Android Topic

[Jones]

Stable...und ja, L woti au endlich mal

ha scho paar testet aber die si alli sehr vanilla-nah gsi. wie gseit ohni paar für mi zwingendi mods...
und x-posed louft leider (no) gar nid unger L...

[Xinobrax2]

Ich han bi mir halt immer nur eis druff woni denn aber au im Alltag bruche. Chli Roms usprobiere lit drum leider nid drin....au vom Platz her nid. S nervt mi aber schochli dasi imerno keis L han, es gset super us...bi Software hani eigentlich scho immer am liebste s neuste vom Neue

[Acid]

wenn's chasch roote, chasch o alli system-apps lösche..

Ja, das hani eigentlich welä. Einersits will halt schiins bi Custom Roms z.B. d Kamera chasch chüblä, und andersits wills CM bis jetzt schiins nur für z2 git, nonig fürs z3 (also richtigi releases...)

Sony hed au ganz e gueti Sitä wiemer chan luege öb bootloader unlockä chasch (wasmer bi mim Grät anschiienend chan), und denn e alleitig wiämer das machä söll (will das schiins s erschtä isch womer mues machä wemer will rootä)...

Leider chumis aber nid z Stand über, ich mues do Android SDK abäladä, öffnä bimene bestimmtä Ordner (woni nid find), und glichzitig in e Command Zeilä en Command inägeh, wo nocher nid gfundä wird.


Weni sälbscht ab dem schiitere, chönts no kritisch werdä glaub.

aber ubass! nid dass de eis verwütschisch wo systemrelevant isch!
aber het scho was: google macht meh und meh uflage, was alles muess installiert si, wenn öpär wott android bruche...

Also all zu viel muesi villicht gar nid löschä. Eifach villicht paar Google Züg woni nid will und bruuch, oder paar Sony Sachä wiä "Whats New"... ich mein simmer mol ehrlich, mir isches so öpis vo egal was i de Augä vo Sony new isch und was nid.

Und was au aschiist sind irgendwelchi Demoversionä und so Züg wo den vollwertig werded wennsi chaufsch, oder villicht gar nid bruchsch. Es hed uhuren viel Apps uf dem Grät druf.

Wieso aber meinsch machts ohni Google Apps kei Sinn? Tönt also au nüm grad so unabhängig, flexibel und frei vo allnä Zwäng und Idiotiä, wiä susch amigs verzellsch.


Also ich nimm a es gid doch sicher Alternativä. Ich bruch jo kei g-Cloud zügs, willi det druf eh nüt han. Ich han prinzipiell fascht nüt i de Cloud, und will das eigentlich au so bibehaltä, wenn denn müestimer en eigeni Irichtä.

Und das ganzä playbooks playmusic playkiosk playgames playmovies zeugs chamer jo wahrschindlich au chüblä, wemer nüt vo google will chaufä.


Ich gsehn aber, es wird vermuetlich rächt viel Müesahmer alsis agnoh han (oder besser gseit, alsimers erhofft han).

En Alternativä zum Root wär aber natürlich eifach diä Programm woni nid will z ignoriere... stööred jo denn eigentlich nur i de Übersicht.

[Jones]

Oder besser i de settings deaktiviere de verschwinde sie us dr Übersicht...

[Acid]

Ah chüel... Diä eint vo Sony chamer zwar nid, aber zumindescht vo google hani jetzt einiges weg.

Und den hanis gschaft über usb diä beidä app stores wo de xino gseit hed z installiere, und mit denä anderi browser.

Bitz öpis hüt also doch no gschafft...

[Jones]

bravo!

[Acid]

Defür hedsmer vorher woni imene browser.e.youtube clip han welä aluege d app ufgmacht und gseit das gängi nid ohni en gwüssä google dienscht, de müesi wieder aktiviere. Hinter dem popup womer nid chan wegklickä isch de video allerdings bereits am laufä gsi...teilwies frögtmer sich also scho i was fürere.Wält dassmer läbed :typej:

[Xinobrax2]

Defür hedsmer vorher woni imene browser.e.youtube clip han welä aluege d app ufgmacht und gseit das gängi nid ohni en gwüssä google dienscht, de müesi wieder aktiviere. Hinter dem popup womer nid chan wegklickä isch de video allerdings bereits am laufä gsi...teilwies frögtmer sich also scho i was fürere.Wält dassmer läbed :typej:

DA! Genau das hani gmeint! Jetzt hani d Youtube Version 5.14.5 vo Aptoid (isch di neuscht det). Mit dere gats

[Jones]

Isch ja das woni säge. Wenn z'viu vo google abstellsch, chunnts zu fehler. Logisch eigentlich...
Und süsch muess YT app deinstalliere und rein im browser luege wobi ig mi frage was das bringt...

