Dishonored

[Moff]

findi iets halb so wild, ich han mich gfreut a dene tutorials. isch doch schön wemer de generation call of duty bibringt wie schön spili si chönd
und zu de klassiker, jänu, selbst wenn die aktuelle (spiritielle) nachfolger die nöd erreiched, isch das kein grund kei freud a dene zha, deus ex wird schliesslich vo villne als beschts spiel aller zite agseh und 100 jahr lang das spiele wär au chli langwilig, da dörfs also au mal s'zweitbeschte spiili si

zumal ich finde, dass grad human revolution und au dishonoered i paarne aspekt (nör nur grafik) de klassiker s'wasser meh als nur reiche chönd, i ander aspekt derför nöd. aber ebe, müends au nöd.

[geosnow]

wiä lang gahts?

[O_O]

Die Kickstarter-Spieli chönd jedefalls nöd schnäll gnueg cho...

ich bin mitbsitzer vomne Inn im neue obsidian spil

[Moff]

wie nenneder sie?

[O_O]

wird no besproche. me weiss no gar nis wie viil mitsprache recht mer hät.

[Moff]

für foiftusig stutz chamer sicher en freie name geh, oder? within reason gmäss de beschriebig, logisch. wie vill sinder wo das pledged händ?

[h4xX0r]

ich finds aso au recht super und gar nöd soo blöd. viellicht chli eifach stellewiis. wenn halt es tüürs spiel machsch muesch es uf die eint oder ander art chli masseverträglich mache. han mich uf all fäll nie gnervt debi oder was bsunders dumm gfunde. das bildli isch doch egal, öpper wo mit CoD uufwachst schnallts halt eifach nöd, da isch aber nöd Dishonored gschuld sondern die reschtlich industrie. und bis zumene gwüsse mass d'eltere lol.

[O_O]

für foiftusig stutz chamer sicher en freie name geh, oder? within reason gmäss de beschriebig, logisch. wie vill sinder wo das pledged händ?

einigi

http://www.neogaf.com/forum/showthread.php?p=43200116" onclick="window.open(this.href);return false;

[Gurgelhals]

findi iets halb so wild, ich han mich gfreut a dene tutorials. isch doch schön wemer de generation call of duty bibringt wie schön spili si chönd
und zu de klassiker, jänu, selbst wenn die aktuelle (spiritielle) nachfolger die nöd erreiched, isch das kein grund kei freud a dene zha, deus ex wird schliesslich vo villne als beschts spiel aller zite agseh und 100 jahr lang das spiele wär au chli langwilig, da dörfs also au mal s'zweitbeschte spiili si

zumal ich finde, dass grad human revolution und au dishonoered i paarne aspekt (nör nur grafik) de klassiker s'wasser meh als nur reiche chönd, i ander aspekt derför nöd. aber ebe, müends au nöd.

Mir isch es eifach Gameplay-technisch echli z'wenig konsequent. Uf Neogaf hätt's eine no guet uf de Punkt bracht:

You can look at Dishonored as a game about taking many keys and opening many locks, much like Deus Ex or Hitman. However it is also a game which immediately gives you a magic key that opens every one those locks.

S'Schöne am Deus Ex, Thief oder Hitman isch gsi, dass eim s'Spieli immer nume es paar Schlüssel für es paar Türe i d'Hand gäh hätt und me als Spieler hätt müese de beschtmöglichi Wäg dur en Level finde, wo potentiell völlig offe, i de Praxis dänn aber je nach dem sehr starch begränzt gsi isch. S'Dishonored macht das nöd, sondern behandlet d'Levels meh wie en Spielplatz: Du häsch so und so viel Lösigsmöglichkeite und jedi devo staht dir prinzipiell jederziit offe. Das isch nett, aber nöd würklich e Herusforderig. Und grad bi dem Aspekt tritt halt - au wänn s'Spiel susch e positivi Überraschig isch - glich wieder d'"press X to win" und d'"eifach zurgglähne und gnüsse"-Mentalität in Erschiinig. Da brücht's eifach mal e konsequenti Dosis Miyamoto: Straffs und unbeliebigs Gameplay; de Muet, dass s'Spieli am Spieler au mal klipp und klar seit: "Nei, das gaht jetzt nöd, die Türe bliibt zue, für de Wäg hettsch du din Charakter müese anders skille."

