GELD TOPIC / Kryptowährig

[Herr Rossi]

Ich luege id Wält, rede mit dä Lüüt und merke ja au wie dStimmig bi dä Mitmänsche isch.
Bin no niemertem begägnet, wo lieber isch go schaffe, als frei gha hät und wer genau am Ändi vo siim Läbe hät jemals bereut, nöd no meh gschaffed zha? Sorry Mann, aber red doch kein Seich. Wänn du eine vo dä wenige bisch, ok, miinetwäge (au wänn ich dier das nöd abchaufe) aber für die meiste isch es es notwändigs Übel.

Wenn ich säge "mi Job erfüllt mich" ghörsch du "du läbsch fürs schaffe".... Da diskutier ich lieber mit em Appezeller über Auto.

[Vyse]

Ja, wänns dich erfüllt, dänn isch es öppis, wo uuf kein Fall misse willsch, öppis, wo Sehnsucht nach gröschtmögliche Wiederhollig hervorrüeft und somit zumene unersetzliche Läbensinhalt wird. Erfüllig isch en Erläbniszueständ vonere extrem höche Güeti. Insofern, ja, das lis ich bi diine Wortwahl tatsächlich chli uuse. Wie du diine Wort wählsch, isch nöd miini Verantwortig.

[Herr Rossi]

Wie du mini Wort interpretiersch nid mini

[zeromeier]

oder bisch zfriede als Uustiiger aber ohni jegliche Ahnemlichkeite.

Wieviel Gäld brüchtisch du monatlich zum zfriede sii? Isch halt d Frag, wenn ide CH wetsch blibe, isches tendenziell viel meh als a x anderne Ort, defür hesch Stabilität und Sicherheit. Gid Lüüt wo das bruched, aber immer die sicher Charte spiele isch doch au langwiilig.

[Vyse]

dSchwiiz isch miini Heimat, geographisch jedefalls, politisch befremdets mich langsam.
3000.- pro Monät langed (evtl. sogar weniger) i dä Schwiiz guet für es gnüegsams Läbe und langwiilig find ich guet.

[calanda]

dSchwiiz isch miini Heimat, geographisch jedefalls, politisch befremdets mich langsam.
3000.- pro Monät langed (evtl. sogar weniger) i dä Schwiiz guet für es gnüegsams Läbe und langwiilig find ich guet.

3000.- funktioniert aber nur bis zur pension, wenn allei blibsch ohni chind etc, i finds sus scho knapp. aber dia isch freiheit wichtiger. ... nachher verarschts di... will mit dine monatliche zahlige id AHV,BVG wirds den ni lange.

[thaeye]

so isch jede halt underschiedlich, ich wür min chohle au nie nach "intuition" versenke (den lieber en langwielige ETF uf DCA Basis jede monet). den hani lieber en plan und weiss den das ich en fehler gmacht han als das ich eifach was mache und den nöd weiss wieso dases nöd klappt haet. aber es muess dir halt au chli spass mache ökonomie / politik mitzverfolge.

langsam aber sicher kopplet sich crypto widr chli ab vo tech. mal luege wenn d usa hüt eröffnet.

under 5k lebschsch nöd "guet" i de schwiiz. 3k isch z wenig. "einzelperson".

[Vyse]

Ich han mit 3K alles, wo ich bruuch.

3000.- funktioniert aber nur bis zur pension, wenn allei blibsch ohni chind etc, i finds sus scho knapp. aber dia isch freiheit wichtiger. ... nachher verarschts di... will mit dine monatliche zahlige id AHV,BVG wirds den ni lange.

Ich rächne nöd demit, dass ich sPensionsalter erreiche und wänn, dänn lueg ich wiiter.

[zeromeier]

3k ide CH mitere Mietwohnig isch (viel) zwenig, chasch gnau gar nix mache usserd dihei sitze und Fernseh luege. Wenn das dini Form vo Freiheit isch (also lieber nüd erläbe und defür nüd schaffe) denn be my guest. Freiheit isch für jede was anders, für mich isches d'Möglichkeit chöne entscheide wo ich will sie und was ich det mach, und für das bruchi Gäld.

