The(G)Forum

Master(G) hat geschrieben:

The reviewer completed each chapter in the following times:

A New Beginning - 6:44
Evacuation Orders - 21:23
Pyrrhus Evac - 33:18
Six Months On - 36:39
Icy Incursion - 50:59
Stahl Arms Infiltration - 29:03
Scrapyard Shortcut - 34:43
The Reckoning - 33:17
Interception - 27:18

That makes a grand total of four hours, 33 minutes and 40 seconds of campaign gameplay. As noted by the BBFC, Killzone 3 also includes 70 minutes of cut scenes, which would bring the full campaign experience up to five hours and 40 minutes.

Isch dämfau kouft! Das Spiuprinzip isch grundsätzlech nach 3h erschöpft

evo hat geschrieben:also ME isch öppe zu 25% RPG und zu 75% geshootere.

eher 5% zu 95%.

ab hüt isch für PS Plus abonänte d single player demo erhältlich!

Sony PlayStation
If you're a PlayStation Plus subscriber, then you can download Stacking and a new Killzone 3 single player demo for no extra charge today.

han kei ps-plus.... :-/

O_O hat geschrieben:

evo hat geschrieben:also ME isch öppe zu 25% RPG und zu 75% geshootere.

eher 5% zu 95%.

chum iz. s git huufe dialog, me het e party und stats uf de items

sagemer 17/83

Master(G) hat geschrieben:

zwirrlibatz hat geschrieben:12-20 stund sind abgseh drvo au nüt für rpgs und äktschnadventschrs. aber hey s'chlepft und tätscht.

evo hat geschrieben:wilsch aber nit abstrite dass t längi vo de games MASSIV abgno het?

zwirrlibatz hat geschrieben:ah das sind peng peng spili. nöd gwüsst sorry gäll.

evo hat geschrieben:also ME isch öppe zu 25% RPG und zu 75% geshootere.

wtf

evo hat geschrieben:

O_O hat geschrieben:

evo hat geschrieben:also ME isch öppe zu 25% RPG und zu 75% geshootere.

eher 5% zu 95%.

chum iz. s git huufe dialog, me het e party und stats uf de items

sagemer 17/83

Wie im andere Topic scho gseit: 75% Shooter und 25% *Dating-Sim*

Han mir chürzlich grad s'Icewind Dale 2 uf Good old Games gkauft. Das isch es RPG. Mass Effect hätt da demit grad gar nüt meh z'tue.

Ha leider ou kei ps-plus.
Egal ha ja eh scho lang Helghast edition vorbstellt.

Andy hat geschrieben:Ha leider ou kei ps-plus.
Egal ha ja eh scho lang Helghast edition vorbstellt.

helghast edition

Gurgelhals hat geschrieben: Das isch es RPG.

kasch mer verzelle wasd wotsch aber ME het eidütig RPG elemänt dinne. natürlich isches in erschter linie e shooter. aber e shooter mit RPG elemänt wo übers übliche "charakter wird mit dr ziit stärker" hinus goht.

und icewind dale (ha nur s 1 duregspielt) isch also au eher flach wemems direkt mitem balduran sim toor verglicht.
änderet natürli nüt dra dasses, in der tat, es RPG isch.

evo hat geschrieben:

Gurgelhals hat geschrieben: Das isch es RPG.

kasch mer verzelle wasd wotsch aber ME het eidütig RPG elemänt dinne. natürlich isches in erschter linie e shooter. aber e shooter mit RPG elemänt wo übers übliche "charakter wird mit dr ziit stärker" hinus goht.

De Punkt isch dä: Wänn das, was Mass Effect büütet, als RPG duregaht, dänn chan me au jedi Dating Sim als RPG bezeichne. Irgendwo mues me d'Gränze setze, susch verlüüred all die Genrebegriff ihren Sinn. D'Tatsach, dass s'ME2 überall i de Kategorie RPG ufgfüehrt wird, bedüütet weder dass es es RPG isch, no dass sich halt s'Genre mit de Ziit veränderet hätt. Es bedüütet schlicht und eifach, dass d'Mehrheit vo de Lüüt (bzw. vo de Undermänsche namens "Videospieljournalischte") total unfähig sind, Begriff präzis und gezielt z'verwände.

und icewind dale (ha nur s 1 duregspielt) isch also au eher flach wemems direkt mitem balduran sim toor verglicht.
änderet natürli nüt dra dasses, in der tat, es RPG isch.

Icewind Dale isch flach, wänn me es Baldurs Gate erwartet. De Fähler han ich damals bim erste Teil au gmacht und bin ebefalls entüüscht gsi. Sobald me aber begriffe hätt, dass es keis Baldurs Gate, sondern meh en Old School-Dungeoncrawler isch (de Spieler setzt die ganzi Party sälber zäme und isch debi üsserscht frei, es extrem kampflaschtig und es setzt sehr viel strategischi und taktischi Planig vorus), dänn wird's super. De zweiti Teil isch dänn au no besser und abwächsligsriicher.

