30, drüü Lüt drii sitzed? ergo: es isch völlig legitim det ds ässe, wos d «Masse» grad guet findet. (Abgseh davo isch ja en Hype meischtens was medial inszeniertes, dr Bsuech vom volle Restaurant, wo dir bim Ummenandschlendere uffalt eher nüd. En substantielle Unterschied, aber egal)

Uriel hat geschrieben:Es isch nur ebeso geischtlos, das wo d Lüüt guet findet a priori mit Skepsis ds begägne.

Usser es handlet sich um irgendwelchi Apple-Produkt.. dänn isch nöd nur Skepsis absolut abracht, dänn chunt mr am beschte grad mit dä Dampfwalzi und vernichtet die huere Hundwahr.

muess leider nachem durespiele min begeischterte erstidruck chli abekorrigiere, tatsächlich wirds missionsdesign spötischtens ab de mitti wieder zimli ifallsloses gang vo A nach B und schüss paar lüt abe und anders standard züg. ich chli schad. die restliche vo mir erwähnte qualitäte blibe natürli und es isch immer na en absolut legitime GOTY kandidat, aber ebe, 2013 isch au sehr es mittelmässigs spiili jahr

wenn isch s'letschte super spieli jahr gsi?

das würd mi au interessiere. hed ja scho paar kracher gä bis jetz. pikmin3, shin megami, last of us, guacamelee, bioshock infinite, ni no kuni, gta5...

btw@moff
e erschtidruck muesch nie abekorrigiere, seid ja de name scho.

bi mir isch es übrigends wiä immer. es ziitli lang hani huere spass ah GTA und dänn isch eifach plötzlich fertig.

fertig gspielt hani no keis. und das isch bis jetzt bi däm au nöd dä fall. aber es hät mich länger gfesslet als diä letschte 3 vorgänger.

Mir ischs au scho wieder verleidet. Ha defür jetzt Freud am Puppeteer

Skeletor hat geschrieben:wenn isch s'letschte super spieli jahr gsi?

2011 isch es vode beschte ewigs gs und 2014 gseht au vielversprechend us

subjektiv betrachtet ja

was isch 2011 alles suprigs cho? ich weiss das doch nüm.

portal 2, deus ex: human revolution, witcher 2, mario 3d land, dark souls
das allei sind glichzitig scho au top 5 vode ganze generation
anderi würdi vo 2011 au na skyrim nenne, ich nöd

2013 isch bislang eigentlich vor allem es Handheld- resp. 3DS-Jahr gsi. Fast alles würklich suprige isch det druf erschiine.

das isch so, ja. und ebe, s'definitive GOTY chunt nächscht monet wahrschinli au ufem 3ds.

Moff hat geschrieben:portal 2, deus ex: human revolution, witcher 2, mario 3d land, dark souls
das allei sind glichzitig scho au top 5 vode ganze generation
anderi würdi vo 2011 au na skyrim nenne, ich nöd

Xenoblade nöd vergässe. S'beschte JRPG sitt... öh... Chrono Trigger

Moff hat geschrieben:das isch so, ja. und ebe, s'definitive GOTY chunt nächscht monet wahrschinli au ufem 3ds.

De Zelder? Sehr guet möglich. Wobi: Sitt em letschte Nintendo Direct sind bi mir d'Erwartige as neue Mario 3D Land massiv gstiege. S'Sequel zum möglicherwiis beschte 3D-Mario wos je hets gitts (d'Experte sind sich nöd einig, öb s'3D Land s'Galaxy 2 no um e Haaresbreiti schlaht oder öb s'Umgekehrte de Fall isch ), designt vom Koizumi/EAD-Tokyo und dänn ebe das neue Video und die neue Screenshots Es hätt definitiv GOTY-Potential.

Moff hat geschrieben:portal 2, deus ex: human revolution, witcher 2, mario 3d land, dark souls
das allei sind glichzitig scho au top 5 vode ganze generation
anderi würdi vo 2011 au na skyrim nenne, ich nöd

deus ex? en guete vo dir.

aber so wahnsinn isch das jetzt nöd. seinzig wo natürlich fürs 2011 spricht isch dark souls. wo ja goty gsi isch.

Gurgelhals hat geschrieben:

Moff hat geschrieben:das isch so, ja. und ebe, s'definitive GOTY chunt nächscht monet wahrschinli au ufem 3ds.

De Zelder? Sehr guet möglich. Wobi: Sitt em letschte Nintendo Direct sind bi mir d'Erwartige as neue Mario 3D Land massiv gstiege. S'Sequel zum möglicherwiis beschte 3D-Mario wos je hets gitts (d'Experte sind sich nöd einig, öb s'3D Land s'Galaxy 2 no um e Haaresbreiti schlaht oder öb s'Umgekehrte de Fall isch ), designt vom Koizumi/EAD-Tokyo und dänn ebe das neue Video und die neue Screenshots Es hätt definitiv GOTY-Potential.

ich als experte säge dir das s Galaxy 2 besser isch als s 3D land. wenn au nid viil.

Skeletor hat geschrieben:

Moff hat geschrieben:portal 2, deus ex: human revolution, witcher 2, mario 3d land, dark souls
das allei sind glichzitig scho au top 5 vode ganze generation
anderi würdi vo 2011 au na skyrim nenne, ich nöd

deus ex? en guete vo dir.

aber so wahnsinn isch das jetzt nöd. seinzig wo natürlich fürs 2011 spricht isch dark souls. wo ja goty gsi isch.

ich fürchte ich han dich missverstande. dini frag weles spiili jahr ich als letschts guet gfunde han, han ich so ufgfasst, dass du impliziersch ich wär eine vo dene wo games eh scho sit 20 jahr scheisse findet und du hesch drum wele wüsse wenn ich persönlich sletscht mal es spiili jahr als guet empfunde ich. da du iets mini gwählte titel usenandpflücke willsch hani dini intentione offenbar missverstande, was wäreds denn gsi bi diner ursprüngliche frag wod hesch welle wüsse weles us miner sicht sletscht guete spiili jahr gsi isch?

und ja, mini gwählte titel empfind ich als beschti spiel vo dere generation, deus ex inklusive.

Moff hat geschrieben:deus ex inklusive.

lang ischs her und spass häts gmacht. us dem jahr sicher eine vo dä bessere titel.

Gurgelhals hat geschrieben:Xenoblade nöd vergässe.

dolphin updated und zack! en 60h spielstand futsch.

fang ich nüme ah und warte halt uf de sequel.

und im übrige isch Deadly Premonition s'beschte spieli us de letschte Jahr und de PC release natürli GOTY 2013.