The(G)Forum

.

Tönt vilversprechend

chüe melche isch nöd mis ding, aber mischte tueni morn am morge au.

nonig.

Xinobrax2 hat geschrieben:Mit Muet het das eigentlich gar nid sovil z tue...s isch eher e Mischig zwüschet "Figged oi" und "Mir doch egal".

Bi de Stüre z.B. gsen ich das so: Wenn ich em Staat e Rechnig schicke, denn interessiert das det kei Sau. Wenn si mir e Rechnig schicked interessiert mich das au nid => Mir sind quit. Wenn en Brief chunt wo drin stat ich müesi wider in Knast denn seg ich mir "Wenn ich dene en Brief schicke und si höflich drum bitte sich isperre z lah, denn werdedses wohl ignoriere. Also mach ich das au." => Mir sind quitt.

Also nöd "Fuck the System", sondern "Ignore the System".
E Gsellschaft wo vo A bis Z verdorbe isch (wer das andersch gset het s Recht dezue), het mir nüt vorzschribe.

Mit de Konsequenze muemer denn halt lebe.

Ich wills eifach nomal quote, wills so guet isch.


Ok, es hät villicht meh mitäre Entschlosseheit ztue, aber doch au sehr mit dä Möglichkeite, wo für eim grad vorhande sind.
Ich meine, du bisch sicher nöd eifach mal uuf eigeni Fuscht loszogge und bisch in es leerstehends Huus go wohne, sondern häsch sicher mal bitz Ahschluss gha, bi Lüütlis, wos ähnlich gsehnd oder en ähnlichi "Läbensfüherig" pfläged.
So en Ahschluss und Rückhalt han ich z.B. nie gha, nie kännt, bin nie mit so Lüüt in Kontakt gsi.

Ich has damals, woni nöch drah gsi bin fürchterlichi Angscht gha eifach mal uufzbräche mit Rucksack und Zält ganz und gar uuf mich allei gstellt si ohni jegliche Rückhalt (ussert dä vom Elterehuus, wärs würkli härt uf härt cho).
Ergo hätts für mich sehr viel Muet bruucht.
Jetzt isch zspaht, jetzt bin ich broche, aber hätt ich so Lüüt kännt, wär super gsi.

Hmmm....ich bin halt damals a die Occupy Zürich Demo gange. Det hani sogar de hanf atroffe Und wili eh nüt bessers z tue gha han bini denn grad is Camp. Ich han mich während dere aktive Phase vo Occupy Zürich um d IT kümmeret. Internet im Camp, Support im Camp, Website, Facebook, Youtube usw.. Mehreri Wuche lang hani mi do bi Minustemperature imene Zelt um de Scheiss kümeret Occupy isch zwar nie bi de breite Bevölkerig acho...und mittlerwile isches eh nur na en nervige Guetmensche-Idealische-Blüemli-Verein...aber d Lüt woni det kenneglernt han sind super! Vili hend det chli d Metalität "Ja scheiss druff, machedmers eifach mal. Vilicht chunts ja guet" gha. Nachdem denn di erschte 2 Camps gruumt worde sind hani zeme mit es paar anderne es Hüsli gsuecht...und eis gfunde. Das isch d Villa Schulthess in Stäfa gsi. Die isch denn allerdings nachere Wuche gruumet worde und mir sind i di nögscht Villa z Männedorf. Det simer denn über es halbs Jahr blibe...bis zur nögschte Rümig. So hets agfange...wobi mir scho immer irgendwie klar gsi isch, dass ich eines Tages mal so will lebe

Vyse hat geschrieben: Ich has damals, woni nöch drah gsi bin fürchterlichi Angscht gha eifach mal uufzbräche mit Rucksack und Zält ganz und gar uuf mich allei gstellt si ohni jegliche Rückhalt (ussert dä vom Elterehuus, wärs würkli härt uf härt cho).
Ergo hätts für mich sehr viel Muet bruucht.
Jetzt isch zspaht, jetzt bin ich broche, aber hätt ich so Lüüt kännt, wär super gsi.

chum jetzt, so viel muet brucht das nöd. d schwiiz hät ja es super rettigsnetz, wenns mal nöd so recht sött laufe. wenn jetzt in somalia gebore wärsch, würdi dini angst ja verstah.

