The(G)Forum

evo hat geschrieben: ↑31 Mär 2025 11:28zumal t lunars und grandia au unabhängig vo dr sproch schöner usgsehn uf dr psx.

Ich hans uf dä psx abbroche zums namal uf em saturn aazfange wills det viel schöner usgseht. Bi dene verzerrte PSX texture wirds mer schlächt bim rotiere vo dä kamera.

Au Lunar isch besser uf em Saturn wänn d'VCD Version nimmsch.

filicht hämmers beidi nüm so guet in erinnerig. ha mol das video gsichtet und do isches jo praktisch identisch uffer grössers bild bi de zwüschesequänze uf psx

https://www.youtube.com/watch?v=gbHm0a3mKU4



het in the hunt psx not no chly weniger slowdowns gha als t saturn version?

ah ja stimmt, in the hunt isch au besser uf psx.

pcb version het slowdowns . saturn also nöcher am original wobii chasch glaubs bir psx äbefalls ihstelle

Its not a bug, its a feature?

ich ha geschter min neue StarWars Battle POD Arcadechaschte zämebaue wo ich direkt us japan importiert ha.
ha di ganz nacht gspillt und bin nonöd go schlaafe gange - de chaschte isch eifach

Was hämer hüt füres Datum?

fuck, du bisch en spielverderber

turntablism hat geschrieben: ↑01 Apr 2025 08:24 fuck, du bisch en spielverderber

Tschuldigung

Aber hätsch mi fast verwütscht

bin mit em ColecoVision am Spile. Ha zum Glück grad no e Atarimax Ultimat SD Cartridge gfunde.
gester öppe e halb stund Beamrider gspillt. simpel, addict und retromässig

Quelle

turntablism hat geschrieben: ↑03 Apr 2025 05:56 BEAMRIDER

esch geils game.... ofem Atari 2600 eschs äbe au de Hammer (erstunlicherwiis)

Megami tensei Gaiden: Another Bible (Game Boy) - Sehr tolls Strategie RPG füre good old Game Boy! Relativ simpel und einfach und schnell erlernt, aber für ne GB Titel hets auso scho extremi Töifi im Gameplay mit au däne verschiedene Charaktere und Monster wome cha rekrutiere. Derzue gits no Spezialitems und lernbari Zaubersprüch, und alles isch scho recht ähnlich ufboue wie i de Shin Megami Tensei Devil Survivor füre NDS. Scho fasch wie ne uralte Blueprint für die Games. Fasch scho ds viel uswahl bi de Charaktere hets, me mues sich guet überlegge weli dass me wot uflevele, vor auem wüu me ohni Guide nid weiss was sie no aues für Sprüch lerne.
Ds Game gits nur in Japan, es git aber e hervorragendi Fan Translation. Chas empfähle für aui Strategiefans!

letscht Wocheänd die 30. GameSession gha (sit 1996). 10 Jungs. 12h. 50 Büchse Bier.
Dasch s'Programm gsi


Paar einzelwertige vo Games, woni no niä (kaum) erwähnt han bisher...
(es sind eh alles Top-Games wo jedes über 8.0 vo 10 Pönkt bechäm, sosch wörds gar ned ersch a min Game-Event cho )

Nidhogg (Steam): Es super loschtigs 2pl-Game, v.a. au zom zueluege. Teil 1 esch schöner als Teil 2. Wertig: 9.0/10
Virtua Tennis 2 (PS2): Teil 2 esch vellecht no en spuur besser als Teil 1, uf de PS2 leider grafisch biz schlechter als DC, aber spielerisch knapp hinder Final Match Tennis au hött no s'beschte Tennis-Game: 9.5/10
Rambo 3 (Mega Drive): esch es 1pl-Game notürli, aber au fun zom zueluege. Ich gib dem locker en Retrowertig vo 8.5/10!
Pang/Pomping World (PCE): en grandiosi Arcade-Umsetzig of de PCE, fasch 1zu1: 9.5/10!
Ridge Racer 4 (PS1): es giht chuum no CD-Games, wo de Sound au 25 Johr spöter immer no glich geil esch! Es häd au bedütend meh Charme als de Nachfolger RR5, nor scho wäg de Farbkompositione. Spilt sich mitem Neocon und em Negcon fasch no geiler als mittem Pad. 9.5/10

from russia with love uf em GC

Headhunter / DC

Has bis jetzt no nie zocket gha. Fangt cool a und isch au mit de Stüürig guet spielbar. Bis anhin guet galteret.
Het mi scho packt…

Headhunter hani in sehr gueter erinnerig

S headhunter hani zweimal brobiert. Aber immer ufghört wo i de blaue gäng muesch umeseckle. Das hät mi irgendswie grauehaft gnärft.

ha smashing drive entdeckt und paar rundene gspillt.
arcademässig aber recht frustrierend well eigentlich nonstop crashish

Quelle

Smashing Drive isch ja au e Arcade-Umsetzig (vo Gaelco).

Spiele Prison City. D'Blaupause liefered Power Blade ufem NES, Prison City isch mindestens so guet. D'Setting isch wie bi Escape from New York, eifach mit Detroit statt Manhattan. D'Levels chönd usgwählt werde und sind liecht non-linear, 's Leveldesign isch aber richtig guet und abwechsligsrich.

Mues säge finde die meiste "Metroidvanias" mittlerwile e Effort-Verschwändig, will sich 's Gameplay bis uf d'Böss wiene Pinhata afühlt. Das Game da isch es klassischs Actionspieli, schön kompakt und usefordern, es erreicht s Spielgfühl und d'Qualitäte vode Klassiker. Ich spiels im Classic-Modus, 's bietet au liechteri Schwierigkeitsgräd.

S Tüpfli ufem I isch, dass de Sound und d'Grafik au richtig guet sind.

Etrian Odyssey - Uf der Switch ir Etrian Odyssey Collection. E super guete Dungeon Crawler vom Nintendo DS, jetz uf der Switch in HD. Hüt muesi nur no der true final Boss kille und no es paar Item Drops hole, när hani aues 100%. Het mega Spass gmacht und würd ds game mit ca. 85% bewärte. Uf jede Fau eine vo de bessere Dungeon Crawlers, aber es git für mi Gschmack no besseri. Teil 2 & 3 sige ja no besser und no umfangricher, freue mi ämu scho uf die. Aber zersch zur Abwächslig mau wieder öpis non-dungeon-crawligs, mues no luege uf was i de gluscht ha.

Doraemon hat geschrieben: ↑12 Mai 2025 12:19 Etrian Odyssey

mit dungeon crawler chasch mich jage
han ufem DS au mal ein teil usprobiert gha.

spiele grad lunar 1 ufdr switch remastered.

Für mi isches fasch mis Lieblings-Genre. Aus Goof het e Student wo im Nachbarhaus gwohnt het uf sim PC Wizardry gspielt und das het mi sooo fasziniert. Und jetz isch fasch jedes 3. Game woni spile immer jewils e Dungeon Crawler. Und grad uf der Switch gits no es paari. Grad im Winter zum sich la ischneie miteme 150+ Stünder, das liebe ig!

Ja Lunar uf der Switch hani o da ufem Stapel. Gloub aus nächstens machi mau wieder öpis i dere Art. Lunar, Suikoden, Chrono Cross, evtl. öpis e so.

Machts Spass ds Lunar?

Doraemon hat geschrieben: ↑12 Mai 2025 13:48 Machts Spass ds Lunar?

ja, has aber scho mal uf dr psp gspielt. s spiel läbt vode gschicht. kämpf machi abgseh vode bosskämpf im automodus.