The(G)Forum

Und s git au Modell wo nöd würkli brummet.

chasch en glaub au uf antibrumm umbaue.

Das chasch au. Aber s hät effektiv modell geh, wo nöd so brummet.

PS2 Battle Gear 2 miteme GT Force Wheel, isch immer no en super Driftracer, mit grottiger Grafik, aber hey 60fps

Baroque für Sega Saturn

Ja das ersch jetzt entdeckt und es isch würkli eis vo de hardcorigste RPG woni je gspielt ha. E ganz spezielli Erfahrig dank der Atmosphäre und em Design inkl. Musig. Ig empfihle eis vo de ganz wenige youtube Videos wos het mau adsluege. Dert wird o d Lore und alles sehr guet erklärt. Mau wieder so nes Game wome wie in Dark Souls oder Wizardry i ne unbekannt Welt gworfe wird und me ke Ahnig het vo Allem . Für mi bis jetz ds beste Game ufem Sega Saturn näbe Iron Storm, wo ja bekanntlich fasch nur Schrott het süsch.

Doraemon hat geschrieben: ↑17 Feb 2025 19:58 Baroque für Sega Saturn

Ja das ersch jetzt entdeckt und es isch würkli eis vo de hardcorigste RPG woni je gspielt ha. E ganz spezielli Erfahrig dank der Atmosphäre und em Design inkl. Musig. Ig empfihle eis vo de ganz wenige youtube Videos wos het mau adsluege. Dert wird o d Lore und alles sehr guet erklärt. Mau wieder so nes Game wome wie in Dark Souls oder Wizardry i ne unbekannt Welt gworfe wird und me ke Ahnig het vo Allem . Für mi bis jetz ds beste Game ufem Sega Saturn näbe Iron Storm, wo ja bekanntlich fasch nur Schrott het süsch.

geile gschmack häsch. ned minä. aber geil

Kretinou hat geschrieben: ↑18 Feb 2025 11:07 20250218_120329.jpg

ich kann dieses bild hören!

Master(G) hat geschrieben: ↑18 Feb 2025 12:23

Kretinou hat geschrieben: ↑18 Feb 2025 11:07 20250218_120329.jpg

ich kann dieses bild hören!

eigentlich hani Verne World SFC welä afange, aber nachem erste speichere gmerkt, dass d batterie dure isch. denn hani en allziit klassiker füregholt:

Fire Emblem Radiant Dawn Wii

zeme mit dem ufem gamecube di beste usde serie. die ufem SFC sind zwar au super, aber mir eifach z schwierig.

d hälfti vom Link's Crossbow Training hani au no gspielt.

I ha s path pf radiance gfätzt letschte herbst. Guete zöcki gsi aber t gba titel und awakening het mer meh passt unterem strich.

Wird s dawn sicher au irgendeinisch gä

evo hat geschrieben: ↑18 Feb 2025 14:35 I ha s path pf radiance gfätzt letschte herbst. Guete zöcki gsi aber t gba titel und awakening het mer meh passt unterem strich.

Wird s dawn sicher au irgendeinisch gä

ja die sind all super, aber ebe. gba sind mir z.T. z schwer.
s radiant dawn isch en nachfolger vom path of radiance. sehr ähnlich und baut uf de gschicht uf.

Mach sacred stones das isch ähnlich liecht wie s path .
S „problem“ vo dene beidne games dr jehwilig jagen(synonüm für die overpowereti unit wome in jedem FE am start zur verfüegig het) au brutal ins lategame scaliert und die unit denn alles wegrasiert, fast scho langwiilig. Oder me zwingt sich halt sälbr die unit biz weniger zbenutze zum e vernünftigs balancing zschaffe.

evo hat geschrieben: ↑26 Feb 2025 14:04 Mach sacred stones das isch ähnlich liecht wie s path .

das isch s einzig gba spiel usde serie wo ich gschafft han

Suikoden 1 Remaster Switch Version.
es isch ebe sinerziit scho es super spiel gsi. hüt nerved mich paar sache:

- fast travel wär schön gsi, wenn mehs im remaster vereifacht het
- gegeständ menu wär ebenfalls update notwendig gsi
- das scheiss würfle geg de thai ho isch immer no wahnsinns glück sach
- das charte spiel isch obermüehsam, 9 sek, ca. 50 aläuf brucht

susch gfallts mir wahnsinnig. d zündschnuur isch ufs alter hi definitiv chürzer worde
versueche all 108 charaktere z hole, drum spieli damal mit guide. hoffentlich verbock ichs nid.

^^^ uf das fröi mi oscho! Ha beidi Suikoden no nie gspielt. Nur ds Tierkreis ufm DS und das het mir no guet gfaue. Bi gspannt das zum erste Mau dörfe ds erläbe.