S dumme jetzt isch nur, dass du dich viellicht ade luxus vom "greglete" Lebe gwöhnt häsch.

xino does what vyse doesn't

Vyse hat geschrieben:Jetzt isch zspaht, jetzt bin ich broche, aber hätt ich so Lüüt kännt, wär super gsi.

sone fertige chabis, zerfliessisch i dim selbschtmitleid und wartisch ufd erlösig?
ich ha de aschluss au nie gha, de han ich mir selber gschaffet.

also bitte, finger usem füdli und eifach MACHE, die autonome erkennsch vo wiitem, und es paar vo ihne sind sogar ufgschlosse gägenüber dene wo "scho broche sind".
mues aber zuegä das au i de autonome szene sehr vil trottle vercheered. so "ich schiss uf alles"-schmarotzer wo nur am jammere sind.

Avenger hat geschrieben:xino does what vyse doesn't

er läbt sozäge sin traum uus

chum ad gamenight. de chasch en vortrag über dini abetür abhalte u bitz retro zöckle.

Am 20. Juli in Chlote? Mal luege...warum eigentlich nöd...

Ah ja, ich han mal no versuecht Musig z mache: https://soundcloud.com/grauzone/my-bed-remix" onclick="window.open(this.href);return false;
Di nögschte Tracks werded denn chli besser...ich üebe na.

Overdose hat geschrieben:chum ad gamenight. de chasch en vortrag über dini abetür abhalte u bitz retro zöckle.

Ich würd sehr gern zuelose!

Xinobrax2 hat geschrieben:Am 20. Juli in Chlote? Mal luege...warum eigentlich nöd...

Ah ja, ich han mal no versuecht Musig z mache: https://soundcloud.com/grauzone/my-bed-remix" onclick="window.open(this.href);return false;
Di nögschte Tracks werded denn chli besser...ich üebe na.

isch no geile track. machsch das recht guet.

lol ja chum a d'GN go zoggle... 20. Juli in Chlote.

de itrit u en gratis burger wird der sicher vom shadow spendiert

De Track isch recht safe! Woher häsch d'Vocals?

Supersonic hat geschrieben:De Track isch recht safe! Woher häsch d'Vocals?

Marbert Rocel - My Bed: http://www.youtube.com/watch?v=DhAlptt4eXk" onclick="window.open(this.href);return false;

Xinobrax2 hat geschrieben: Ah ja, ich han mal no versuecht Musig z mache: https://soundcloud.com/grauzone/my-bed-remix" onclick="window.open(this.href);return false;

Total dä Gueti-Luune Song.

Dufte Hoch 3!!!

find ihn langweilig. da ändert sich gar nix außer dem gesang.

General Schaden hat geschrieben:find ihn langweilig. da ändert sich gar nix außer dem gesang.

Eigentlich scho, mol...s isch e Kombination us monotonä Kläng und minimale Veränderige. Richtig platziert triggeret das Gfühl und Emotione. Aber wo nüt isch chan natürlich au nüt triggeret werde. Nögscht wird besser, ich schwörs. Schön melancholisch...

Isch scho so. Es gits songs oder Stück dervo, wo gäng ähnlech töne und trotzdem chönnt me se ewigs lose. Drum bini grosse Fan vo chillout music. Chamesech richtig verlühre drinn inne. Git ou es Lied vo Beatles vo sech eeeewigs zit am Schluss. Finde das eifach phänomenal.

Mal suchen...Aja logisch! HEY JUDE! Isch eternal!


Quelle

Quelle

Witere Klassiker.

General Schaden hat geschrieben:find ihn langweilig. da ändert sich gar nix außer dem gesang.

Chilled out, Hängematten, Sonnenuntergang und Dosenbier VS Fabrikhallen mit Säulen und heftigem Technosound?