ME isch keis RPG.
es isch es Action-RPG.
Grosse Unterschied!

Falsch.

Baldurs Gate isch es RPG. Neverwinter Nights isch es RPG. Icewind Dale isch es RPG.
Fallout New Vegas isch es Action RPG. The Witcher isch es Action RPG. Gothic I & II sind Action RPGs. Morrowind isch es Action RPG.

Uf däre Skala isch Mass Effect en Action Shooter. Es hätt es paar seichti RPG-Element als Garnitur, aber die händ niemals d'Spieltüüfi vo richtige Action-RPGs und sind drum vernachlässigbar. Wänn me's a dene Element misst, dänn qualifiziered sich Zeldas und Okamis und s'Super Paper Mario und Dating Sims au als RPG. S'richtige Hybrid-Genre wär wännscho "Action Shooter/Adventure".

Gurgelhals hat geschrieben:.

Es spielt doch überhaupt kei rolle wie sälbsternannti videospieljurnalischte oder süschtigi media märt regal ihrumer s genre vo ME deffiniere. wenn mich öper frogt wie sich ME spielt oder wases füre genre isch denn blibi bi dere ussag: shooter mit liichte RPG elemänt.

ich ha s icewind 1 übrigens superb gfunde.

du tuesch eifach s westliche RPG us de spoote 90er/früene 00er als standard für s ganze genre setze. final fantasy 1 isch denn im pfall au es RPG

evo hat geschrieben:Es spielt doch überhaupt kei rolle wie sälbsternannti videospieljurnalischte oder süschtigi media märt regal ihrumer s genre vo ME deffiniere.

Ich han e grundsätzlichi Allergie uf schluddrigi Begriffsverwändige, egal öb i Politik, Wüsseschaft oder bi Videospieli. Es erschwärt d'Kommunikation und wird oft au gezielt mit niedere Absichte brucht zum irgendöppis z'vernäble. De Umgang mit em Begriff 'RPG' isch genau so en Fall. Er wird ja (vo de Industrie, vo de Journis und vo de Spieler sälber) i de Regle genau nöd eifach als neutrali Kategorie brucht, sondern zum a eme Spieli no en bsunders edle Aastrich z'gäh. RPG = Spieltüüfi = meh/besser/grösser. "Obacht, es isch nöd eifach en debile Shooter. Es isch es Action-RPG." Usw. Isch so chli wie de Begriff "liberal" i de Politik. Irgendwie positiv konnotiert, drum bruched en alli irgendwie und das möglichst schwammig und unklar.

Mini Definition vom (West-)RPG basiert nöd nume uf de PC-Spieli vo de spaate 90er / früehne 00er, sondern uf em klassische West-RPG wie's damals scho i de früehne 80er mit Ultima, Wizardry & Co. entstande isch. Da gitt's e klari Traditionslinie, wo sich vo de Afangsjahr i de 80er über d'Gold Box-Reihe um 1990 ume, die ganze 1st Person Sache us de früehne 90er wie Eye of the Beholder bis zu eme Baldurs Gate 2, zu eme Neverwinter Nights 2, au zu eme Dragon Age erstreckt. Die Spieli underscheidet sich zwar starch i Details (und im Schwierigkeitsgrad und de Benutzerfründlichkeit), aber teiled sich aber doch im Wesentliche s'Spielprinzip. Und das chan me vo vielem, wo hütt husch husch als RPG bezeichnet wird, schlicht und eifach nöd behaupte.

ja, Action-RPG isch eidütig dick uftreit. Aber du darfsch dr begriff RPG ebbe nit nur ufd spieltiefi bezie. wie obe vo mir beschribe sin erfahrigspünkt/lvl ups, party mit wächselnde charaktere, items mit stats, viel dialog etz. elemänt wone spiel als RPG (mit)deffiniere. wemmes massferkler mit em ganze andere current-gen br0nz vergliicht wo RPG elemänt verspricht denn darf me'nem de "titel" also au e klei weneli zuegestoh. in ME isch galso ganz klar mehr RPG din als imne bioshock, oder finsch nit?

Bioshock isch en Shooter, da chämt mir nöd asatzwiis in Sinn, da irgendwie d'Bezeichnig RPG inezwürge

De Punkt isch doch aber de, dass sich RPGs zmindescht indirekt genau über d'Spieltüüfi definiered. I eme 'richtige' RPG gitt's spieled Dutzendi vo verschiedene Faktore e wichtigi Rolle im Spielprinzip: E grossi, offeni Spielwelt, Charaktererstellig, Charakterentwicklig, Party- & Inventar-Management, Magiesystem, Kampfsystem, Dialogsystem, Quests, die grossi Spielwält, Erfahrigspünkt, Hit Dice, Saving Throws undundund. I eme richtige RPG spieled die Faktore und meh alli e relevanti Rolle und drum wird's au schnäll mal aspruchsvoll. Ich merk's jetzt grad wieder im Icewind Dale. Und ich han au keis Problem iizgestah, dass mir Sache wie Wizardry i däre Beziehig z'hardcore sind.

