Diablo IV

[Buccaneer]

Achtung Ribbitpost:

Bö weiss nid.
Aber sones Game läbt vom Endgame oder nid? Und da müsst mer halt zwe drü Optione meh büte.
Uf MMO hani au kei Bock. Heds ja eigentlich nid. De MMO Part isch so unterwältigend, de hettsch eifach chönne n "Schnellsuche" oder so mache. Warum die meiste das hassed: DDos attacke und chasch mehreri Stunde etc nid spiele, obwohl ja en "Singleplayer" Version durchus wür Sinn mache. Mir letschmal passiert. Sunntig, extra chli umeorganisiert damit i paar Stunde chan zocke: Bämm. Server down. Gejammer uf höchem Niveau. Aber ich bin nüm Schüeler wo x Stunde Zyt hed.

Ohni Erfahrige i dem Buisiness wür ich ez eifach mal folgendes vorschlah:

- Günstiger mache zum respece. De wür mer länger dranneblibe und mehreri Builds usprobiere.
Han jetzt n neue Necro gmacht und han viel meh Spass als vorher. Aber das isch so "intensiv" gsi, dass i nid gad Bock han, no en witere Build z bastle.
- Endgame Cosmetics - Warum nid n Spezialwährig mache womer nur dur Endgamecontent bechunnt und de mit chan mer "nur" Cosmetics chaufe. Transmog oder wie das heisst.
- gaaaanz viel Quality of Life Verbesserige bruchts. Zum Glück chömmed gwüssi mit Season 1. langed aber no nid...

- Meh Endgameaktivtäte:
- z.B. die Gebiet womer hed chönne befreie mit eme Twist recycle oder so. Chlini Storybits ibaue oder öppis.
- Spannendi Sidequests. Die meiste sind absolte Müll. Drunder hettis paar ganz wenig gueti gha, die hani aber meh oder weniger übersehe, well 90% so scheisse sind, dass i eifach alles nur grushed bin. Es hetti gwüssi Sideqeust-Chettine gäh. Aber dass i einere drin bin wo spannend wär, hani immer erst scho gmerkt, woni scho fast fertig gsi bin... Min Fähler oder Gamedesign fähler? Beides wahrschindli.
- Festige zum inäh
- Housing
- Pets wo nur kosmetisch sind
- Fraktione: Chile vs. Druide odr so
- Viel meh Chisteplätz. (Gwüssi Spieler hend jenstes witeri Chars erstellt, nur zum die als Mules z verwände, wells z wenig Platz für de ganz Shit gitt.)
- Komische Gear hett mer sölle apasse. Gear levled komisch. Es gitt Grücht, das es hetti sölle 5 Wältstuffe gäh und mer sich chruzfristig für 4 entschiede hed, aber de Gear nüm hed chönne apasse und drum gitts chli en komische Gap.
- Challenge-Belohnige. Wenn mer e langwiligi Herusforderig abschlüsst wie XX.XXX.XXX.XXX Spinne kille, bechunnt mer nur n blöde Titel und jetzt laufed Mongos ume mit eme Titel wie: gefeierte Magd oder ähnlichem scheiss. Gib Gäld, Aspäkt oder sust öppis.
- Meh und anderi Dungeonboss und die chli mit bessere Mechanike. Die meistes "schmelzed" i wenige Sekunde.
- Gwüssi Dungeon- und Bossmechanike a la Destinyraids womer paar Sache muss mache... Liechtchugle innere gwüse Reihefolg aktiviere oder sowas halt. Oder Platformer elemänt.

blabla etc. pp.

[thaeye]

hey du häsch dir ja richtig gedanke gmacht zu dem spiel

[Buccaneer]

UND ICH WIRD NID MAL ZAHLT DEFÜR!

[Bejita]

[The Sheep]

Titel us zwei kombinierbare Wörter. was füre Kackidee

Findes no frisch wie detailliert sie die ganze Rüschtige und Waffe designed händ. Dumm halt, dassmer si nume bim iloge gseht. Im Spiel sälber isch alles so popelig chlei, dasses Perle vord Säu gworfe isch. Genauso d'Mounts.

[Buccaneer]

Stimmt. Es gid rächt geili Rüstige etc. Aber spielt ingame praktisch kei Rolle. Darum find is lustig, dass Rüstige im Shop so hert übertüred sind.

[Buccaneer]

Hei super News! Mit em gestrige riesige Pre-Season Patch hend no meh Fun chönne nerve!
Bravo!

Erinnered mi chli a Borderlands 3. Das hani damals relativ schnell ghört spiele, well immer wenn i en neu Build gha han, wo funktioniert, hends s Game so starch patched, das i wieder han chönne vo vore afa...

