The(G)Forum

Tatsujin hat geschrieben: HAHAHA..nei genau de titel somg meini natürli nöd. de barry in-movie only stuff logisch und ich han ja gschriebe, das nöd ICH für die tickets luege

Ah denn chamer jo nomol ufschnufä... hui... grad echli erlichteret. Het jo chönä si... 80er Jahre und so...

zwirrlibatz hat geschrieben:de deu de deu de deu de deuuu tschagatagatschakkkk!

Ja, ich mein de Teil chamer vilicht ganz guet findä, das chani scho verstoh, aber mir redäd do vomene Titel Song zumene James bond Film... das heisst zumene Grossä Film (au wenn sich schinbar über d Qualität vo dem spezifischä starch stritä loht), miteme langä Vorspann wo de Zuäschauer scho bitz träumä söt loh... James Bond ebä, nid xXx. Und dezuä isch z.B. en chräftigi Stimm und en ghörigä Schluck Melancholie vo Vorteil... Schwelgä heist s Stichwort, und Orcheschter Musig isch sicher kein Nochteil. Ich möcht jetzt nid sägäg diä das siged in Stei gmeiselti Reglä, aber bim Quantum händ diä Beidä, und ich chan durchus verstoh wemer denä ihri Musig suscht amigs no gern lost (au wenn ich persöndlich das eigentlich nid mach), mit dem heds also nüt ztuä, oder wer au immer no dra beteiligt gsie isch, so zimlich alles falsch gmacht.

Ich mein woni de Song zum erschtä mol glost han (woner als Song zum neuä Bond vorgschtellt wordä isch) hani spötischtens nach dem de Jack afangt singä (und das isch zimlich gli) gmeint es sig en verdammt schlächtä Witz. Woni de Refrain ghört han hanis denn eifach nur no Trurig gfundä.

de bond mit de schlechtschte in-movie musig isch aber glaubs de license to kill. komisch, nöd ein track gfallt mer würkli vo dem film, was ebe hert minus git.

guet schier alles vom brosnan isch au so 0815 gedüdel gsi. de casino het wieder chli hoffnige gmacht gha, diesbezüglich.

Quelle

Lose mit Volume uf 11 und Scheuklappe uf 0. Arrangement, Dynamik, Drama, em Jack sin Drumming und de Gitarresound und die ganz overall Produktion => Wältklass Style bis äne use. Aber de Bondkänner zieht Lulu und Sheena Easton vor. :typej:

de verteggs bitte us dem toplic bannle. danke.

Mich dunkts no intressant, dass alli Bondssongs öppis gmeinsam Charakteristischs händ. Egal us welem Jahr bzw Föum, öb samft oder schwer. Wie wenn's e Bondakkordfolg oder en -equalizer gäbt. Vilech ischs zwar au nur Iibildig dur s'Wüsse dass es Bondsongs sind. Mag ja sii. Aber grad die Stuck sit de 90er Jahr steched mit ihrem Flär us de übliche Repertoires vo dene Musiker use.

Tatsujin hat geschrieben:de verteggs bitte us dem toplic bannle. danke.

haltisch du dich würkli ernschthaft überhaupt rein gar nöd für en komplett bornierte trottel?

ich weiss eifach das du kei ahnig vo bonds hesch und somit au nüt da ine verlore hesch. de rescht interessiert mi rächt wenig.

Übere Song chame sich aso strite, als Song hanen au rächt fair gfunde.

S Problem im Film isch gsi, dasser minere Meinig no überhoupt nid isch überecho bim Intro,
hetmi gar nid mitgrisse. Im Gägesatz zu "you know my name" - dä het huere guet
gfunzt als intro, was sicher nid z letscht am Visuelle gläge isch.

Das mitem charakteristische Bond-Stil het öppis - weiss auerdings nid vo wo
genau dä inspiriert wär, oder obs meh a de igsetzte Instrumänt als a de Melodie
ligt. Anyways, da hendsen rächt easy gstohle und adaptiert:


Quelle

"Einbetten auf Anfrage deaktiviert", laulen. han i au no nie gseh

zwirrlibatz hat geschrieben:quantum isch rächt guet gsi bim zweite mal.

war er auch beim ersten mal .... aber ebe dejavühhh


ok, dass de film immernoch s ADS-kamera-syndrom hatte, war nid so super, aber sehr viel weniger schlimm als bei 90% der aktuellen filme.

BrainBug hat geschrieben:aber ebe dejavühhh

Tatsujin hat geschrieben:ich weiss eifach das du kei ahnig vo bonds hesch und somit au nüt da ine verlore hesch. de rescht interessiert mi rächt wenig.

auweia nach dine kriterie isch das es komplimänt.