Ah ja, und d'Qualität vom Leveldesign schwankt au sehr starch. Mission 2 isch bis jetzt mit Abstand am beschte gsi, s'Hauptquartier vo de Inquisition isch super was verschiedeni Lösigsmöglichkeite betrifft. Mission 4 isch hingäge extrem schwach gsi. Langwiilig, fast vollständig linear und total beliebig was d'Lösigsmöglichkeite betrifft. Wiiter bin ich nonig, hoffe, es chunnt dänn wieder besser.

PS: Isch no krass: Deus Ex & Co. sind über 10 Jahr alt und jetzt - efäng jetzt - isch es offebar wieder möglich, dass die einte oder andere verglichbare Spieli gmacht wärded, allerdings dänn nume in ere Spielplatz-Variante. Wänn me's sich mal so vor Auge füehrt, sind die letschte 10 Jahr us entwickligsgschichtlicher Sicht würklich total für d'Füchs gsi.

[Moff]

ja guet. bits skille mumer ja scho, de teil isch sicher simpler als im deus ex, aber nöd simpler als im thief oder hitman. i dene games chamer nüt skille und het gnauso alli türe immer offe, ich verstahne nöd was er meint wenn er seit, dass hitman (und thief) i dem bezug mit de "keys" irgendwas besser mached als dishonored. deus ex scho, aber dasch es ganz anders niveau vo aspruch und komplexität. und wie gseit, ned jedes game muess es deus ex si.

s'einzig was a dishonored chli andersch isch, isch dass die verschiedene weg nod eso eidütig sind. es git zB ned eifach ein lüftigskanal hinde ine, sondern en wirrwarr vomene dutzend rattetunnel womer dure chan. oder nöd nur es rohr womer obe drüber chan sondern au na en balkon und en feischtersims womer obe dure chan. söttig sache. ich find das guet, es würkt dur das feier und weniger forciert, mer chan au liechter mehreri "keys" kombiniere, eventuell gits dur das es "spielplatz" feeling, ich finds aber nöd schlecht, gar nöd.

natürlich isch das game nöd perfekt und wärs völlig überhypt statt en chline underdog würd ich sicher andersch drüber rede, aber es macht eifach sehr vill sehr guet, nöd nur für hütigi verhältnis. au wenn paar sache blöd sind. gar ned gfalltmer zB das ganze questmarker system, bsunders tumm sogar wennmers herz benutzt (wo an und für sich unfassbar super isch das teil, mer chans übrigens au uf all persone richte und lose).
und vor allem dasses relativ schnell sehr sehr eifach wird, sogar uf very hard, blink isch eifach vill z'starch, vor allem mit dark vision zäme gits chum herusforderige.


und es chömed na besseri und schlechteri missione als die 4t, die schlimmscht chunnt na

[zwirrlibatz]

pcgamer: http://www.pcgamer.com/review/dishonored-review/" onclick="window.open(this.href);return false;

Schiint das Spieli zsii wo ich sit em Stalker druf warte. Eis wo eim inenimmt ine riich duredesignti und faszinierendi Wält, wo me amigs au nume drin umewanderet ohni sich um sowas wie Gameplay und suschtig überbewertete Schischi z'kümmere.

Wart, i machders churz kaputt!

Es isch super!