[Acid]

Isch ja das woni säge. Wenn z'viu vo google abstellsch, chunnts zu fehler. Logisch eigentlich...
Und süsch muess YT app deinstalliere und rein im browser luege wobi ig mi frage was das bringt...

Scho klar, hans nur ulkig und chli bezeichnend gfundä, dass mir d Mäldig chund es gäng nid ohni, und im Hintergund lauft genau das wasi luege will, was jo denn zumindescht vomene naivä Standpunkt us sehr widersprüchlich erschiint. Oder andersch gseit, schön zeigt für wer diä google play dienste aktiviert müend sii, will für mich ischs Problem nid dasses nid funktioniert, sondern dass mir es Pop Up das verdeckt woni eigentlich gseh will und au am laufä isch.

Aber mol abgseh devo: was bringt eim eigentlich d YT App?

@xino: also konto bruchts bi mir aber keis... aber wirds mol versueche, merci.

[Jones]

Playdienst bruchts dämfau für d'app und uf das bezieht sich o d'mäudig. Darum app deinstalliere unds im browser luege de chunnt o die mäudig nüm. Gseh da ke widerspruch...
Für mi isch d'app eifach komfortabler, schneller und besser z'bediene... Muess aber jede säuber wüsse ob er sich das im browser wott aluege...

[Jones]

so, itz hani 5.02 installiert, also es uf 5.02 basierts custom-rom. die wichtigschte sache woni nid cha druf verzichte si alli scho drin. nur d'tastatur muessi no ersetze, die het ab android 5 d'umlut als einzelni taste. das isch 1. nid nötig und bringt 2. d'layout dürenand und i triffe ke buechstabe meh...

geil isch, dass dr sperrcode zum handy entsperre nid nötig isch, wenn ig (bzw d'smartwatch am handglänk) ir nechi bi. wenni z'handy irgendwo liege lah und dervo loufe (us dr bluetooth richwiti) muess meh dr code hingäge igäh... findi no geil!

mau luege was dr akku macht... het mi ir letschte zyt rächt gnärvt und mi zu ärnschthafte überlegigi, ufs Z3C z'wächsle, bracht...
ha aber no d'hoffnig, dass es softwarebedingt isch (gsi)...

[Xinobrax2]

Omg, en Mensch mitere Smartwatch! Die gits würklich Wie isch so...?
Btw, wie heisst s ROM?

[Jones]

I findes geil mau für einisch early adaptor z'si...
Sie gseht us wie e richtigi uhr und wird mit jedem update besser... Meh muess aber säge dass meh sones ding ohni google dienst eher nid sött choufe.. lol
Ressurection heisst z'rom... Louft ächt guet bis itze...

[Jones]

so... mau öpis neus teste.
ha sit 2 täg is xiaomi mi3 im isatz. 5zoll, 3050mAh akku (geil! )
technisch öpä mitem nexus 5 z'vergliche (idntischi GPU, glich schnäui CPU, etc). NP bi digitec: 299.-- aktion gsi. itz wieder 343.--
bi rächt z'friede. het ab wärk dualboot. nur roote het (no) nid wöue klappe unter dr neue firmware (miui v6) aber i ha trotzdem alles wichtige übere bracht... vo däm här warti mau ab...

und da xiaomi in china #1 isch, hets uf ebay enorm viu zubehör quasi gratis... ha grad screen procetors (6 stk) für 5.60 chouft inkl. porto und e hülle für 8 dollar. free shipping worldwide us china! ololol
viu dr besser support was zubehör ageit als für nexus grät.
bi gspannt wie sich das im alltag so schlaht...

[Xinobrax2]

Apropos Screen Protectors...: http://www.phantom.glass/" onclick="window.open(this.href);return false;
Vo dene bruchsch nur eine, hebet ewigs

[Jones]

hani uf ebay o gseh...
tempered glass wie die vo dim link. aber ca. 80% günstiger... lol
ha itz mau entspiegleti gno zum teste. sehr gwöhnigsbedürftig wenn dr screen nid glatt isch aber im alltag wenns o mau dusse bruchsch nid unpraktisch.

