The(G)Forum

Ich han me s'Gfühl, dass eim s'Spieli nach de Zoras sanft aber doch ziemlich klar in Richtig Death Mountain / Goron City lotse will. Chan aber au falsch ligge, will ich mich dänn doch nöd wiiter getraut han als bis zum Stall am Rand vom Death Mountain-Gebiet. Wo mer eini bim Stall gseit hätt, dass es wiiter obe so heiss isch, dass du grad Füür fangsch und's ohni Elixier gar nöd erst söllsch probiere, bini wieder umkehrt

zwirrlibatz hat geschrieben:Und ich bin nöd prinzipiell Zelda Fän, duregspielt han ich nume Oot MM WW TP PH und SS, drvo findi 2 tadellos super und 2 fasch.

ALBW isch de 2tbescht zeldler ever
isch scho relativ starch id richtig BOTW gange

de anouma, mann

ah de ALBW hani wie vieli Handheld Zeldas agfange, mir fählt bi HH Spieli meischtens d'Inversion. Wie au bi 2D und Isometrie überhaupt... Aber stimmt de hett es ähnlichs Waffesammle/Wältentdecke Prinzip gha.

gönn der s links awakening ufem gameboy, isch sogar none tickli besser als breath of the wild

evo hat geschrieben:gönn der s links awakening ufem gameboy, isch sogar none tickli besser als breath of the wild

Ich han zelder ufem ds mitem stylus super gfunde

Goran hat geschrieben:

evo hat geschrieben:gönn der s links awakening ufem gameboy, isch sogar none tickli besser als breath of the wild

Ich han zelder ufem ds mitem stylus super gfunde

finde das die schlechtischte

ich han nur oot fertig gspielt.
zelda uf em nes hani niä fertig gschafft also goof und hans niä nachegholt.
s'gliche mit em alttp. ewigs gspielt, aber nöd fertig gschafft, irgendwo hangebliebe.

oot fertig gspielt und vergötteret. däna isch wind waker cho. döt hani bim endboss ufgeh. irgendwas isch däzwüschet cho und nachher hani uf em cube niä wiiter gmacht. und dänn hani dä au no verchauft :lolz:

alli andere hani niä gspielt

ah ja, TP hani au gha. aber das hani praktisch gar nöd gspielt. fürchterliches spiel. dä style, diä grafik, dä wolf. das hät mir überhaupt nöd passt.

ALTTP hani als einzigs mehrmals düregspielt. dazumals ufem snes und gloub no 2 x ufem emulator... wird immer eis vo mine all time lieblings games bliebe!

Moff hat geschrieben:zum glück gsehtmer nachere wuche wie viel stunde gnau

wie wo?

Jones hat geschrieben:

Moff hat geschrieben:zum glück gsehtmer nachere wuche wie viel stunde gnau

wie wo?

das weissi nanig, gsehtmer ja erst en wuche nach launch
offebar gseht mer iets eifach wenns s'erschmal gspielt wurde isch

ui da bini ja gspannt! ha sit jaaaahre nüme so viu zockt innerhalb 1 wuche...

Dito. Mi würd nit wundere weni scho 40h druf het.

Skeletor hat geschrieben:wo ane nach de zoras? welle vo dä anderne 3 ort ufsueche?
tipps für eine wo rächt schlächt isch.

pro tip: dört wosdi reizt

nei am beste machtme zersch: wasser, für, wind, wüesti.

nid vergässe: viu viu shrines mache u härzteili u stamina ufepusche.. es erlichteret eim ds läbe im spiu unheimlech

opale, diamante u so züg immer vergaufe u gueti rüstige choufe u ufepimpe bide fee!

ich han tonne schrübeli, zahrädli und zeugs vo dene umeliggende robis igsammlet... mit paar vo dene hani mis "handy" ufpimpt... zelda-handy rofl... aber jetzt bruchi die glaub nüm oder? chani die verchaufe? gäbt en tonne rupees für mich!

PS: ich hätt gern en breath of the wild handy-hülle wo so usgeht wie im spiel

Nit verkaufe!


In dr us collectors edition hesch e switsch täschli genau in dem design. Tumm bi uns nid. T statue kasch de hase geh.

würdi ou nid verchoufe.. pro tip: ganz obe rächts uf dr mäp ga verbiluege

die schrübli u so züg fingtme übrigens unmängine ade kabote guardians..

ich han mal es ganzes fäld mit kabutte guardians abgrast und bi zu jedem ane und han igsammlet... sind die jetzt dette weg. oder chamer wieder zrugg und es hett de wieder?

sidusson hat geschrieben:die schrübli u so züg fingtme übrigens unmängine ade kabote guardians..

S'Problem isch amel eifach, wänn es Exemplar vo dene "kabutte" Guardians amel nöd ganz kabutt isch

I bi gescht par vo dene guardians go hunte. I gher de spies um langsam

hehe jep same here.. aber ubass.. ig ha 14 härzli u si mache 8-10 schade

14 herzli isch ja nüt
ich ha sogar scho 13 und bi naniig mal ide hälfti vo dem game

aber rüschtig hani keini
wie berechnet sich de schade eigentlich womer erhaltet?

shit, i ha grad mau 8...

guet ich han chli gas ge bide herze, wer weiss werum weiss werum

und usduur hesch o pimpet? ha immer abgwächslet... finde usduur wichtig wenn uf irgend e hoger wosch ufechlättere... lol