Im Mass Effect isch das ja alles wie gseit erschtens nume sehr seicht vorhande und zweitens nume Dekoration, will me au mit Ballere ganz guet durechunnt. Churz gseit: keis relevants Gameplay-Element, drum söll me i dem Zämehang au nöd vo RPG rede. Bim ME2 natürlich no weniger als bim ME1. Natürlich isch es e graduelli Skala vom Dummbatzshooter zum ultrahardcore old school-RPG us graue PC-Vorziite. Call of Möngi isch z'underscht und dänn chunnt Bioshock und dänn Mass Effect. Irgendwo sött me dänn uf däre Skala eifach e klari Gränze setze und ich argumentier eigentlich nume, dass es unvernünftig und unlogisch isch, de Gränze derart tüüf azsetze, dass es Mass Effect plötzlich als (Action-)RPG duregaht.

Gurgelhals hat geschrieben:Bioshock isch en Shooter, da chämt mir nöd asatzwiis in Sinn, da irgendwie d'Bezeichnig RPG inezwürge

du trüllschs dr scho immer zrächt. jez hani doch gmeint es goht drum wie es spiel in de "medie" darglegt wird und nit um die persönlichi ihstuefig?

wikipedia:
BioShock ist ein Computerspiel von 2K Games für PC, Xbox 360 und PlayStation 3. Der Titel ist dem Ego-Shooter-Genre zuzuordnen, enthält aber auch Elemente aus Rollenspielen und Survival Horror.

ich bi jo absolut diner meinig dasses nit als RPG dagstellt wärde sött. aber du stritisch em spiel quasi jegliche bezug zum RPG genre ab. das find ich nit sehr nätt dos miner bescheidene meinig noch doch eher eins vo de bessere päng bum coole type spiel isch.

bonusinfo: ich bezie mi usschliesslich uf ME1, 2er no nit gspielt.

also ME1 isch 100x meh es rpg als s 2.

meinsch t bonusinfo wär scho früener abrocht gsi

ja. im ME2 hends me oder weniger alli verblibende RPG sache usegstriche.

fräch aber nit witer verwunderlich. dr gänig hardcore-gamer™ het sich sicher überfordert gfühlt.

evo hat geschrieben:du trüllschs dr scho immer zrächt. jez hani doch gmeint es goht drum wie es spiel in de "medie" darglegt wird und nit um die persönlichi ihstuefig?
wikipedia:
BioShock ist ein Computerspiel von 2K Games für PC, Xbox 360 und PlayStation 3. Der Titel ist dem Ego-Shooter-Genre zuzuordnen, enthält aber auch Elemente aus Rollenspielen und Survival Horror.

Da tuen ich nöd zrächttrülle, mir isch tatäschlich nöd bewusst gsi, dass es Lüüt gitt, wo im Bioshock alfälligi RPG-Element als erwähnenswerti d.h. relevanti Teil vom Spiel erchänned. Isch ja au keis Wunder, es isch schliesslich e derart abstruusi Vorstellig...

Aber im Grund gno bewiist das nume min Punkt: Sobald es Spieli chli meh büütet als nume d'Standardelement vom jewiilige Genre, sind das dänn halt automatisch RPG-Element. Mass Effect isch RPG will me halt zwüschet em ballere au no chli mit de Lüüt tuet rede; Bioshock isch RPG, will me... ja, werum eigentlich? Usw. Es isch e total sinnfreii & inflationäri Verwändig vom Begriff. Viel sinnvoller und präziser wär doch z'säge: Bioshock isch en Ego-Shooter, aber halt mit ere chli komplexere Spielmechanik als Call of Duty. Mass Effect au: En chli vielsiitigere Action-Shooter. Usw. Dass es eis vo de bessere krachbummpäng Spieli isch, dass bestriit ich ja au gar nöd, ich chan die Spieli schliesslich spiele, ohni dass es mich debi tuet eekle Aber ebe: "eis vo de bessere" = "eis vo de bessere". Nöd: "eis vo de bessere" = "Shooter-RPG".

Mir gaht's ja eigentlich nume drum z'betone, dass me so Grundbegriff entweder ganz präzis bruuche söll oder gar nöd. Wänn en Begriff halt nöd passt, dänn beschriibt me d'Sach eifach in ere allgemeine Sprach (und schafft sich i dem Prozäss dänn viellicht en eigene, neue Begriff wo passt). Aber für das sind dänn wahrschinlich die Herre Videospieljournalischte scho überforderet. Schubladisiere isch eifacher, au wänn's viellicht gar kei passendi Schublade gitt