Sylvara hat geschrieben:zwirrlibatz hat geschrieben:
Ebe das mein ich ja. ICH will ALLES und zwar JETZ sofort i BESCHTER qualität. Wenn de Konsumänt scho aschiinend am längere Hebel isch, dänn söll er Gschiiders fordere als sowas.
Farknomal mir redet da vo de Unterhaltigindustrie und -güeter. Aso Film, Büecher, Games, Musig alles Leisure Luxusartikel und die völlig verdreihte Trottellüüt setzed sich zwar todesernschthaft aber nur inere dekadänte Konsumhaltig drmit usenander, als hättet's es gottgäbnigs Rächt druf. Die wo all das paratstelle müend dänn no en Äxtraeffort mache will d'Lüüt z'fuul sind, is Chino gah oder sich en Film imne Lade goge z'poschte, geschweige denn im Internetz bstelle. Ui, da muesch ja 3 Täg warte bis de Film äääääääääääääääääääääääändli chunnt. Sich zbsp evtl ja sogar berate lah, en Ustuusch, Kommunikation, Wertschätzig, Ziit näh, nöisle und und grüble inere Uslag isch voll doof und total nöd hüt.
Aber nei, d'"Industrie" isch "hinedrii" und "sälber tschuld". Arschlochhaltig, chotze chönnt ich.
huiii...da het öppert aber ganz es romantisch verklärts bild vo de alte zyte. nid?
ich stimm dir genau i garkeim punkt zue. dass es zb. miteme mehr-ufwand verbunde isch, bezwiifle ich mal stark. es git warschinlich nüt eifachers, als digitali medie - und lahsch ersch no endlich die blöde medium und verpackig weg.
usserdem, kino suxx ass - es interessiert mich genau null und es isch ja wohl e witz, dass im kino irgendwelche USTUUSCH stattfindet. jede sitzt für sich imne stuehl und rede dörfsch o nid, nur tummi popcorn-grüüsch mache. ich ha 100 mal mehr uustuusch, wenni film deheim mit kollege am widescreen luege.
dass ich mir für das kei zyt nimme, isch e reini unterstellig.
willkommen im 2011. zyte änderet sich und mängisch isches garnid mal eso schlecht. ds blöde umewarte und die lächerliche unterschied zwüsche regionale release-dates, träget genau garnüt zur unterhaltig vo irgendwem bii (ich luege kei screeners).
Mit alte Zyte hett, was ich gschriebe han, null und nüt ztue. Werum d'Lüüt bi däm Thema instinktiv die modern vs retro Keule schwinge müend, zeigt mir drfür d'Ignoranz drhinder. Du schtimmsch mir i keim Punkt zue, will mir vo Öpfel und Bire rede, bzw du machsch sogar Chruut und Rüebe drus. Ich red vom grössere Bild. Mir häns schomal drvo gha. Grundsätzlich nervt mich de Konsumäntetunnelblick und die entsprechende Argumäntatione uf und über alles.
Ja digitali Medie sind eifach zum verbreite, und jetz? Ebe det fangts scho ah mit dere Konsumäntebequemlichkeit. Wieso zum Henker isch „eifacher“ wünschenswert? An sich isch das ja kei Qualität aber wird grad darum zu eine vo de Bevorzugtischte gmacht. Idiotie #1.