Im Moment spili King‘s Field (PS1), e first person Dungeon Crawler. Ähnlich wie ds Baroque vom Feeling här. Und o richtig stimmigsvou isches, super Atmosphäre! Gfaut mir sehr guet und bi scho recht wit. O mau wieder so nes Spiel wo d ine unbekannti Welt gworfe wirsch und du aues muesch säuber usefinge inklusiv der Story. Ig liebe setig Spiel! Dark Souls, Wizardry, Baroque, Dragon Slayer, etc, aui sehr verschiede aber glich ähnlich dür die Gmeinsamkeit.

Doraemon hat geschrieben: ↑17 Feb 2025 19:58 Baroque für Sega Saturn

Ja das ersch jetzt entdeckt und es isch würkli eis vo de hardcorigste RPG woni je gspielt ha. E ganz spezielli Erfahrig dank der Atmosphäre und em Design inkl. Musig. Ig empfihle eis vo de ganz wenige youtube Videos wos het mau adsluege. Dert wird o d Lore und alles sehr guet erklärt. Mau wieder so nes Game wome wie in Dark Souls oder Wizardry i ne unbekannt Welt gworfe wird und me ke Ahnig het vo Allem . Für mi bis jetz ds beste Game ufem Sega Saturn näbe Iron Storm, wo ja bekanntlich fasch nur Schrott het süsch.

Finde das Spiel au erstuunlich guet. Es isch im Prinzip s'Rouge in 3D. Hät sogar analogstick controls. Und sehr atmosphärisch. Aber es isch scho recht härt, mit permadeaths etc. Han mir d'saves amel uf de cart gspeicheret zum nöd bi jedem fehler grad wieder vo vorne aafange zmüese. Es git recht en guete walkthru im netz. Würds etz aber trotzdem nöd zu de beste Saturn spiel zelle, da gits viel bessers.

@damian: Cool gfaut das Game no öper angerem! I ha immer no mega Freud dran und finges aus Gsamtkomposition äbe scho eis vo de beste (Halb-)Exklusiv Saturn Titel.
I säge jetz äxtra öpis provokativs und hoffe innigst dass mi öper duet widerlege:
I hami jetz öpe es Jahr lang mit der Saturn Library befasst und sehr viel gspielt. I bi aber recht enttüscht. Salopp gseit, fasch aui guete Saturn Games gits in besser nöime angers (PS1, PC). Vieli vo de hochglobte Games bi RPGs si mega müehsam und zäh und chani so nid spile obwohl i sehr geduldig bi. Bispiu: Alberts Odyssey oder Shining Force, Ladezite bi jedem Random Encounter, mängisch sogar bi de Moves no Ladezite. Symphony of the Night mit Ladezite trotz de „Laderüüm“. Derzue chunnt der beschissnig Controller. I ha leider nid würkli viu schlaus und einzigartigs gfunge ufem Saturn ussert äbe Baroque, Iron Storm und öppe no d Dragon Force und mira no Sakura Wars und Shining in the darkness.
Heitermer paar Tipps wasi no chönnt probiere?

Dä saturn hät 3 verschiedeni offizielli controller. Eine devo isch scheisse, di andere beide ghöret zu de beste aller ziite. Baroque unterstützt z.B. dä Analogcontroller.

Dä saturn hät mit Panzer Dragoon Saga und Grandia di 2 beste Rollespiel woni känne.

Die Spiel wo du gspielt häsch findi all au nöd würkli guet. Ussert d'shinings sind ok.

D'hits sind natürli d'actionspiel. Aber die spielsch du glaubs nöd. Es git aber au no jensti fantranslations vo spiel nach dim gschmack. D'bibliothek isch riesig.

Das Analog Pad hani und ja das isch ok. Der Original Controller isch für gar nüt, aber weles isch de der 3. original Controller wos no git? i ha nur no das "Cool Pad" und das isch grad so knapp ok.

Die genannte RPGs hani beidi agfange aber sie heimi gnervt und müehsam dünkt schint extrem Gschmackssach ds si. Ds Grandia hani ono uf der Switch und gib ihm de vilech no mau e Chance.

Ja ds meiste a Actionspiel si für mi nid so intressant ussert d Shmups, aber dert hets nur wenig woni nid in besser entweder uf Arcade oder PS1 cha spile.

