The(G)Forum

vorab..ich ha kei ahnig
wo/wie chaufed ihr krypto ?
ich ha afangs jahr bi revolut mal bitcoin für 10.- kauft. Die tuble ziend denn grad 2 Stutz oder so ab.
aso hani grad en verluscht gmacht jetzt hani uf em bitcoin konto bi revolut no 6 franke wells abwärts gaht
meinsch in 20 jahr bini wider über 10 stutz ? oder söll ich de hafechäs grad wider verkaufe ?

Wänn eifach chaufe und hebe willsch, chasch eifach über Swissborg. Schwiizer Bude siit 2017/18 debii und suscht gits uu viel anderi Möglichkeite.
Ich bin bi Binance (obwohls Chinese sind aber no nie es Problem gha). Coinbase isch au vertrauenswürdig (siit 2012 debii) aber sie händs immer nonig gschafft Netzwerkuusfäll zverhindere. Kraken isch au vertrauenswürdig. Git unzähligs. Chasch ja mal Reviews go luege.

calanda hat geschrieben: ↑28 Feb 2025 08:23 i behaupte krypto chunt erst wieder in 6 monat... solang gahts jetzt langsam abe.....

Hanged alles zämme, dä Bitcoin wird sich wahrschiinli nie oder no sehr lang nöd vom reschtliche Märt abkopple (und dä Rescht vom Krypto-Karsumpel isch eh vom Bitcoin abhängig). Krypto erhollt sich dänn, wänn sich dä Rescht au erhollt.

Dä Trump hät ja en beachtliche politische Wille aber sölls mal bitz chille. Mänsche sind verängstigti Schööfli, wänn er so wiiter ummewirblet, dänn springed dSchööfli vor Angst no ab dä Klippe.

Es isch krass, wie sehr ich eigentli dä Stand vom Märt im Gsprüi han, ich muen eifach meh danah handle. Ich hans scho lang gspüürt, dass dä Märt überspannt isch, das merksch eifach, es isch so eidüütig aber me findet, ah, bitzli gaht no, no es bitzli uuseholle und dänn verchauf ich, das Mal isch es en Uusnahm, blahblah. Meh uuf dä Instinkt lose, au wänn me dä Iidruck vermittlet bechonnt, dass das Ganze nöd viel mit Instinkt ztue häg und es eher an analytischi, rein pragmatischi Ahgleggeheit säg.

Viellicht isch swichtigschte Tool die eigeni, kognitiv Dissonanz, isch wie en RSI-Divergence aber im sächste Sinn.

btc hangt am nasdaq. schlussendlich isches halt au "technologie". und isch halt es "risk on" asset, also waenndd märt widr lust uf risiko haend.

zu trump: glaub immer na das am schluss d usa de gwünner wird sii, die zolltaktik isch verhandligsmasse ufbau, den wird mit jedem land neu verhandlet. zumindest mit dene wo na interesse haend

Han das nöd gross mitverfolgt aber grundsätzlich ischs, sowiit ich das verstahn, ja nöd falsch gägesiitigi Traif uuzhandle und es Missverhältnis i dänne Tarif uufzhebe. Wänn Düütschland x muen zahle für USA-Import aber dUSA x + 20 für Duutschland-Import, dänn ischs ja nur fair, dass das uusgliiched. Wahrschiinli gits da viel anderi Faktore, wo ich nöd beachte und nöd verstahn. Kei Ahnig, viellicht gsehn ich das zu simpel und naiv.
Aber was hät das Ganze mit em Aktiemärt ztue?

aktiemärt haet nöd gern "unsicherheit"

Vyse hat geschrieben: ↑26 Feb 2025 14:37 bäh, nächscht Halt wahrschiinli 79K.

Ich sött hüüfiger trade, was ich verzälle.
Wie au immer. Aktuell, mega gueti Reaktion uf däm Level. Wänn dDaily über 84700 closed, chönnts en guete Reversal gäh.

hüt defür widrmal guete pump, ah weg tweet trump strategic bitcoin reserve

+10btc
+20sol
+20 eth

Gads no wiiter ue?