Natürlich isch es super! Bi Arkane schafft de Michael Farnsworth Jr am Empfang, dä hett scho für Rising Star Games zueverlässig d'Poscht verteilt und isch dä iighürotet Halbcousin vo dä Hitomi Iishi, wo 1988 schteihert 24/7 Kassette vo Ghibli Soundtracks als PR gratis i allne Sushi Bars vo Burkina Faso verteilt hett. De Blaise Compaoré (das isch dä Scheff vo Burkina Faso fdi) wiederum isch ja bekanntlich gärn z'Gascht in Paris sit sin Halbbrüeder (Stararchitekt!) d'Westfassade vom Centre Pompidou neudesigned hett (au wenn's niemer gwünscht und niemert umgsetzt hett) und i säbem Quartier isch s'Lieblingsreschtorant vo niemert gringerem als - Achtung! - em Michael Farnsworth Sr! Krass! Isch aber keis Sushi Reschtorant, will naja Franzose halt. Aber egal will jetz dä Bescht: S'wird gmunklet, dass d'Pächterin vo säbem Spunte jede Summer z'Bethesda i d'Kur gaht. Das Spiel chan nur no vom eigete Sequel übertroffe wärde. Mark my words.

[zwirrlibatz]

Ich han 3 Missione dure. Die erschte han ich no gstealthet aber wemme säb konsequänt will durezieh, cha me 90% vo de Skills und Gadgets nöd bruuche. Also spar ich mir das für en 2te Rön uf. Grundsätzlich find ichs rächt guet. Es isch solid und eige im Design. Aber das schwindelerregende Lob vo überall verdients imo nöd. Ömel nöd nach 3 Missione, da mag sich mini Meinig ja no ändere.

Problem: Natürlich designet me imne Schliichspieli d'Levels eso, dass me sich d'Umwält als Schliicher zunutze mache chan, aber wo imne Thief zbsp die zu nutzendi Dunkelheit en integrale Teil vo de Wält isch, hetts da überall für de Spieler offesichtlich gsetzti Trännwänd i Hüüser und Chischte und Metallabsperrige uf de Strass, wo nur de Zwäck erfüllet, sich dehinder z'verstecke chöne und vo de KI Patrouille nie kontrolliert wärde und i dere Wält au gar kän wiitere Sinn mache. Und dasch türli sehr billig plump. Die wohl als Immersion dänkte Eiziiler vo de KI sind au viel z'churz gloopet. Das isch im Thief und im Perfect Dark (chunnt mir grad als super detdure in Sinn) viel eleganter und luschtiger gmacht worde.

Aber ebe, anders isch voll läss, zbsp de Ratteschwarm isch die bescht Attacke sit em Cerebral Bore vom Turok. Hut ab. Chrakterdesign und Grafikstil äbefalls sehr schön. Macht Spass zspiele ([möngi] ja was willsch dänn eigetli no du tubl? [/möngi]), aber isch nöd de Überflüüger. D'Levels (bis jetz) sind öd will läär. De ganz ruinös Dystopiekram (hie demfall Ratteplag), wo me bald i jedem zweite Spieli findet, isch mittlerwiile nur no langwiilig und wird ja au nume bruucht, will uschgtorbni ödi Gägende es Fäscht für d'Spieliengines sind.
Und nomal wäge Stealth, im Deus Ex HR han ich viel meh gschliche will müesse. Anderscht gaht ja det chuum und das Spiel isch nie vergliichbar als Stealth Fäscht globt worde.

Nöd schtööre tuet mich, dass Stealth "nur en Option" isch. Das wiederum isch ok. Wenn die verschiedene Möglichkeite alli unterhalted und zersch undurchschaubari aber nahvollziehbari Konsequänze statt Rambazambamayhem-zum-sich-Ustobe büütet, dänn isch tiptop. Susch stah ich dem öde Trend, em Spieler immer überall d'Wahl z'gäh, scho lang kritisch gägüber. So muetig wie (und ebe drum leider) rar sind Spieli, wo derartig strikt duredesignt sind, dass sich de Spieler em Spiel exakt so stelle muess, wie's gueti sprich visionäri Designer konsequänt und kompromisslos kreiert händ.

