The(G)Forum

i de schwiiz isch kei impfpflicht. aber wenn öper ghört das dis chind nöd gimpft isch gits riise skandal. nach eim jahr hin un her und etliche gspröch mit verschidene doktore hemmer üse sohn denn gliich no gimpft mit 12 monate.

muesch selber wüsse öb eme arzt wötsch traue wo sini chind au gimpft het oder a so alternativi ungebilteti wo im wohnwage wonned.

spricht nid grad für dich, wiä das tönt...


Irgendwiä hed sich vo all denä ungimpftä glaub no gar niemert gmäldet... isch dogma?

wahrschienlich sind eh alli mal gimpft worde. spötestens im militär händ alli nomal en cocktail übercho.

geosnow hat geschrieben:wahrschienlich sind eh alli mal gimpft worde. spötestens im militär händ alli nomal en cocktail übercho.

Das nimmt mi ebä Wunder... Lut Umfrog sind 10 gimpft, 9 ungimpft... fascht halbe halbe. Bis jetzt hani aber nur vo Lüt gläsä wo gimpft sind, drum hani also chli Zwifel a derä Umfrog.

s resultat vo dere umfrag isch eher, würdet ihr eu jetzt nomal impfen.

I de erste Primarklass sind mir alli gimpft worde. Ohni s wüsse vo de Eltere. Ganzi Klasse sind i wenige Stunde gimpft worde.

Als Erwachsne han mi mal gäge gwüssi Sache la impfe wäg enere Uslandreis. Hepatitis udn so gschmeus.
Sust tuen ich nid impfe oder so und bin demit immer guet gfahre. Vo Tier bisse worde, uf rostigi Nägel gstande und was weiss ich no was... immer gsund gsi. Und 1x im Jahr en Grippe findi güt. Das isch imfpig gnueg. Das Thema interessiert mi nid gross. Wirde mich denn aber wieder demit befasse, wenns mal Nachwuchs sötti gäh.

min arzt het grad jetzt en fall wo eini mit 30i hepatitis becho het und lebere futsch. also nimmsch lieber die nebewürkige wie heuschnupfe usw. in kauf defür wirsch 100 jahr alt

es git au lüt wo meined, dass mer mit handuflege chrebs heile chan.

XYBOT hat geschrieben:nimmsch lieber die nebewürkige wie heuschnupfe usw. in kauf defür wirsch 100 jahr alt

ja, lol. und usnahmswiis jede artzt impft sini chinder. isch guet.

Buccaneer hat geschrieben:I de erste Primarklass sind mir alli gimpft worde. Ohni s wüsse vo de Eltere. Ganzi Klasse sind i wenige Stunde gimpft worde.

mir sind au mal i dä primar dra cho. aber gitt ja kei impfpflicht.

No niemert gmeldet.... Hie! Unbildeti alternativi im Wohnwage.... Was für e Schtuss

geosnow hat geschrieben:es git au lüt wo meined, dass mer mit handuflege chrebs heile chan.

drbii ischs umgekehrt

Herr Rossi hat geschrieben:No niemert gmeldet.... Hie! Unbildeti alternativi im Wohnwage.... Was für e Schtuss

Ich han gmeint d Abstimmig sig en Witerfüehrig vo de im Titel gstelltä Frog. Du hesch jo au gseit du sigsch gimpft wordä...

Aber ebä, ich han das i dem Fall villicht chli falsch verstandä.

schtimmt, ha ja sälber au nei gschtumme. wird wahrschinlech tatsächlech jede gimpft sii. das jedoch nid us freiem wille.

Herr Rossi hat geschrieben:schtimmt, ha ja sälber au nei gschtumme. wird wahrschinlech tatsächlech jede gimpft sii. das jedoch nid us freiem wille.

impfpflicht, guets wort.

prompte impfpflicht.

http://www.wasserkultur.com/Uebersaueru ... 2-2007.pdf" onclick="window.open(this.href);return false;

das stimmt mit mine eigene erfahrige und mit dem was ich susch so mitbecho ha überein.
dimpfige understützed aso das mer chrank werde chönd, anstatt chrankheite vorzbüge.

aber wenn er wönd döfed er mich natürlich au beleidige und wieterhin ah eune illusione und dogme festhebe.
isch ja au liechter anstatt das glernte zhinderfröge, oder dere lebenswiis eh chance zgeh.

Mastler(P) hat geschrieben: ah eune illusione und dogme festhebe.
isch ja au liechter anstatt das glernte zhinderfröge.

du machsch ja sgliche au, oder?
ich han vo dir de idruck du glaubsch jede seich wo du irgendwo es youtube video devo gsehsch, ich weiss ned ob das würklich so isch. ich weiss nur, dass das de idruck isch wo du da hinderlasch. wenn irgendöpper irgendein seich vo all dem quatsch wo du postisch agrift wirsch gra emotional und aggressiv. wie gseit, das isch nur de idruck wo du hinderlasch, de isch halt ganz und gar nöt guet. zieht sich aber dus ganze forum, ned nur da.