Isch OK wenn du das so gsehsch, aber du hesch ja sälber scho mal zue geh, dass du dich nöd all zu viel mit de bond-materie abgeh hesch. vo dem her isch es mier eigentlich rächt schnurz was du so als komplimänt empfindsch.

zuegeh :typej:

nöd allzuviel mit de bondmaterie abgäh :typej:

bissoguet. ich lueg die film siit knirps und gseh guets und öds i alte und neue. spinner wie du zelebrieret en resolute kult mitnere bekloppte scheuklappehaltig. s'trüürigscht isch ja, dass dini kriterie vo dir völlig främde lüüt nach em ziitgeischt vor 30-40 jahr ufgstellt worde sind und die plapperisch jetz eifach nah. drbii häsch drmit nullundnix z'tue. sälber händ die lüüt vilech immerna huerefreud a de neue bonds oder sind nöd glücklich mit jedem detail vo früehner. wie die alte sind die neue bonds weniger film als in erschter linie ziitbilder. insofern hett sich gar nie was gänderet und das isch ihri würkli gross konstanti qualität wo lüüt wie du gar nöd chönd oder wänd kapiere. ich gseh grad dich und konsorte grummelig im chino hocke während sich all die "ignorante" rundume prächtig amüsieret.

:donquijote:

Sephi hat geschrieben:S Problem im Film isch gsi, dasser minere Meinig no überhoupt nid isch überecho bim Intro,
hetmi gar nid mitgrisse. Im Gägesatz zu "you know my name" - dä het huere guet
gfunzt als intro, was sicher nid z letscht am Visuelle gläge isch.

Bim Cornell sim dunkt mich de Bondsound oder -Flair viel weniger usmachbar. D'Visuals im Füum sind aber super.


Quelle

zwirrlibatz hat geschrieben: Lose mit Volume uf 11 und Scheuklappe uf 0. Arrangement, Dynamik, Drama, em Jack sin Drumming und de Gitarresound und die ganz overall Produktion => Wältklass Style bis äne use. Aber de Bondkänner zieht Lulu und Sheena Easton vor. :typej:

Du gisch jo eigentlich d Antwort grad sälber:

zwirrlibatz hat geschrieben:Mich dunkts no intressant, dass alli Bondssongs öppis gmeinsam Charakteristischs händ. Egal us welem Jahr bzw Föum, öb samft oder schwer. Wie wenn's e Bondakkordfolg oder en -equalizer gäbt. Vilech ischs zwar au nur Iibildig dur s'Wüsse dass es Bondsongs sind. Mag ja sii. Aber grad die Stuck sit de 90er Jahr steched mit ihrem Flär us de übliche Repertoires vo dene Musiker use.

Genau um das gots jo. Es got nid um für sich allei stehendi Lieder (zumindescht nid für mich). Sondern drum was imene Vorspann vo somene Film funktioniert. Das einigi vo denä nid eifach gspilt händ wasi suscht würed spilä, hed en guete Grund: Sie händ nid eifach es Lied gmacht, sondern es Lied extra für de Vorspann vo dem und dem Film. Und drum passed sie sich enere gwüssä Charakteristik a, wills en gwüssi Würkig söll ha für diä ebä seintä besser funktioniert als sanderä. Und genau do passt ebä de neuschti überhuapt nid inä. Öb de als allei stehendä Song guet isch oder nid isch ebä nid d Frog. Und natürlich zieht mer d Lulu oder d Sheena Aston vor (au wenn vilicht nid diä Beschtä.. de Refrain vor Aston passt super..).
S Schadä isch jo das d Keys eigentlich sehr en chräftigi Stimm hed, au wens echli en anderä Stil wär wiesi suscht amigs singt, diä hetti wahrschindlich das scho chönä machä.

Wemer scho debie sind: Ebä miner Meinig no gar nid gönd de neuscht und The Living Daylights. Au sehr sehr schwierig bzw. eigentlich au nid machbar Die Another Day vo dä Madonna (det spilts eifach nid so en Rollä, will de Rescht vom Film no fascht schlächter als sLied isch), und au fascht nid machbar de A View to a Kill vo Duran Duran (au wenni do diä Zeilä wo A View to a Kill drin vorchund super find).

Bi alnä anderä chamer drüber redä öbs besser oder schlächter oder u huere extrem Super sind, aber klaped eigentlich alli.

BrainBug hat geschrieben: ok, dass de film immernoch s ADS-kamera-syndrom hatte, war nid so super, aber sehr viel weniger schlimm als bei 90% der aktuellen filme.