Was mich halt immer skeptischer macht, isch das hitzige, sprunghafte und achtlose Verhalte vom Trump. Wieso hät er jetzt plötzlich die Neuigkeit ahkündigt? Vermuetlich, will er entweder gmerkt hät, dass dä ganzi Märt uufgrund u.a. siine Entscheidige abstürzt und er sälber sich is Bei schüüsst (hät wohl sälber gnueg Ahlage, wo ah Wert am verlüüre gsi sind) oder es isch es abkartets Spiel gsi und hät das mit siine Finanzbuddies im Voruus uusgmacht, dä Märt mit Tarif zfigge und churz spöter mit dänne News wieder stiige zlah.

Punkt isch: wänn er wiiter so achtlos um sich schüüsst, bliibt dä Märt extrem volatil. Hüt strategic reserves, morn Grönland, übermorn chauft er nomal Tonne Bitcoin und nächscht Woche mischt er sich in e geopolitsch präkeri Situation ii, uuf das dä Märt wieder abstürzt.
Han sGfühl, dä Trump isch aktuell dTriebkchraft vo dä Volatilität.

Aber ja, dä Märt wird dä Move wahrschiinli fortsetzte. Chönnt mier durchuus vorstelle, dass es gschwind en Verschnuufer git mitäre Fib-Korrektur uuf 0.382 (bim Bitcoin wär das 91K) unds dänn wiitergaht (88K würi au im Aug bhalte). Wobii, rein technisch gseh, isch dStruktur nach abe broche worde und dä aktuell Priis stellt es Lower High dar, uuf das durchuus es Lower Low folge chann, also under 78K. Wür aber nöd druff setze, da dWoche EXTREM starch gschlosse hät. Jetzt go shorte isch dä grösser Gamble als longe aber hey, jede muens sälber wüsse.

Spannend findi au das Layout (2 Daily Ichimoku) woni mier mal für längerfrischtigi Trends iigrichtet han. Uuf dä fucking Punkt! Falls dä Bitcoin nöd sofort wiiterzieht, bliibt er vermuetlich no bitz i dä Wulche, ähnlich, wie i dä voragehnde Konsolidierige und zieht nacher wiiter. Aber die aktuell Bewegig isch so impulsiv gsi, dass ich sGfühl han, dass es bald wiitergah wird.

Vyse hat geschrieben: ↑03 Mär 2025 00:31 Was mich halt immer skeptischer macht, isch das hitzige, sprunghafte und achtlose Verhalte vom Trump. Wieso hät er jetzt plötzlich die Neuigkeit ahkündigt? Vermuetlich, will er entweder gmerkt hät, dass dä ganzi Märt uufgrund u.a. siine Entscheidige abstürzt und er sälber sich is Bei schüüsst (hät wohl sälber gnueg Ahlage, wo ah Wert am verlüüre gsi sind) oder es isch es abkartets Spiel gsi und hät das mit siine Finanzbuddies im Voruus uusgmacht, dä Märt mit Tarif zfigge und churz spöter mit dänne News wieder stiige zlah.

Punkt isch: wänn er wiiter so achtlos um sich schüüsst, bliibt dä Märt extrem volatil. Hüt strategic reserves, morn Grönland, übermorn chauft er nomal Tonne Bitcoin und nächscht Woche mischt er sich in e geopolitsch präkeri Situation ii, uuf das dä Märt wieder abstürzt.
Han sGfühl, dä Trump isch aktuell dTriebkchraft vo dä Volatilität.

Überraschend isch das ja trotz allem nüm würklech. Bir Wahl hets ja au big pump gäh was irgendwenn zum alltime high gfüehrt het. Lang het er sich ja nieme gross güsseret zu Krypto.