[Sephi]

Natürlich isch es super! Bi Arkane schafft de Michael Farnsworth Jr am Empfang, dä hett scho für Rising Star Games zueverlässig d'Poscht verteilt und isch dä iighürotet Halbcousin vo dä Hitomi Iishi, wo 1988 schteihert 24/7 Kassette vo Ghibli Soundtracks als PR gratis i allne Sushi Bars vo Burkina Faso verteilt hett. De Blaise Compaoré (das isch dä Scheff vo Burkina Faso fdi) wiederum isch ja bekanntlich gärn z'Gascht in Paris sit sin Halbbrüeder (Stararchitekt!) d'Westfassade vom Centre Pompidou neudesigned hett (au wenn's niemer gwünscht und niemert umgsetzt hett) und i säbem Quartier isch s'Lieblingsreschtorant vo niemert gringerem als - Achtung! - em Michael Farnsworth Sr! Krass! Isch aber keis Sushi Reschtorant, will naja Franzose halt. Aber egal will jetz dä Bescht: S'wird gmunklet, dass d'Pächterin vo säbem Spunte jede Summer z'Bethesda i d'Kur gaht. Das Spiel chan nur no vom eigete Sequel übertroffe wärde. Mark my words.

I ha dä post g' fact-checket! Bi no uf kes völlig schlüssigs Resultat cho, aber aui Zeiche stöh druf dass das gloge isch.

[O_O]

[Moff]

also human revolution hetmer sehr guet chönne als terminator mit 0 stealth durespile, sonen durchgang hani au gmacht gha.. au det ischs ja so, dass 90% vode waffe und skills mit stealt nix ztue gha hend. im deus ex hetmer ja es riese arsenal zur verfüegig.

dishonored isch halt, obwohls sich sehr ähnlich afüehlt, ebe nöd es reins stealth spil wie thief, sondern bütet au recht guets kampf gameplay, das het thief ja nöd und au nöd welle.
trotzdem find ichs als stealth game sehr glunge bzw. am glungenschte, wills sich halt scho wie thief spielt, aber na paar interessanti skills bütet, wo aber ebe s'spiel schlussendlich au z'eifach mached.

[zwirrlibatz]

ich bin bi allne deus ex gar nie uf d'idee cho, die als terminator zspiele. das liit aso logisch demfall a mir. aber wemme sich det für de stealth entscheidet und sich entprächend skilllevlet, denn hesch im spielverlauf bald nüme viel möglichkeite meh abgseh vo de levelgeografische zuegangswäg (hinderiigang oder luftschächt oder obedure oder undedure etc). im dishonored hesch bi de vorgehenswiis meh wahl (aber namal: bin ersch nach 3 missione). wenn entdeckt wirsch, hausch ne e granate an chopf. isch eifach weniger konsequänt.

bim deus ex hesch aber nöd weni stealth skills und gadgets. wie luutlos laufe, höch gumpe, spionagesonde, röntgeblick, dämpfti waffle, elektrischs züg sabotiere...

ich han mir a einige stelle im dishonored gseit, wenn das jetz thief 4 wär, denn wäri gar nöd unglücklich. trotzdem, wie d'levelarchitektur für de schliicher usgleit isch, find ich bis jetz wie scho gseit no z'plump.

[Gurgelhals]

So, bin dure. Gäbt vo mir so öppe d'Note 5: Es eigentlich durchwägs überzüügends, au einzigartigs Spieli, wo definitiv nöd langwiilt, aber halt eifach dur es paar Schwachstelle s'eigentliche Potential dänn doch nöd erreicht.