Ja das stimmt leider zimlich... (also leider hed de Bond das, und au leider sind vili Actionfilm vo de letschtä Zit no übler (vor allem bim Big Budget Bereich)).
Ich han halt eifach verdacht dass de Marc Foster eigentlich mit Actionszenä nid vil chan afoh, und de Film eifach gmacht hed wills hald en Bond isch.
Suscht wüsster nämlich dass de Schnitt d Action höchschtens söt unterstützä und nid kreirä, dasses dementsprechend durchus au erlaubt isch es bitzli meh als en Sekundä nid tschnidä (au wenns mol nur drü vier sind, wär das scho en grossä Vorteil) und vor allem au dassmer durchus no anders als Close Ups dörf verwändä (mol e halb totalä oder sogar en totalä chönd d spannig wahnsinnig erhöchä, will de zuäschauer denn au mol gsehd was überhaupt passiert). Und ebä ja... mol d Kamera eifach ruhighebä, will sich uf em Bild suscht scho gnueg bewegt mues au kei Fehler sie...

Es isch rächt schad, will er het sim Vorgänger jo chönä Abluege wiämer Action in Szene setzt.

Acid hat geschrieben: Ja das stimmt leider zimlich... (also leider hed de Bond das, und au leider sind vili Actionfilm vo de letschtä Zit no übler (vor allem bim Big Budget Bereich)).
Ich han halt eifach verdacht dass de Marc Foster eigentlich mit Actionszenä nid vil chan afoh, und de Film eifach gmacht hed wills hald en Bond isch.
Suscht wüsster nämlich dass de Schnitt d Action höchschtens söt unterstützä und nid kreirä, dasses dementsprechend durchus au erlaubt isch es bitzli meh als en Sekundä nid tschnidä (au wenns mol nur drü vier sind, wär das scho en grossä Vorteil) und vor allem au dassmer durchus no anders als Close Ups dörf verwändä (mol e halb totalä oder sogar en totalä chönd d spannig wahnsinnig erhöchä, will de zuäschauer denn au mol gsehd was überhaupt passiert). Und ebä ja... mol d Kamera eifach ruhighebä, will sich uf em Bild suscht scho gnueg bewegt mues au kei Fehler sie...

Ich stimme zue dass d Schnittfrequänz im Quantum mängisch närvig isch, wobii i gloube dass de Forster und sin Editor das völlig bewusst gmacht hei. Dervo abgseh fingi aber dassme nid so absolutistisch mit der Rolle vom Schnitt imene Film sött umgoh wie du das vorschlosch. Vor allem d "Trennig" vo oder d "Unterordnig" ar Action passt nid. Luegsch s Finale vo the good, the bad and the ugly. Editing isch hie ar Action genau gliich wenn nid sogar meh beteiliget wie Sound, Cinematography und Mise-en-scène, sicher nid untergordnet oder nur unterstützend. Me sött editing augemein viu ärnschter näh wius s einzige (!!!) isch wo Film andere Medie vorus het. Der Räscht isch Fotografie, Theater, Literatur (all das natürlech in abgwandleter Form) etc. Je nachdäm was fürne Film machsch chasch der Schnitt natürlech meh oder weniger i Vordergrund rücke, dasch klar. Aber grundsätzlech nur e unterstützendi Funktion? De Kurosawa und de Leone beg to differ

han hüt Thunderball und geschter Man with the golden Gun und Never say never again in 1080p glueged... super.

Sephi hat geschrieben: Ich stimme zue dass d Schnittfrequänz im Quantum mängisch närvig isch, wobii i gloube dass de Forster und sin Editor das völlig bewusst gmacht hei. Dervo abgseh fingi aber dassme nid so absolutistisch mit der Rolle vom Schnitt imene Film sött umgoh wie du das vorschlosch. Vor allem d "Trennig" vo oder d "Unterordnig" ar Action passt nid. Luegsch s Finale vo the good, the bad and the ugly. Editing isch hie ar Action genau gliich wenn nid sogar meh beteiliget wie Sound, Cinematography und Mise-en-scène, sicher nid untergordnet oder nur unterstützend. Me sött editing augemein viu ärnschter näh wius s einzige (!!!) isch wo Film andere Medie vorus het. Der Räscht isch Fotografie, Theater, Literatur (all das natürlech in abgwandleter Form) etc. Je nachdäm was fürne Film machsch chasch der Schnitt natürlech meh oder weniger i Vordergrund rücke, dasch klar. Aber grundsätzlech nur e unterstützendi Funktion? De Kurosawa und de Leone beg to differ