Sehr viel beschissni changes jetzt cho. De bescht isch de:
Wenn mer Gägner agrifft wo n Lvl höcher sind heds soviel meh EXP gäh:

+1 Lvl gitt +15% EXP
+2 Lvl gitt +20% EXP
+3 Lvl gitt +25% EXP

jetzt:
+1 Lvl gitt +1.5% EXP
+2 Lvl gitt +3% EXP
+3 Lvl gitt +15% EXP

[Moff]

ischmer au ned klar, was sie wend bewürke. meh spass machts spiel uf jede fall ned dur de patch

[Buccaneer]

Bravo Blizzard!
Zerst alles nerve u ez chamer nid spiele zum Seasonstart! Ganz grosses Kino

[Master(G)]

ha ghört sie ruederet scho zrugg

[Buccaneer]

Klar. Die hend gad chli n shitstorm usglöst!
Ez gad wär rogue am beste, zauberer am schletischte für season 1. Bis d season aber fertig isch, wird das no x mal ändere... Crazy

[Parisienne]

blizzard isch katastroph worde
het mer ja bi overwatch "2" au gseh, wo sii efach plötzlich announced händ, pve sig jetzt gstriche.
und jetzt glaub plötzli gli wieder wägem shitstorm

zuesätzlich isch mini befürchtig iträte - season 1 isch 0 interessant, isch genau sgliche. die neue uniques sind lame asf
es jahr warte und denn wieder mal ineluege.

[Master(G)]

wemmer uf de "activate premium" button klickt wird grad sofort abgrächnet.
ned mal en bestätigungs nachricht chunt. du klicksch us versehe dette druuf, hesch grad sofort chole usgäh.

[Buccaneer]

Modern Gaming!

[Buccaneer]

Es isch schochli schad. Es chunnt mer vor, als wär mer innere BETA und de Entwickler weiss aber nid, genau woner anewott.
Nerv, Buff, Nerv, Nerv, Nerv, Buff etc.

Sie hend welle: Weniger EXP, defür meh Gägner was sich usglicht. Wie möched sis?
Zerst mal weniger EXP, d Meh Gägner münnds zerst no implementiere. lol
Mach beides zäme, oder zerst s positive und denn s negative aber scheiss egal wies machsch: Erklärs doch eifach vorher und nid nachher, wenn all hässig sind. Das heisst uf neudeutsch: Change Management ihr Homos.

Biz Season 1 gspielt und es isch wie mit side quests: Es isch so lahm, bin nur de Dialog am skippe zum go umeprügle... Macht mi gar nid a...

[feeshlee]

blizzard isch katastroph worde
het mer ja bi overwatch "2" au gseh, wo sii efach plötzlich announced händ, pve sig jetzt gstriche.
und jetzt glaub plötzli gli wieder wägem shitstorm

soviel ich weiss, isch pve di einzig begründig für ow2 gsi. sind glaubs nöd wenig hässig gsi, wo dänn pve gstriche worde isch.

[Buccaneer]

Viellicht wiedr n blick wärt..S4 macht schinbar einiges richtig.

[Moff]

s'spiel isch ziemlich verbesseret wurde im letschte jahr, aber wennmer ned sowieso agfresse isch chamer grad so guet uf d'expansion warte

[Master(G)]

Vessel of Hatred erschiint am 8. Oktober.

Trailer und Infos:
https://www.thegnet.org/post/diablo-iv- ... -8-oktober

[Buccaneer]

Hamer überleid, mal wieder en Rundi zocke. Kampagne oder sust was. Wär öpper debi?
Oder sind ez all uf Path of Exile 2 umgstiege?

[thaeye]

PoE 2 macht diablo jetzt völlig kaputt

[Buccaneer]

Öppe scho.
Aber mer hed kei charakter customisation und das regt mi uf.
Und es sigi free to play. Aber erst bim release i 6 mpnet.
Ez musch zahle zum early access spiele? Hupets?

[Moff]

im moment spielt sicher jede poe2, aber ich denke es chömed gnueg zrugg zu d4 mit de neue season, normal
poe2 macht einiges ganz klar besser, paar sache machds andersch und das wird d4 klientel störe, itemisierig zB isch unglaublich grindig und bestrafend.

[thaeye]

poe2 isch sauhärt, diablo es bubispiel degege. ja huere grind isches und glaubs gester haends endlich de loot chli verbesseret.

[Moff]

poe2 het au paar bubi builds gha, sind grad gnerft wurde, findi guet

de loot findi katastrophe i dem game, aber glaube poe fans liebed das so, wird sich ned gross ändere