The(G)Forum

Isch eigentlich alles scho bekannt.
Uf de offizielle site gits siitene für die einzelne klasse mit videos und skills und so.

Ich finde au d'non jedi klasse gsehnd guet us. Die hend derfür halt dicki wummene bzw. Stealth

ha grad es heftli gläse (pc action glaubs) und dä bounty hönter tönt na guet. als nöd-jedi oder -sith dörfts vilech au liechter sii amigs e gang zfinde. dänn wiederum frög ich mich grad öb sie äch deswäge d'solokampagne so betoned.

also wenn d'verteilig vo posts/topics im offizielle forum en indikator isch, denn isch grad de bounty hunter die populärschti empire klass.

ich glaube ned, die machtbegabte klassene sind weder bevorteilt na beliebter als die beide andere.

ah ok. au guet.

so, bitz uf de official siite go schnöigge. ich wird da sicher mal driigugge. dä bounty hunter tönt immerno guet. jedi consulor und sith inquisitor sind quasi d'lore master vom lotro, demfall e gueti klass. schiined aber käni en pet zha, schad. nöd grad weni planete gitts. isch no pfrag wieviel m2 pro planet es dänn gitt. space combat isch türli super feature. mich überzüügt nur s'charakterdesign nöd eso.

Pets het jedi klass i form vomene companion. 5 gitts für jede. Eine hesch immer debi

schaso würkli sehr solommorpg.

Ich han irgend wie angscht dass jede und sini mueter entweder Smuggler oder Jedi/Sith spile wird

Gut abgseh vo dene gits ja nur na ei witeri klass
Und die isch uf beidne site recht beliebt, isch bounty hunter/trooper

Ich denke eher grad smuggler/agent werded am ehnschte na s'schlussliecht si

dänn mach ich schmöggler. alli sind uf mini goodies agwiese.

Interessant:

Amazon hed Versanddatum 31.12.2011 und Alcom 24.11.2011. Also darf mer devo usgah, dass es nonig definitiv isch?

Schad, findes uf amazon.co.uk nid als Collector's Edition. Ide USA und Tschörmäni isches ume aber UK leider nid. Würd gärn mitere änglische Sprachusgabspiele und natürlich au gärn chli weniger zahle


He Autor vo dem Topic, mach Umfrag weli Parei mer wählt! Dunkel oder Hell!

Es git kein termin, alles isch spekulation

Und du chasch eh de client ide gwünschte sprach abelade bzw. muesch sogar wennd de early access vom preorder nutze willsch

Freu mi rächt uf de Titel. Aber weiss nonig öb i söll Collector's bstelle.


Hend ihr scho potenzielli Lüt für n Gilde? Ich fänds no fresh wenn mer gad würed n G-Gilde is läbe rüefe. Oder äbe zwei Gilde. Eini für d Sith und eini für die netter Zitgenosse.

Gilde us de SchwiiZzzzzzzz

Buccaneer hat geschrieben:Freu mi rächt uf de Titel. Aber weiss nonig öb i söll Collector's bstelle.


Hend ihr scho potenzielli Lüt für n Gilde? Ich fänds no fresh wenn mer gad würed n G-Gilde is läbe rüefe. Oder äbe zwei Gilde. Eini für d Sith und eini für die netter Zitgenosse.

UI! Ich chum grad es Channeling vo de Uriella über, moment!

Es gitt denn e CH gilde, die inte händ ziit zum verblöde und leveld zum ihre online schwenis zpräsentiere, die andere händ fascht kei ziit und chattet so chli während em skelett töte. natürlich tüend die höchere migs zeugs is gildefach, die chlinere nämed eifach immer alles use und tüend amigs en hosechnopf ine.
irgend wenn wird denn de erschti dütschi iiglade will er cool isch, denn wird nüme schwiizerdütsch gredt im gildchannel. aaschlüssend fahred denn die erschte höchere uus zunere andere gilde, wills det meh abgaht und ziehnd es paar mit. die chliine logged denn mal ii und lesed das i de gildemessage of the day. denn dümplets nachli ume und mached entweder so wiiter oder höred uuf.

Isch das s schicksal gsi vu de (G) WoW gilde?

Asskicker hat geschrieben:Isch das s schicksal gsi vu de (G) WoW gilde?

das ischs schicksal gsi vo uusnahmslos jedere schwiizer gilde wo ich drin gsi bin, vo verschiedene perspektive uus.

drum macht me ja eigentlich au kei regionali gilde, sondern gilde mit lüüt wo all ds gliiche wei

wahr. aber wenigstens uf 1 server chönnt mr sich hie amigs scho einige bevor alli komplett woanders si.

ritschi hat geschrieben:wahr. aber wenigstens uf 1 server chönnt mr sich hie amigs scho einige bevor alli komplett woanders si.

Wieso au nid! Äb mer denn n Gilde macht oder nid isch ja offe. Und sälbst wenn, die muess ja nid nur vo G Members oder Schwizer läbe.

Früehner oder später gaht fast jedi Gilde zue. Also was sölls

was gnau isch was de häxxer gseit het

http://www.gamespot.com/pc/rpg/star-war ... alls;img;2" onclick="window.open(this.href);return false;

das mit de companions tönt frisch.

mir het das mit de companions vo afang ah ned so guet gfalle. ich bin halt irgendwo dure en einzelgänger und grad imene mmo wo eigentlich social isch findis irgendwie komisch und unpassend wenn jede en npc companion debi het.
aber schlussendlich ischs dlösig für vieli problem wo wow (gha) het, nämlich, dassmer als tank und healer problemlos chan levle oder au mal en instanz chan s'zweite mache, nüme selber farme müesse, wie in torchlight de companion währendem quest wegschicke zum zügs verchaufe usw.

aber ich freu mich scho als sith inquisitor de chli jailbait jedi zur dunkle site zbringe