Lustlosigkeit (Selbsthilfe-Toppen)

[emP]

wenn me merkt das jede peer i sire gruppe en idiot isch, werum macht eim das nid stutzig? halo mit ca. 30 Sekunde offenem Kanal sött eim eigentlich doch derzue bringe sofort mit so rotz ufdshöre?

gröschteteils mit RL friends über skype spile = win

Mini Fründe spiele keh Videospiel, resp. nid die gliche wie ig.

ui, do kanni jez also schampar wenig drfür

doch, Du bisch de Grund für ds Elend vo dere Welt

[Buccaneer]

warum nöd eifach chli meh in usgang und nümme gamen.

Naja, isch tür und gange nümme sehr oft in Usgang. Isch früehner au mal andersch gsi, aber gid mir nümme gad viel. Lieber mit paar Kollege zäme hocke, chli schnorre und mal eis Pokere, oder en Spieliabig.

[evo]

doch, Du bisch de Grund für ds Elend vo dere Welt

dasch wahr. aber du finsch das jo gar nit so schlimm dass nüm so viel game tusche. werum isches denn e elend?

[thaeye]

warum nöd eifach chli meh in usgang und nümme gamen.

[geosnow]

findi jetzt au überhaupt keis problem. tuesch eifach weniger gamen, völlig okay. mache mir ja alli. de nerv zB hät ja immer FFXI gspielt, und jetzt chauft er nurno games und spielt nümme.

[thaeye]

ja gang eifach chli meh in usgang!

[Buccaneer]

Well ich mal u Freud gha han und das wieder wott ha verdammt! Han amigs chönne i die Games i tauche wien ines geil Buech oder en super Film. Ich wär tüfscht trurig, wenn mich Bücher nümme würed flashe!

Und mit Lego darf mer ja als Erwachsne nid spiele. Game gaht gad no so dure... Zum Glück bini hüt bi minere Mom zum ässe iglade, die hüeted amigs es chlises Goof. En super Vorwand zum Bilderbüechli aluege, Lego spiele und sustigi Chindereie

[geosnow]

oder sport mache?

[Astroboy]

Und mit Lego darf mer ja als Erwachsne nid spiele.

:typej:
Es muess beschisse si, es derart fremdbestimmts Läbe zfüehre.

[Buccaneer]

ja gang eifach chli meh in usgang!

Gid mir nüt... gange ab und zue, nid allzu oft. Und ich bin au sehr heikel. Wenn irgendwo Musig lauft womer ufe Sack gaht, hebi nid lang dure. Darum gangi ab und zue anes Metall oder Reggae Konzert. Und ehrlich gseid regts mi eifach uf, zwüsche soviel Idiote umezstah und mich z frage: Was zum Tüfel machi hie.
Kei Angst, gange scho use und han es intakts RL. Fasnacht isch super gsi

[Buccaneer]

oder sport mache?

mache je nach dem 2-5x Sport pro Wuche!

Und mit Lego darf mer ja als Erwachsne nid spiele.

:typej:
Es muess beschisse si, es derart fremdbestimmts Läbe zfüehre.

Ja säg nüt! GrÖsslich. Aber kennsch Ironie? Wenn i s Bedüfnis hetti Lego z spiele wür is au mache. Viellicht muess is andersch formuliere. Game hed mis Bedürnis erfüllt mich spielerisch uszläbe. Gnau so wie Spili- und Pockerabig. Und das fehlt mir jetzt chli, da mir s game nümm so Freud macht!


Ich finds rüehrend wie ihr euch um mich kümmered! Han eu alli uuuu gärn

[evo]

ja aber vo wo weisch dass es alles idiote sin? und warum störts di wenn si näbe dir stön?

[mr.raw]

Kenned ihr das au? Es chunnt es super Game womer scho lang druff gwarted hed, mer riest d Verpackig erwartigsvoll uf und hed Freud. Haut s Game ine und spielts a. Aber so ab de Mitti verlürt mer irgendwie d Lust...

jep, hann ich au! S erscht mol uffgfalle, als ich mi JOHRELANG (jooohrelang!!) uffs Perfect Dark gfreut ha (also uff die uffgfrüschti N64 Version). Endlich Onlinefähig...!!!! Aber jo. Nach 30min hetts mr abgstellt und ich has nümmi gross gspielt. Bim Batman Arkham Asylum isch genau s gliiche iitroffe. Bis zu dr häfti zocket...uffd sitte gleggt.
Battlefield 3. Wär kei Onlinemodus vorhande, hätt ichs scho lang wieder verkauft oder uffd sitte gleggt. SingleModus öppe 1 std. gspielt. Dank Onlinemodus fesslets mi immer no.
Goldeneye (wii) - knapp überd hälfti (guet bin au enttüscht gsi, da ich wie vieli andere au e uffgmotzti Version so wie PD erwartet ha). Witter gohts mit DK returns...nid emol 10min hanni zockt und scho uffd sitte gleggt!!

Eigentlich bini en Vollbluetzocker und liebe Games. Aber sit einiger Zyt leider nümme eso. Verlüre viel z schnell d Lust und han kei Langzytmotivation. Klar, es chunnd viel shit use, aber ich glaube es lied a mier. Chunnt oft vor, dasi ame Abig drü verschideni Games chli zocked han, aber all sind mir uf de Sack gange und keis hed mir würklich Spass gmacht.

Lieggt villicht au do dra, dass ebbe grad mehreri Games uff abruef hesch. Friener hesch dr es Game vom Sackgäld oder vom erschte Lohn müesse zerscht erspare...do isch dr Wärt voneme Game anderscht gsi. Me hett au meh motivation kha, es Game duurezzocke.