A de Gameplay-Kritik halt ich fest: S'Grundgrüscht isch zwar tiptop, die effektivi Umsetzig dänn aber echli z'wenig muetig bzw. sträng gägenüber em Spieler. Ebe wie es Deus Ex oder es System Shock 2, wo eim alli Skills zur Verfüegig stönd. Oder es Thief mit weniger stränge Spielregle. Isch halt so, dass me sich als Spieler bi de einzelne Spielabschnitt nöd "Jessesgott, wie chum ich mit mine begränzte Möglichkeite jetzt bloss da wieder verbi?" frögt, sondern "Sodeli, uf welli Art und Wiis wänd mer jetzt die Stell da agah? Gliich wie die letscht oder händ mer Luscht uf öppis ganz anders?" Das macht zwar au rächt Luune, aber für min Gschmack chönnt das alles viel kniffliger si. So isch es halt eifach nöd eso befriedigend. Ebe zrugglähne und gnüsse oder so (immerhin chan me's ja gnüsse, was me ja vom suschtige Call of Möngi-Einheitsbrei nöd behaupte chan).

S'Leveldesign schwankt leider starch. Die beschte Level sind die, wo sehr offe ghalte sind. Rückblickend bliibt die zweit Mission diesbezüglich die bescht. Oder die dritt. Beidi sehr überzüügend. Aber dänn gitt's zwei, drü Missione, wo's ständig so trichtermässigi Engpäss gitt und dänn wird's langwiilig bis müehsam. Leveldesign wo nöd zum Gameplay passt. Die schlächtischt Mission bliibt für mich i däre Beziehig wiiterhin die viert. Die sächst und die letscht sind i däre Beziehig au nöd so super. Aber überraschenderwiis han ich d'Flooded Districts rächt super gfunde; han tänkt, dass ich die hasse wird, aber isch e schöni, sehr atmosphärischi Abwächslig gsi. Und de Maskeball isch leider verschänkts Potential gsi. Idee super, han mit de beschte Mission vom Spiel grächnet. Aber d'Umsetzig dänn extrem lasch - me redt mit eis, zwei Lüüt und d'Sach isch scho fast erlediget. Schad.

D'Story enttüüscht am Schluss au. De "Twist" chunnt total flach use. Me hätt irgendwie s'Gfühl, dass d'Entwickler da für de dritti Akt eifach kei gschiideri Idee meh gha händ. Es verpufft echli alles, au d'Pest hätt am Schluss dänn bestefalls no e Statischterolle Isch chli verschänkts Potential wie sie da en einzigartigi Spielwält ufbaut händ, aber dänn kei Story verzehled, wo dem Setting au gerächt wird. Da wärded am Afang mit de Pest, de Walfisch, em Steampunk-London, de verschiedene Fraktione, em Outsider, etc. viel grösseri Erwartige gweckt. D'Thief-Trilogie hätt das viel besser gschafft - also Setting und Story is richtige Verhältnis z'bringe.

Super sind hingäge d'non-lethal options. Vor allem, will sie i.d.R. wesentlich -iger sind als banals meuchle. De Grossinquisitor eigehändig per Brandise exkommuniziere (um ihn dänn i de Flooded Districts als Weeper wieder z'träffe)? Die degenerierte Adlige mit usegrissener Zunge als Sklave i die eigeni Mine wärfe lah? D'Lady Boyle am Fritzl usliefere? S'Geständnis vom Regent über de Äther sände und nachher zueluege, wie ihn die eigene Wache verhaftet? Huere guet! So Sache mached Freud!

[Moff]

da chani eigentlich i keim punkt widerspreche, usse ebe, dass ichs "Sodeli, uf welli Art und Wiis wänd mer jetzt die Stell da agah?" ebe nöd grundsätzlich als schlecht empfinde, anderi super games wie thief oder hitman lebed vo dem unds ergebnis isch au döt nöd schlecht.
ich finds au sehr schad, dass story und setting am endi nöd die vile verspreche halte chönd, vor allem dassmer de liebhaber vo de empress und de vater vode emily isch hani recht verbockt gfunde, es isch eh vode erschte minute ah klar gsi und mer hätti das miner meinig nah au besser usfüehrlich exponiert am afang und denn derfür en befriedigenderei rächerstory drus gmacht. aber ebe, isch ja au es "chlises game", note 5 findi voll ok.

de letscht level isch übrigens recht anders uf high chaos, ich nimme mal ah du hesch uf low gspielt, het na paar witzigi sache drin denn. au auscht sind paar sache andersch, zumal mer ja na paar chlini entscheidige treffe dörf.