ich vermuete au, oder hoffes zumindescht, dass du weisch, dass dini selektivi wahrnehmig bezüglich impfig ned würklich repäsentativ isch. es git ja klari zahle wo für sich spreched. oder entsprichts nach diner meinig ned de wahrheit, dass einige tödlichi chrankeite dank impfig so guet wie usglöscht sind i eusne regione?

natürlich hämmer alli eusi eigni illusione, das isch normal. emotional werd ich mängisch scho, aggressiv weniger.

wie repäsentativ mini meinig isch, isch türli relativ oder sogar fraglich.
ich will eu das eifach as herz legge will ich das durch beobachtige und selbstversüech für mich als korrekt oder bruchbar erwiese hät.
aber ebe, was er schlussendlich mit dene infos mached isch eui sach.

und nei, ich glaub nöd automatisch alles was ich gsehn.
ich lehn aber s meischte au nöd direkt ab, sondern tus uf standby ala, chönt si, chönt nöd si, respektiv zur nahvervolgig.

ad reptilietheorie glaubi zb. nöd, so wies vom icke propagiert wird. han mir das bis vor churzem aber als möglich ufd site gleiht.

Mastler(P) hat geschrieben: ich will eu das eifach as herz legge will ich das durch beobachtige und selbstversüech für mich als korrekt oder bruchbar erwiese hät.
aber ebe, was er schlussendlich mit dene infos mached isch eui sach.

ich denke die meischte da im forum, und nach mine erfahrig au die meischte überhaupt, gsehnd das halt ned so schwarz wiis, sondern gsehnd, dass es paar impfige git wo sich bewährt hend, wäg dem sich aber au nöd weg jedere gripp oder was au immer sich zügs in körper sprütze löhnd. es brucht halt es gwüsses mass information und vernunft. und en allgemeine ussag wie, dass impfige grundsätzlich understützet, dass mer chrank wird, halti ned für vernünftig.

isch eigentlich nöd ih jedere impfig quecksilber? weisch du das?
und wenn ja, wozue?

aber die ussag vo mir chunt us schlüss wo ich über das verlinkte pdf zoge han.
isch natürlich au nur hypothese. quasi wenn das stimmt, wie ich dä ihdruck han, denn sind all impfige unnütz.

Moff hat geschrieben:.... es git ja klari zahle wo für sich spreched....

es gid au klari zahle wo genau für s gägeteil schpräched.
http://www.initiative.cc/Artikel/2002_1 ... umente.htm" onclick="window.open(this.href);return false;

die einzig infektionschrankheit wo dür imfpige fascht komplett usgrottet worde isch sind blattere (pocken).

dine idruck (ja dine, und nid de allgemein!) wo de mastler bi dir hindelod chani scho nachvollzieh, es lid ja ide natur vom mönsch sich es feindbild zschaffe (bzw sine eiget standpunkt zverteidige). er bieted sich da halt praktischerwiis ah. sini reaktion(e) gsehn ich eher als chli provokativ statt emotional. emotionla isch höchschtens d thematik. das thema sel au chli provoziere und zum nachegrüble arege, uf beidne site.

übrigens e guete ziitpunkt zum d problematik vo infektionschrankheite wider chli i ruum zrüere; e kolleg hed dank sim spitalufenthalt jetz au s vergnüege gha z erfahre was a-streptokokken mit eim chönd aschtelle.

als chlises bischpil; in dütschland stärbed jedes jahr rund 40'000 mönsche anere infektion. zum verglich; a de saisonale grippe stärbed jährlich 10'000 dütschi.

das diagramm i dim link erweckt de idruck, tetanus wär nur i dem markierte zitrum gimpft wurde, tatsächlich gits die impfig scho sitem 19. jahrhundert. das sind ebe gnau die unseriäse halbwahrheite wo mich nerved.
luschtigerwis gits aber au dem diagramm denn doch au na en signifikante rutsch abe, ich weiss würklich nöd wass die site (wo übrigens au susch ned grad an überzügende idruck macht, aber easy, jede het s'recht was zsäge) eus mit dem mitteile will. tönt nach sehr selektive uswertige, gnau wie au de rescht vode bispil. ich blib debi dass zahle für sich spreched.
d'argumentation, de wahri grund hinderem rückgang vo tetanus seiged die verbesserte lebensbedinge, findi au bescheide, will halte impfige durchus au en teil vo dene verbesserte lebensbedingige sind.

Herr Rossi hat geschrieben: als chlises bischpil; in dütschland stärbed jedes jahr rund 40'000 mönsche anere infektion. zum verglich; a de saisonale grippe stärbed jährlich 10'000 dütschi.

https://www.destatis.de/DE/Startseite.html" onclick="window.open(this.href);return false;

lueg, es hät au weniger lebchueche in tütschland.

https://www.destatis.de/DE/ZahlenFakten ... esamt.html" onclick="window.open(this.href);return false;

stimmed dini zahle?

je nach ideologie und/oder was eim de xund mönscheverschtand seit sind zahle ebe einisch sehr suschpekt, widerum anderi sehr glaubhaft. ich blib drum au debi; impfe isch für pfüchs und choscht e huufe gäld. defür schaffts au vil arbetsplätz, was widerum defür schpricht.