Drzue behaupt ich emolle, dass s Alter au e grossi Rolle spiele tuet. Mit friener mein ich vor guet 15 bis 20 Johr. 1992-2003 sinn eigentlich die Johre gsi, wo mir s gaming am meischte Spass gmacht hett. 92/93 mit Super Mario Kart, Street of Rage 2, Mortal Kombat 2, NBA Jam, MicroMashines, Bomberman...etc etc. 1997 mit Goldenye, 2000 mit PD, 2002 mit Timesplitters 2, 2003 mit RtCW usw usw.

Nur ellei ab dere chliine Lischte und vom obedragschriebnigs gseht me au sofort, dass das alles Games gsi sinn wo Gschicht gschriebe hend. Mario Kart SNES oder Bomberman, NBA, MK sinn klar DE Multiplayer hit gsi und hend grad s Videogaming Home/Salonfähig gmacht. Mit Goldenye isch dr erschti 4 Player Shooter uff Konsole uff en Markt kho, wo au Gschicht gschriebe hett. Mit PD isch alles optimiert worde und so Shooters sinn langsam aber sicher must have worde. Mit RtCW isch die perfekt gmachti Onlinewält dank xbox live kho...all Games hend uff irgend ere art und wiis Gschicht gschriebe.

Scho ellei so "gschichte" wärde hütt praktisch nümmi gschriebe. Klar, e neus Zelda bringt immer no es oooooh oder aaaah übere...aber so es erläbnis wie Occarina of Time oder Mario 64??? niemols...
Ich finde, dass gröschteteils hütt numme so einheitsbrei serviert wird. Evt. schiess ich mi do jetz is abseits...aber ich bin eifach dere meining. Nur no fortsetzige oder uffpolierti klassiker. Ab und zue gitts es highlight wie es Limbo, lost winds, world of goo.

Hend ihr amigs au sone Hänger? Bi mir isches jetzt scho rächt lang so und ich bruche Medizin! Au Games womi eigentlich voll begeistered möched das au nur no sehr churz.
Chömmer hie gad en Sälbsthilfe-Gruppe gründe udn eus chli selber bemitleide!

Jop, so Hänger hann ich au.
Aber praktisch numme bi neue (v.a aaspruchsvolli) Games. Drfür hanni gmerkt, dass d liebi zu Retro Games ungemein gwachse isch. Ich zock momentan gern uff em MegaDrive und SNES. Dr 3DS zbs. isch e beriicherig für mi. Jetz grad am Yoshis Island (GBA) und Mario 3D. Denn so Games wie Pullblox ziehnd au ungemein.
Drzue bini heftig uff em Arcade Trip.
Unterem strich bini also en glägeheitszocker worde...
Drzue kunnt no, dass ebbe... 1.älter, 2.anderi inträssene wo doch liicht eim vom gaming tüend ablängge. und 3. keini hoppla momänt wie damals vor 15-20 Johr.

[thaeye]

ja gang eifach chli meh in usgang!

Gid mir nüt... gange ab und zue, nid allzu oft. Und ich bin au sehr heikel. Wenn irgendwo Musig lauft womer ufe Sack gaht, hebi nid lang dure. Darum gangi ab und zue anes Metall oder Reggae Konzert. Und ehrlich gseid regts mi eifach uf, zwüsche soviel Idiote umezstah und mich z frage: Was zum Tüfel machi hie.
Kei Angst, gange scho use und han es intakts RL. Fasnacht isch super gsi

gang doch chli meh in usgang! döt gahts ab

[Buccaneer]

Kei Ahnig, erhöts aggressions Potenzial well de Reptilieteil vo mim Hirn sehr usprägt isch. Ja aber sorry, viel Orte wo häre gasch heds eifach huere viel Mongos ume. Darum gani eher sälte, dafür sehr usgwählt Und äbe, eine isch Fr Sa im Usgang und ich bin halt denn Fr Abig bime Kolleg und am SA ziemer en Film mit de Pfründin ine.

[thaeye]

wür trotzdem vorschlah nah chli meh in usgang z gah.

[evo]

uuuuuuuusgang. unwort nr.1

[thaeye]

hey gasch nöm in usgang? bisch scho so alt?

[evo]

ich bin de usgangs meister schlechthin

[thaeye]

Kei Ahnig, erhöts aggressions Potenzial well de Reptilieteil vo mim Hirn sehr usprägt isch. Ja aber sorry, viel Orte wo häre gasch heds eifach huere viel Mongos ume. Darum gani eher sälte, dafür sehr usgwählt Und äbe, eine isch Fr Sa im Usgang und ich bin halt denn Fr Abig bime Kolleg und am SA ziemer en Film mit de Pfründin ine.

bisch du en reptiloid? versklavsch du eus? übernehmet ihr d welt?

[zeromeier]

Ich finde, dass gröschteteils hütt numme so einheitsbrei serviert wird. Evt. schiess ich mi do jetz is abseits...aber ich bin eifach dere meining. Nur no fortsetzige oder uffpolierti klassiker. Ab und zue gitts es highlight wie es Limbo, lost winds, world of goo.

hed was

[thaeye]

last story isch hüt usechoh naps. es super rpg.

[evo]

bisch du en reptiloid?

zum glück hani das googlet. s wer mer einiges entgange

[thaeye]

david icke isch ihre botschafter, falls dich nah meh interessiert.

[geosnow]

viellicht liits eifach am wetter.