[Gurgelhals]

da chani eigentlich i keim punkt widerspreche, usse ebe, dass ichs "Sodeli, uf welli Art und Wiis wänd mer jetzt die Stell da agah?" ebe nöd grundsätzlich als schlecht empfinde, anderi super games wie thief oder hitman lebed vo dem unds ergebnis isch au döt nöd schlecht.

Genau de Punkt gsehn ich ebe anders: Grad im Thief (s'Hitman han ich z'wenig gspielt, um's würklich beurteile z'chöne) funktioniert de Spielstil überhaupt nöd. Da hätt jede Level Bereich und Wäg, wo ganz klar off limits sind und wo eim s'Spiel au knallhärt bestraft, wänn me's doch irgendwie probiert. S'Dishonored leit eim zwar au nöch, statt de Vordertüre lieber s'Abflussrohr z'näh und statt über die hell belüüchtete Hauptstrass z'spaziere lieber vo Dach zu Dach z'gumpe, aber i de Praxis spielt's dänn ebe glich nöd so e grossi Rolle, will s'Leveldesign für das z'wenig restriktiv isch (siehe z.B. die bereits vom vortex erwähnte, total unmotivierte Metallabsperrige uf de Strasse) und die zur Verfüegig stehende Skills z'starch sind.

Sie hetted eifach d'Hindernis jewiils zwei drü Stufe höcher sölle asetze und d'Skills ndö eso starch sölle mache. So hätt mich das Spiel im Endeffekt doch ehner underforderet. Au dass d'Lösige so guet wie immer grad in Griffwiiti lieged - das hätt oft dezue gfüehrt, dass ich mehrmals ohni s'zwüsse für es Problem grad mehreri Lösigswäg ufs mal gmacht han. Also z.B. bi ere Wall of Light de Öltank usegnoh um nachher glich mit de Ratte de Lüftigsschacht z'näh, wo *grad näbedzue* gsi isch. Oder dass eim sehr oft die beschte Lösige uf em Silbertablett präsentiert wärded: I de Mission 3 han ich z.B. praktisch us Versehe s'Fänschter gfunde, wo me nachher problemlos im Büro vo de Puffmueter chan de Hauptschlüssel go chlaue und so s'gröschte Hindernis vom Level sofort us em Wäg grumt isch. Alli andere spöter no entdeckte Wäg sind nöd nume weniger offesichtlich, sondern au weniger elegant gsi. Oder au i de Mission 2: Wänn me det im Ussehof vo de Inquisition per Blink uf de Sims im 1. Stock teleportiert, isch d'Sach praktisch gloffe, will me unbeobachtet in Empfangsruum chan schliiche. Mit so Sache stellt sich s'Spieli eifach sälber es Bei.

Wie gseit: Gägenüber dem, was eus d'Publisher i de letschte paar Jahr so alles vorgsetzt händ, isch dass immer no en riesige Schritt i die richtig Richtig. Aber bis mir dänn wieder uf em Niveau vor 10 Jahr zrugg sind, bruchts dänn doch namal zwei, drü vo dene Schritt.

[h4xX0r]

was isch denn, wenn difficulty ufe tuesch?

[Astroboy]

I möcht nur churz erwähne, dass sech aui bitte am Spoilerbalke-Gebruuch vo dene paar Herre hie es Vorbild söue nä. Mis Exemplar isch no nid aacho und so chani gliich in Rueh ihrer Posts läse ohni z'befürchte, dass mr was verspoileret wird. Merci.