Ich han vom Äxtraeffort gredt für de Produzänt und/oder Abüüter im Sinn vo de Apassig a Konsumänteerwartige. Wünschenswert sind nach wie vor Freaks und Känner i iiflussriiche und entscheidende Positione i de Unterhaltigsindustrie. Sogenannti kompetänti A&R Lüüt bi Labels und Musig- und Filmredaktore a kulturelle Schaltpünkt. Sie suechet und betreueed Künschtler und Kunscht nach dene ihrem Wert und probiered, ihne es Publikum zuegänglich zmache bzw umgekehrt sogar ehner eigentlich. Falls es Publikum fähig isch, z'wüsche Bevormundig und Agebot underscheide z'chöne. Will vo Qualität hett me sich emal (ui, früehner...) langfrischtig Profit versproche und detdure hetts tatsächli Mehrufwand gäh im Vergliich zu hüt. Stattdesse werde die kompetänte und au risikobereite Lüüt dur Pappnase ersetzt, hinedure dur BWL Heinis und vornedure dur dümmlichi Ewiggrinser. Star TV, rolf. Die händ mit Lautstark mal e ganz ordentlichi Sändig gha. Und hüt? Meinefresse was sind das für Lüüt det? Irgenden Trottel vor d'Kamera gstellt. DSDS zbsp isch quasi e Parodie uf das, aber für s'hütige Bewusstsii de absolut kompetänt und nachvollziehbari Standard. Das jetz hie nur erwähnt als wiiteri Alarmsymptom für s'Verlange vo Angebot vo unmittelbarer und persönlich ufwandfreier Unterhaltig. Aber gfälligscht in HD natürlich oder susch chlöpfts. Idiotie #2
De Sinn vo Verpackige bzw Hardware isch sicher ökologisch z'belüüchte, wie aber detdure en reine Digitalvertrieb am Änd würkli besser wägchunnt, weiss ich jetz ja nöd. Dadrzue chunnt no de artistisch Aspäkt vo Verpackige. Für die einte isch de halt unintressant will sie sich gar nie drfür intressiert händ, für anderi öppis absoluts Wesentlichs. S'ganze Package vomne Werch inere künschtlerische Gänzi isch aber offebar komplett vo „geschter“. Idiotie #3. (btw Radiohead gäbed ihres neue Album inere Art Ziitigsformat use, ueregeil, wobi's au da en Art truurig isch, dass me sich als Künschtler scho so Superhanebüchens usdänke muess für e Ufmerksamkeit).
Das „Package“ Ding ghört au zu dem wo ich mit Ustuusch gmeint han. Logisch red ich drbii nöd pro blabla mit em Chinositznachbar oder contra Ustuusch dihei ufem Sofa.
Ich mein, dass me sich au mal physisch vo A nach B bewegt, will bi B gitts Wertschätzig vo Liebhaber, wo me sich ustuusche, berate, informiere oder ebe nöisle und grüble chan. Und Verpackige bzw s'Medium an sich und d'Covers drzue aluegt und schätzt. Und e Platte chauft obwohl eim nume 6 vo 10 Songs sofort gfalled und me sich drbii au nöd i sire Konsumäntefreiheit bevormundet vorchunnt. Me wändet sogar die eiget unfassbar wärtvolli Ziit und Energie drfür uf. Wenn sich für eim die ganz Unterhaltigsindustrie nur uf Abelade und Mediamäret ufteilt, isch eim das frömd und glaubt ernschthaft, im 2011 konsumiert me numeno digital will s'isch ebe 2011. Idiotie #4.
Und no zu Chino suxx ass, ok fair. Jedem sini Vorliebe, keis Problem. Ich han ersch Müeh drmit, wenn de Konsumänt us dere persönliche Sichtwiis dihei ufem Sofa mit verschränkte Arm druf warted bzw verlangt, dass d'“Industrie“ (wo komischerwiis aber nie nööcher definert wird) eim gfälligscht e Lösig zbüüte hett. Die Egozentrik suxx mötsch bigger ass.
Ah nowas, regionali Release Dates händ im Übrige vilech amigs au en nahvollziehbare Grund wenn da x-verschiedeni Inträssegruppe involviert sind. Was söll ich mich da ufrege? Isch mir doch gliich, wenn en Film suschwo paar Mönet früehner is Chino chunnt. Release Date werded irgendwänn vo irgendöpperem bestumme. Ich han dänn weder es Rächt no en Grund, de Film au sofort z'gseh. Uf es regionals früehners Datum suschwo anders han kän Iifluss, sitz ich jetz aso da und mühühühühe will ich de Film jetz aber au da hie sofort gseehehehehe wiihihihiiilll!!!??? Me chönnt ja au froh sii dass irgendöpper irgendwo irgendwänn überhaupt wiedermal en Film gmacht hett, wo me gseh will. Aber das isch türli e total kreisi Ussag.
Beige bis an Bach abe isch das alles. B-E-I-G-E! De Billy gitt mir ganz sicher hundertpro Rächt.
Chönnd dänn bim nöchschte Fondue wiiter drüber rede.