Sich händs das bewusst gmacht, und es ischnä nid eifach so passiert. Es isch en bewussti Art und Wis wiämer hützutags am Zuäschauer Action vorgaukelt, ohni dasmer würklich Action zeigä mues. Wiemer probiert spannig zerzügä, ohni dasmer öpis defür mues tuä, willmer meint solang de Bildschirm flackered beschäftigt das d Lüt (was bi vilnä wo mit Videoclips gross wordä sind vilicht au stimmt, mich langwilts aber grauähaft... und isch schlussendlich au en Verarschig für Kameramänner, de Zuäschauer cha jo sini Bilder gar nüm aluege). D Close Ups sind dezuä do dasmer nüt erkännt, und diä schnällä schnitt dasses trotzdem nach Action usgseht. Was das uf em Bild schussendlich denn no zgseh isch spilt praktisch kei Rollä meh.

Also mol abgseh devo das i nid glaub dass de Film irgendemene Medium öpis Vorus hed (das sind eifach alles alles verschiedeni Gschichtä mit irnä verschiedänä Bsunderheitä... en Fotografie isch öpis ganz anders wiä en Film wo uf Pausä druckt wordä isch (au wenns Film git wo d Fotografie so wichtig isch, dasses sogar würd funktioniärä), und es Theater isch nid eifach wiä uf em Set vomene Film z stoh... und d Literatur isch au nid eifach es Drehbuech) De Verglich findi zimlich unpassend muesi sägä.

Devo abgseh hani aber nid gseit dass de Schnitt nit wichtig isch, oder en untergordneti Rollä Spilä sötti... Au en unterstützendi Rollä isch wichtig. Im Actionfilm hed de Schnitt vor allem d Ufgab d Action in Szenä setzä, natürlich mit allnä Mitel, das chan z.B. au en es bitz schnällärä Schnitt sie etc (hani jo alles scho vorher gschribä). Aber er hed nid d Ufgab d Action z produziärä... will wenn ufem Bild kei Action passiert, chasch no so schnell schnidä und no so verruckt zitärä, meh Action gits drum glich nid. Und diä Uffassig wo schinbar en hufä händ, dass en schnellä Schnitt langt, und denn Close Ups alles sind womer mues zeigä (was wahrschindlich au mit em CGI Izug erhaltä hed, wills halt eifacher isch im Close Up zmanipuliärä als inere Totalä) eifach für en totalä Irrtum, und eigentlich für en Frächheit am Zuäschauer gägänüber (willmerem im Endeffekt nüt bütet als en wackligii Kamera und en Schnällä Schnitt... erkännä tuetmer ufem Bild jo nüt meh).

Werum das jetzt do de Leone und de Kurosawa anäziäsch, chani nid ganz erkännä. Mol abgseh devo das keinä vo beidnä irgenden Film i derä Art dreht hed, und beidi Film gmacht hend wo definitiv jensits vo jeglicher Effekthascherei gstandä sind, beidi geniali Kameralüt und Cuter gha hend...

Wiä gseit, wenn ich d Art und wis kritisier, wiä gschnittä und gfilmt wird, und dezuä Alternativä nänn, denn säg ich nid dass de Schnitt nid wichtig isch... wärer nid wichtig, würen jo nid kritisiärä.

Acid hat geschrieben:Wemer scho debie sind: Ebä miner Meinig no gar nid gönd de neuscht und The Living Daylights.

Dä bin i grad am güggsle, mir gfallt das lied

Ich find de Goldeneye Soundtrack vor Turner immer no super...sowiso en huere geile Bond. Muess zwar zuegä dasi nid ganz alli gse han...aber glaub die wome söd gse ha hani gse..

http://www.youtube.com/watch?v=qGPBFvDz_HM


Ajo steiniget mi vomirus, aber ds Die another Day Opening hani au no recht geil gfunde..so mit Folterszene und Madonna-Soundtrack...

http://www.youtube.com/watch?v=Mp66uTya7M0

mousch hat geschrieben:Ich find de Goldeneye Soundtrack vor Turner immer no super...

De findi au super, keinä vo de neuere chund a de anä... vor allem de Refrain "goldenäääiii..."

de findsch guet, aber de duran duran schlächt? hmm.. you'd better obey!

duran duran = grossartig. de film leider nöd so.

lakritz hat geschrieben:duran duran = grossartig. de film leider nöd so.

ich find en ebe scho no rächt guet. vor allem aber au sicher nöd z letscht wäg em walken als bööse. er isch genial guet gsi.

de moore isch halt scho chli alt gsi. aber das isch er ja eigentlich scho sit aafang gsi. mer hets den eifach chli besser gseh, als i de erschtere.