Mouschs Mac Mania

[geosnow]

mer chan bi apple d cömpis nach erhalt 30 täg lang teschte und denn zrugggäh, wenns eim nöd passt. chole chunsch de ganz zrugg über.

[TypeJ]

de neu mac mini isch defür megen!
billigscht kauft, ssd ine, 16 gig ram ine! flutscht wiene moore

[geosnow]

und in es paar jahr chunsch de faltbar screen dezue über. denn hät au das zügs ide schublade platz

[Shadow]

@Mousch: jetzt nimm aber bim neue Laptop grad 16GB, das lohnt sich extrem will ja du genau viel Film etc schniide wetsch.

häsch nomal Glück gha lol

[mousch]

mer chan bi apple d cömpis nach erhalt 30 täg lang teschte und denn zrugggäh, wenns eim nöd passt. chole chunsch de ganz zrugg über.

Gilt aber nid für Generalüberholti Grät.

@Shädel: Du Arsch!! Iz überlegi mrs würklech no.... Vor paar Jahr hädi mi kläpft wenni mi hüt würd gse...fasch 3k fürnes huere Spielzüg usgä.... :typej:

[mousch]

Ajo, i finde imfall de Retinler nidmau soo übertürt im verglich zude 08/15 Powerbooks wod susch chasch chaufe.

Ds Flagschiff vo Lenovo (ThinkPad T530, i7 3820QM, 15.6" HD) choscht auf fasch 2 Tonne und hesch im verglich zum Macbook halb sovil SSD, schlechters Display, weniger Software und schlechters und schwerers Design. Für das chame guet chli meh usgä wieni finde...

[TypeJ]

nimm 16gig, osx dankt der das mit massiv me speed!

[mousch]

Holy moly!! No 561.- für min 18 Mönet alte Mac Mini becho uf Ricardler...

Die Dinger verlüre anschinend extrem langsam an Wert...

[randy]

Die Dinger verlüre anschinend extrem langsam an Wert...

:breaklingnews:

15" Retina mit 16GB Ram und 512er SSD on the way

[Tatsujin]

[Acid]

Hani au no niä Begriffä werum Lüt bi Apple für es alts bruchts Grät fascht soviel zahled wiä für neui... aber logisch, für Lüt wo ihres Züg verchaufed ischs guet so.

[geosnow]

isch apple und nöd benQ oder sus was. s mac book us em aluchlotz isch eifach guet verarbeitet, für das zahled d lüt meh. das zügs isch eifach wertiger.

[Acid]

Also mis Mac Book würdi definitiv nid für fascht Neupriis chaufä, Alu hi oder her... :ugly:

S Neuä Mac Book isch au wertig, isch aber nid scho weis ich wiä vil Stundä im Isatz gsi (nur wills imene Alu Chlotz isch, sind d Componente no lang nid unzerstörbar und gege Abnutzig unafällig), evtl. sogar umägheit, und d Inerreiä sind au Leischtigsmässig sehr vill aktueller, laufed schneller usw.

Dassmer es bruchts Mac Book, wo villicht nur ufem Tisch gstandä isch, nid für es znüni Brot überchund lüchtetmer scho no i, ich persönlich würd für en Altä Computer, Mac Book oder anders, aber niä und nimmer fascht de Priis zahlä wonimer au diä aktuell Version im Neuzustand chönt chaufä.

Aber hej... jedem das seine, ich verstand nur s Phänomen nid ganz, wills i minä Augä eifach keinerlei Sinn ergid, das isch alles. (und natürlich isches chli schad, will öper mit funktionierendem Hirni drum bi Apple kei Ocassion chan chaufä. )

[geosnow]

es zahlt au niemerd de neupris. ich han für mis 20 monat alti macbook no 50% vom istand übercho uf ricardo. bzw. so alti HW verchaufeds gar nümme.

[O_O]

isch apple und nöd benQ oder sus was. s mac book us em aluchlotz isch eifach guet verarbeitet, für das zahled d lüt meh. das zügs isch eifach wertiger.

Das het leider mim Air gfotz niemmer mitteilt.

[geosnow]

wiä bitte?

[mousch]

So, han iz doch no es Ufgfrischts kaufts, 2 Tag nach de neue Books sin d Priise nomol krass abe.

Han iz für de 15 zoll Retinler 2.6 Ghz, 16 Gb Ram 2469.- zahlt, mega Priis IMO!

paar Tag zuvor hed me no 2690.- zahlt mit nur 8 GB Ram.

Glaub weg dem 0.1 GHz weniger Prozessor ischs nid so tragisch.

[feeshlee]

ha neulich min 16GB USB stick mit NTFS Filesystem MacPro gsteckt und welle date uf d'platte kopiere: chunt das zeiche ( \ ).
ha dä glich USB stick in sony digitale foti-rahme gsteckt: chunt die mäldig: incompatible USB stick.

bi rächt baff gsi, dass mer dä sony foti-rahme meh uskunft git, was nöd tuet, als son mac.
was macht son mac-benutzer, wänn was nöd gaht? tuet er eifach mit dä schultere zucke und läbt demit?

[geosnow]

8gb ram isch mega tür, das isch sooo dumm vo apple so türs ram izbaue.

[Uriel]

ha neulich min 16GB USB stick mit NTFS Filesystem MacPro gsteckt und welle date uf d'platte kopiere: chunt das zeiche ( \ ).
ha dä glich USB stick in sony digitale foti-rahme gsteckt: chunt die mäldig: incompatible USB stick.

bi rächt baff gsi, dass mer dä sony foti-rahme meh uskunft git, was nöd tuet, als son mac.
was macht son mac-benutzer, wänn was nöd gaht? tuet er eifach mit dä schultere zucke und läbt demit?

Normalerwiis chunnt e Meldig, dass dr Stick nüd lesbar isch. Denn hesch d Option, das ds ignoriere, dr Stick ds formatiere etc.

[feeshlee]

s'interessante isch, dass dä stick läsbar gsi isch: han ja d'files per drag'n'drop welle ufne folder uf d'platte zieh. det isch dänn s'verbot-symbol cho.

[Gurgelhals]

NTFS isch afaik under neuere OS X-Versione läsbar, aber schriibe chasch nöd. Ussert mit 3rd Party Software.

[Uriel]

Genau aber d Fehlermeldig isch weg dem trotzdem nüd normal.

[feeshlee]

Genau aber d Fehlermeldig isch weg dem trotzdem nüd normal.

du meinsch, d'tatsach, dass eini fählt, isch nöd normal?
was für filesystem gönd ufem mac, wo files grösser als 2GB unterstützt sind?

[Gurgelhals]

Näbed HFS+? Einersiits FAT32 und für Dateie >4Gbyte sitt OS 10.6 exFAT.