The(G)Forum

chas chum erwarte das teil ds spilä

genau mis game! woohoo

zwirrlibatz hat geschrieben:

Developer: Team Bondi
Publisher: Rockstar

Ah, ja dänn isch ja alles klärt!

eifach immer mich frööge.


--

paar clips gluegt und das isch ja de halb Mad Men cast!!! und de michael mittermaier. mueniha. dänn emal nach em witcher premonition ocarina dukem.

"ämötschön intschen"

powered by "ämötschön intschen"

es isch so komisch ruhig i dem thread entweder isch sgame en huere scheiss oder es sind alli gflasht devo ich gangs hüt mal go chaufe

ich has noed, aber es isch sicher no dae guedd.
http://screwattack.com/videos/VGR-LA-Noire

Hüt chanims mol spile. Super.

also s'internet seit dasses ebe doch gar ned sooo guet isch.
spielerisch ischs halt total langwilig und au na extrem repetitiv.
am afang wird das dur die excellent präsentation und offebar guete story na grettet aber irgendwenn hangts eim zum hals use

ich glaub ich chaufs doch ned, vorerscht uf jede fall

s internet lügt.

ja denn verzelled mal
i dem forum hets na kein einzig positivi meinig vo öpperem wos spielt het

verwunderet mich. ich has gescht jez 6 stund gspielt, am stuck wohlbemerkt und mich hetts blendend unterhalte. d fäll hani würkli spannend gfunde und drum immer de nögscht au gad no gmacht. dur die einzelne action element wo doch no hesch findis au abwechligsriich. logisch machsch relativ viel s gliche. opfer untersueche, tatort untersueche, die verdächtige befrage usw.. do das aber verdammt guet präsentiert isch findis alles andere als langwilig. schliessli gots ja nöd immer um s gliche. und ebe die reaktione bzw. gsichtsanimatione vo de befragte sind ja wahnsinn.

wenn mol luscht hesch zum es paar lüt über de huffe z ballere machsch es paar street missione. ich würd behaupte es lohnt sich sicher das spiel z chaufe. (mier gfallt halt au das ganze setting extrem guet, vilicht tue ich das au chli höch werte.)

Has jetzt dure und mue säge es isch super!

S feeling dur LA z kurve isch unglaublich!

Wer es Mafia in LA erwartet hät sich abe gschnitte - isch eher CSI als umegeballer.

Mich häts vu afang bis ändi sehr guet unterhalte!

Ich freu mich uuf dem Spiel, chaufs denn aber erst wenni in London bin!
Logisch isches super, dass weiss ich jetzt scho

lakritz hat geschrieben:verwunderet mich. ich has gescht jez 6 stund gspielt, am stuck wohlbemerkt und mich hetts blendend unterhalte. d fäll hani würkli spannend gfunde und drum immer de nögscht au gad no gmacht. dur die einzelne action element wo doch no hesch findis au abwechligsriich. logisch machsch relativ viel s gliche. opfer untersueche, tatort untersueche, die verdächtige befrage usw.. do das aber verdammt guet präsentiert isch findis alles andere als langwilig. schliessli gots ja nöd immer um s gliche. und ebe die reaktione bzw. gsichtsanimatione vo de befragte sind ja wahnsinn.

wenn mol luscht hesch zum es paar lüt über de huffe z ballere machsch es paar street missione. ich würd behaupte es lohnt sich sicher das spiel z chaufe. (mier gfallt halt au das ganze setting extrem guet, vilicht tue ich das au chli höch werte.)

perfekt umschribe.. macht weme uf das thema steit extrem spass, shet sogar chli vomene shenmue

was eifach us dr höu isch isch dstürig, dcam, u ds outofahre..

aber dstory, charaktere, gsichter, fäu, dstadt mega!

bi scho uf disc 3

wenn gitts pc version

discs wächlse ROFFELOLOFLEOFEL.

Teilwis isch es fragwürdig glöst mit de findbare Hiwis, vor allem da merkt mer, wie igschränkt mer doch isch. Aber sust isch's scho e ganz guets Spiel worde. I bi au ganz froh drüber, dass sich die Autos nöd so veraltet stüret, wie mer's vom Game het chönne erwarte. Be so lange Streckene mit lahme Autos no umedüse zmösse, wär ja Horror gsi. Natürli chönt mer das jetzt au negativ werte. The Getaway isch dadurch e zimlichi Höll worde.

Wer fahrt bitteschön über witeri streckene? Wer do nöd de cpu fahre lot isch recht tumm. Und d street missione sind meischtena i de nöchi wenn e churzi strecki selber fahrsch.

Spil isch super! Genau das woni mer erhofft ha!

paar fäu si aber scho rächt igschränkt u huuere unlogisch..

u d ki isch öppe ufem niveau vo brotstückli..

ig findes o huere geil, setting, sound, eifach dr hammer.
okay es isch eher ruhig, aber mal wieder es game zum chli entspanne find ig okay.
lüt verhöre und versueche us dene ihre wahnsinnig guete animerte gsichter abläse obs lüged oder d`wahrheit säge find ig eifach motivierend.

was sehr sehr schad isch, dasme kener verhör eifach so widr cha widrhole.. wär no gäbig gsi wes e retry müglechkeit hätt..

Kasch ja der Fall wiederhole.

Nach jedem Kack Verhör e Retry Button würd das Game ja no viel eifacher mache Wär ja au nid luschtig wenn Dich nach jedem Dialog könntisch "umentscheide".