Tönt aus nach Saturn Bashing i weiss Aber so schlimm isches ja nid, ha ja jetz glich recht lang Freud gha a einige Spiel und nimene de sicher mau wieder füre.

saturn > ps1

klar gits vieles multiplatform, aber für mich isch saturn the arcade system.

grandia isch super gsi, has au erst ufem switch gspielt. gschicht guet und kampfsystem sehr interessant.
panzer dragoon saga nervt mich de hanf scho sit jahre demit, muess es jez echt mal spiele
shining force sötti au scho lang mal.

susch super rpgs ufem saturn:

- albert odyssey gaiden
- an earth fantasy story (eigentlich pce)
- gulliver boy
- lunar 1 + 2
- magic knight rayearth
- marika
- samurai spirits rpg

und eis vo mine absolute lieblingsspiel überhaupt:
- tengai makyou 4

S'guete pad isch das da: https://retro-bit.com/sega-saturn-contr ... black.html
Das isch au s'originalpad, aber si händs für dä europäisch und US Markt dur es Schrott Pad ersetzt will bigger=better. Händ das denn aber schnell wieder durs originale ersetzt.

Und es git im fall nur eis shmup wo uf dä psx besser isch: (do)donpachi. Han gar nöd gwüsst dass du bullet hell spielsch? Han gmeint du spielsch eher di klassische wie truxton.

Ok Tengai Makyou und Samurai Spirits RPG muesi mau no aluege. Magic knight Rayearth het mir äbe o nid würkli gfaue. Arcade spili äbe lieber uf Arcade, und süsch bi ig haut eher e PS1 Boy. Bi däre library fingi eigentlich immer no öpis neus und intressants jewils.

gester hani agfange mit Game Boy Wars 3 turbo ufm GBC. Gueti alti advance Wars Taktik, no nid ganz so umfangriich und bitzeli langsam, aber es het mi glich grad wieder packt.

@damian: Merci füre Link zum Pad. Mis Cool Pad isch genau das, eifach ire Sonderedition. Es isch grad so knapp ok für mi . Ig ha zum spile äxtra es nigelnagelneus uspackt, aber das raschlet und knarzet oscho ab day 1 Was aber cool isch dert isch ds fiine klicke bi de Schultertaste, die si würkli guet gmacht.

Jää das mit de Donpachi da bini nid so überzügt. Mi hets dünkt uf PSX hets weniger Slowdowns und es isch nid so pixelig wie ufm Saturn. Aber i gloub bim Scoresystem heisi öpis verbockt uf PSX und drum gilt die Version bi de Fans aus schlächter, so viel ig weiss.

Ganz sälte ab und zue mal spili es Bullet Hell ir Arcade zum chlei mitscore. Aber nur die womer ds Scoring System zueseit. Mars Matrix, Ketsui, ESPrade, das si scho fasch aui. (Do)Donpachi würd mir vom Stil her (Setting, Musik) sehr guet gfalle, aber i chume nid ds Schlag mit däm game

Mr. Heli hat geschrieben: ↑31 Mär 2025 09:43 saturn > ps1

klar gits vieles multiplatform, aber für mich isch saturn the arcade system.

grandia isch super gsi, has au erst ufem switch gspielt. gschicht guet und kampfsystem sehr interessant.
panzer dragoon saga nervt mich de hanf scho sit jahre demit, muess es jez echt mal spiele
shining force sötti au scho lang mal.

susch super rpgs ufem saturn:

- albert odyssey gaiden
- an earth fantasy story (eigentlich pce)
- gulliver boy
- lunar 1 + 2
- magic knight rayearth
- marika
- samurai spirits rpg

und eis vo mine absolute lieblingsspiel überhaupt:
- tengai makyou 4

sin ja viel jap only titel, zumal t lunars und grandia au unabhängig vo dr sproch schöner usgsehn uf dr psx.

s panzer dragoon hani letschts jahr duregamed, sehr e spezielle zock, lohnt sich uf jede fall wemme rpg fan isch. einzigartige style und kampfsystem. me mues halt mit em oldschool polygon look klar ko, was für mi aber kei problem isch.

dragonforce findi au interessant, aber hani erst so chli drigspielt, kum noni vollumpfänglich drus und müesst mol konzentriert dra.

bim albert het mer t optik no gfalle aber has au noni wirklich gamed zume urteil könne bilde

Doraemon hat geschrieben: ↑31 Mär 2025 10:51
@damian:
Jää das mit de Donpachi da bini nid so überzügt. Mi hets dünkt uf PSX hets weniger Slowdowns und es isch nid so pixelig wie ufm Saturn. Aber i gloub bim Scoresystem heisi öpis verbockt uf PSX und drum gilt die Version bi de Fans aus schlächter, so viel ig weiss.

ja genau, säb isch dä einzig shooter wo uf dä PSX besser isch. Alli andere sind uf em saturn besser oder bi dä konami classics gliich guet.