+ isch Produktivität i irgend ere Form guet und erfüllend. s'Läbe lang eifach nüd mache verbrännt dini Läbensziit. Wenn en Tag dihei sitzisch und Fernseh luegsch fühlt sich de Tag ewig a, aber im Nachhinein isch Ziit mega schnell vergange. Machsch mega viel vergad de Tag schnell, aber im Nachhinein fühlt sichs intensiver und länger a. Drum sötsch, wenn chli was mit dinere Ziit wetsch mache, möglichscht viel mache und neus erläbe, us dinere Comfort Zone use. Susch hesch zwar "dini" Ziit, aber sie isch wertlos im Nachhinein.

ontopic: ich verchauf min Crypto-Shit au sehr sälte. Muss aber au säge: Äigentli häti jetzt müsse zuechaufe die letschte 2 Wuchä, han aber Vertraue verlore, ue isches glich wieder. Tja.

[Vyse]

Miini aktuell Wohnig isch rächt günstig und ich han hiigah, wohii ich möcht innerhalb vo dä Schwiiz, gseh keis Problem. Iis Uusland ziehts mich gar nöd, ich bin dWält go bereise, mier gfallts ii dä Schwiiz. Für es Auto langeds nöd aber dÖVs erschlüssed praktisch alles, wo mich interessiert und für en glägentliche Uusflug langets allemal. Klar wär es Auto no gäbig aber chann mich mit ÖVs guet arrangiere.

[calanda]

Ich han mit 3K alles, wo ich bruuch.

3000.- funktioniert aber nur bis zur pension, wenn allei blibsch ohni chind etc, i finds sus scho knapp. aber dia isch freiheit wichtiger. ... nachher verarschts di... will mit dine monatliche zahlige id AHV,BVG wirds den ni lange.

Ich rächne nöd demit, dass ich sPensionsalter erreiche und wänn, dänn lueg ich wiiter.

wieso den das???

[thaeye]

das me möglichst viel "mache" muen und möglichst vill erlebe, isch aber au chli en trugschluss.

de eint gründet en familie, de ander jettet umd welt und findet das am geilste s lebe lang und zerrt vo dene erlebnis. de ander chauf sich en gamesammlig mitem ganze chohle und findet sich de geilst und erlebt jenstes.

asprüch sind underschiedlich und es muen nöd jede jede monet is usland was go "erlebe". isch eher chli "chrampfhaft" für mich den.
erfüllig z finde, das will jede und de weg dezue beschritet au jede anderst.

ziit isch nie "wertlos".

[zeromeier]

ziit isch nie "wertlos".

Du musch gar nüd, jede chan mache waser will und glücklich sii mit dem woner macht will jede isch andersch.
Mal ab und zue usbräche usm Alltag wür aber de meischte vermuetlich guet tue. Aber ebe, mir isch äigentli rächt egal was die andere mached
Gad da nur um de Vyse wo sini Läbensziit verlüürt willer muss Lohnarbet verrichte aber irgendwie nix macht (usserd Cryptos chaufe und ufn Lucky Punch hoffe) zum das ändere.

Und doch, gänzlich unproduktivi Ziit (Fernseh luege) isch scho rächt "wertlos". Machsch halt nüd, bewirksch nüd und lasch dich vo Medie berisle.

[thaeye]

din text tönt aber chli anderst ggü em vyse sin lebensplan, aber isch au dis recht das z kritisiere--meinig und so. ich seg nur "erfüllig" find jede anderst. de eint muen jede monet en welle riite im usland, de ander gamt sich de pimmel ab. de ander findets geil sim chind de arsch jede tag z putze.

[Buccaneer]

Jede cha mache was er will, welle jede staht zu dem woner macht.

[thaeye]

ja s prinzip lohnarbet. schwierig bi ihm.

[zeromeier]

din text tönt aber chli anderst ggü em vyse sin lebensplan, aber isch au dis recht das z kritisiere--meinig und so. ich seg nur "erfüllig" find jede anderst. de eint muen jede monet en welle riite im usland, de ander gamt sich de pimmel ab. de ander findets geil sim chind de arsch jede tag z putze.

er schiint ja offesichtlich unzfriede mit de Gsamtsituation, denn muss me was dra ändere, en Wäg ischlah, irgendwas mache. Wenn immer s'glich machsch, passiert au immer s'glich. Mir isches drum gange, dass er mit wenig Gäld a anderne Ort als de CH halt das Läbe chönt läbe, aber wenns ihm ide CH gfallt, musser halt en andere Wäg sueche zum usde vo ihm verhasste Lohnarbet usecho. Ich han eifach nöd de Idruck, dasser das aktiv macht.