Und morn seiht er dänn, sie häged doch wichtigers ztue und schiebeds uuf unbestimmti Ziit uuf. Ich glaube, so werdet die nächschte vier Jahr. Entweder desensibiliseret sich dLüüt und dä Märt stabilisiert sich (sehr unwahrschiinlich) oder es bliibt so volatil.

mit trump stiigt vola, das isch s letscht mal scho so gsi. unberechebarkeit halt.

lol, was für en Dräck, dä ganz Move retraced = Null Chraft im Märt, absolut lausig. Glaubs best Strategie wär jetzt abwarte, bis dVolatilität zruggaht und dä Märt langwiilig wird.

bis das tarif gschmois mal dure isch, blibts mal so.

nvidia haets haert troffe weg singapur investigations (sind eh chips über singapore nach china verchauft worde trotz restriktione-schwarzmärt).

momentan ruhig blibe chan gueti strategie sii, wenn ich na nöd im märt wär wür ich mal überlege mal en afang z mache. de sell off isch agressiv und härt und chönt na chli duure, drum nur mal 1. position. -->tech (die haets vorallem troffe)

i bin no nia so entspannt gsi wia jetzt. 3 smi positionen.... meh hani nid

guet krypto, aber au da hani gester alles stablet wos gruen gsi isch.. Glück kha

i ha mini xrp reserve woni nid wott alänge itz mau um chli "play-money" erwiteret mit limit orders... das ewige uf und ab mal versueche chli usnütze ohni das azlänge, woni fix wott bhalte... wär mal wieder lukrativ gsi hätti das vor 2 täg gmacht!

RIP Xrp-Reserve

Aktuell isch sTrade absoluti Hass.

Wo sind kryptojünger?

Chani scho wieder ichaufe?

lol wie wärs mal selber z entscheide?

calanda hat geschrieben: ↑04 Mär 2025 16:10 Wo sind kryptojünger?

Chani scho wieder ichaufe?

Chauf tüüf, verchauf höch

Niemert weiss, ob dä Bullrun wiitergaht (ussert dMärtmanipulatore). Viellicht hät sich dä ganz Space au grundelgend verändered, siit institutionelli Investore dominiered, was dä ganz Priis-Charakter chönnt ändere (viellicht gaht dä RSI dänn niemeh über 75, währenddem er früehner uuf em ATH uuf 90 und höcher gsi isch).

Hätti nöd so vieles verbockt i dä letschte paar Tag, würi jetzt en Long iigah mit TP 89K. Wer weiss, viellicht figgts dä Märt und Bitcoin gheit uuf 70 oder tüüfer. sAbsolute Tüüf im Bäremärt chönnti mier sogar 30K vorstelle (muesch mal dJahres-Chärze ahluege, isch mängisch no spannend, mal anderi Ziitfänste z analysiere).

thaeye hat geschrieben: ↑04 Mär 2025 16:14 lol wie wärs mal selber z entscheide?

Fuer das hemer di jesus

ich bin kein "charttechniker"-->trader, ich chauf wenni chohle han und lahn lige. meistens sehr lang. ich erhöh mini investitionsquote immer wenns so steil wie jetzt abwärts gat und reduzier sie wenn d ragette chunt. da hani en formle für mich gfunde.

uf swissquote zwar churzfristiger underwegs und wott ich au meh mache und meh lerne, aber grundsätzlich bin ich langfristig investiert. han jetzt au scho gnueg downs erlebt und weiss meistens was ich chauf und blieb da zueversichtlich. wenn ich an en aktie glaub den bin ich au gwillt mehrfach nahzchaufe wenn d fundamentals na stimmet.

de plan isch halt s wichtigst, wenn igstiege bisch, wüsse mit wieviel prozent - du en SL setzisch (wievil verlust bisch gwill hizneh?) und waenn du wottsch widr us de aktie (mitviel %+ rechnisch? bis verchaufsch). isches en trade oder en langfristigi alag? schnell inehebe oder lang durehebe?

nasdaq doch widr -2% ufgholt hüt. eventuell chli erholig drin wenn die letscht stund nöd widr alles kaputt macht (döt lauft amigs vill)

de eric trump haet vor es paar täg mal uf x postet: buy the dip, vielleicht haeter ja recht

ne kei chraft me i dem märt, alles widr weg. und am 03.00 chunt d red an kongress mir startet morn sicher widr bluetig.

Voll, dä Märt zermürbt dLüüt grad wie dä härtischt Bäremärt und das zmitzt imene Bullrun. Aber das isch scho immer sKonzept gsi: bis niemert meh staht, all uufgäh händ em Märt dä Rugge zuechehrtet. Und grad dänn wird die nächscht langwiilig und langwiirig Akkumulation zumene Uusbruch füehre.