[Gurgelhals]

was isch denn, wenn difficulty ufe tuesch?

Das veränderet ja nume Faktore wie Schade, d'Ufmerksamkeit vo de Wache, Würkig vo Heil- & Manatränk, etc. A de Hauptproblem vom Spiel - Schwachstelle im Leveldesign und zu starchi Skills - änderet das nüt.

Wännscho müesst me sich halt eifach künstlich irgendwelchi Herusforderige uferlegge. Also z.B. die ganz Sach ghoste oder sogar d'Wache nöd emal bewusstlos schlah. Aber so Sache sind nöd so mis Ding.

[h4xX0r]

aso was ich scho paar mal gmacht han isch eifach durerenne, alli gegner traine, irgendwo ufeteleportiere und verstecke, denn laufets wieder devo nacheme ziitli.

[Moff]

Genau de Punkt gsehn ich ebe anders: Grad im Thief (s'Hitman han ich z'wenig gspielt, um's würklich beurteile z'chöne) funktioniert de Spielstil überhaupt nöd. Da hätt jede Level Bereich und Wäg, wo ganz klar off limits sind und wo eim s'Spiel au knallhärt bestraft, wänn me's doch irgendwie probiert.

ja guet, dasch aber eher en sach vom schwierigkeitsgrad und nöd würklich vode "keys" wo de im neogaf verzellt, wo du zitiersch, oder? oder han ich dich iets falsch verstande? oder gahts dir drum, dass teilwis lösigsweg adütet sind, womer gar ned chan benutze? gar nie?

das findi iets relativ schwierig, ich bin ja de meinig es isch grad öppis positivs für dishonored, dassmers im gegesatz zu thief au als actiongame chan spiele und unter anderem drum au meh weg zur verfüegig het. imne thief würdi das natürlich nöd welle, aber im dishnored findis glatt, dassmers au so spiele chan:
Quelle

vor allem findi au guet, dassmer so liecht mehreri spielwise kombiniere chan, au wenn ich wie ich sicher wie scho gseit de meinig bin, dass es viel z'eifach wird dur das isch sicher ned optimal. ned ganz nahvollzieh findich aber, dass du dich ärgerisch wennd neuei wäg findsch wod gar nöd gsuecht hesch. das passiertmer i allne thief, deus ex und hitman am laufmeter und für mich treit das durchus zur qualität vomene spiel bi wenn ich merke uf wie viel anderi arte ich das hät chönne löse. das isch für mich zB grad eine vode gröschte reiz bim deus ex.

schwierigkeitsgrad härter mache bringt leider würkli nüt, min dritte durchgang als ghost uf very hard isch sogar de schnellscht gsi. aber ebe, ich han halt dlevels au scho sehr guet kennt und alli trickli und abchürzige kennt, da gits teils ganz extremi sache. bsunders schlimm übrigens de allerletscht level, det chamer quasi de ganz level umgah, hinde ine und ufe und fertig. das isch fascht scho hitman mässig, 2 stund lang knoble und denn in 10 minute usfüehre. so abchürzige findtmer aber halt au nur wennmer dlevels erforscht und uslotet.

[Moff]

aso was ich scho paar mal gmacht han isch eifach durerenne, alli gegner traine, irgendwo ufeteleportiere und verstecke, denn laufets wieder devo nacheme ziitli.

sogar ohni söttige "seich" sind skills vill z'starch.
blink vor allem isch extrem zkrass, mer chan sich enorm wit teleportiere und so viel umgah. oder direkt hinter gegner teleportiere und instant gegner usschalte, mer chan sich sogar über sie teleportiere und en drop kill mache...
das heblet natürlich mechanike us wo de reiz vomene stealth game eignetlich usmache, aber ebe, für ein spiili serie findi das geil, bi allne würdis nöd welle