[Herr Rossi]

Ich ha nid chönne widerschtah und ha 10% vom Everdome verchauft 5 Minute nach Marktöffnig
x23

Ach Krypto

[thaeye]

us de lohnarbet chunsch nie use, "lohn" zahlt dir immer öper. für mich en utopie. de moonshot gits höchst selte und für das muesch doch relativ risikofreudig sii und au scho mal gnueg geld chöne uf de moonshot wette. besser isches, langfristig was z mache und defür d "troim" bitzeli abezschruube, den wirsch überrascht wenns besser wird und bisch au nöd so enttüscht wenns halt so wiiter lauft wie bisher.

aber ich glaub er haet chli glernt us de letschte wellebewegige. du bruchsch abeme gwüsse betrag halt scho au en uscash strategie etc.

[zeromeier]

bini bi Dir.

[Mastler(P)]

Ich luege id Wält, rede mit dä Lüüt und merke ja au wie dStimmig bi dä Mitmänsche isch.
Bin no niemertem begägnet, wo lieber isch go schaffe, als frei gha hät und wer genau am Ändi vo siim Läbe hät jemals bereut, nöd no meh gschaffed zha?

min grossvater isch es riese arbetstier gsi. mit kollege zämme s huus baut z'kraotie. denn als schlosser id schwiiz cho und ihbürgert. bis überd pension bi dä abb gschaffed. danach no ewigs dihei immer was mache gsi. sogar vor paar jahre no, wos nur no all paar jahr mal nach kroatie sind hät er afah balkon putze, hecke schniide und all dä scheiss mit irgendwie 89gi. han em denn au müesse säge, chum hörr mal uf. lah mich dir hälfe. abnormal, man.
ersch di letschte 3 jahr so ab 93 häts langsam ghörrt.

aber das chasch du dir ja alles nöd vorstelle, das lüht so gegesätzlich zu dir ticket.

[Mastler(P)]

aber immer die sicher Charte spiele isch doch au langwiilig.

findi en guete und reelle punkt.

[Vyse]

Hör mal uuf ständig sBeschäftigt si glorifiziere. Zuedäm chann ich mier das duurchuus guet vorstelle, dass me am eigene Huus für dä Rest vom Läbe schafft, wieso nöd? Das isch ja öppis enorm befridigends. Wür au gärn es Huus ha und dä Rest vom Läbe das optimiere, aber das isch enorm tüür, weisch? Das choscht dänn es Vermögge, wänn di nöd verschulde willsch.
Zudeäm deklarier ich uus Prinzip nöd öffentlich, wie ich miini Freiziit verbringe, will dLüüt ständig sGfühl händ, sie müessed die Beschäftigung uus ihre Perspektive bewerte und händ sGfühl, die Bewertig häg dänn irgend e Gültigkeit für mich.

Und wieso ich aktiv nöd öppis ändere? Was dänn? Was chann ich ändere, zum mich finanziell unabhängig mache? Bin offe für Empfehlige. Wänns um Jobwächsel gaht. Du chonnsch in genau gliiche Scheisstrott au im andere Job inne , ussertdäm bin ich alt, woher die Energie näh, zum e neui Uusbildig ahgah?

@Calanda Wänn me duur dLohnarbeit im Dauerstress isch, macht mes halt eifach nöd solang, wie wänn öpper Ziit hät uuf sich so acht zgäh, wies die eigeni Biologie verlangt.

[Vyse]

Ich ha nid chönne widerschtah und ha 10% vom Everdome verchauft 5 Minute nach Marktöffnig
x23

Ach Krypto

Häsch verchauft?

[Herr Rossi]

Ich ha nid chönne widerschtah und ha 10% vom Everdome verchauft 5 Minute nach Marktöffnig
x23

Ach Krypto

Häsch verchauft?

Was hani gschribe?