[Uriel]

und da xiaomi in china #1 isch, hets uf ebay enorm viu zubehör quasi gratis... ha grad screen procetors (6 stk) für 5.60 chouft inkl. porto und e hülle für 8 dollar. free shipping worldwide us china! ololol
viu dr besser support was zubehör ageit als für nexus grät.
bi gspannt wie sich das im alltag so schlaht...

chaufs nüd über eBay, sondern über http://www.aliexpress.com

Meistens nomal günstiger, wills ds Porto wegfallt. Ich chauf min Xiaomi Stuff nur no det. Wobii «det» eigentlich falsch isch. Aliexpress isch es Portal für chliini chinesischi Händler, und es funktioniert perfekt.

Xiaomi Handies chaufsch am beschte über http://www.ibuygou.com. Nach 3 Tääg hani mini Ware amigs.

Ah, und no was letschts:
die beste Forene sind die Spanische, oder denn halt en.miui.com. Da isch en Link fürs Roote vom Mi3http://en.miui.com/thread-20694-1-1.html. Wennd d Developer Roms ladisch, wo jedi Wuche es Update erhaltet (!), denn chasch es easy roote, muesch nur is Developer Menu und dete root aktiviere.


BTW: hesch ihre Fitness tracker gsee? Lauft sogar uf iOS und chostet $20. Pervers.

[Jones]

ah lueg, e xiaomi user!

dä aliexpress hani bishär nid kennt. merci schomau füre tipp. was bietet mir das für voteil? portofrei hei uf ebay ja o jenschti... prise findi itz eher ähnlech. gseh nid grad dr gross ungerschied. zmingscht bi däm, woni grad schnäu agluegt ha...
zudem kenni ebay halt und die gwüssi sicherheit mit dr paypal zahlig vermittlets haut guet wenn mehs scho kennt... aber i lueges sicher mau a...

spanisch chani nid und en.miui.com kenni natürlech scho.. bi zwar neu xiaomi chund was hardware ageit, miui hani aber scho sit 4-5 jahre immer mau wieder testet...

da link fürs roote hani o scho offe gha vor 2 täg... isch das nid für v5?
ha gmeint, i chönn eifach d'dev-version drüberflashe aber das het äbe nid funktioniert (weder im updater no im recovery als update.zip. immer abbroche). probieres dämfau mau mit dene scripts... merci!
die internationali version wär script 3 richtig? vorusgsetzt es isch nid für v5. die isch ufem system 2 und dert geits ja nid...
jup dä hani gseh dä tracker aber vo däm züg hauti wenig. ha dä fitness seich uf dr g-watch-R abgstellt..

[Astroboy]

Gits eigentlech es guets, aktuells Smartphone absits vo de big player mit 5 Zoll (und mindestens 1080p-Display)?
S'git entweder compacts oder grad die phablets, aber zwüschedrin momentan nid viu. Und ha dr Markt jensits vom gängige gad gar nid im Blick. Uriel?

Btw: Hätti ds Gäud, würdis mau usteste, trotz Mackene:

Normals Display vorne, eInk hinge, dasmau sogar ire halbwegs taugleche Version. Chunnt guet.

[Jones]

definier aktuell? muess es dr neuscht chip (CPU/GPU) drin ha?
was isch wichtig? benchmark nummere?

und was isch für di big player? nur apple und samsung?
denn chönntsch es LG G3 aluege..
oder halt öpis us china... (also... us china chöme sie ja eigentlech alli! )

meh als full hd isch imo rächt überflüssig. sogar vo 720 uf 1080 isch dr ungerschied itz auso nid esoooo wahnsinnig...

edit: G3 isch ja 5.5... also scho sehr gross..

[Astroboy]

I gseh dr Unterschied zwüsche 1080p und 720p. Für 5.0 isch aber 1080p ideal, ja, viu meh bruuchts nid, v.a. we's när zulaste vom Akku geit. Ds G3 isch z'gross, ja.
Wie gseit: Aui gängige Player hie in Europa hei aktuell für 4.7-5.0 nüt vernünftigs im Aagebot, darum fragi.
Ds CPU-Renne isch mir eigch egal, ömu insofern, als dass es i dr daily usage kener Ruckler sött gä, also bi window switch, to home, Chrome und so. Fürs Game bruuchis nid, und wenn, denn öppe eh nur TripleTown
Dr Switch vom HTC One M7 (mis aktuelle) zu M8 hett ja leider es grössers Display mit sech bracht. Vilech luegi mr de gliich nomau ds Moto X 2014 aa...

[Xinobrax2]

Jetzt grad LIVE, Project Ara:


Quelle

[Astroboy]

Bi's am luege, aber isch no ziemlech *gäääähn*

[Xinobrax2]

Naja...im Moment isches halt nur 08/15 Marketing bla bla....ich hoffe mal, dases nachane chli konkreter wird...s Projekt an sich findi zimlich super.