Elden Ring

[zeromeier]

Super spiel, gad nahtlos wiiter

[zeromeier]

Rellana oder so, mit 2 Hälfer, schaffs nöd
de loi boss schaffi au nöd, umspielbar schwer.

[cartman]

ui wüki? sind boss demfall ufme level mit de malenia? denn überlevli min charakter lieber nachli länger!

[thaeye]

isch härt ja aber jede dlc vo from isch härter als hauptspiel.
han nur de loi bisher gschafft. rest unschaffbar.

[zeromeier]

Ja de Loi gad glaub, hani hüt au gmerkt, han das schattezüüg mal uf +3 glevlet.

[The Sheep]

Han de Leu jetzt au. Für en Legacyboss eher eifach gseh. Ganz im Gegesatz zu däm billige Chällerboss im erschte Mausoleum. Sone Pisser!
De Schwierigkeitsgrad variiert halt enorm. Teil Gegner sind easy trash, anderi one-hit tot, aber mache sglich mit dir wen nit ufpassisch. Anderi halte enorm viel us und killet di gnädigerwis erscht mitem zweite Schlag. Die ganz Schattewält schint alles andere als linear zsi. Aber das machts für mi au spannend.

[Bejita]

Scho intressant das sone Schwirgkeitsgrad nid negativ bir Wärtig is Gwicht faut.. D heufti vo dä Tester hei doch nid mau dr erst Boss gschaft, aber es isch Elden Ring, auso 10 / 10

[The Sheep]

Mer channs DLC gar nit starte, wemer nit mindeschtens de Radahn und de Mohg gschafft het im Originalspiel. Vor allem de Mohg isch ein vo de schwierigschte Böss gseh. Folglich chauftmers DLC au nit ohni zwüsse uf was mer sich iloht. E niedrige Schwierigkeitsgrad würd sich wahrschinlech eher negativ ufd Wärtige uswirke, als en z'höche.

[siralos]

Sötti ja logisch sii, wenns anders wär, wärs en riese fail wenns kei challenge isch.

[The Sheep]

Souls Spiel sind bitz wie modärni Shmups (Cave zB). Wenn nit de Biss hesch, s'Game so lang z'üebe bis es beherrschisch, hesch nit lang Freud dra.

[Vyse]

Dä Vergliich mit Shmups isch mier au grad chürzlich in Sinn cho.

[Bejita]

Sötti ja logisch sii, wenns anders wär, wärs en riese fail wenns kei challenge isch.

I gloube aui wo sich z DLC zoge hei, hei gwüsst uf was si sich + - i glah hei. Isch ja nid so das mä ersch einä vo dä schwirigerä Böss fürs DLC z beträtte mues besiege..

[zeromeier]

Bin jetzt eifach wiiter glatscht oni eine vo dene 2 trottle zbesiege lol

[The Sheep]

Dr Kerkerboss und dr Fürgolem meinsch vermuetlich. Die hani au beidi vorerscht mol läbe lo ^^

[zeromeier]

De typ im kerker Chan nüd, wemer vom glich reded. De Saudumm vogel wo nur ide nacht chund gad mir jetzt ufd eier

Und die ganz drachelandschaft nervt.

[The Sheep]

Ich mein de "Ritter der einsamen Kerker". Dä wo im erschte Gebäude isch womer erreiche chann im DLC. Bitz nordweschtlich voder erschte Gnade. Mer macht öppe so viel Schade an ihm wie mit em abbrochene Schwärt am Tutorialboss im Hauptspiel, und nach zwei Träffer vo ihm, ischmer tot.

[abyss]

Einsame Herzen sind schwer zu bändigen…

[zeromeier]

De Ritter hani umlah, mit Hilf natürlich, aber easy gsii

Han jetzt sini Rüschtig a

[The Sheep]

de Frau Rellana mit em Stricherquartet im Hintergrund hani hüt eins gmülleret. Hasi am Änd gschafft, aber isch wirklich nit eifach gseh. Ihrne Zwillingsmönd chamer nit uswiche, oder?

[Bejita]

de Frau Rellana mit em Stricherquartet im Hintergrund hani hüt eins gmülleret. Hasi am Änd gschafft, aber isch wirklich nit eifach gseh. Ihrne Zwillingsmönd chamer nit uswiche, oder?

Meinsch mit Zwillingsmönd ihri Titte? Wär wot da scho uswiche?

[Vyse]

de Frau Rellana mit em Stricherquartet im Hintergrund hani hüt eins gmülleret.

[cartman]

Scho intressant das sone Schwirgkeitsgrad nid negativ bir Wärtig is Gwicht faut.. D heufti vo dä Tester hei doch nid mau dr erst Boss gschaft, aber es isch Elden Ring, auso 10 / 10

chli off topic aber das erinneret mi a damals zrugg wo alien isolation usecho isch. dete hettmer us de bricht sunneklar chönne ableite, dass teschter nöd kapiert hend wies spiel zocke söllet unds drum mit unverdient miese note abgwatscht gha hend. würd de gliich titel hüt vu from cho, wärs au es 10/10 und mer chämtet e fortsetzig devo über.

[Vyse]

Alien Isolation isch es Meisterwerch, bi däm dSchwierigkeit en behäxende Sog entfaltet und zur Gsamtatmosphäre biitreiht, däre me sich nöd entzieh chann. dSchwierigkeit isch aber kein Sälbschtzwäck, sondern eis vo vielne Mittel, wo em Gsamtwerk zur richtige Entfaltig verhilft.

Elden Ring dagäge hät ja kei Subschtanz usserhalb dä Kampfmechanik. Es gaht um Kampffertigkeit in Bezug zur Schwierigkeit und schlussändlich würkts drum au wie es dumpfs Arcade- oder Fight-Game, wo vo dier abverlangt, dass dMoves muesch uuswändig lerne zum dä Gägner besiege. dSchwierigkeit isch en Sälbschtzwäck, sie isch sGame, dä Gsamtumfang vom Spiel erschöpft sich i däm Prinzip und überstiigts nöd und machts sGame nöd zu öppis bsunderem. Es erinnered mich irgendwie ah Speedrunners, wo tuusigi Stunde vo ihre Läbensziit für dä beschti Run investiered aber dTätigkeit vom Speedrun würkt (zumindescht uuf mich), belanglos. Dä gliich Iidruck han ich vo Elden Ring Gamer.

Nüüt gäge bitzli Arcade-Fun aber für mich müend Games meh büüte chönne.

[zeromeier]

Elden ring isch s bescht spiel vo dere Generation kolleg und das nöd wills schwer isch (was es nur isch, wenns du willsch, chasch alles mit lüüt Spiele, was ich mach)

[Vyse]

Spiele nie online, han scho gnueg mit Lüüt ztue. Wänn dier ständig öpper driischwätzt, chasch ja gar nöd id Wält iitauche, wie wänn es Buech läse würsch und ständig öpper störe wür.